Menu

КООМ

Манас Кубанычбеков, революциялык комитеттин башчысы: “Өзүбүздүн жер экенин айтып, баатыр эл экенибизди даңазалап, кошуна колоңдорубузга дагы билдиришибиз керек”

 

Аксы районунда мен билгенден эки жол бар. Ала-Букага кеткен үчүнчү жол бар. Ар бир адам кыргыз элин, өзүнүн жашаган жерин, киндик каным тамган жерди сакташыбыз керек. Бийликтегилердин бул жөнүндө башы да оорубайт. Бул дүйнөдө мекен үчүн сүйүп өткөн адам болуш керек. Мына Өзбекстан  биздин ата бабабыздан бери келе жаткан жолду талашып жатышат. Биз буга кантип чыдап карап турабыз.  Азыр Аксы районунун элин алсак, мына жаш балдар турат. Бул силердин жериңер. Силердин балдарыңардын, небере чөбөрөлөрүңөрдүн жерлери. Биз кыргыз эли, биздин ата бабаларыбыз киндик канын төгүп, келечегибизди ойлоп, тарыхыбызды сыйлап, өзүбүздүн жер экенин айтып, баатыр эл экенибизди даңазалап, кошуна колоңдорубузга дагы билдиришибиз керек. Биздин чек араны мыйзамдын чегинде сүйлөшүш керек. Анда болуптур, баш мыйзамдын негизинде гана сүйлөшөлү. Элдик кошуундарды түзөлү. Бул бир гана Аксыда эмес, Баткендин көп жерлеринде да ушундай маселелер болуп жатат. Баардыгы келечек муундар, ата бабаларыбыздын өтүп кеткен арбактары үчүн кыргыз элинин келечеги үчүн жасайлы, кыргыз элинин келечеги үчүн тик туралы.

Баяна Кулова

Булак: “Жаңы ОРДО”

Аксы: Кылмыш дүйнөсү “кызматка” кириштиби?

Аксыда саясий митингдерди уюштурган жарандык активист Шекербек Камчыбеков райондун акими менен милиция башчысы ага каршы крим чөйрөнү тукурганын айтып чыкты. Камчыбеков Кербенде “Кабак” деген каймана аты бар адам ага келип, бийликке каршы митингдерди токтотпосоң, аны “жок кылып жиберем” деп коркутуп, опузалаганын белгиледи. Аксынын акими Медетбек Айдаралиев Шекербек Камчыбековдун айтканы чындыкка коошпогон жалган-жалаа катары мүнөздөп, андан бул дооматты сот аркылуу далилдөө талап кылынарын жарыялады.

“КАБАКТЫН” ОПУЗАСЫ

Аксынын борбору Кербен шаарынын тургуну, жарандык активист Шекербек Камчыбеков соңку мезгилде ага жергиликтүү бийликтен жана криминалдык чөйрөдөн “салам дубай” жолдоп, ар түрдүү коркутуулар жүрүп жатканын айтты. Жарандык акти­вист опузалоо анын өмүрүнө коркунуч келтирүүгө байланыштуу акарат сөздөрр менен коштолуп, ага карата “да­гы митинг уюштурсаң, соо калбайсың” деген сыяктуу катуу эскертүүлөр берилгенин айтты. Жарандык активист Шекербек Камчыбеков жергиликтүү бийлик ага жана анын тарапташтарына каршы “караларды” тукуруп жатка­нын белгиледи:

-2008-жылы Кербен шаарында уюшкан кылмыш тобунун мүчөсү катары камалып чыккан “Кабак” де­ген каймана аты бар Алмаз деген жигит өзүнүн балдары менен келип, “өлтүрөм-житирем” деп коркутуп- үркүтүп кетти. Анын эмне үчүн саясатка кийлигишип жатканын айтсам, ал мени “элди-жерди бөлүп, тынчтыкты бузуп жатасың, акимге каршы чыгып жатасың, ошон үчүн чабыласың” деди. Негизи алардын өзүнүн түшунүгү боюнча деле “каралар” саясатка кийлигишпеши керек болчу. Бул эми өзүстөлүн сактап калуу үчүн аким ме­нен милиция башчысы мына ошону пайдаланып жатышат. Анан элдин ичинен акыйкатты айтып чыккандарды ушундай жол менен сындыргылары келишет.

Шекербек Камчыбеков азыркы бийлик аларга басым көрсөтүү үчүн криминалды курал катары колдонуу менен мурдагы бийлик режимдеринин тушундагы ашынган ыкмаларды кайталап жатканын кошумчалады.

Медетбек АЙДАРАЛИЕВ: «КАМЧЫБЕКОВ СОТТО ЖООП БЕРЕТ»

Бирок анын мындай дооматын жергиликтүү бийлик элди атайылап козутуу үчүн жасалган жалган жалаа катары баалады. Аксынын акими Медетбек Айдаралиев криминал­ды айдактады дегенди карандай каралоо деп, мындай маалымат үчүн жергиликтүү жетекчилик аны менен соттошууга камынып турганын айтты:

-Эми ошол “Кабак” дегени бул аны кезектеги жомогу. Шекербекти коркута тургандай, ал ким эми? Мунун бардыгы жалган. Милиция башчысын да кошуп жазган экен. Мен аны окудум. Азыр алар аны жалган жалаа жапканы үчүн сотко берет. Аксыда крими­нал жок болгонуна беш жыл болуп калды. Азыр бир дагы криминал, бир дагы “кара” жок. Эми ошол Шекербек деген эки-үч жылдан бери эле элдин арасындагы ынтымакты бузуу үчүн ар кандай маалыматгарды атайын таркатуу менен алек болуп жүрөт.

