РАСМИЙ КАБАРЛАР

ИИМдин Патрулдук милиция башкы башкармалыгы жол эрежесин бузгандарга айыпты үч эсе көтөрүүнү сунуштап жатат. Өлкөдө жол кырсыктары көбөйүп жатканына кабатырланган айрым кыргызстандыктар бул демилгени колдошууда. Милиция оң рулдуу автоунааны коммерциялык багытта колдонууга тыюу салууну да сунуштоодо. Буга оң рулдуу автоунаа менен такси кызматын көрсөткөн айдоочулар каршы.

Булак: “Борбор Азия жаңылыктар кызматы”

Бул тууралуу  Премьер-министр Сапар Исаков бүгүн,Ысык-Көл облусундагы Кумтөр кенинде жайгашкан, алтын өндүрүүчү «Kumtor Gold Company» компаниясынын ишмердүүлүгү менен таанышкан учурда айтты, – деп билдирди Өкмөтүнүн Аппаратынын маалыматтык камсыздоо бөлүмү.

«Келишимге ылайык «Centerra Gold Inc.»компаниясы 50 млн. АКШ долларын бөлө турган болду. Кыргыз Республикасынын Өкмөтүнүн чечими менен аталган каражат Ысык-Көлдүн жээгине жакын жайгашкан шаар, айылдардын суу түтүктөрүн курууга жумшалат. Бул иштер этап-этабы менен жүргүзүлөт. Эң башкысы тазалоочу түтүкөр Кумтөр кенине жакын жайгашкан айылдарга жана калк көп жайгашкан жерлерге орнотулат», — деди Премьер-министр Сапар Исаков.

Онкологиялык борборго заманбап медициналык каражаттарды сатып алууга «Centerra Gold Inc.» компаниясы  10 млн. АКШ долларын бөлө турган болду. Бул тууралуу Кыргыз Республикасынын Премьер-министри Сапар Исаков Ысык-Көл облусундагы Кумтөр кенинде жайгашкан, алтын өндүрүүчү «Kumtor Gold Company» компаниясынын ишмердүүлүгү менен таанышкан учурда билдирди, – дейт Өкмөтүнүн Аппаратынын маалыматтык камсыздоо бөлүмү.

«Кабыл алынган чечим «Centerra Gold Inc.» компаниясынын социалдык жоопкерчилигинин жогору экенинен кабар берет. Биздин мамлекетте жыл сайын 18 миңден ашык жарандар онкологиялык оорудан каза болгонун эске алганда бул абдан маанилүү чечим. Ошондуктан Кыргыз Республикасынын Президенти Алмазбек Атамбаев онкологиялык борбордогу абалды тез арада оңдоо тууралуу чечим кабыл алган. Бөлүнө турган 10 млн. АКШ доллары өлчөмүндөгү каражат онкологиялык борборго заманбап медициналык жабдыктарды сатып алууга, модернизациялоого жана онкологиялык оорулардын эрте башталышын аныктай турган атайын аппараттар менен камсыз кылууга жетет», — деди ал.

Премьер-министр Сапар Исаков ошондой эле «Centerra Gold Inc.» компаниясы Кумтөр кенинин айланасындагы бардык экологиялык нормаларды сактоо боюнча «AMEC» компаниясы тарабынан айтылган бардык көрсөтмөлөрдү аткара турганын да  билдирди.

«Бул максатта «Centerra Gold Inc.»  компаниясы кошумча дагы 10 млн. АКШ  долларын бөлөт. Бизде болгон бардык калган документтер боюнча Кумтөр кенин дагы 8-10 жыл иштейт. Сиздер билесиздер Кумтөр кенинде 3,5 миң адам эмгектенет. Кыргыз Республикасынын Өкмөтү Кумтөр кенинин мындан ары да ишмердүүлүгүн улантуусуна кызыкдар. Биз «Centerra Gold Inc.» компаниясы кыргыз тарап менен биргеликте дагы геологиялык чалгындоо иштерин өткөрүүгө болжол менен 10 млн. АКШ долларын бөлө тургандыгы тууралуу сүйлөштүк. Бул маселе боюнча өзүнчө келишимге кол коюлат», — деп жыйынтыктады Премьер-министр Сапар Исаков.

