ДҮЙНӨ ЖҮЗҮНДӨ

Мындан тышкары жер астындагы үч өтмөктү, курал-жарак, ок-дарыларды жок кылууга мүмкүн болду. Аскерлердин маалыматына караганда, чабуулда жай тургандар жабыр тарткан жок.

Нангархар провинциясынын губернатору Гулаб Мангаль кабарлагандай, жоочулар бомбаланган өтмөктөрдүн комплексин аскердик түрмө катары колдонушкан жана маанилүү жыйындарды өткөрүп турушкан.

АКШ “бардык бомбалардын энеси” аталган GBU-43B бомбасын бейшемби күнү кечинде таштаган. Биринчи жолу ал 2003-жылы сыноодон өткөн, ошондон бери колдонула элек болчу. Бомбанын жарылуу күчү 11 тонна тротилди, кыйратуу радиусу – 140 метрди түзөт.

Ооганстан президентинин администрациясы операция буга чейин өлкө бийлиги менен макулдашылганын маалымдады.

Булак: “Борбор Азия жаңылыктар кызматы”

«Украина орусиялык ырчы Юлия Самойлованынын өз аймагына кирүүсүнө тыюу салгандан кийин Орусияга эки вариант сунушталган: сынакка видео байланыш аркылуу катышуу же башка талапкерди тандоо. Бирок «Биринчи канал» бул эки сунушту тең четке кагып, сынакты көрсөтүүдөн баш тартты. Бул быйыл Орусия «Евровидение» сынагына катыша албайт дегенди түшүндүрөт» деп жазылган билдирүүдө.

Орусия эл аралык сынакка катышуу үчүн “Flame is Burning” деген ыры менен ырчы Юлия Самойлованы тандап алган. Ал бала кезинен бери эле майыптар арабасында отурат.

22-мартта Украинанын Коопсуздук кызматы Юлия Самойлованы өлкөгө киргизбөө тууралуу чечим кабыл алган. Ага ырчынын 2015-жылы Киевдин уруксатысыз Крым жарым аралына барып ырдаганы негиз болгон. Украинанын бул кадамын сынактын уюштуруучулары сынга алышкан. Кремль болсо аны саясий чечим деп атаган.

Булак: “Борбор Азия жаңылыктар кызматы”

Шаршембиде НАТОнун башкы катчысы Йенс Столтенберг менен бирге Вашингтондо өткөргөн маалымат жыйынында Трамп Батыш менен Орусиянын мамилесинин жакшы жакка өзгөрүшүн каалай турганын билдирген.

“Эгер биз жакында эле талкуулагандай, НАТО жана биздин өлкө Орусия менен ынтымакташа алса жакшы болор эле. Азыр биз Орусия менен таптакыр келише албай жатабыз. Балким учурда биздин мамилебиз эң төмөнкү чекитте тургандыр, бирок биз окуялардын кандай өнүгөрүн байкайбыз. Путин – Орусиянын лидери. Орусия – күчтүү өлкө. Биз абдан күчтүү өлкөбүз. Кандай болорун көрөбүз”, – деген анда Трамп.

Булак: “Борбор Азия жаңылыктар кызматы”

Аскер мекемесинин басма сөз катчысы Адам Стамп тарыхта бул GBU-43 бомбасын алгачкы жолу согуштук багытта колдонуу болгонун билдирди. Айтымында, анын жарылуу күчү 11 тонна тротил өлчөмүн түзүп, кыйратуу радиусу 140 метрге жетет.

Ооганстан президентинин администрациясынан операция өлкө бийлиги менен алдын ала макулдашылганын билдиришти.

Бомбанын башка жаңжалдуу аймактарда колдонулушу боюнча суроого АКШ өкмөтүнүн өкүлдөрү жооп беришкен жок.

GBU-43 – АКШнын аскер аба күчтөрү тарабынан 2000-жылдардын башында иштелип чыккан фугас тибиндеги өзөктүк эмес авиация бомбасы. Ал «Бардык бомбалардын энеси» деген аталышка да ээ.

Бир жума мурда Кошмо Штаттар Сирия өкмөтүнүн Шайрат авибазасына 59 канаттуу “Томагавк” ракетасы менен аба соккуларын жасаган. Тиешелүү буйрукту АКШ президенти Дональд Трамп берген.