Шекербек Камчыбеков быйыл 10-февралда Аксынын Кара-Жыгач айылында өкмөттүн төлөмдөрдү көтөрүүсүнө каршы митинг уюштургандардын бири. Анда социалдык фондго төлөмдү төмөндөтүү, электр энергиясынын тарифин түшурүү, мамлекеттик камсыздандыруу мыйзамын жокко чыгаруу, чек ара кейгейлерун чечуу жана балдарга желек пул чектеену женекейлетуу талап кылынган. 14-мартта оппозициянын Жалал-Абаддагы митингине удаалаш ал Кербендеги акцияны уюштурган. Ага каршы жергиликтүү тургундар тарабынан антимитинг дагы болгон эле.

«КАБАК» КАЙМАНА ЭМЕС – ЭРКЕЛЕТКЕН АТ

Аксы райондук ички иштер бөлүмүнүн башчысы Момуналы Добулбеков “Кабак” каймана аттуу адамдын уюшкан кылмыш тобуна тиешеси жоктугун айтып, аны бейбаштарды тынчтыкка чакырган карапайым адамдардын эле бири деп мүнөздөдү:

-Ал эми каймана деле ат эмес. Анан эми бизде Алмаз деген бар. Аны эми кыргызда адамды эркелетип, ар кан­дай ат коюп чакырган сыяктуу эле, ошондой ат. Ал эми уюшкан кылмыш тобунун деле мүчөсү эмес. Алмаз деген ал жигит Кербендин кадимки кара­пайым эле жашоочусу. Анан эми элде райондун кызыкчылыгы үчүн күйгөн адамдар бар экен да. Мына ошол Ше­кербек деген улам-улам эле ар кандай митинг уюштура бергенде райондогу жаштар, адамдар “Аксынын эли митингге каршы” деп чыгышкан. Анан эми Шекербек ошого катышкандардын ичинен бирөөн эле жазып жатпайбы. Бул эми бизди жаманатты кылыш үчүн эле болду.

Жергиликтүү активист Камчыбе­ков аны опузалады деген “Кабак” кай­мана ысымдуу адамды таап, анын өзү менен байланышууга мүмкүн болбоду.

Шекербек Камчыбеков өзбек чек арачылары 18-мартта тилкеге кирип, Аксы-Ала-Бука жолун бөгөп алганда, чек арадагы кырдаалга байланыштуу 22-марттагы Кербендеги оппозициянын жыйынын уюштургандардын катарында болгон. Шекербек Камчы­беков 30-март күнү саясатчылар Бектур Асанов менен Кубанычбек Кадыровдун иши боюнча Жалал-Абадга барып, атайын кызматка сурак берип келгенин айтты. Бул иш боюнча Аксыдагы жергиликтүү кеңештин депутаты Жанарбек Надырбеков дагы Бишкекке УКМКга чакыртылып, сурак берип жатканы кабарланды.

Булак: “Ачык саясат”

Өкүл Жумагүл Эгембердиева Базар-Коргондогу «Апсамат Ата» багбанчылык чарбасында болду

Бүгүн, 8-апрелде өкүл Жумагүл Эгембердиева атайын иш сапары менен Базар-Коргон районунда болуп, 88 жаштагы кадырман эмгек ардагери Апсамат Эргешовдун багбанчылык багытындагы иштери менен жеринде таанышыты деп маалымдады өкүлдүн басма сөз катчысы. Базар-Коргон районундагы Акман айыл аймагынын Кош-Коргон айылындагы Акмат Дөң айылында жашаган 88 жаштагы эмгек арадагери Апсамат Эргешов өзүнүн балдары менен биргеликте 2,6 га аянтка былтыркы жылы мөмө берүүчү бактардын жаш көчөттөрүн жана 350 даана теректин көчөттөрүн олтургузган. Экинчи жылга караган жаш көчөттөр жакшы камкордук менен бапестеп аяр кароого алынгандыктан, алардын өсүп жетилүүсү талаптагыдай барууда. 88 жаштагы кадырман эмгек ардагери Апсамат аба 14 уул-кызды тарбиялаган болсо, анын 12си жалаң уулдар. Ардактуу эс алууга чыкканга чейин айдоочулук кесипти аркалаган Апсамат аба азыр карылыктын бактылуу доорун сүрүп, балдарына багбанчылык боюнча баалуу кеп-кеңештерин берип, бардык иштерге өзү баш – көз болуп турган кези.
Алымжан Божуев
– Өткөн жылы Ноокат районуна барып, Кызыл-Кыя айылындагы мыкты сорттогу бак дарактарын өстүрүүчү питомниктен 100 түп даана жаңгак, 650 түп кокон гиларс, 210 түп шабдаалы жана 200 даана ширин бадам көчөттөрүн жеринде сатып алып келип, балдарым менен олтургуздум. Астейдил көңүл бөлүп карасаң, жер сенин мээнетиңди текке кетирбей, адалдап кайтарат. Менин негизги максатым ушул бакзар балдарым менен неберелериме жана айылдаштарыма менден белек болуп калсын деген гана ниет тилек,- дейт кадырман аксакал Апсамат Эргешов.
Алымжан Божуев2
Апсамат абанын уулдары Тагдыр, Нияз, Кубаныч, Талант жана неберелери атасынын айткандарын өз убагында аткарышып, бакты талаптагыдай асырап кароону астейдил көңүл бөлүп жүргүзүп жатышат. Олтургузулган көчөттөр жаш болгондуктан былтыр анын ичине күздүк буудай эгишкен. 88 жаштагы эмгек ардагери Апсамат абанын Россияда эмгектенген баласы Т-82-1 маркасындагы дөңгөлөктүү трактор сатып берген. Ал трактордун жардамы өзүнө гана болбостон айылдаштарына дагы көп пайдасы тийип жаткан чагы.
Алымжан Божуев4
– Ушул жашка чыгып, балдарыңыз менен багбанчылык ишин жүргүзүп жаткандыгыңызга ырахмат айтамын. Уул-кыздарыңыз жана неберелериңиз менен тынч болуп, карылыктын бакубат доорун сүрүңүз. Сиздин өрнөктүү ишиңиз айылдаштарыңызга үлгү болуп, алар дагы Сиздин жолуңузду жолдосун. Элибиз барчылык менен бакубаттуулукта жашасын,- деди өкүл Жумагүл Эгембердиева 88 жаштагы Апсамат абанын ишине чын дилинен ыраазы болуп.
Базар-Коргон районунун акими Таалайбек Дөлдөев белгилеп кеткендей, Апсамат Эргешов аксакал балдары менен 750 метр жерге зым тосмосун тартып, темир мамычаларын кошо орнотуу үчүн өз жанынан 220 миң сом акча каражатын сарптаган. Мындан сырткары иш билги багбан мөмө берүүчү бак дарактарды талаптагыдай көрктөндүрүп, асырап өстүрүүдө жана жайылтууда айылдаштарына дагы өрнөктүү, кадырлуу жана урматтуу ата болуп калды дешет жердештери.
Жолдошбай Осмонов, журналист

