АРХИВДЕР

Элчи 2016-жылы декабрда Анкара шаарындагы сүрөт көргөзмөсүндө сүйлөп жатканда кол салууга кабылган. Аны аткан 22 жаштагы полиция кызматкери Мевлүт Алтынташты коопсуздук күчтөрү окуя болгон жерден атып өлтүрүшкөн.

«Би-Би-Си» бул иш боюнча 28 кишиге айып тагылганын жазган. Алардын ичинен алтоо беш жылдан тогуз жылга чейинки мөөнөткө соттолсо, дагы алты киши акталып, чет өлкөдө жүргөн бир нече кишиге карата сыртынан өкүм чыккан.

РИА Новости агенттиги өз кабарчысына шилтеме кылып, тогуз киши беш жылдан 15 жылга чейинки мөөнөткө соттолуп, бешөө акталганын, дагы тогуз шектүү издөөдө экенин кабарлады.

Бул иш боюнча сот 2019-жылы январда башталган. Сотто айыпталуучулардын АКШда жашап жүргөн динаятчы Фетхуллах Гүленге тиешеси бар экени айтылган. Анкара ФЕТО деп атаган Гүлендин уюму Түркияда террордук деп айтылып келет.

Андрей Карлов Орусиянын Түркиядагы элчиси кызматына 2013-жылы июлда дайындалган. Ага чейин Орусия Тышкы иштер министрлигинин Консулдук департаментин жетектеп, 2001-2006-жылдары Орусиянын Түндүк Кореядагы элчиси болгон.

 Булак: “Борбор Азия жаңылыктар кызматы”

Буга чейин оппозициячыл «Мекенди коргоо үчүн кыймылынын» лидери Вазген Манкуян тарапташтарын депутаттарды парламент имаратына киргизбей, аны курчап алууга чакырган.

«Келгиле, парламент имаратын курчап, депутаттарды киргизбейли. Чатырларды тигип, ал жерде күн сайын 200дөй тарапташыбыз түнөшү керек», — деген ал.

Бир катар оппозициячыл депутаттар катуу кагылышуулардын алдын алуу үчүн полиция менен чогулгандардын ортосунда турууга аргасыз болушту.

Атайын коопсуздук кийимдерин кийген полиция кызматкерлери элди күчтөп таркатуу аракетин жасаган жок.

«Мекенди коргоо үчүн кыймылынын» координатору Ишхан Сагателян тарапташтарын чагымга алдырбоого чакырды. «Эч кимибиз Улуттук Жыйындын дарбазасын бузуп ичкери өтпөйбүз. Бул – биздин парламентке каршы жарандык баш ийбөө чарабыз болуп саналат», – деди ал.

Өкмөт башчы Пашинян өткөн жылы Тоолуу Карабак аймагына байланыштуу Азербайжан менен армян күчтөрүнүн ортосундагы алты апталык согуштан кийин ок атышууну токтотуу боюнча үч тараптуу келишимге кол койгондугу үчүн армян оппозициясынын кызматтан кетишин талап кылган нааразылык жыйындарына туш болду.

 Булак: “Борбор Азия жаңылыктар кызматы”

Коомдук тармактарда жана «Ютубда» Ош шаарынын мэри эжесинин атына катталган жерге хан сарай курдуруп жатат делген видео жайылууда. Аны автору «Бул имарат бүтсө, Раимдин үйү да жолдо калат» деп сүрөттөгөн.

Мэриянын басма сөз катчысы Азамат Абсаттаров бул маалыматты төгүндөп, салынып жаткан үй мэр Таалайбек Сарыбашовго да, анын жакын туугандарына да тиешеси жок экенин билдирди. Анын айтымында бул жергиликтүү кеңешке шайлоо алдындагы саясий каралоо.

«Азыр Ош шаарындагы саясатчыларда, олигархтарда, байларда бир эле маселе турат. Шаардык кеңешке өзүнүн таасирин көрсөтүп, партиясын алып келүү. Андан соң мэрди шайлоо. Бул шайлоонун шайтан оюну. Каралоо, копраматтарды чыгаруу ар кандай жалаа жабуу мыйзам ченемдүү эле көрүнүш да»,-деди Азамат Абсаттаров.