Чүй ОИИББнин кызматкерлери ыкчам-иликтөө иш-чараларын жүргүзүү учурунда Сокулук районунун 58 жаштагы жашоочусу “ИЖ” үлгүсүндөгү ок атуучу куралын өз ыктыяры менен тапшырган. Бул туралуу ИИМдин басма сөз кызматы маалымады.

Андан тышкары, 9-сентябрь күнү 30 жаштагы Панфилов районунун жашоочусу 16-калибрдеги ок атуучу куралды тапшырып, ал атасынан калганын билдирген.

Кошумчалай кетсек, ИИМдин эскертүүсү боюнча, эгерде жаран ок атуучу куралды өз ыктыяры менен тапшырса, кылмыш жоопкерчилигине тартылбайт.

Бүгүн Жалал-Абад шаарында  Жалал-Абад областынын жаштарынын демилгеси менен Кыргыз республикасынын президентинин аппаратына караштуу “Ыйман” фондунун жана жергиликтүү бийликтин колдоосу астында  ири масштабдагы “Жалал-Абадга жаштардан белек” аттуу семинар өткөрүлдү. Бул туралуу Жалал-Абад мэриясынын маалыматтык борбору билдирди.

Жалал-Абад мамлекеттик университетине “Ыйман” диний маданиятты өнүктүрүү фондунун төрагасы Нуржигит Кадырбеков келип, 400 гө жакын студентке “Ыйман, адеп жана маданият” жылынын алкагында жаштарды туура жолго үндөө максатында семинар өттү.

Анын айтымында, борбордо отура бербестен, мүмкүнчүлүктүн болушунча ар бир областты, район-шаарларды кыдырып, эл аралап, жаштарга ыйман, адеп, маданият боюнча түшүндүрүү иштерин жүргүзөлү деп чечтик. Анткени жаштар эртеңки келечек, аларга биз туура тарбия бербесек, алардан көрүнүктүү, билимдүү, илимдүү инсандар чыкпай калышы мүмкүн.

-Алдыда Кыргызстаныбыздын президентин тандоо максатында шайлоо өткөрүлөт. Мына ошол шайлоодо, тандоодо жаштарыбыздын орду чоң. Көпчүлүгү шайлоого катышкандан баш тартышат. Бул туура эмес нерсе. Ар бир жаран шайлоо укугун баркташы керек. Канча элдер ушул укукка жетүү үчүн чок тебелеп, кан кечишкен. Бизге шайлоо үчүн атышуунун, урушуунун, согушуунун зарылдыгы жок. Ал укуктардын баары колубузда турат. Бирок, бизде ал укуту барктабай жаткандар көп. Ошондуктан ар бир жаран кайдыгер карабай, шайлоого катышып, өздөрү ишенич көрсөткөн талапкерге добуш берүүсү керек. Мекен бул биздин көз карегибиз, жаныбыз жана намысыбыз. Добуш сатылбашы жана сатып алынуусу керек эмес. Кыргызстаныбыз кичинекей өлкө. Ыйык мекенибизди жарадар кылып албайлы, оорутуп албайлы, жоготуп албайлы. Кыргыз жаранына өзгөчө жаштарга тилерим ыйман, тазалык, абийир жана жоопкерчилик,- деди ал.

Семинардын соңунда келген конокко студенттер суроо беришип, жооп ала алышты.

Белгилей кетсек, төрт багыттагы  семинарлар бир эле убакытта Жалал-Абад шаарындагы төрт окуу жайда өттү.

Ысык-Көл облусунун ички иштер башкармалыгынын кызматкерлери тарабынан Ысык-Көл районунан баңгизаттарын мыйзамсыз сактоого шектүү катары 28 жаштагы Чүй облусунун тургуну кармалган. Бул туралуу Министрликтин басма сөз кызматы билдирди.

Кармалган жаранды текшерүү учурунда өзгөчө жыты бар зат табылган. Экспертизанын жыйынтыгы менен 2 килограмм салмактагы марихуана баңгизаты экендиги аныкталган.
Жогорудагы факты боюнча Кыргыз Республикасынын кылмыш-жаза кодексинин 246-беренесинин (Башкага берүү максатын көздөбөстөн баңги каражаттарын же психотроптук заттарды мыйзамсыз даярдоо, сатып алуу, сактоо, ташуу же жөнөтүү) негизинде кылмыш иши козголгон. Шектүү жаранга камакка алуу чечими чыгарылган. Учурда иликтөө иштери уланууда.