Өкүл Жумагүл Эгембердиева Базар-Коргондогу «Апсамат Ата» багбанчылык чарбасында болду

Бүгүн, 8-апрелде өкүл Жумагүл Эгембердиева атайын иш сапары менен Базар-Коргон районунда болуп, 88 жаштагы кадырман эмгек ардагери Апсамат Эргешовдун багбанчылык багытындагы иштери менен жеринде таанышыты деп маалымдады өкүлдүн басма сөз катчысы. Базар-Коргон районундагы Акман айыл аймагынын Кош-Коргон айылындагы Акмат Дөң айылында жашаган 88 жаштагы эмгек арадагери Апсамат Эргешов өзүнүн балдары менен биргеликте 2,6 га аянтка былтыркы жылы мөмө берүүчү бактардын жаш көчөттөрүн жана 350 даана теректин көчөттөрүн олтургузган. Экинчи жылга караган жаш көчөттөр жакшы камкордук менен бапестеп аяр кароого алынгандыктан, алардын өсүп жетилүүсү талаптагыдай барууда. 88 жаштагы кадырман эмгек ардагери Апсамат аба 14 уул-кызды тарбиялаган болсо, анын 12си жалаң уулдар. Ардактуу эс алууга чыкканга чейин айдоочулук кесипти аркалаган Апсамат аба азыр карылыктын бактылуу доорун сүрүп, балдарына багбанчылык боюнча баалуу кеп-кеңештерин берип, бардык иштерге өзү баш – көз болуп турган кези.
Алымжан Божуев
– Өткөн жылы Ноокат районуна барып, Кызыл-Кыя айылындагы мыкты сорттогу бак дарактарын өстүрүүчү питомниктен 100 түп даана жаңгак, 650 түп кокон гиларс, 210 түп шабдаалы жана 200 даана ширин бадам көчөттөрүн жеринде сатып алып келип, балдарым менен олтургуздум. Астейдил көңүл бөлүп карасаң, жер сенин мээнетиңди текке кетирбей, адалдап кайтарат. Менин негизги максатым ушул бакзар балдарым менен неберелериме жана айылдаштарыма менден белек болуп калсын деген гана ниет тилек,- дейт кадырман аксакал Апсамат Эргешов.
Алымжан Божуев2
Апсамат абанын уулдары Тагдыр, Нияз, Кубаныч, Талант жана неберелери атасынын айткандарын өз убагында аткарышып, бакты талаптагыдай асырап кароону астейдил көңүл бөлүп жүргүзүп жатышат. Олтургузулган көчөттөр жаш болгондуктан былтыр анын ичине күздүк буудай эгишкен. 88 жаштагы эмгек ардагери Апсамат абанын Россияда эмгектенген баласы Т-82-1 маркасындагы дөңгөлөктүү трактор сатып берген. Ал трактордун жардамы өзүнө гана болбостон айылдаштарына дагы көп пайдасы тийип жаткан чагы.
Алымжан Божуев4
– Ушул жашка чыгып, балдарыңыз менен багбанчылык ишин жүргүзүп жаткандыгыңызга ырахмат айтамын. Уул-кыздарыңыз жана неберелериңиз менен тынч болуп, карылыктын бакубат доорун сүрүңүз. Сиздин өрнөктүү ишиңиз айылдаштарыңызга үлгү болуп, алар дагы Сиздин жолуңузду жолдосун. Элибиз барчылык менен бакубаттуулукта жашасын,- деди өкүл Жумагүл Эгембердиева 88 жаштагы Апсамат абанын ишине чын дилинен ыраазы болуп.
Базар-Коргон районунун акими Таалайбек Дөлдөев белгилеп кеткендей, Апсамат Эргешов аксакал балдары менен 750 метр жерге зым тосмосун тартып, темир мамычаларын кошо орнотуу үчүн өз жанынан 220 миң сом акча каражатын сарптаган. Мындан сырткары иш билги багбан мөмө берүүчү бак дарактарды талаптагыдай көрктөндүрүп, асырап өстүрүүдө жана жайылтууда айылдаштарына дагы өрнөктүү, кадырлуу жана урматтуу ата болуп калды дешет жердештери.
Жолдошбай Осмонов, журналист

