ДҮЙНӨ ЖҮЗҮНДӨ

Гриффиндин шейшембиде жарыялаган видеосун CNN телекомпаниясы “жийиркеничтүү” деп атады. Компания аны быйыл Жаңы жыл алдында Таймс-скверде өтө турган атайын оюн-зоок программасын алып барууга чакырбай турганын жарыялады. Нью-Мексико штатындагы кумаркана дагы Гриффиндин 22-июлга белгиленген иш-чарасын жокко чыгарды.

Трамп Гриффиндин видеосуна жооп иретинде Твиттерге мындай нерсе жараткандыгы үчүн ал уялуусу керектигин жазды. Биринчи айым Мелания алып баруучуну айыптаган жеке билдирүү менен чыкты. “Эне, өмүрлүк жар жана инсан үчүн бул сүрөт өтө коркунучтуу. Дүйнөдө болуп жаткан ырайымсыздыктарды карап отуруп, бул сыяктуу сүрөттү жараткан кишинин акыл-эси сообу деп ойлоого аргасыз болосуң”,-деди ал.

Куудул Гриффин Трамп тууралуу видеосу күлкүлүү эмес, өтө коркунучтуу болуп калганын моюнга алып, кечирим сурады.

56 жаштагы актриса, “Эмми” сыйлыгынын лауреаты Трамптын дарегине көптөн бери кескин сындарды айтып келген.

Булак: “Борбор Азия жаңылыктар кызматы”

“Талибан” өкүлү Забиулла Муджахид кыймылдын чабуулга такыр тиешеси жок экенин, алар жай тургундардын өлүмүнө алып келген кол салуулардын барын айыптай турганын билдирди.

Reuters агенттигинин билдиришинче, Ооганстандын атайын кызматы, Улуттук коопсуздук директораты кол салууну “Талибан” менен байланышы бар “Хаккани” түйүнү Пакистандын жардамы менен жасаган деп эсептейт. Ушул эле версияны Ооганстандын мурдагы айрым расмий өкүлдөрү дагы кубаттайт. Пакистан бийлиги “террордук чабуулду” айыптап, Ооганстан менен тилектеш экенин билдирди.

Рамазан айында ири кол салууларды уюштуруп жүргөн “Ислам мамлекети” экстремисттик тобу азырынча билдирүү менен чыга элек.

ИМ тобу 30-мартта Кабулдагы аскер госпиталына чабуул жасап, 50дөн ашык адам мерт кеткен.

Булак: “Борбор Азия жаңылыктар кызматы”

Орусиялыктардын сүйлөшүүлөрү америкалык контрчалгын мекемеси тарабынан жаздырып алынып, «Орусия администрацияга таасир эте алат» деген божомолдордун жаралышына себеп болгон.

Булактардын биринин маалыматы боюнча кеп болуп жаткан компромат каржылык мүнөзгө ээ болгон. Ошол эле маалда талдоочулар орусиялыктардын ал билдирүүлөрү шайлоо өнөктүгүндө дүрбөлөң чыгаруу үчүн «апыртылган же ойдон чыгарылган болушу мүмкүндүгүн» эскертишүүдө.

CNN орусиялыктар сөз кылган Трамптын шайлоо штабынын бир дагы кызматкеринин аты-жөнүн атаган жок. Өткөн жылкы шайлоого Орусиянын ыктымал кийлигишүүсүн иликтеп жаткан ФБР орус тараптын ал билдирүүлөрүнүн текшерилген-текшерилбегендиги боюнча комментарий бере элек.

Президенттин өзү Twitter баракчасына: «Орусия бийлигиндеги адамдар Кошмо Штаттарга күлүп жатышса керек. Жалган маалыматтардын каналына айланган ММКлар жеңилүүсүн актоо үчүн демократтар тарабынан ойдон чыгарылган болбогон түшүндүрмөлөрдү таратып жатышат», — деп жазды.