Ош шаарынын мэри Таалайбек Сарыбашов 2018-жылдан бери мэрияны жетектеп келе жатат. Ал 2012-жылы Алай районунун акими болуп дайындалып мамлекеттик кызматка алгач ирет келген. 2015-жылы Ош облусунун губернатору болуп дайындалган.

Айрым фермерлер жаштарга бекер жер берүү аларды зыянга учурата турганын билдиришүүдө.

– Жер салыгы мурдагыдай эле биздин мойнубузда. Биз алакандай жерди да болушунча пайдалуу колдонууга аракет жасайбыз. Алар жер үчүн бир тыйын төлөбөй пайда табышат. Бул кимге жагат?, – деди самарканддык фермер.

Намангандык фермерлердин бири жергиликтүү бийлик күч түзүм кызматкерлеринин кысымы менен ишсиз жаштарга жер бөлүп берүүгө мажбурлашканын айтты.

– Жерибизден толугу менен кол жууп калуудан коркуп, өкмөттүн буйругун аткарууга туура келди, – деди фермер.

Бул арада райондук жана облустук администрациялар фермерлерди ишсиз жаштарга жер бөлүп берүүгө мажбурлап жатышканы жөнүндө маалыматтарды четке кагышты. Жергиликтүү бийликтин маалыматына караганда, эгин талаалары фермердик чарбалардын мүмкүнчүлүгүнө жараша берилүүдө.

Өзбекстандын президенти Шавкат Мирзиёев 27-январда айыл чарба жерлерин бөлүп берүү менен жаштарды иш менен камсыздоону талап кылган.

Булак: “Борбор Азия жаңылыктар кызматы”

Маалыматка караганда, Дүйнөлүк саламаттык сактоо уюмунун (ДССУ) COVAX программасынын алкагында Тажикстан COVID-19га каршы 730 миң AstraZeneca вакцинасын бекер алат.

9-мартта Санитардык-эпидемиологиялык көзөмөл кызматынын башчысы Навруз Жафаров өлкөгө AstraZeneca вакцинасынын 192 миң дозасы жеткирилгенин билдирди.

«Азырынча вакцина атайын бөлүнгөн жайларда сакталат. Биз калкты эмдөө тууралуу токтом даярдап койгонбуз. Ал министрликтер менен мекемелердин кароосуна жөнөтүлүп, өкмөт кол койгондон кийин эмдөө иштери башталат. Алгач дарыгерлерди эмдөө каралууда», — деди Жафаров.

Анын айтымында, ДССУ бекер бере турган вакцина өлкө муктаждыгынын 20% жабат, калганын сатып алууга туура келет. Буга чейин Кытай бийлиги да Тажикстанга бекер вакцина берген.

Өткөн жуманын аягында Коронавируска каршы күрөшүү боюнча республикалык штаб Саламаттык сактоо министрлигине калкты COVID-19га каршы эмдөө боюнча даярдык иштерин баштоо тапшырмасын берген.

Февралда Саламаттык сактоо министрлиги калк арасында сурамжылоо жүргүзүп, жыйынтыгында ага катышкандардын 81% COVID-19га каршы эмдөөдөн өтүүгө макул экенин билдиришкени айтылган.

Ал ортодо Дүйнөлүк банк COVID-19га каршы вакцина сатып алуу үчүн Тажикстанга 8,63 миллион доллар өлчөмүндө жардам бергени кабарланууда.

Тажикстандын Саламаттык сактоо министрлиги акыркы эки айдан бери өлкөдө коронавирус жуктурган бир да учур каттала электигин билдирип келет. Расмий маалыматтарга ылайык, пандемия башталгандан бери Тажикстанда 13 38 киши вирус жуктуруп, 90 бейтап көз жумду.

Булак: “Борбор Азия жаңылыктар кызматы”