Дүйнөнүн жарымынан дагы бай 62 адам! Сүрөттөрү, тизмеси…

Ааламда 7 миллирад адам болсо, анын жарымы — 3.5 миллиард адамдын байлыгы 62 адамдын байлыгына дагы тең келбейт. 62 бай адамдын тизмеси:

ЛИ ШУ КИ , 22.2 млд. ДОЛЛАР. Кыймылсыз мүлк сектору. 29 января 1928-жылы 29-январда Кытайдын Шуньдэ ш. туулган. «Henderson Land Development Company Limitedдин» ээси жана негиздөөчүсү.

2a2dcae442ab297398f25e7107622efd_k

Марк ЦУКЕБЕРГ, 41.6 млд. доллар. Фейсбуктун негиздөөчүсү жана ээси.  1984-жылы 14-майда АКШнын Уайт-Плейнсте-Нью-Йоркто туулган. 

b05ab0cdfc63139d1a7997383907b36a_k

Тадаши ЯНАЙ, Соода тармагы, 1949-жылы 7-февралда Японияда Ямагутиде туулган. 

b3c8bfe01fc3e77cc84dfded59e7b64f_k (1)

Уоррен БАФФЕТТ, Финансист, 30-августа 1930-жылы АКШнын Омаха, Небраска ш. туулган.  

b3bf91ab46cf6775dcd2431deb10ee6b_k

Чарлз КОХ, «Кох соода түйүндөрү группасы». 1-ноябрда 1935-жылы АКШда Уичито, Канзаста туулган. 

af663cb3ffa6bac7fafa8e970c0ac591_k

Джон МАРС, Тамак-аш тармагы, (Milky Way, Mars, Skittles, Snickers, M&M’s и Twix шоколаттары) 5-октябрда, 1935-жылы АКШда туулган

ae81bee301ff0c01b309a33fe4bc7fc2_k

Тео АЛБРЕХТ, Дикаунтер, дүкөндөр тармагы, ALDI Nord ээси, 28-мартта 1922-жылы Германияда Рейн провинциясында туулган. .

ad8716ae0c9336c2474accef4e823f20_k (1)

Сэм Робсон УОЛТОН, Wal-Mart соода түйүндөрү, дүйнө боюнча супер, гипер маркеттер, 1945-жылы Оклахома, Талс ш. туулган. 

a5499997b95d33824387ef0de1c6b73d_kМихаил ОТТО, Белгилүү Metro гипермаркеттеринин негиздөөчүсү.  3-январда, 1924-жылы Германияда Эссене ш. туулган. a389888d1dbf07ec595b5781fb01d24b_k (1)

Кристи УОЛТОН, ири «Wal-Mart» соода компаниясынын мураскери, 1955-жылы АКШда туулган.

a531fdbd5991bdf9357cdb6037031194_k

Ли КА-ШИНГ, соода түйүндөрү, 1928-жылы Кытайда туулган. 

a7b20e75f385f46b245f4b3f2e05b25e_k

Данин ЧЕРВАНОНТ, тамак-аш сектору. Таиланд.

910537564348a91d45f49126d956de37_k

Фил НАЙТ, бүткүл дүйнөлүк  Nike белгилүү спорт товарларын чыгаруучу компаниянын негиздөөчүсү. 24-февралда, 1938-жылы АКШда Портленд, Орегондо туулган.  

037368116daaa103567018df08c4af91_k

Лилия БЕТАНКУР, 21 октябрда 1922-жылы Парижде туулган. L`Oreal компаниясынын негиздөөчүсүнүн мураскору жана жалгыз кызы, Европадагы эң бай аял, дүйнөдөгү эң таасирдүү аялдардын бири. 

