ДҮЙНӨ ЖҮЗҮНДӨ

Кытайда балдарга Ислам, Куран, Жихад, Саддам, Медина сыяктуу ысымдарды коюуга тыюу салынгандыгы тууралуу батыш ММКларынын билдирүүлөрүн 25-апрелде Синьцзян провинциясынын администрация өкүлү ырастады. Айтымында, бул өңдүү ондогон ысымга жакында эле Кытайдын Коммунистик партиясы сунуштаган “Этникалык азчылыктар үчүн ысым коюу эрежелери” жобосунун алкагында тыюу салынган.

Синьцзян провинциясынын административдик борбору болгон Үрүмчү шаарынын полиция өкүлү тыюу салынган ысымдар коюлган наристелер медициналык камсыздоого жана билим алууга мүмкүнчүлүк берген мамлекетттик каттоо системасына киргизилбей турганын билдирди.

Бул эреже аймактагы этникалык мусулман азчылыктарынын баарына, анын ичинде 10 миллиондой уйгур, 1,5 миллиондой казак, 150 миңдей кыргыз, беш миңдей татар, төрт миңдей тажик жана миңдеген дунган азчылыктарына тиешелүү болот.

Кытайдагы уйгурлар көптөгөн жылдардан бери өкмөттүн аларга карата жасаган мамилесине даттанып келишет. Кытайдын Коммунисттик партиясы өлкөдөгү тынч эмес аймактарга жетүү мүмкүндүгүн катуу көзөмөлгө алган. Андыктан Синьцзян провинциясы тууралуу маалыматтарды көз карандысыз булактар аркылуу текшерүү көптөгөн кыйынчылыктарды туудурат.

Булак: “Борбор Азия жаңылыктар кызматы”

Жабыркагандардын арасында социал-демократтардын лидери, Струмица шаарынын мэри Зоран Заев жана үч албан депутаты бар. “Албан альянсынын” лидери Зиядин Села ооруканага жеткирилген. Жаңжалда көпчүлүк башынан жаракат алганы кабарланууда.

Демонстранттар социал-демократтар менен этникалык албандардан куралган көпчүлүк коалиция албан депутат Талат Заферини спикерликке шайлашына нааразы. Жыйырма жылдай парламенттик көпчүлүктө болуп, өкмөттү курап келген ВМРО 2016-жылкы шайлоодо көп мандат алса да оппозицияда калган.

Македония президенти Георге Иванов бардык партия лидерлерин 28-апрелде жолугууга, элин тынчтыкка чакырды.

Башкаруучу Улуттук биримдик партиясы менен оппозициялык Социалдык-демократиялык биримдик өлкөдөгү негизги саясий күчтөр болуп эсептелет. Македонияда 11-декабрда мөөнөтүнөн мурда парламенттик шайлоо өткөн. Узакка созулуп кеткен саясий кризистин тушунда жеңүүчү аныкталган эмес. Эки партия тең өкмөттү куроого талапкер болушууда.

Заев Ивановдон жаңы өкмөт куроону сураган, бирок президент социал-демократтар албан азчылыктардын кызыкчылыгын коргоп, өлкөнүн унитардык мүнөзүн коркунучка кириптер кылат деген жүйө менен макулдук берген эмес. Өлкөдө көп жылдан бери массалык демонстрациялар өтүп келет.

Албандар Македониядагы калктын төрттөн бирин түзөт.

Булак: “Борбор Азия жаңылыктар кызматы”

«Оралман» баш байге үчүн 12 өлкөнүн 15 толук метраждуу тасмасы ат салышкан «Чыгыш панорама» конкурстук программасында көрсөтүлдү.

Анда Ооганстандан көчүп келген этникалык казактын үй-бүлөсүнүн тагдыры жөнүндө айтылып, жергиликтүү калк менен кайрылмандардын ортосундагы мамилелер баяндалат.

Тасманын режиссеру Сабит Курманбеков билдиргендей, сценарийдин негизин ата-энеси Ооганстанга качып барган этникалык казак — «Командир Уали» тууралуу «Азаттык» сайтынын макаласы түзгөн. Анын үй-бүлөсү жарым кылымдан ашык убакыттан кийин тарыхый мекенине кайтып келген.

Эл аралык «Фаджр» кинофестивалы Тегеранда 21-28-апрель күндөрү өттү.

Булак: “Борбор Азия жаңылыктар кызматы”

Ак үйдүн расмий өкүлү Шон Спайсер тергөө иштерин кубаттай турганын билдирди.