Булак: “Борбор Азия жаңылыктар кызматы”

Трамп мобилдүү телефонунун номерин Мексика президентине жана Канада премьер-министрине берген. Канада өкмөт башчысы Жастин Трюдо ага чалып жиберүүгө дагы үлгүргөн. Трамп Франция президенти Эммануэль Макрон менен дагы телефон номерин алып-беришкен.

Басылманын маектешинин айтымында, АКШ президенти бекем корголгон имаратта кандай гана мобилдүү телефон менен колдонбосун сүйлөшүүлөрдү башка өлкөлөрдүн атайын кызматтары тыңдап коюшу ыктымал.

Өткөн президенттик шайлоо кампаниясы тушунда Трамп атаандашы Хиллари Клинтонду корголбогон электрондук почта аркылуу кат алышкандыгы үчүн сындаган.

Булак: “Борбор Азия жаңылыктар кызматы”

Маалыматтарга караганда, өлгөндөр арасында аялдар жана балдар арбын.

Жардыруу 31-майда эртең менен президенттик сарай менен дипломатиялык өкүлчүлүктөрдүн имаратынан алыс эмес жерде болгон. Алдын ала маалыматтар боюнча мина коюлган унаа жарылган. Жарылуу толкуну жүздөгөн метр алыстыктагы имараттарды зыянга учураткан.

Кабулдун полиция өкүлү Басир Муджахид жардыруу Германия элчилигинин жанында болгонун кабарлады. Анын айтымында, ал жерде башка дагы маанилүү объектилер орун алган, андыктан бутага кайсынысы алынганын так айтуу кыйын.

Кабулдун борбору курчоого алынды. Полиция окуянын чоо-жайын иликтөөдө. Азырынча бир дагы топ жардыруу үчүн жоопкерчилик ала элек.

Майда Америка элчилигинин алдындагы жардырууда тогуз жай тургун курман болгон. Былтыр июлда Кабулда акыркы 15 жылдагы эң ири кандуу теракт катталып, 80дей адам көз жумган, 230у жаракат алган.

Булак: “Борбор Азия жаңылыктар кызматы”

“Портленддеги кол салуу жек көрүүчүлүктү жана терсаяктыкты көрсөтүп турат. Мындай көрүнүшкө жол берүүгө болбойт. Биз курман болгондор үчүн дуба окуйбуз”, -деп жазган Трамп Твиттердеги расмий баракчасына.

АКШ президенти бул билдирүүсүн Эскерүү күнүнө карата дүйшөмбүдө Виржиниядагы Арлингтон Улуттук көрүстөнүнө сөз сүйлөө үчүн келгенден кийин жарыяланды.

Ишембиде бири хиджап кийген эки аялга акарат келтирген Жереми Жозеф Кристиан арачага түшкөндөргө кол салган. Окуядан эки киши мерт кеткен.

Булак: “Борбор Азия жаңылыктар кызматы”

Уюмдун Гуманитардык маселелерди координациялоо башкармалыгынын маалыматына караганда, ушул жылдын январынан бери Ооганстанда 103 229 киши башка жерлерге көчүшкөн. Бул өткөн жылдын алгачкы беш айындагы көрсөткүчкө салыштырмалуу 36 пайызга аз.

Башкармалыктын эксперттери үйүн таштап кеткендердин азайышын өлкөдөгү негизги кагылышуулардын дагы деле былтыркы аймактарда уланып жатканы менен түшүндүрүшүүдө. Айтымдарында, ал райондордогу жашоочулардын көбү мурда эле көчүп кетүүгө үлгүрүшкөн. Уюмдун билдирүүсүндө буга өлкөдөгү жакырчылыктын өсүшү жана буга чейин башкалкалоого мүмкүн делген шаарларда коопсуздуктун начарлаганы дагы себеп болгону айтылат.

«Талибан» кыймылы менен «Ислам мамлекети» экстремисттик тобу Ооганстанда байма-бай кол салууларды уюштуруп келишет. Январдан бери алардын колунан жүздөгөн жай тургун каза болду.

Булак: “Борбор Азия жаңылыктар кызматы”