КООМ

Кечээ, 1-май күнү Кыргызстан Мусулмандарынын Аалымдар Кеңешинин төрагасынын орун басары Абибилла ажы Кадырбердиев жана АКнын өкүлдөрү Мамасабыр ажы Досболов, Тажидин ажы Байтейитов, Ниязали ажы Арипов, Абдималик ажы Турсунбеков, Азирети Муфтийдин орун басары Замир кары Ракиев жана Ош шаарынын казысы Убайдулла ажы Сарыбаев, Жалал-Абад облусунун казысы Абдулазиз кары Закиров, Ош облусунун казысынын орун басары Нурбек кары Орунбаев, КР Дин иштери боюнча мамлекеттик комиссиясынын түштүк аймактык бөлүмүнүн башкы адиси Бөрүмухамбед Эсенов жана райондун баш имам хатибдери Өзгөн районунун Аюу-Сай айылындагы жер көчкүдөн каза болгон мекендештерибиздин жакындарынан кабар алып, айыл элин сабырдуулукка, кайраттуулукка чакырышып, маркумдардын туугандарына көңүл айтышты. Муну менен катар АКнын өкүлдөрү 30-апрелдеги Аалымдар Кеӊеши тарабынан чыгарылган фатва менен тааныштырышып, фатваны аткарууну жергиликтүү элдин ыктыярына коюшту. Бул туурасында Ош облусунун мусулмандар казыятынын маалымат кызматы маалымдады.

«Бүгүн Аалымдар Кеңешинин төрагасынын орун басары Абибилла ажы Кадырбердиев жана мүчөлөрү, Азирети Муфтийдин орун басары Замир кары Ракиев баштаган дин аалымдары Аюу-Сай айылына келишип, маркумдардын жакныдарына көңүл айтышты. Ошондой эле кечээ, 30-апрелде Аалымдар Кеңеши тарабынан чыгарылган фатваны тааныштырышып, фатваны аткарууну элдин эркине калтырышты. Муну менен катар дин аалымдары шарият өкүмдөрүн түшүндүрүү менен сөөк өз калыбынан кете электе жаназа окулушу керектигин айтышып, ошол эле учурда фатваны аткарууну жергиликтүү элге калтырышты»,-деди Ош облусунун казысынын орун басары Нурбек кары Орунбаев.

Эскерте кетсек, кечээ 30-апрелде Аалымдар Кеңешинин  чукул жыйыны өтүп, анда Өзгөндөгү жер көчү алдында маркумдарга жаназа окуу боюнча фатвасы чыккан. Ошондой эле Аалымдар Кеңешинин мүчөлөрүнүн бир күндүк айлык маянасын жер көчкүдөн зыян тарткандарга которулаарын жана 5-май, жума күнү Кыргызстандын ар бир мечитинде жана медресесинде Өзгөндөгү жер көчкүдөн шейит кеткендерге арнап хатмул-Куран окулуп, бата кылынарын айтышты. Муну менен катар  29-апрель күнү Ош облустук казыят жамааты жана райондордун башкы имам-хатиптери Аюу-Сай айылындагы жер көчкүдөн каза болгондордун жакындарынан кабар алып, алгачкылардан болуп акчалай жардамдарын тапшырып келишкен.

В столице завершил свою работу Первый Бишкекский форум культур.

Форум проходил с 27 апреля по 1 мая 2017 года. В нем приняли участие представители 20 стран пяти континентов, входящих в состав международных организаций – Российская Федерация, Казахстан, Армения, Азербайджан, Украина, Словакия, Италия, Австрия, Молдова, Китай, Таити, Тайвань, Малайзия, Королевство Марокко, Кипр, Турция, Индия, Индонезия, Словения, Корея, Таиланд, Южно-Африканская Республика.

Целью мероприятия являлась организация культурного диалога, создания механизмов сохранения, взаимного обогащения, сближения и развития уникальных культур разных народов и цивилизаций.

Результатом мероприятия стало подписание Меморандума Первого Бишкекского форума культур.