Флинндин салык декларациясына ылайык, ал орусиялык капиталга байланышы бар бир нече компаниядан «калем акы» алган же алар менен каржы мамилелерди түзгөн.

Флинн Трамп президент болуп шайланганга чейин Орусиянын АКШдагы элчиси менен телефон аркылуу санкциялар жөнүндө сүйлөшкөнүн жашыргандыгы үчүн 13-февралда кызматтан кеткен.

Булак: “Борбор Азия жаңылыктар кызматы”

Ак үйдүн расмий өкүлү Шон Спайсер тергөө иштерин кубаттай турганын билдирди.

Флинндин салык декларациясына ылайык, ал орусиялык капиталга байланышы бар бир нече компаниядан «калем акы» алган же алар менен каржы мамилелерди түзгөн.

Флинн Трамп президент болуп шайланганга чейин Орусиянын АКШдагы элчиси менен телефон аркылуу санкциялар жөнүндө сүйлөшкөнүн жашыргандыгы үчүн 13-февралда кызматтан кеткен.

Булак: “Борбор Азия жаңылыктар кызматы”

Ракетаны коё берүү – Түндүк Кореяда абал курчуган учурга туш келди. Пхеньян апрелде жаңы ядролук сыноолорун өткөрүүгө даярдык көрүүнү күчөткөн. Буга жооп иретинде АКШ аскерий кемелеринин тобун Корей жарым аралы тарапка жөнөткөнүн билдирген.

Ошол эле маалда Вашингтон бул жолку сыноолор Түндүк Кореядагы окуяларга тиешеси жоктугун, бир жыл мурун эле даярдык көрүлгөнүн билдирди.

Жыл соңуна чейин АКШ Түштүк Кореяга ракетадан коргонуу систамасын жайгаштырат.

Булак: “Борбор Азия жаңылыктар кызматы”

Мамлекеттик Anadolu агенттигинин билдиришинче, шаршембиде түрк полициясы өлкөнүн бардык аймактарында рейддерди өткөрүп, жыйынтыгында 1120дан ашык киши кармалды. Бул бийликтин былтыр жайындагы ишке ашпай калган аскерий төңкөрүш аракетин уюштурууга айыпталып жаткан кыймылга каршы өткөргөн акыркы айлардагы эң ири операциясы болуп калды.

Агенттиктин маалыматы боюнча операцияга сегиз жарым миңден ашык полиция кызматкери катышты. Рейдден соң 9103 полициячы убактылуу жумуштан алынды. Бийлик алардын Гүлендин кыймылына байланышы бар-жогун териштирет.

Түркиянын ички иштер министри Сулейман Сойлу бул рейддерди – Гүлен кыймылын «кулатуу» боюнча максаттарга жетишүүдөгү маанилүү кадам деп атады. Кармалган шектүүлөр өз жактоочуларынын полицияга жумушка киришине жардам берип келген «жашыруун имамдар» болушкан деп болжолдонууда.

Сойлунун айтымында, «полицияга кирген» адамдар «альтернативдүү түзүм түзүү» аркылуу аны ичинен башкарууга аракет кылышкан. Гүлен Түркиядагы аскерлердин катышуусундагы төңкөрүш аракетине эч кандай тиешеси жок экенин билдирип келет.

Булак: “Борбор Азия жаңылыктар кызматы”

Сирия өкмөтүнүн өнөктөшү деп айтылып келген Хезболла кыймылына байланышы бар Ливан телеканалы кабарлагандай, жардыруу Израилдин аба соккусунун жыйынтыгы болушу мүмкүн. Израилдин куралдуу күчтөрүнүн басма сөз катчысы бул билдирүүлөр боюнча комментарий берүүдөн баш тартты. Алгачкы маалыматтар боюнча жарылуудан жабыркагандар жок.

Көтөрүлүшчүлөр тобу аэропорт жайгашкан чыгыш Дамасктагы байкоочуларына шилтеме кылып билдиришкендей, Иран колдоп жаткан көтөрүлүшчүлөрдүн пайдалануусундагы курал-жарак сакталган кампага беш сокку урулган.

Сирияда президент Башар Асаддын жана анын союздаштарынын күчтөрү менен оппозициялык күчтөрдүн ортосунда алты жылдан бери уланып келаткан жарандык согушта жалпысынан 400 миңден ашык киши өлдү. Асадды Орусия, Иран жана шийиттердин аймактык күчтөрү, анын ичинде Тегерандын жакын союздашы жана Израилдин душманы эсептелген Хезболла кыймылы да бар.

Булак: “Борбор Азия жаңылыктар кызматы”