199239f22373f022bf319382a033df79_k

Билл ГЕЙТС, 28-октябрда 1955-жылы. АКШда Вашингтондо туулган. Майкрософттун түзүүчүсү
198216ca7f89adf252d4763a35762ac2_kДевид КОХ, 3-майда 1940-жылы, АКШда туулган. Koch Industriesсынын аткаруучу вице-президенти. 
24670eccddc44cd00c16b8dc6f1f08c5_k
9017dfd9f55faf4899ec2d14c1ae7609_k (1)7822b004bea30622132095fd76d3f281_k6701f8531caa5a2c48b5b4dc1ae14d72_k83b0d95a7f6a03107e4c184601789eca_k (1)84aaeebf2f4f636561d84c108d87589d_k93c8377ff77e2672128c40819bc110e8_k (1)458ae1845b3a0d4521bf04bf0a72add8_k728fab66431bc2f31b41c407304b45ef_k807dd7ee4358c9d9f17ffdecd8528d8f_k877a4815127ea2fbcf6c6a9739d08ccd_k935daaa824a9953fac572e3f834183af_k2232a2c31598e3cf3c7e729506904de6_k (1)81a17d3113d94465c5aecc127840d594_k76d09cf853a9d09c0da862e208087dd3_k064f56babf4e9220f1f5234b60fbb9fe_k53cc9f0df50c6045c41d554630dc6168_k46f08757cc3fdd4bd887b68a9b961d62_k43a0a0708c0bb9730dec477d9ae70c55_k37bd47529217b8e61348d294d916b71f_k10cab77d255db452f640f61d7cef1252_k7be64e3a6b8db78bc9e6ea8f2a9df109_k4c0eae6235144f1f8924bb59e3997331_k4a93b3a200f4d2c70a87c95cefc99f53_k (1)3dd82affe6c7e811c1ec0fbfcc6b2605_k3d39bcacaeb4864cd8571e243f2bfb50_k3a08e1ebe3481de4f73210b624a73478_k (1)2df6cf29c558b38b3fd93c92b5c47edb_k (1)e5c7398e61def5bf01c44e9880664769_kdadf899a9884f5389084e3563f6e36f6_k (1)d821533e3ca885d30d3789bea352eb48_k (1)d097a97c1b02e3c16e4c4ca1282b8b18_kd3a69c4a75f6de139db5d35b6bb5156f_k (1)c700daac776858eee6755f9a27fd36d4_kb20565f7b74b536ac9709d42a75f0151_k (1)b808b9600030899727eb9491a41a264e_kb91daff968178b6724399d734a4dbe9b_k (1)a7b20e75f385f46b245f4b3f2e05b25e_k2ba6af97051f18aeab9317ad405c0c11_k45be344a47236918d1340964b4c

Булак: “Элдеми

Дүйнөнүн жарымынан дагы бай 62 адам! Сүрөттөрү, тизмеси…

Ааламда 7 миллирад адам болсо, анын жарымы — 3.5 миллиард адамдын байлыгы 62 адамдын байлыгына дагы тең келбейт. 62 бай адамдын тизмеси:

ЛИ ШУ КИ , 22.2 млд. ДОЛЛАР. Кыймылсыз мүлк сектору. 29 января 1928-жылы 29-январда Кытайдын Шуньдэ ш. туулган. «Henderson Land Development Company Limitedдин» ээси жана негиздөөчүсү.

2a2dcae442ab297398f25e7107622efd_k

Марк ЦУКЕБЕРГ, 41.6 млд. доллар. Фейсбуктун негиздөөчүсү жана ээси.  1984-жылы 14-майда АКШнын Уайт-Плейнсте-Нью-Йоркто туулган. 

b05ab0cdfc63139d1a7997383907b36a_k

Тадаши ЯНАЙ, Соода тармагы, 1949-жылы 7-февралда Японияда Ямагутиде туулган. 

b3c8bfe01fc3e77cc84dfded59e7b64f_k (1)

Уоррен БАФФЕТТ, Финансист, 30-августа 1930-жылы АКШнын Омаха, Небраска ш. туулган.  

b3bf91ab46cf6775dcd2431deb10ee6b_k

Чарлз КОХ, «Кох соода түйүндөрү группасы». 1-ноябрда 1935-жылы АКШда Уичито, Канзаста туулган. 

af663cb3ffa6bac7fafa8e970c0ac591_k

Джон МАРС, Тамак-аш тармагы, (Milky Way, Mars, Skittles, Snickers, M&M’s и Twix шоколаттары) 5-октябрда, 1935-жылы АКШда туулган

ae81bee301ff0c01b309a33fe4bc7fc2_k

Тео АЛБРЕХТ, Дикаунтер, дүкөндөр тармагы, ALDI Nord ээси, 28-мартта 1922-жылы Германияда Рейн провинциясында туулган. .

ad8716ae0c9336c2474accef4e823f20_k (1)

Сэм Робсон УОЛТОН, Wal-Mart соода түйүндөрү, дүйнө боюнча супер, гипер маркеттер, 1945-жылы Оклахома, Талс ш. туулган. 

a5499997b95d33824387ef0de1c6b73d_kМихаил ОТТО, Белгилүү Metro гипермаркеттеринин негиздөөчүсү.  3-январда, 1924-жылы Германияда Эссене ш. туулган. a389888d1dbf07ec595b5781fb01d24b_k (1)

Кристи УОЛТОН, ири «Wal-Mart» соода компаниясынын мураскери, 1955-жылы АКШда туулган.

a531fdbd5991bdf9357cdb6037031194_k

Ли КА-ШИНГ, соода түйүндөрү, 1928-жылы Кытайда туулган. 

a7b20e75f385f46b245f4b3f2e05b25e_k

Данин ЧЕРВАНОНТ, тамак-аш сектору. Таиланд.

910537564348a91d45f49126d956de37_k

Фил НАЙТ, бүткүл дүйнөлүк  Nike белгилүү спорт товарларын чыгаруучу компаниянын негиздөөчүсү. 24-февралда, 1938-жылы АКШда Портленд, Орегондо туулган.  

037368116daaa103567018df08c4af91_k

Лилия БЕТАНКУР, 21 октябрда 1922-жылы Парижде туулган. L`Oreal компаниясынын негиздөөчүсүнүн мураскору жана жалгыз кызы, Европадагы эң бай аял, дүйнөдөгү эң таасирдүү аялдардын бири. 

