ДҮЙНӨ ЖҮЗҮНДӨ

Сот жумуш берүүчүлөр хижабга тыюу салуу менен Евробиримдиктин мыйзамдарын бузбайт, кандай гана чектөөлөр болбосун ишкананын ички тартибине негизделиши керек деген чечим чыгарды. Ошондой эле тыюу “түз дискриминация” эместиги белгиленди.

2004-жылы Франция, андан соң Бельгия адегенде диний символикаларды жумушка алып келүүнү тыйган. Кийинчерээк ал чектөө окуучуларга, аларды мектепке коштогон ата-энелерине тараган.

Булак: Борбор Азия жаңылыктар кызматы

Уюмдун маалыматы боюнча Трамптын саясатына жооп иретинде дагы отуз мэр мыйзамсыз жүргөн мигранттарды депортациядан коргоого ниеттенип жатат.

Ошол эле маалда мурда “баш калкалоочу” аталган Аляска, Огайо жана Флоридадагы төрт шаар көз караштарын өзгөрттү.

АКШ президенти Дональд Трамп январда мыйзамсыз жүргөн мигранттарды жашырган шаарларды федералдык бюджеттен каржылоону токтотуу боюнча жарлык чыгарган. Бирок Акүй муниципалитеттердин иммиграция боюнча саясаттарын өзгөртүүдө каражат эмес, жергиликтүү активисттердин басымдары негизги күч болорун моюнга алууда.

Федералдык өкмөт маалымдагандай, “баш калкалоочу шаарлардагы” полиция Иммиграциялык кызмат депортациялоону пландап жаткан эки миңдей мигрантты бошотуп жиберген.

Булак: Борбор Азия жаңылыктар кызматы

«Кара» тизмеге – Тажикстан Ислам кайра жаралуу партиясы, «Группа 24», «Эркин Тажикстан», «Мусулман агаиндер», «Ислам мамлекети», «Аль-Каида», «Жамаат Ансоррулох», «Өзбекстан ислам кыймылы» сыяктуу уюмдар, ошондой эле мыйзамсыз маңзат, курал-жарак жана адам сатууга тиешеси бар адамдар киргизилген.

Улуттук банктын өкүлү тизмени жарыялоонун максаты — ири суммадагы каражаттардын изин жашырууга байланышы бар адамдар менен уюмдардын активдерин тоңдуруу болуп эсептелерин билдирди. Анын айтымында, тизме мыйзамсыз жол менен алынган акчалардын изин жашырууга каршы күрөшүү боюнча эл аралык Financial Action Task Force уюмунун талаптарынын негизинде түзүлдү.

«Эл аралык каржы институттар бул тизмени карап, Тажикстан Ислам кайра жаралуу партиясынын, «Группа 24түн», «Эркин Тажикстандын» эсептерин тоңдурушу керек. Өз кезегинде Тажикстан кызматташтыктын алкагында терроризмге байланышы бар адамдардан акчалардын түшүүсүн көзөмөлдөп турат. Мындай тизмелер каржы терроризмин жана башка кылмыштардын алдын алуу максатында башка өлкөлөрдө да түзүлүп келет», – деп билдирди ал.

Январда өлкөнүн Улуттук банкы текшерүү үчүн Башкы прокуратурагы жалпысынан 7 миң шектүү каржы операциясынын тизмесин жөнөткөн.

Булак: Борбор Азия жаңылыктар кызматы

Жоокердин мүлктү кандай шарттарда жоготкону айтылган жок. Басылманын маалыматы боюнча ал Сирияда жүктөрдү коштоо менен алектенген Таман мотоаткычтар дивизиясынын курамында кызмат өтөгөн. Гезит Хилько ишенип берилген атайын мүлктү уурулук же жол кырсыгы өңдүү катардагы себептерден улам жоготкон деп болжолдоодо.

Жоокер өзүнө тагылган күнөөнү моюнуна алып, ишти өзгөчө тартипте кароону өтүнгөнү кабарланууда. Бул берене боюнча эң катаал жаза — эки жылга чейин эркинен ажыратуу.

Иш тергелип бүткөн. Сот жыйыны өтө турган жерди Москва аймактык аскер соту аныктайт деп күтүлүүдө. Орусия аба күчтөрүнүн Сириядагы аскердик операциялары 2015-жылдын сентябрынан бери уланууда. Ага учактардан сырткары согуштук кемелер да катышууда.

Булак: Борбор Азия жаңылыктар кызматы

Астанада 23-24-январда өткөн Сирия боюнча сүйлөшүүлөрдө Орусия, Иран жана Түркия биргеликте согуштук аракеттерди токтотууну камсыздоого сөз байлашкан.

Орусиялык ММКлардын маалыматы боюнча Сириядагы куралдуу оппозиция Астанадагы сүйлөшүүлөрдүн датасын жылдырууну талап кылууда. Алар мындан тышкары оппозициянын көзөмөлүндөгү аймактарда ок атышууну токтотуу келишимин толугу менен сактоону жана мажбурлап көчүрүүнү токтотууну суроодо.

Сирия боюнча Астанадагы сүйлөшүүлөрдүн үчүнчү айлампасын 14-15-мартта өткөрүү пландалууда.

Булак: Борбор Азия жаңылыктар кызматы

Санкция жарыялангандар тизмесинде Орусиянын вице-премьер-министри Дмитрий Рогозин, президенттин кеңешчиси Сергей Глазьев, Орусиянын Куралдуу күчтөрүнүн башкы штабынын башчысы Валерий Герасимов жана алып баруучу Дмитрий Киселев бар.

Биримдиктин санкциясы 157 жеке жакка, 37 уюм жана мекемеге тиешелүү. Алардын арасында Крымда иш жүргүзгөн компаниялар, аскерий бөлүктөр бар.

Европа Биримдиги 2014-жылы Крым аннексияланып, Донбасста уруш башталгандан кийин Орусияга каршы жеке жана экономикалык санкцияларды киргизген. “Кара тизмеге” илингендер Евробиримдикке мүчө өлкөлөргө кире алышпайт жана алардын европалык банктардагы активдери тоңдурулган.

Булак: Борбор Азия жаңылыктар кызматы

Документке ылайык, бул бөлүктөрдө Түштүк Осетиянын аймагында туруктуу жашаган, орус паспортторуна ээ жарандар кызмат өтөйт. Ошол эле маалда аскердик каттоого алар Түндүк Осетиянын аскер комиссариаттарында турушат.

Орусия Коргоо министрлиги Түштүк Осетия үчүн өзүнүн орто жана жогорку аскер окуу жайларында кадрларды даярдап берет.

Буга чейин орус өкмөтү ушундай эле келишимди Абхазия менен түзүүнү колдоп, документти Мамдумага сунуштаган.

Түштүк Осетия менен Абхазия Грузиядан бөлүнүп, көз каранды эместигин жарыялаган.

Грузия Түштүк Осетия менен Абхазияны жикчил аймагы катары санаса, Орусия аларды көз карандысыз өлкө деп тааныган.

Булак: Борбор Азия жаңылыктар кызматы