Author Archives: Эргешов Бактыбек

Полиция өкүлү саясатчынын жүрөгү бир саамга токтоп калганын айтты.

Токионун мурдагы губернатору да ушундай эле сөз айкашын колдонду.

“Би-Би-Си” Жапонияда “өлүм расмий түрдө тастыктала элек маалда ушундай термин колдонуларын” жазды. Жапониянын премьер-министри Фумио Кисида мурдагы өкмөт башчынын абалы “өтө оор” экенин билдирди.

NHK телеканалынын кабарчысы жеринен маалымдагандай, Абэ Нара шаарында парламенттин жогорку палатасына шайлоо өнөктүгү алкагында өзү мурда жетектеген Либералдык-демократиялык партияны колдоп сүйлөп жаткан. Белгисиз киши ошол маалда анын далысына эки жолу аткан. Жаракат алган саясатчы кансырап, эс-учун жоготкон.

Абэни ооруканага тик учак менен жеткиришкен.

Кол салган киши Нара шаарынын 41 жаштагы тургуну Тэцуя Ямагами экени белгилүү болду. Ал киши өлтүрүү шеги менен кармалды. Мындай кадамга эмне себептен барганы азырынча белгисиз. Жергиликтүү басылмалар Тэцуя Ямагами Жапониянын деңиз күчтөрүнүн мурдагы кызматкери экенин жазууда.

67 жаштагы Синдзо Абэ премьер-министрликтен 2020-жылы кеткен. Бирок Жапониянын башкаруучу Либералдуу-демократиялык партиясынын таасирдүү өкүлү бойдон калган.

Талкуунун жүрүшүндө Европа Биримдигинин мыйзам чыгаруу органынын мүчөлөрү аймакта демонстранттарга каршы ашкере күч колдонулганына, кишилердин өлүмүнө, адам укуктарынын бузулушуна жана журналисттердин кысымга алынышына тынчсыздануусун билдиришти.

Депутаттар Европарламентке Адам укуктарын коргоо декларациясын аткарбаганы үчүн тажик өкмөтүнө басым көрсөтүү чараларын колдонууга чакырды.

Еврокомиссиянын мүчөсү Виргиниюс Синкявичюс Тажикстан өкмөтүнө бул өлкөнүн укук коргоо органдары мыйзамдуулук принциптеринин алкагында иш алып баруусу керектигин жана кысым менен куугунтукка чекит коюшу зарылдыгын маалымдоону сунуштады.

Синкявичюс Еврокомиссия Бадахшандагы абалга тыкыр көз салып турганын жана кайгылуу окуяларды эл аралык жана көз карандысыз иликтөөгө жетишүүгө ниеттенип жатканын кошумчалады.

16-17-майдагы акцияларда жергиликтүүлөр менен полиция кагылышкан. Расмий маалыматка караганда, тополоң учурунда 16 киши өлгөн, 220 киши кармалган. Расмий эмес маалыматтарда бул окуяларда набыт кеткендердин саны алда канча көп экени айтылууда.

Күч органдары 18-майда нааразылыкка чыгып, жол тоскон адамдарды “деструктивдүү күчтөр” деп атап, аларга каршы “антитеррордук операция” өткөргөн.

Темиров аны кармап кетишкен күнү наркологиялык текшерүү учурунда милиция кызматкери тарткан видео жана Temirov LIVE каналынын тергөөчүлөр алып кеткен компьютериндеги видеолор кийин социалдык түйүндөргө фейк аккаунттар аркылуу тараганын жүйө келтирип, мындайга жол берген ички иштер кызматкерлерин жоопко тартуу тууралуу арыз менен прокуратурага кайрылган. Прокуратура ал арызды колдоодон баш тарткан:

“Кылмыш ишине тиркелген нерселер биздин компьютерлердин ичинен жана өзүлөрү тарткан видеолор бизди жамандап чыгарган фейк аккаунттар менен милиция кызматкерлеринин байланышы бар деп прокуратурага арыз бергенбиз. Иш козгобой койду. Анан биз прокуратуранын мындай чечимин сотко бердик”.

Журналисттин айткандары боюнча шаардык милиция азырынча комментарий бере элек.

Темировдун жана аны менен иштешкен төкмө акын Болот Назаровдун ишин Свердлов райондук соту карап жатат. Аларды милиция быйыл 23-январда кармап, чет жакка чыкпоо тууралуу тилкаттын негизинде кайра бошоткон. Ошол эле күнү Улуттук коопсуздук боюнча мамлекеттик комитеттин (УКМК) төрагасы Камчыбек Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Анын алдында Болот Темировдун “Ютубдагы” Temirov LIVE каналына жемкорлук тууралуу иликтөө жарыяланып, анда Ташиевдин аты аталган.

Темировго жана Назаровго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон. Темировго жалпы төрт иш ачылып, баары бириктирилип каралууда.

Журналист бул иштерди куунутук деп мүнөздөп келет.

УКМК жана Ички иштер министрлиги (ИИМ) журналистке бут тозуу болуп жатканын четке каккан. Президенттин басма сөз кызматы бийлик иликтөөчү журналисттерге колдоо көрсөтөрүн билдирген.

Төкмө акын Болот Назаров “Ютуб” каналына жемкорлукту ашкерелеген чыгармаларын жарыялап келет.