199239f22373f022bf319382a033df79_k

Билл ГЕЙТС, 28-октябрда 1955-жылы. АКШда Вашингтондо туулган. Майкрософттун түзүүчүсү
198216ca7f89adf252d4763a35762ac2_kДевид КОХ, 3-майда 1940-жылы, АКШда туулган. Koch Industriesсынын аткаруучу вице-президенти. 
24670eccddc44cd00c16b8dc6f1f08c5_k
9017dfd9f55faf4899ec2d14c1ae7609_k (1)7822b004bea30622132095fd76d3f281_k6701f8531caa5a2c48b5b4dc1ae14d72_k83b0d95a7f6a03107e4c184601789eca_k (1)84aaeebf2f4f636561d84c108d87589d_k93c8377ff77e2672128c40819bc110e8_k (1)458ae1845b3a0d4521bf04bf0a72add8_k728fab66431bc2f31b41c407304b45ef_k807dd7ee4358c9d9f17ffdecd8528d8f_k877a4815127ea2fbcf6c6a9739d08ccd_k935daaa824a9953fac572e3f834183af_k2232a2c31598e3cf3c7e729506904de6_k (1)81a17d3113d94465c5aecc127840d594_k76d09cf853a9d09c0da862e208087dd3_k064f56babf4e9220f1f5234b60fbb9fe_k53cc9f0df50c6045c41d554630dc6168_k46f08757cc3fdd4bd887b68a9b961d62_k43a0a0708c0bb9730dec477d9ae70c55_k37bd47529217b8e61348d294d916b71f_k10cab77d255db452f640f61d7cef1252_k7be64e3a6b8db78bc9e6ea8f2a9df109_k4c0eae6235144f1f8924bb59e3997331_k4a93b3a200f4d2c70a87c95cefc99f53_k (1)3dd82affe6c7e811c1ec0fbfcc6b2605_k3d39bcacaeb4864cd8571e243f2bfb50_k3a08e1ebe3481de4f73210b624a73478_k (1)2df6cf29c558b38b3fd93c92b5c47edb_k (1)e5c7398e61def5bf01c44e9880664769_kdadf899a9884f5389084e3563f6e36f6_k (1)d821533e3ca885d30d3789bea352eb48_k (1)d097a97c1b02e3c16e4c4ca1282b8b18_kd3a69c4a75f6de139db5d35b6bb5156f_k (1)c700daac776858eee6755f9a27fd36d4_kb20565f7b74b536ac9709d42a75f0151_k (1)b808b9600030899727eb9491a41a264e_kb91daff968178b6724399d734a4dbe9b_k (1)a7b20e75f385f46b245f4b3f2e05b25e_k2ba6af97051f18aeab9317ad405c0c11_k45be344a47236918d1340964b4c

Булак: “Элдеми

Ош облусунда диний туризимди өнүктүрүү боюнча аракеттер көрүлүүдө

Бүгүн, 31-мартта Ош облусунун мусулмандар казыятынын окуу жана маалымат бөлүмүнүн адистери Ош облдусундагы тарыхый диний объектилер жөнүндөгү маалыматтарды чогултуу максатында Ош облустук “Сулайман-Тоо” тарыхый музей комплекси менен кызматташып баштады. Бул туралуу Ош облусунун мусулмандар казыятынын маалымат кызматы билдирди.

Казыяттын кызматкери Ыйман Матраимовдун билдирүүсүндө учурда КРнын Өкмөтүнүн Ош облусундагы ыйгарым өкүлчүлүгүнөн жана КРнын Туризм департаментинен Казыятка диний туризимди өнүктүрүү максатында Ош облусунун аймагындагы диний объектилер боюнча маалыматтарды чогултуу тапшырмасы берилген. Андыктан жоопкерчиликтүү тапшырманы аткарууда бардык аркеттер көрүлүүдө. Ош облусундагы диний тарыхый объектилер жөнүндөгү маалыматтарды туристерге жеткире алсак, элибиздин диний маданиятын, Исламдын баалуулуктарын даңазалап, жергиликтүү экономиканы көтөрүүгө жол ачылат деп баса белгиледи.

Ош облусунда диний туризимди өнүктүрүү боюнча аракеттер көрүлүүдө

Бүгүн, 31-мартта Ош облусунун мусулмандар казыятынын окуу жана маалымат бөлүмүнүн адистери Ош облдусундагы тарыхый диний объектилер жөнүндөгү маалыматтарды чогултуу максатында Ош облустук “Сулайман-Тоо” тарыхый музей комплекси менен кызматташып баштады. Бул туралуу Ош облусунун мусулмандар казыятынын маалымат кызматы билдирди.

Казыяттын кызматкери Ыйман Матраимовдун билдирүүсүндө учурда КРнын Өкмөтүнүн Ош облусундагы ыйгарым өкүлчүлүгүнөн жана КРнын Туризм департаментинен Казыятка диний туризимди өнүктүрүү максатында Ош облусунун аймагындагы диний объектилер боюнча маалыматтарды чогултуу тапшырмасы берилген. Андыктан жоопкерчиликтүү тапшырманы аткарууда бардык аркеттер көрүлүүдө. Ош облусундагы диний тарыхый объектилер жөнүндөгү маалыматтарды туристерге жеткире алсак, элибиздин диний маданиятын, Исламдын баалуулуктарын даңазалап, жергиликтүү экономиканы көтөрүүгө жол ачылат деп баса белгиледи.

