Menu

РАСМИЙ КАБАРЛАР

Президент Алмазбек Атамбаев 8-март - Аялдардын эл аралык майрамы менен куттуктады

Бүгүн, 7-мартта, Президент Алмазбек Атамбаев аялдарды 8-март – Аялдардын эл аралык күнү менен куттуктады. Бул тууралуу Кыргыз Республикасынын Президентинин Аппаратынын маалыматтык саясат бөлүмү билдирди.

Төмөндө куттуктоонун текстин толук келтиребиз:

“Урматтуу Кыргызстан айымдары!

Баарыңыздарды жаздын, жаңылануунун жарчысы болгон Эл аралык аялдар майрамы менен чын дилимден куттуктайм!

Март майрамы узак кыштын түнт күндөрүнөн кийин жарк этип тийген күндөй, карды тээп чыккан гүлдөй көӊүлүбүздү ачат, жашоого дем берет.

Жарыкчылыкта эненикине теңдеш мээрим болбойт, ошондуктан оболу бардык энелерге башымды ийип таазим этем.

Элибизде эзелтен кыз баласын дайыма төргө чыгарып, өзгөчө урмат-сыйга бөлөп келген. “Кыздын кырк чачы улуу” деген нуска сөз ар бирибиздин аң-сезимибизге терең ширелген.

Кыргыз элинин байыркы тарыхында айкөл Манасты берген Чыйырдыдан тарта Каныкей менен Айчүрөк, Жаңыл Мырза менен Кыз Сайкал, Курманжан Датка сыяктуу даанышман, каарман жана мээнеткеч аялзатынын образы калыптанган.

Жоокер заманда ач бел, куу жондо от таап, ташка нан жаап, бүт журтту сактаган да, чабышкан тараптарды жараштырган да, керек кезде эки тизгин, бир чылбырды колго алып, эл баштаган да асыл аялдар болгон.

Кыргызстандын соӊку тарыхында оор сыноолорду аялдар чыдамкайлыгы жана кайраты менен жеӊип чыкты. Азыр кайсы тармакта болбосун айым лидерлер четинен табылат. Кыз-келиндерибиз жеӊил өнөр жайын жандантып, азыр “Кыргызстанда жасалган” деген кийим-кече өлкөбүздүн брендине айланууда.

Маданият менен искусстводо, кол өнөрчүлүктө, спортто албан ийгиликтерди жаратып жаткан айымдарыбыздын калыӊ катары өсүп чыкты.

Жергебизде тынчтыктын өкүм сүрүшүндө, жашоо-турмуштун бир нукка түшүп, өнүгүүгө карай бурулушунда сиздердин эмгекке баа жетпейт, асылкеч аялдар!

Эне сүтүн актаган, анын кадырына жеткен, аялзаты урмат-сыйга бөлөнгөн коом гана өсүп-өнөт.

Ардактуу энелер, кымбаттуу эже-карындаштар!

Бүгүн сиздер үчүн өзгөчө күн. Өлкөдөгү тынчтык, жакындардын амандыгы, үй-бүлөдөгү бакыбаттык – сиздерге улуу белек. Сиздер күн сайын белек алууга, урмат-сыйга бөлөнүүгө татыктуусуздар.

Ар дайым жүзүңүздөрдөн жылмаюу кетпесин, жаркын маанай, жакшылыктарды каалайм! Баарыӊыздарга чыӊ ден соолук, узак өмүр тилейм! Майрамыңыздар кут болсун!

Чыныбай Турсунбеков айымдарды майрамы менен куттуктады

Кыргыз Республикасынын Жогорку Кеңешинин Төрагасы Чыныбай Турсунбеков Кыргызстандагы жалпы айымдарды 8-март – Аялдардын эл аралык күнү менен куттуктады. Бул тууралуу КР ЖК басма сөз кызматы билдирди.

Төмөндө куттуктоо текстин келтиребиз:

Урматтуу энелер!

Ардактуу эже-карындаштар!

Сиздерди Кыргыз Республикасынын Жогорку Кеӊешинин жана жеке өзүмдүн атымдан жаз менен кошо жадырап кирип келген 8-март – Аялдардын эл аралык күнү менен куттуктайм!

Адамзаттын урпагын улап, жашоонун туткасын кармаган аялзаты улутту улут, элди эл кылган эбейгейсиз күчкө ээ. Эненин терметкен бешиги жер шарын тынчтыкка бөлөсө, эже-карындаштарыбыздын жылмайганы ааламга нур чачып, дүйөнү гүлбакчага айлантат. Уюткулуу кыргыз эли “бейиш эненин таманында, аял үйдүн куту, кыздын кырк чачы улуу” деп асылзат айымдардын аруулугун, мээримдүүлүгүн даӊазалашкан.