Данное мероприятие было направлено на презентацию кыргызской культуры в рамках официальных международных организаций и национальных культур мира. Главная же задача проведения мероприятия – организация культурного диалога стран пяти континентов, создание механизмов сохранения, взаимного обогащения, сближения и развития уникальных культур разных народов и цивилизаций.

Уважаемые коллеги! В преддверии 72-ой годовщины Великой Победы приглашаем Вас принять участие в конференции, организованной Институтом истории и культурного наследия Национальной Академии наук Кыргызской Республики, посвященной героической и самоотверженной победе советского народа в Великой Отечественной Войне 1941-1945 гг.

Одной из задач, стоящих сегодня перед учёными-историками является достоверная передача фактов, касающихся истории ВОВ для воспитания молодёжи в духе патриотизма и неприятия проявлений нацизма и фашизма, имеющих место в современном мире.  К участию в работе “круглого стола” приглашаются ученые, преподаватели высших учебных заведений, общественные деятели, аспиранты. Статьи участников конференции будут опубликованы в научном журнале “История. Археология. Этнология”.

Конференция состоится 4 мая 2017 г. в 9.30 в конференц-зале НАН КР (пр. Чуй 265-а, 2-ой этаж).

Бүгүн, 2-майда КРнын Премьер-министри Сооронбай Жээнбеков 2 күндүк расмий иш сапары менен Жалал-Абад облусуна келди. Бул туурасында ыйгарым укуктуу өкүлдүн басма сөз катчысы маалымдады.

Өкмөт башчысы Сооронбай Жээнбеков менен КРнын Өкмөтүнүн Жалал-Абад облусундагы ыйгарым укуктуу өкүлү Кыянбек Сатыбалдиев алгач Сузак районуна караштуу Сузак айыл аймагынын Көк-Арт дарыясынын жээгиндеги №12 Сузак-Арал участкасындагы жээктерди бекемдөө жумуштарынын жүрүшү менен таанышышты. Ал жерде КРнын ӨКМнин орун басары Равшан Рысбаев менен Сузак районунун акими Абдумуктар Маматов Көк-Арт дарыясынын жээктерин бекемдөө жумуштары туурасында кеңири маалымат беришти. Сузак-Арал участкасындагы Көк-Арт дарыясынын күн чыгыш тарабына элдик ашар ыкмасы менен 371 габион, күн батыш тарабынан 254 габион коюлду. Мындан сырткары 2400 даана каптарга кум толтурулуп, жээктерди бекемдөө жумуштары аткарылды. Азыркы мезгилде Көк-Арт дарыясынын 18 участкасында суу алып кетүүчү кооптуу участкалар бар.

Өкмөт башчысы Сооронбай Жээнбеков Сузак айыл аймагындагы №4 коргоочу тосмодогу иштердин жүрүшү менен дагы жеринде барып таанышты. Бул участкадагы Көк-Арт дарыясынын суусунун сыйымдуулугу секундасына 214 миң метр кубду түзсө, быйылкы жылдын 5-6-апрелинде жана 17- апрелинде жааган катуу жамгырдан улам дарыядагы аккан суунун көлөмү  секундасына 290 миң куб метрди түзүп, №4 тосмонун дамбасын суу толугу менен бузуп кеткен. Анын кесепетинен 4 га жакын айдоо аянтын суу каптаган жана 150 турак-жайга, 245 га айдоо аянтына олуттуу коркунуч туулган. КРнын ӨКМнин Жалал-Абад облустук башкармалыгынын адистери тарабынан 25 адам, 14 техника бирдиктери коюлуп, жергиликтүү бийлик тарабынан дагы дамбаны коргоо иштерине 50дөн ашуун адамдар менен кошумча техникалар тартылды. Анын натыйжасында жээкти убактылуу бекемдөө жумуштары толугу менен бүткөрүлдү.

—      Көк-Арт дарыясынын жээктерин бекемдөө жумуштарына Өзгөчө кырдаалдар министрлиги тарабынан габиондор менен солярка жетиштүү бөлүнбөй жатат деп айтып жатышат. Такылдап сүйлөй келгенде  кыйынсыңар, эмне үчүн жергиликтүү бийлик өкүлдөрү сураган габиондор менен солярканы жетиштүү бөлбөй жатасыңар?,- деген КРнын Премьер-министри Сооронбай Жээнбеков КРнын Өзгөчө кырдаалдар министринин орун басары Равшан Рысбаевге кайрылды.