Глава ФАО выступил на Совете безопасности ООН о роли фермеров и важности наличия продовольствия во времена конфликтов

Грациано да Силва подчеркнул, что искоренение голода и поддержка устойчивой жизнедеятельности сельских районов способствуют укреплению мира

30 марта 2016, Нью-Йорк – Обеспечение продовольственной безопасности способствует установлению устойчивого мира и даже может предотвращать возможные конфликты, отметил в своем выступлении в Совете Безопасности Организации Объединенных Наций Генеральный директор ФАО Жозе Грациано да Силва.

«Мы уверены, что укрепление продбезопасности помогает предотвращать кризисы, смягчать их воздействие и содействовать посткризисному восстановлению и примирению, сказал Грациано да Силва.

Конфликты – ключевой фактор затяжных кризисов в странах, где распространение голода в несколько раз выше, чем в остальной части развивающегося мира, и страны с низким уровнем продовольственной безопасности как правило более всего страдают от конфликтов.

В качестве примеров он упомянул Сирию, Йемен, Южный Судан и Сомали. А вот случаи послевоенных Анголы и Никарагуа, пережившей геноцид Руанды и обретшего независимость Тимора-Лешти наглядно демонстрируют взаимодополняющий характер вопросов мира и обеспечения продовольствием, подчеркнул глава ФАО.

В противном случае наблюдаются рецидивы насилия.

Что может ФАО

Неспособность обеспечения продовольственной безопасности ставит под угрозу процессы стабилизации – риски, с которыми в настоящее время сталкиваются Йемен и Центральноафриканская Республика, где половина населения голодает, – сказал Грациану да Силва.

Содействие в обеспечении продовольственной безопасности может осуществляться даже во времена конфликтов, добавил он, отметив что ФАО удалось уничтожить чуму крупного рогатого скота и обеспечить доступ ветеринаров к животным именно во время военных действий.

Сирия – еще один пример. Многие фермеры покинули свои земли, однако те, кто остался, собирают почти две трети урожая пшеницы в стране от объемов в докризисные времена благодаря семенам, полученным от ФАО. Этого недостаточно, но «имело решающее значение в предотвращении еще большего исхода беженцев и закладки основ для восстановления» страны, сказал он.

Содействие развитию сельских районов может также облегчить усилия по урегулированию. ФАО согласилась сотрудничать с правительством Колумбии, реализуя проекты срочной помощи, нацеленные на укрепление продовольственной безопасности и развитие сельских районов для консолидации мирного соглашения, достижение которого ожидается уже в ближайшее время.

Международные усилия по достижению мира станут более эффективными, если включат меры по повышению устойчивости сельских домохозяйств, общин и средств к существованию, поскольку они принимают на себя основную тяжесть потерь в современных конфликтах.

«Если продбезопасность может быть стабилизирующей силой, то продовольствие и сельское хозяйств рассматриваются как путь к миру и безопасности», добавил он.

Усилия по поддержке сельского хозяйства и сельских районов могут быть мотивирующим фактором объединения людей после конфликта и предлагают «дивиденды мира», способствуя устойчивости мирной жизни, сказал он.

Роль и функции ООН

Слушания были организованы правительством Анголы, председательствующей в Совете Безопасности в марте, и правительством Испании, членом Совета.

Сегодняшнее заседание Совета безопасности ООН проходило в формате так называемой «формулы Аррии». Это значит, что оно носило неофициальный характер и в нем могли принимать участие лица, приглашенные по инициативе того члена Совбеза, который предложил провести подобную встречу. Кстати, представитель ФАО впервые в истории ООН принимал участие в совещании Совбеза.

Грациано да Силва отметил, что основным посланием повестки дня 2030 по устойчивому развитию, принятой в прошлом году всеми государствами-членами ООН является то, что «устойчивого развития не может быть без мира и мира не может быть без устойчивого развития».

Он также отметил, что доклад Генерального секретаря ООН Пан Ги-Муна «Одно человечество: общая ответственность» на Всемирном гуманитарном саммите в Стамбуле в мае призывает все международные организации, включая Совет Безопасности, к «активным действиям в предотвращении конфликтов».

«Известно, что предотвращение конфликтов требует решения проблем, лежащих в основе конфликтов, включая голод и отсутствие продбезопасности», – сказал Грациано да Силва.

Он объявил, что ФАО в настоящее время разрабатывает корпоративную политику миростроительства для усиления вклада организации в предотвращение конфликтов, и создание более эффективных и гибких основ для сотрудничества.

«Реализация такой политики потребует более тесного взаимодействия с правительствами и широким кругом субъектов миростроительства, гуманитарной помощи и развития», сказал он, отметив, что ФАО имеет внушительный опыт сотрудничества с партнерами как внутри, так и за пределами системы ООН, включая Международный фонд сельскохозяйственного развития, Всемирную продовольственную программу, Управление по координации гуманитарной деятельности.