Ошондой эле бабаларыбыздын баскан жолу да энелерибиздин айткан алдейи, жасаган кол эмгектери аркылуу уланып, апаларыбыздын өчпөгөн коломтосу шам чырактай келечек муунга жол көрсөткөн. Кыргыздын көптөгөн кыз-келиндери эр жигиттерден кем калбай Мекенди коргоодо жана мамлекеттүүлүктү сактоодо да арбын иш жасап, жан шеригинин алдында же артында эмес дайым жанында болушкан. Эркин демократиялык багытты тандап алган азыркы жолубузда да энелерибиздин ушул асыл сапаты баарыбызга таяныч болууда.

Кымбаттуу кыргызстандык асылкеч айымдар!

Сиздер бир үйдүн гана кубанычы эмес, жалпы улутту бакытка бөлөгөн, көөнөрбөс табериксиздер. Өлкө келечегин жаратып, улуттун учугун улаган кадырман энесиздер. Сиздердеги аруулук, сабырдуулук жана кажыбас кайрат калкыбызга дем-күч берип, баарыбызды жаркын үмүткө чулгайт. Силерге гана таандык делген сулуулук дүйнөгө көрк берип, чексиз сүйүүгө толгон жүрөгүӊүздөр ааламды жакшылыкка үндөйт.

Бар болуӊуздар! Дагы бир жолу майрамыӊыздар менен! Ден-соолук, узун өмүр жана бакубат жашоо каалайм! Турмушуӊуздар бүлүнбөсүн, ырыскыӊар төгүлбөсүн, жамандык көрбөй, жакындарыӊар менен бирге бактылуу өмүр сүргүлө. Силер ага татыктуусуӊар!

 

Бишкекте 7-мартта Евразия Өкмөттөр аралык кеңешинин кезектеги жыйыны өтөт

Евразия экономикалык бирлигине кирген мамлекеттердин Өкмөт башчылары эртең, 2017-жылдын 7-мартында, Бишкек шаарында Кыргыз Республикасынын Евразия экономикалык бирлигине төрагалыгынын алкагында Евразия Өкмөттөр аралык кеңешинин кезектеги жыйынын өткөрөт. Бул тууралуу Кыргыз Республикасынын өкмөтүнүн Аппаратынын маалыматтык камсыздоо бөлүмү билдирди.

Иш чарага Кыргыз Республикасынын Премьер-министри Сооронбай Жээнбеков, Россия Федерациясынын Өкмөтүнүн төрагасы Дмитрий Медведев, Казакстан Республикасынын Премьер-министри Бакытжан Сагинтаев, Беларусь Республикасынын Премьер-министри Андрей Кобяков жана Армения Республикасынын Премьер-министри Карен Карепетян, Евразия экономикалык комиссиясынын (ЕЭК) коллегиясынын төрагасы Тигран Саркисян катышат.

Евразия Өкмөттөр аралык кеңешинин кезектеги жыйыны тар чөйрөдө жана кеңири курамда өтөт.

Жыйында интеграциялык биримдиктин алкагындагы маанилүү маселелер талкууланат.

Евразия Өкмөттөр аралык кеңешинин кезектеги жыйынынын соңунда бир катар документтерге кол коюлат.

 

Премьер-министр Сооронбай Жээнбеков Өкмөттүн жаңы курамы менен жумушчу жыйын өткөрүп, жакынкы келечекке карата бир катар артыкчылыктуу милдеттерди белгиледи

Кыргыз Республикасынын  Премьер-министри Сооронбай Жээнбеков бүгүн, 14-ноябрда, Кыргыз Республикасынын  Өкмөтүнүн жаңы курамы менен жумушчу жыйын өткөрдү.

Премьер-министр белгилегендей, Кыргыз Республикасынын Жогорку Кеңеши Өкмөттүн Программасын, түзүмүн жана курамын бекитүү менен ишеним билдирди.

«Бул чоң ишеним катары кабылданып, бардык күч-аракетти Кыргыз Республикасынын Президенти, Кыргыз Республикасынын Жогорку Кеңеши жана эл тараптан көрсөтүлгөн ишенимди актоого жумшоо керек. Бизге жүктөлгөн ишенимди биз ак эмгегибиз аркылуу ак ниет иш алып барып, адилеттүү чечимдерди чыгарганда гана актай алабыз», – деп белгиледи Сооронбай Жээнбеков.