—     Бул боюнча эч кандай маселе болбошу керек. Биз тараптан габион сурап кайрылгандарга ишеним каттын негизинде керектүү өлчөмдөгү габиондор берилип жатат. Ал эми солярка маселесинде болсо тиешелүү документтерин даярдап келишсе токтоосуз берип жатабыз. Азыркы күндө Жалал-Абад облусуна дагы кошумча 1200 габион бөлүнгөн болсо, анын 600ү алынып келинди,- деди КРнын ӨКМнин орун басары Равшан Рысбаев.

КРнын Өкмөт башчысы Сооронбай Жээнбековдон ӨКМнин Жалал-Абад облустук башкармалыгынын башчысы Абдышарип Бекилов Көк-Арт дарыясынын жээгине дагы 500 метр келген дамбаны тез арада курууга 40 млн. сом жардам берүү өтүнүчү менен кайрылды.

—   Жалал-Абад облусу боюнча 2016-жылы жыл ичинде 86 өзгөчө кырдаалдар катталган болсо, быйылкы жылдын 4 айында эле 117 өзгөчө кырдаалдар катталып, андан 8 адамдын өмүрү кыйылды,- деди КРнын ӨКМнин Жалал-Абад облустук башкармалыгынын башчысы Абдышарип Бекилов.

КРнын Премьер-министри Сооронбай Жээнбеков иш сапарынын алкагында Жалал-Абад шаарындагы №6 орто мектептин курулуш иштери менен дагы жеринде таанышты. 1937-жылы курулган мектептин эски имаратынан жаркалар кетип,  ӨКМнин адистери тарабынан мектепте балдарды окутууга болбойт деген эскертме чечим чыгарылган. 2015-жылдан тартып мектептин 246 окуучусу Жалал-Абад шаарындагы №7 орто мектепте 3 мөөнөт менен окуп жатышат. Кыргыз Республикасынын Президенти Алмазбек Атамбаев 2015-жылдын 26-июлунда мектептин пайдубалына капсула салып, курулуш ишин өзү баштап берген. Жалпы сметалык наркы 54 млн. сомду түзгөн мектептин курулушуна жарыяланган тендерди “Биор-Юг” ЖЧКсы жеңип алган. Курулуш уюму тарабынан буга чейин 23 млн. сомдук жумуштар сапаттуу аткарылды. Ал эми 2017-жылга 12 млн. сом каралса, мектептин курулушун 1-сентябрга карата бүткөрүү үчүн дагы 37 млн. сом талап кылынат. Жалал-Абад шаарынын мэринин милдетин аткаруучу Салайдин Авазов Өкмөт башчысына мектептин негизги окуу корпусун Жаңы окуу жылына карата толук бүткөрүү аракети жүргүзүлүп жаткандыгын белгилеп, мектептин спорт залынын курулушун кийинкиге жылдыруу зарылдыгы жаралып жаткандыгын ортого салды. КРнын Премьер-министри Сооронбай Жээнбеков мэрдин милдетин аткаруучунун сунушун колдоп, мектептин негизги окуу корпусун 1-сентябрга карата бүткөрүү талабын койду.

КРнын Премьер-министри Сооронбай Жээнбековдун Жалал-Абад облусуна болгон расмий 2 күндүк иш сапары эртең, 3-майда улантылат. Өкмөт башчысы эртең Базар-Коргон жана Ноокен райондорундагы сел коркунучтарынын алдын алуу жана Майлуу-Суу шаарында жүз берген  жер көчкүнүн кесепеттерин жоюу иштеринин жүрүшү менен таанышуусу мерчемделген.