ОЛЬГА ГРЕБЕННИКОВА, Консультант по связям с общественностью Продовольственной и сельскохозяйственной организации ООН (ФАО) В Центральной Азии

Кытай куксисинен көрө кыргыз жупкасы пайдалуу

Талас облусунун Бакай-Ата районундагы Кең-Арал айылынын тургуну Дуулат АСАНОВ үй шартында жасалган жупка чыгаруучу чакан ишкана ачып, ийгиликтүү иштетүүдө. Апасынын атынан «Нуска» деп атап каттоодон өткөн бул чакан ишкана жупканын түрлөрүн атайын стандарттуу идиштерге салып, этикетка жармаштырып саттыкка чыгарууда. Айрыкча кары кишилерге, туристтерге арналып чыгарылып жаткан бул азык Бишкек шаарынын дүкөндөрүндө да сатылууда.

 — Дуулат мырза, чакан айылда туруп жакшы ишкерлик менен алектенип жаткан экенсиң. Жупка жасоого кандайча кызыгып, бул ишкерликти кантип баштап калдыңар?

– Негизи бул менин карындашым Кенженин идеясы. Борбор калаабызда студент болуп жүргөн кезибизде апам жупка жасап туруп бир баштыкка түйүп берчү. Студенттик куракта аябай жакшы күлазык эле. Анан эле Кытайдан келген кукси дегендер чыга баштады. Курулуш ишиндеби, үйдө болобу куксини ичип жүргөндөрдү көрүп, ушундай эле тез даяр болгон жупканы чыгарсак эмнеге болбойт деп бул ишке киришкенбиз. Алгач үйдөн жасап тарата баштаганыбызда муну өзүбүз деле жасап алабыз да деп көргөндөр күлүп да жүрүштү. Алуучу кардарларыбыз да жок болчу. Алты айдай жөн гана чыгаша болуп жүрдүк. Борбор калаабызга келип, Дордой, Ош базарларына жупканы бекер тараткан күндөрүм да болду.

– Кичинекей ишкерлик бүгүн кандай,  кардарлар көбөйүп калдыбы?

– Алгач жубайым, карындашым үчөөбүз иштеп жатканбыз. Учурда кудайга шүгүр карамагыбызда  сегиз адам иштеп жатат. Бишкекке, Ошко, Таразга жөнөтүп турабыз. 200, 300 даана жупка керек деп заказдар түшүп калат. Биз дайындап беребиз. Кардарларыбыз күн санап көбөйүп келет. Биздин бул ишкерлигибиздин келечеги кенен деген үмүттөмүн. Маркум Табылды Эгембердиев агабыз максым- шорону кандай деңгээлге көтөрүп кетти. Кыргыздын даамы болгон жупка дагы ата-бабабыздан калган эң пайдалуу, сиңимдүү, эң ыңгайлуу азык деген ойдомун.

IMG_1132-minЖупкага сары май, сүзмө керектелет эмеспи. Бул азыктар өзүңөрдөн чыгабы?

— Алгач өзүбүздүн уйдун сүтү эле баарына жетчү. Кийин азыктар көбүрөөк керектеле баштады. Сатып алган сүзмө, сары майлар ар кандай болуп калат экен. Базардан алсаң ар кандай кошулмалар кошулган сары майга, быштактай болгон сүзмөлөргө туш болосуң. Ошондуктан каймакты эле сатып алып, сары майды өзүбүз дайындайбыз. Сүзмөнү да ишеничтүү адамдарга табыштайбыз.

-Алгач тажрыйба жүргүзүүнүн негизинде иштеп, бир топ кыйынчылыктар жаралыптыр. Бүгүнкү күндө үзүрүн көрүп, үй-бүлөлүк бюджетиңерге кирешелер кире баштадыбы?

-Баардык нерсеге сабырдуулук жана эмгек керек эмеспи. Көп ишкерликке киришкендер кичине кыйналса токтотуп коюшат. Кудайга шүгүр азыркы учурда үзүрүн аздап көрө баштадык. Биздин колдон жаралган жупка да ар бир дүкөн текчелеринен орун алат деген үмүттөбүз.

Жупканы кантип жасайбыз? 

Жупканы мындай күндөрү жасабаганыбыз менен, ыйык Рамазан айында көпчүлүктүн сүйүктүү даамына айланат. Анткени ал тоюмдуу жана сиңимдүү тамак болуп саналат.

Керектелүүчү азыктар: 200 грамм ун, 1 стакан суу, татымына жараша туз.

Даярдоо ыкмасы:  Буудай унунан катуу камыр жууруп, тыныктырып коёбуз.

Тыныккандан кийин четинен үзүп алып, калыңдыгы 1-2 миллиметрдей кылып жайып алабыз. Жайылган камырды какшыган казанга же көмөчтанга улам бирден каттап салып, жети-сегизден жуптап бышырып алуу керек. Улам оодарып, отту бирдей кармап, баарына саресеп салбаса күйүп кетиши ыктымал.  Даяр болгон жупканы кесеге туурап, үстүнө сары май, эзилген сүзмөнү салып кайнак суудан куябыз. Татымына жараша туз саласыз. Үч мүнөттөн соң тамагыңыз даяр. Табитиңизге жараша кара мурч, майда тууралган пиязды кошуп ичсеңиз да болот.

Жупканы алдын ала даярдап, майдалап, кездемеден тигилген баштыкта 1 жылга чейин сактасаңыз болот. Анан да бул азык алыс жолго чыкканда алып жүрүүгө да ыңгайлуу.

Жупканы шорпого, сүткө, эзилген курутка чылап ичсе да болот.

Жамиля НУРМАНБЕТОВА

Булак: “Жаңы Агым”

Меню