ДҮЙНӨ ЖҮЗҮНДӨ

Судья Уилльям Оррик Сан-Франциско жана Калифорниядагы бир канча округдан турган доочуларды колдоду. Алар президенттин жарлыгы шаарларга “орду толгус зыян” алып келерин жана кийинки соттук баскычтардагы териштирүүлөрдө ал антиконституциялык деп тааныларын билдиришкен

Учурда бир канча сотто жергиликтүү бийликти мыйзам бузган мигранттарды иммиграциялык кызматка өткөрүп берүүгө мажбурлаган Дональд Трамптын жарлыгынын мыйзамдуулугу каралууда.

АКШдагы бир канча шаар жарлыктын талаптарын аткаруудан баш тартып, жергиликтүү полицияга иммиграциялык кызматтар менен кызматташууга тыюу салып жатышат. Соттор бул маселеде борбордук жана жергиликтүү бийликтин ыйгарым укуктарынын чегин аныкташы керек болот. Азыркы федералдык мыйзамда муниципалитеттерге мигранттын макамы тууралуу гана маалымат берүү талабы бар.

Бул америкалык соттор тарабынан бөгөт коюлган президенттин миграцияга байланышкан көйгөйлөрдү чечүүгө багытталган үчүнчү жарлыгы. Калкынын басымдуу бөлүгүн мусулмандар түзгөн жети өлкөнүн жарандарына виза берүүнү убактылуу токтотуу жана өлкөгө кирүүсүнө тыюу салуу тууралуу алгачкы эки жарлыкка эки ай мурда бөгөт коюлган.

Булак: “Борбор Азия жаңылыктар кызматы”

Ошондой эле акыркы беш жылда 332 журналист өлтүрүлгөнү, ал да буга чейинки эң чоң статистика экени белгиленет. “Негизи бул журналисттер үчүн эң коркунучтуу жана кандуу учур”,- дейт комитеттин аткаруучу директору Жоэл Саймон.

Жоэл Саймон социалдык түйүндөрдөгү түрдүү сайттар ачылып жатканына, смартфондор кеңири колдонулганына карабай, репрессивдүү өкмөттөр медиа жана журналисттер менен күрөшүн күчөткөнүн баса белгилеген.

Баяндамада Саймон репрессиялык өкмөттөр медиаларды моюн сундурууга жана аларды демин басууга көп убакыт жана күч коротуп жатканын айткан.

Булак: “Борбор Азия жаңылыктар кызматы”

Ал өлкөдөгү туруктуулукту сактоо жана бекемдөө, коррупцияга каршы күрөшүү, шайлоо мыйзамдарын жакшыртуу жаатында жасалып жаткан иштер тууралуу айтып берди.

Петер Буриан Борбор Азияда таза жана ачык шайлоо өткөрүү жагынан Кыргызстан жакшы мисал экенин белгилеп, өлкөдө жүрүзүлүп жаткан демократиялык реформаларды улантуунун маанилүүлүгүнө токтолуп, мамлекеттик башкаруунун ачыктыгын камсыз кылууга багытталган «Таза Коом» долбооруна көмөк көрсөтүүгө даярдык билдирди.

Быйыл февраль айында президент Алмазбек Атамбаев Брюсселде иш сапарда болуп, Европа биримдигинин институттарынын жетекчилери менен жолуккан.

Булак: “Борбор Азия жаңылыктар кызматы”

АКШ Мамлекеттик департаментинин атайын өкүлүнүн милдетин аткаруучу Марк Тонер Украинанын чыгышында өлгөн америкалык жарандын үй-бүлөсүнө көңүл айтты.

Маркум ЕККУнун Атайын мониторинг миссиясынын курамындагы медицина кызматкери болчу.

Тонердин айтымында, бул окуя Минск келишимин токтоосуз түрдө аткаруунун зарылдыгын көрсөттү.

23-апрелде ЕККУнун атайын мониторинг миссиясынын кайгуул унаасы Донбасста жолго коюлган минага жарылып, бир киши өлүп, экөө жаракат алган.

Булак: “Борбор Азия жаңылыктар кызматы”

Дүйшөмбү күнү Кабулда өткөн маалымат жыйынында генерал Жон Николсон талиптер орустардан курал алып жатканы тууралуу билдирүүлөр түшүп жатканын айтты.

The Washington Post гезитинин жашыруун булактарынын билдиришинче, акыркы жарым жылда Москва ИМ террордук тобуна каршы колдонулат деген жүйө менен талиптерге курал-жарак, анын ичинде оор пулеметторду жеткирүүнү көбөйткөн. Иш жүзүндө аларды талиптер Гелманд жана Кандагар провинцияларында колдонууда. Бул ИМ тобунун бутага алган аймактары эмес.

АКШ коргоо министри Жим Мэттис чет мамлекеттер тарабынан Ооганстан өкмөттүк күчтөрүнөн башка топторго курал-жарак жеткирүү – эл аралык мыйзамдарды бузуу болуп саналарын баса белгиледи.