«Коопсуз шаар» долбоору боюнча мурда өткөрүлгөн тендер мыйзамсыз болгон, азыр соттук териштирүү жүрүүдө, ошондон улам, кыргыз тарап сот ишине аралаша албайт. Бул тууралуу вице-премьер-министр Жеӊиш Разаков Жогорку Кеӊештин Транспорт, коммуникациялар, архитектура жана курулуш боюнча комитетиндеги «Коопсуз шаар» долбоорунун бет ачарында билдирди. Бул туурасында КР ЖК Басма сөз кызматы маалымдады.

«Менимче, «Коопсуз шаар» долбоору «Кыргызтелеком» ишканасынын базасында ишке ашырылса, мамлекет үчүн кыйла арзанга түшөт. Сот иштери аягына чыккан соӊ, Өкмөт тарабынан долбоорду ишке ашыруу жаатында жигердүү аракеттер көрүлө баштайт. Ошого карабастан, азыркы учурда Бишкек жана Ош шаарларында видеобайкоо жүргүзүүнүн программалык жабдууларын орнотуу керектелүүсүн баалоо иштери башталды», – дейт вице-премьер-министр.

Маалыматка караганда, зарынча пилоттук долбоорду ишке ашыруунун каржы булактары аныктала элек. “Кыргызтелеком” ишканасынын башчысы Нурлан Мадеминовдун айтымында, Орусия, Кытай, Канада компаниялары бул багытта өз мүмкүнчүлүгүн көрсөтүүнү сунуштаганын билдирди.

Бир катар депутаттар Кайгуул милициясынын жетекчисинин ушундай маанилүү маселе каралган жыйынга катышпаганына нааразылыктарын билдиришти. Тармактык комитеттин төрагасы Марат Аманкулов Кайгуул милициясынын башчысы Эркин Баевдин буга чейин да такай жыйындан качып келгенин эске салып, Премьер-министрге анын ээлеген кызматына шайкештигин кароо тууралуу кат жөнөтүү сунушун берди.

Депутат Бакыт Сыдыков мектептерде видеобайкоо жабдууларын орнотуу абалына кызыкты. Билим берүү жана илим министри Гүлмира Кудайбердиеванын айтымында, Бишкек шаарындагы мекетептердин баарында андай жабуулар орнотулганын, ал эми элет жергесинде кыйын болууда. Депутаттар ал үчүн 2018-жылдын бюджетинде каражат кароо сунушун беришти.

Элди ачкыл сууга сугарган “Аю” ишканасынын кампаларынын биринен 26-апрелден 27-апрелге караган түнү 20 даана ок атуучу курал уурдалгандыгын белгилүү эле маалымат сайттардын бири жазып чыкты. ИИМ министрлиги окуя боюнча комментарий берүүдөн баш тартыптыр. Жел болбосо чөптүн башы кыймылдачу эмес эле. Айтылгандардын кайсы бир деңгээлде акыйкаттыгы болсо керек. Өлкөбүз өйдө-ылдый болуп, кырдаал кыйчалыш абалда турганда бул курал-жарактар ашынган аңги баштардын колуна тийсе эмне болоорун элестетүүнүн өзү кыйын болууда.

Булак: “Фабула”

В канун Дня Победы Кыргызский театр оперы и балета имени Малдыбаева приглашает бишкекчан и гостей столицы на концерт, посвященный Дню Великой Победы.

8 мая в 15.00 часов в Кыргызском театре оперы и балета имени Малдыбаева состоится благотворительный праздничный концерт, посвященный Дню Великой Победы. В концерте примут участие ведущие солисты оперы. Зрители смогут услышать любимые песни военных лет – «Катюша», «Синий платочек», «Темная ночь», «Ехал я из Берлина», «День Победы» и другие.

Вход на концерт свободный. Контактный телефон: 661841; 661628

Кыргыз Республикасынын Премьер-министри Сооронбай Жээнбеков бүгүн, 1-майда, Ош облусунун Өзгөн районундагы жер көчкү түшүп, 13 үйдү басып калган Жалпак-Таш айылына, ошондой эле Куршаб айыл аймагынын Шагым айылындагы жер көчкү түшүү коркунучу бар Көлмө айылына барды. Бул туурасында Кыргыз Республикасынын Өкмөтүнүн Аппаратынын маалыматтык камсыздоо бөлүмү маалымдады.