Өкмөт башчы билдиргендей, Өкмөттүн «Ишеним жана биримдик» программасы өзүнө өлкөнү өнүктүрүүдөгү негизги экономикалык багыттарды жана ырааттуулукту камтып турат. Аталган Программа 2013-2017-жылдарга кабыл алынган Кыргыз Республикасын туруктуу өнүктүрүүнүн Улуттук стратегиясына негизделген жана ЕАЭБге кошуулуу алкагындагы жаңы мүмкүндүктөргө жана чакырыктарга жооп берет.

Премьер-министр министрлик жана ведомстволорго аталган Программага таянып, өз максат-милдеттерин ага ылайык иштеп чыгууну тапшырды.

Парламенттин жыйынында «Ишеним жана биримдик» программасын талкуулоо учурунда депутаттар министрлик жана ведомстволор деңгээлинде чечилчү бир катар көйгөйлөрдү көтөргөн. Бирок айрым жетекчилер көптөгөн маселелердин чечилишин создуктуруп, жоопкерчиликти албагандыктан, маселени Өкмөттүк деңгээлде көтөрүп чыгууга туура келүүдө. Ар бир министр жана ведомство жетекчиси өзүнө жоопкерчилик алып, маселени мыйзамга ылайык чечүүсү тийиш», – деп белгиледи Сооронбай Жээнбеков.

Өкмөт башчысы ошондой эле вице-премьер-министрлердин алдына бир катар тапшырмаларды, анын ичинде тигил же бул тапшырмаларды аткарууда милдеттерди тыкыр көзөмөлгө алуу маселесин койду.

Сооронбай Жээнбеков Өкмөттүн жакынкы пландарына, анын ичинде күз-кыш мезгилинен ийгиликтүү өтүү , ЕАЭБдин мындан аркы интеграциясын активдештирүү, бюджеттик чыгымдарды оптимизациялоо иштерине токтолду. Ал өзгөчө мындан ары пенсия, айлык акы жана жөлөк пулдун убагында төлөнүшүно басым жасады.

Премьер-министр жарандардан өзгөчө мамлекеттик тейлөөлөр тууралуу нааразычылыктар түшүп жатканын баса белгиледи. Буга байланыштуу Маалымат жана байланыш мамлекеттик комитетинин төрагасы Бакыт Шаршембиевге ушул жылдын аягына чейин мурда  белгиленгендей 20 дай мамлекеттик тейлөөнү электрондук форматка өткөрүүнү тездетүүнү тапшырды.

Соңунда  Премьер-министр Сооронбай Жээнбеков Өкмөттүн жаңы курамынын алдына өз ишмердүүлүгү жана иш жыйынтыгы аркылуу коомчулуктун ишенимин арттыруу, калктын көйгөйлөрүн жеринде  ыкчам чечүү үчүн Өкмөттүн Аппараты менен жергиликтүү өзүн-өзү башкаруу органдарынын ортосундагы байланышты жакшыртуу тапшырмасын койду.

«Өкмөт жоопкерчиликти өзүнө алып, мобилдүү болуп, келип чыккан көйгөйлөрдү ыкчам чечиши керек. Өлкө жетекчилиги жана Өкмөт тарабынан чиновниктердин ишин баалоонун талабы күчтүү болот. Биз мамлекеттик аткаруу бийлик органдарынын конкреттүү жыйынтыгы ийгиликтин негизин түзөөрүн унутпашыбыз керек», – деп жыйынтыктады Өкмөт башчы Сооронбай Жээнбеков.

Казакстан Республикасынын Президенти Нурсултан Назарбаев кыргызстандыктардын курман болушуна алып келген кайгылуу окуяларга байланыштуу көңүл айтты

Казакстан Республикасынын Президенти Нурсултан Назарбаев кыргызстандыктардын курман болушуна алып келген кайгылуу окуяларга байланыштуу  көңүл айтты. Бул тууралу Акордонун басма сөз кызматы билдирет.

«Кыргыз жарандарынын курман болушуна алып келген Москва шаарындагы басмаканадан чыккан өрт жана Бишкек-Ош автожолундагы кырсык тууралуу суук кабарды терең кайгыруу менен кабыл алдым. Бир тууган кыргыз элинин аза кайгысын тең бөлүшүү менен Казакстан элинин жана өзүмдүн атымдан курман болгондордун туугандарына жана жакындарына көңүл айтам”,- деп айтылат Казакстандын Президентинин телеграммасында.

Казакстандын Президенти Нурсултан Назарбаев ошондой эле жабыр тарткандардын тез сакайып кетишин каалады.