Жим Мэттис 140 жоокердин өмүрүн алган Мазари-Шарифтеги ооган армиясына жасалган чабуулдан эки күн өткөндөн кийин Ооганстанга барган. АКШ коргоо министри Трамптан бул өлкөдөгү америкалык аскерлердин санын көбөйтүүнү сурашы мүмкүн. Учурда Ооганстанда 8400 америкалык аскер бар.

Булак: “Борбор Азия жаңылыктар кызматы”

Ушул эле күнү Швециянын полициясы менен атайын кызматтары Стокгольмдо бирдиктүү операция жүргүзүшүп, 7-апрелдеги терактка тиешеси бар деген шек менен дагы бир кишини кармады.

39 жаштагы өзбекстандык жаран башкарган жүк ташуучу автоунаа 7-апрелде Стокгольмдо элди тебелеп, соода борбордун имаратын сүзүп өрттөнүп кеткен. Окуядан төрт адамдын өмүрү кыйылып, он беши жараат алган. Курулушта иштеген Акилов качып кетип, ошол эле күнү кармалган жана күнөөсүн мойнуна алганы кабарланган.

23-апрелде Өзбекстандын Улуттук коопсуздук кызматынын өкүлдөрү Самаркандда терактка шектүүнүн 44 жаштагы агасы Алим Акиловду кармап кетишкен.

– Инисинин кылыктарына анын тиешеси бар болушу мүмкүн. Бир нече күн Алим азап тартып жүрдү. Ал Рахматтын сотуна катышуу үчүн Швецияга барууну пландап жаткан, – деди Акиловдордун тууганы.

Expressen басылмасы кабарлагандай​, сурак учурунда Рахмат Акилов Стокгольмдогу теракты жасоодо “Ислам мамлекети” террордук уюмунан буйрук алганын билдирген.

Булак: “Борбор Азия жаңылыктар кызматы”

«Ал жердеги операция болгон. Азырынча ушуну гана айта алабыз», – деди АКШ Куралдуу күчтөрүнүн Борбордук командачылыгынын полковниги Жон Томас. Ал Узбеки аба соккусу маалында каза болбогондугун белгиледи.

АКШ тарап Абдурахман Узбекинин 1-январда Стамбулда болгон Reina түнкү клубундагы терактка тиешеси бар деген маалыматтарга ээ. 39 киши мерт болуп, 69у жаракат алган ал кол салуу үчүн «Ислам мамлекети» террордук тобу жоопкерчилик алган.

Терактты 34 жаштагы өзбек тектүү Абдулкадыр Машарипов жасаган. Ал кол салуудан 16 күн өткөндөн кийин Стамбулда кармалган.

Булак: “Борбор Азия жаңылыктар кызматы”

Ооганстан президенти Ашраф Гани коргоо министри, генарал Абдулло Хабибини, куралдуу күчтөрдүн башкы штабынын башчысы Кадамшох Шахимди жана Балхтагы 2009 аскер базасынын жогорку кызматтагы үч офицерин иштен алды. Аскердик прокуратура талиптердин чабуулун иликтөө учурунда бул офицерлерди суракка алат.

21-апрелде талиптер Ооганстандын түндүгүндөгү Мазари-Шариф аймагындагы өкмөттүк аскер базага кол салган. Натыйжада 140тан кем эмес аскер кызматкери мерт кеткен. Ооганстандагы расмий булактардын билдиришинче, талиптер чабуулга өкмөттүк армиянын формасы менен келишкен.

Өлкөнүн куралдуу күчтөрүнүн өкүлү маалымдагандай, кол салуу – аскерлер жума намаз үчүн базанын ичиндеги мечитке кирип кеткен маалда болгон. Жоочулар ашканадагы куралсыз жоокерлерге дагы ок чыгарышкан. Базанын ичине кирүү үчүн жанкечтилердин бири өзүн жардырган.

23-апрель Ооганстанда аза күтүү күнү катары жарыяланган.

Булак: “Борбор Азия жаңылыктар кызматы”

Мамлекеттик департаменттин басма сөз кызматынын билдирүүсүндө Тиллерсон экономиканы реформалоо жана жемкорлукка каршы күрөшүү жаатында Украинанын мындан ары да алдыга жылуусу маанилүү экенин белгилегени жазылган.

АКШнын мамлекеттик катчысы Донбасста ЕККУнун Байкоочу миссиясынын кызматкеринин өлүмүнө байланыштуу президент Порошенкого көңүл айтты. Тиллерсон менен Порошенко миссия Минск келишиминин аткарылышын көзөмөлдөөдө маанилүү ролду ойной турганын белгилешип, «бул окуя бардык тараптар тез арада Минск келишимдери боюнча милдеттенмелерин аткарышы керектигин даана көрсөткөнүн» айтышты.

Мамдепартаменттин маалыматына караганда, Тиллерсон Кошмо Штаттар Украинанын көз карандысыздыгы менен аймактык бүтүндүгүн жактай турганын ырастап, Москвага каршы киргизилген санкциялар Орусия Крым жарым аралын Украинанын көзөмөлүнө өткөрүп бермейинче жана Минск келишимдери боюнча милдеттерин аткармайынча сактала турганын билдирди.

Булак: “Борбор Азия жаңылыктар кызматы”