Өкмөттүн Ош облусундагы ыйгарым укуктуу өкүлү Таалайбек Сарыбашев маалымдагандай, буга чейин Жалпак-Таш айылынын бардык жашоочуларына жер көчкү түшүү мүмкүндүгү жана коопсуз жайга көчүү жөнүндө эскертилген, аларга 15 палатка орнотулуп, медициналык пункт иштеп жатат.

Өкмөт башчысына Өзгөчө кырдаалдар министринин орун басары Равшанбек Рысбаев маалымат берип, азыркы учурда 62 үй кооптуу жайда жайгашканын билдирди. Ошондой эле төрт социалдык обьект – мектеп, бала бакча, мечит жана ФАП коркунуч астында турат.

Премьер-министр Сооронбай Жээнбеков тийиштүү мамлекеттик мекемелер тарабынан жергиликтүү жашоочуларга колдоо көрсөтүү жана коопсуздугун камсыз кылуу үчүн бардык чаралар кабыл алынарын билдирди.

«Көптөгөн жарандардын турак-жайы жаратылыш кырсыктары күтүлүүчү аймакта жайгашкан шартта өздөрүнүн мүлктөрүн камсыздандыруусу зарыл. Бул турмуштук зарылдык , жашоо чындыгы муну айттырууда. Мына ушундай өзгөчө кырдаалдардын кесепеттерин жоюуда жабыр тарткандарга жардам берүү жана турак-жайын калыбына келтирүү маселесин чечүү оңтойлуу болот. Дал ушундай маселени чечүү үчүн «Мамлекеттик камсыздандыруу уюму» акционердик коому түзүлгөн», – деп баса белгиледи Өкмөт башчы Сооронбай Жээнбеков.

Өкмөт башчы белгилегендей, кооптуу жайда жашап жаткан айыл тургундары Өзгөчө кырдаалдар министрлигинин адистеринин жана жергиликтүү өз алдынча башкаруу органдарынын жетекчилеринин пикирлерин, жер көчкү жүрүү коркунучу жөнүндөгү алдын ала эскертүүлөрүн угуусу керек.

Жергиликтүү тургундар Премьер-министрден Жалпак-Таш айыл аймагындагы Курбу-Таш жана Маркс айылдарынын ортосундагы жолду ачууга көмөк көрсөтүүсүн жана жер көчкү маалында жогорку вольттуу электр берүү линиялары иштен чыккандыгына байланыштуу электр энергиясына туташтыруу маселесин тезирээк чечип берүүсүн суранышты.

Өкмөт башчы ошондой эле Өзгөн районунун Куршаб айыл аймагындагы Шагым айылынын Көлмө участкасын көрдү. Аталган жайда топтолгон суудан улам көчкү жүрүү коркунучу бар.

Азыркы кезде айыл аймагынын эсебинен жергиликтүү тургундар менен биргеликте көлмөдө чогулган сууну чыгаруу үчүн труба коюу иштери жүргүзүлүүдө.

Премьер-министр Сооронбай Жээнбеков Кыргыз Республикасынын Өзгөчө кырдаалдар министрлигине жеринде моиторинг жүргүзүү, коркунучтун деңгээлин аныктоону жана чогулган сууну агызуу үчүн труба өткөрүүнү эсептеп чыгууну тапшырды.

Мындан тышкары Премьер-министр Өзгөн районунун Краснооктябрьск айыл аймагындагы жер участокторун көрдү. Бул жер участоктору Жалпак-Таш, Кара-Таш жана Краснооктябрьск айылдык аймагындагы Кочкор-Ата айылынын жашоочуларына кооптуу жайда жашап жашагандыгына, жер көчкү жүрүү коркунучу бар экендигине байланыштуу берүү аныкталган.

Азыркы учурда 105 гектар жер берүү маселеси каралууда. Өкмөт башчы жер берүү маселесин чечүүнү тездетүүнү жана жер участкаларын бөлүштүрүү боюнча сунуш киргизүүнү тапшырды.
Бүгүнкү күндө Ош облусунун Өзгөн районундагы Краснооктябрьск айыл аймагында 15 миңден ашуун тургун жашайт.