Казакстан Республикасынын Президенти Нурсултан Назарбаев кыргызстандыктардын курман болушуна алып келген кайгылуу окуяларга байланыштуу көңүл айтты

Казакстан Республикасынын Президенти Нурсултан Назарбаев кыргызстандыктардын курман болушуна алып келген кайгылуу окуяларга байланыштуу  көңүл айтты. Бул тууралу Акордонун басма сөз кызматы билдирет.

«Кыргыз жарандарынын курман болушуна алып келген Москва шаарындагы басмаканадан чыккан өрт жана Бишкек-Ош автожолундагы кырсык тууралуу суук кабарды терең кайгыруу менен кабыл алдым. Бир тууган кыргыз элинин аза кайгысын тең бөлүшүү менен Казакстан элинин жана өзүмдүн атымдан курман болгондордун туугандарына жана жакындарына көңүл айтам”,- деп айтылат Казакстандын Президентинин телеграммасында.

Казакстандын Президенти Нурсултан Назарбаев ошондой эле жабыр тарткандардын тез сакайып кетишин каалады.

Сокулук районунун Жыламыш айылын Жангарач айылына өзгөртүп атоо жөнүндө Мыйзамга кол коюлду

Алмаз Атамбаев “Кыргыз Рсспубликасынын Чүй областынын Сокулук районунун Гавриловка айыл аймагындагы Жыламыш айылын Жангарач айылына өзгөртүп атоо жөнүндө” Кыргыз Республикасынын Мыйзамына кол койду.

Мыйзам 2016-жылдын 9-июнунда Кыргыз Республикасынын Жогорку Кенеши тарабынан кабыл алынган.

Мыйзамдын долбоору Жыламыш айылынын жашоочуларынын кайрылууларынын негизинде жана “Кыргыз Республикасынын административдик-территориялык түзүлүшү жөнүндө” Кыргыз Республикасынын Мыйзамында каралган эрежелерге жана жол-жоболорго ылайык Кыргыз Республикасынын Өкмөтү тарабынан даярдалган.

Кыргыз Республикасынын Чүй областынын Сокулук районунун Гавриловна айыл аймагындагы Жыламыш айылы 1919-жылга чейин Жангарач айылы деп аталган. Кийинчерээк ал Чапаев, андан соң – Жыламыш айылы деп кайра аталган. Муну Кыргыз Республикасынын Борбордук мамлекеттик архивинин материалдары тастыктап турат.

Мыйзам расмий жарыяланган күндөн тартып он күн өткөндөн кийин күчүнө кирет

Сокулук районунун Жыламыш айылын Жангарач айылына өзгөртүп атоо жөнүндө Мыйзамга кол коюлду

Алмаз Атамбаев “Кыргыз Рсспубликасынын Чүй областынын Сокулук районунун Гавриловка айыл аймагындагы Жыламыш айылын Жангарач айылына өзгөртүп атоо жөнүндө” Кыргыз Республикасынын Мыйзамына кол койду.

Мыйзам 2016-жылдын 9-июнунда Кыргыз Республикасынын Жогорку Кенеши тарабынан кабыл алынган.

Мыйзамдын долбоору Жыламыш айылынын жашоочуларынын кайрылууларынын негизинде жана “Кыргыз Республикасынын административдик-территориялык түзүлүшү жөнүндө” Кыргыз Республикасынын Мыйзамында каралган эрежелерге жана жол-жоболорго ылайык Кыргыз Республикасынын Өкмөтү тарабынан даярдалган.

Кыргыз Республикасынын Чүй областынын Сокулук районунун Гавриловна айыл аймагындагы Жыламыш айылы 1919-жылга чейин Жангарач айылы деп аталган. Кийинчерээк ал Чапаев, андан соң – Жыламыш айылы деп кайра аталган. Муну Кыргыз Республикасынын Борбордук мамлекеттик архивинин материалдары тастыктап турат.

Мыйзам расмий жарыяланган күндөн тартып он күн өткөндөн кийин күчүнө кирет

Мирбек Касымкулов назначен командующим Национальной гвардией

Мирбек Касымкулов назначен командующим Национальной гвардией.

Cоответствующий указ подписал президент Алмазбек Атамбаев 15 июня, сообщает пресс-служба главы государства.

Бакыт Рыспаев назначен директором ГАМСУМО

Премьер-министр Сооронбай Жээнбеков подписал распоряжение, согласно которому Рыспаев Бакыт Келгенбаевич назначен директором Государственного агентства по делам местного самоуправления и межэтнических отношений при правительстве Кыргызской Республики. Об этом сообщает пресс-служба правительство.

Меню