Булак: “Борбор Азия жаңылыктар кызматы”

Агенттиктин билдиришинче, шектүү Рахмат Акилов – этникалык тажик. Швецияга келгенден кийин ал “Ислам мамлекети” экстермисттик тобунун таасирине кабылган. Ал түрк-сирия чек арасында кармалып, качкын макамы болгондуктан кайра Швецияга депортацияланган.

Быйыл февралда өзбек укук коргоо органдары Акиловду диний экстремизмге айыптап, эл аралык издөөгө берген.

Ekot швед радиосу кабарлагандай, Акилов динге деле өтө берилген эмес, бирок Стокгольмдун четиндеги көмүскө иштеген мечитке барып турган.

39 жаштагы өзбекстандык жаран башкарган жүк ташуучу автоунаа 7-апрелде Стокгольмдо элди тебелеп, соода борбордун имаратын сүзүп өрттөнүп кеткен. Курулушта иштеген Акилов качып кетип, ошол эле күнү кармалган. Окуядан төрт адамдын өмүрү кыйылып, он беши жараат алган.

Булак: “Борбор Азия жаңылыктар кызматы”

Резолюция Дамасктан окуя болгон күнү жасалган бардык аба операциялар тууралуу маалымат талап кылган. Батыш өлкөлөрү тарабынан даярдалган документ керектүү он добуш топтогон. Буга байланыштуу Орусиянын өкүлү Владимир Сафронков вето койгон. Сириядагы Башар Асаддын режимин айыптаган резолюцияларга Орусия ушуну менен жетинчи жолу каршылык көрсөтүүдө.

Резолюция үчүн Коопсуздук кеңешинин 10 мүчөсү “макул”, экөө – Орусия менен Боливия каршы добуш берсе, үч өлкө, алардын ичинен Кытай добуш берүүдөн карманды.

Орусия Сириядагы химиялык куралдын колдонулушуна оппозиция жоопкерчиликтүү деп эсептейт. Бирок АКШ бардык фактылар Асаддын режими күнөөлүү экенин көрсөтүп жатканын ырастоодо.

Булак: “Борбор Азия жаңылыктар кызматы”

Тиллерсон Трамптын администрациясындагы Москвага келген алгачкы эң жогорку аткаминер.

Жолугушуу Сирия жаңжалына байланыштуу АКШ-Орусия мамилеси кайрадан чыңалган учурда туш келди. Путиндин кабыл алуусунан кийин Тиллерсон маалымат жыйынында Орусия менен АКШнын мамилеси “төмөнкү точкада” турганын билдирди. Ал эки өзөктүк держава мындай ымалада болбошу керектигин баса белгиледи.

Мамлекеттик катчы Украинанын чыгышында тынчтыкты камсыздоодо Москва менен Вашингтондун сөзгө келүүсү кыйын болорун баса белгиледи. Ага карабай, байланыш каналдары дайым ачык экенин ишара кылды.

Лавров Тиллерсон менен болгон сүйлөшүүлөр “олуттуу” жана “өтө ачык” болгонун жана АКШ менен Орусиянын кызматташуусу бүтүндөй дүйнөгө пайда алып келерин айтты. Мындан тышкары Лавров Батыш өлкөлөрүн АКШ менен Орусиянын диалогун бузууга айыптады.

Путиндин маеги АКШнын мамлекеттик катчысы Рекс Тиллерсон менен Орусия тышкы иштер министри Сергей Лавровду кабыл алардын алдында жарыяланды.

Путин өзгөчө аскердик деңгээлдеги мамилелер өтө начарлап кеткенин баса белгиледи.

Орусия президенти Сириядагы ондогон адамдын өмүрүн алган химиялык кол салуу үчүн Башар Асад күнөөлүү эмес экенин баса белгиледи. Путиндин айтымында, бул боюнча Орусия эки вариантты карап жатат: Биринчиси – сирия авиациясы химиялык курал өндүргөн цехке чабуул жасаган маалда ууландыруучу зат чыккан болушу мүмкүн. Экинчиси – чабуул оюн иретинде атайын уюштурулушу ыктымал.

Кошмо Штаттар жана башка өлкөлөр мунун чындыкка дал келбей турганын айтып четке кагышты.

Булак: “Борбор Азия жаңылыктар кызматы”