Menu

САЯСАТ

Орусияда мурдагы аткаминерлердин чыгымдарын текшерүү сунушталууда

Орусиянын Башкы прокуратурасы мурдагы аткаминерлердин коррупциялык схемаларга аралашуу ыктымалдыгын текшерүү үчүн алардын жана үй-бүлөсүнүн чыгымдарын көзөмөдөөнү сунуштады. Бул тууралу бейшембиде “Известия” гезити кабарлады.

Эгер мурдагы мамлекеттик кызматкердин мүлккө мыйзамсыз жол менен жеткендиги аныкталса, андаЕсли выяснится, что имущество было получено незаконно, бывшие госслужащие и их семьи его лишатся, следует из текста поправок.

Көзөмөл жүргүзүүнү аткаминер кызматтан кеткенден кийинки үч жылга киргизүү сунушталууда. Текшерүүгө мурдагы мамлекеттик кызматкердин кирешелери менен чыгашаларынын дал келбегендиги тууралуу билдирүүлөр негиз болушу мүмкүн.

Башкы прокуратурадан билдиришкендей, учурда мамлекеттик кызматтарда иштеп жаткан адамдардын гана чыгымдары текшерилет. Айтымдарында, алар жазадан кутулуу үчүн кызматтан кетип калышат, прокуратура болсо сотко кайрылуу негиздеринен ажырап калууда.

ИИМдин маалыматы боюнча, Орусияда паранын орточо көлөмү 2016-жылы 75 пайызга өсүп, 328 миң рублди түзгөн.

Булак: “Борбор Азия жаңылыктар кызматы”

Казакстанда сталиндик террордун 80 жылдыгын белгилөө сунушталууда

«Нур Отан» фракциясынын мүчөлөрү Иосиф Сталиндин тушунда Советтер Союзундагы жапырт камоолор, кыйноолор жана өлтүрүүлөрдүн курмандыктарын эскерүү иш-чарасын өткөрүүнү сунушташты.

Фракция мүчөлөрүнүн тиешелүү кайрылуусу өлкө премьер-министри Бакытжан Сагинтаевге жөнөтүлдү. Анда 1937-жылдагы өлкөдөгү кандуу тазалоолордун башталышынын 80 жылдыгын белгилөө зарылдыгы көрсөтүлгөн.

«Ал репрессиялардын жыйынтыгында көптөгөн саясий ишмерлер менен улуттук интеллигенция өкүлдөрү «эл душмандарынын» катарына киргизилип, атылган же узак мөөнөттөргө абактарга камалышкан», — деди фракция мүчөсү Карибай Мусырман.

Тарыхчылардын маалыматы боюнча, сталиндик репрессиялар маалында Казакстанда кеминде 22 миңдей киши атылган.

Советтер Союзундагы ири террордун башталышынын 80 жылдыгына байланыштуу депутаттар илимий-практикалык конференцияларды уюштуруп, билим берүү мекемелеринде ачык сабактарды, маданий жайларда окуу жыйындары менен көргөзмөлөрдү өткөрүүнү, ошондой эле тематикалык документалдык тасмаларды жана театралдык оюндарды көрсөтүүнү сунушташты.

Булак: “Борбор Азия жаңылыктар кызматы”

"Закрывашка"

Аз күн мурун Садыр Жапаров №1 СИЗОнун атайын камерасына камалганы, ал жерде

видеокөзөмөл бар экендиги боюнча тиешелүү органдар тарабынан кабарланды. Ошого катар конвой да кайтарып турары айтылды. Сырттан баам салган адамга коопсуздугу жайында болгондой сезилет. Бирок, иш жүзүндө андай эмес.

«Атайын камера» деген түрмөнүн тили менен айтканда «За­крывашка» деп аталат. Мындай хатага мошенниктер, бийликте жүрүп байыган маслократтар жана арты таза эмес адамдар өздөрү арыз жазуу менен киришет. «Централда» (№1 СИЗО) мындайлар жамынып алуу ка­тары бааланып, жүзү жок ка­тары сыпатталары белгилүү. «Закрывашкада» отургандарды «порядочныйлар», «беспредельщиктер», дегеле «воров­ской идеяны» тутунгандардын баары жининдей жек көрүшөт. Мисалы, ошол жамынып алгандар конвойдун коштоосу менен «продолдо» өтүп баратышса, жабык камералардын жыртыктарынан «шпаналар» түкүрүшөт. Колдон келсе зым, же учтуу кескичтер менен сайгылары келип турушат. Кокус бетме-бет кездешип калышса, «закрывашкадагылар» көздү тике ка­рай алышпайт, бүрүшө отура калышат да, аябай таяк жешет. Кыскасы, аларга күн жок. Моралдык, психологиялык жактан тез эле майтарылып калышат…

Дагы бир жагдай,«Закрывашкада» отурса эле «положенецтин» колу жетпей калуу деген утопия. Керек болсо түн ичинде шарак-шурак этип, жа­мынып алган эшиги оңой эле ачылышы мүмкүн. Же «гулкада», аба жутуп жүргөндө кармалат. Сурак катуу жүрөт. Чучукка жете турган сөздөр, мээге сайылган жаргондор, ур-тепки, аныгында аёосуз кыйноолор… Эң башкысы, «грузить» этилет. Сырттагы байлыгы саналат, калп айта албайсың, эгер билинип калса катуу жаза кылышат. Кы­скасы, түрмөнү багышың керек. Айтор, бул жаатта айта берсе сөз арбын. Негизи Садыр Жапаровго ушундай жашоо керек беле?..

Баса, Курманбек Бакиевдин режиминде Ишенбай Кадырбеков түрмөгө түшкөндө катуу кыйноолорго тушугуп, миллиондогон сомдорду которгону айтылат. Андагы Исмаил Исаков, Эркин Бөлөкбаев ж.б. саясый куугунтук менен камалгандарга да кысым болгонун билебиз. Не­гизи көп эле саясый ишмерлер камалганда «сынып» калышат. Мен билгенден бир гана гене­рал-лейтенант Элмурза Сатыбалдиев УКМКнын СИЗОсунда урматтуу инсан катары отурганы, анын эшиги ачык болгону, ал ошол жердегилерге камкордук кылып, адилеттүү болгону үчүн баары сыйлашканы маа- лым. Элмурза этап менен түрмөгө кетип атканда, биз азыр сөз кылып аткан «Централда» 8 күн жатып калат. Болгондо да ПЛСтердин (пожизненное лишение свободы) хатасында. Мындай жерде жатыш үчүн жигитгик сапатың жогору, «духуң вагон» болушу шарт. Анан да генералдын чөнтөк-кабы формачандар тарабынан текшерилбептир эч. Себеби, ал урматтуу болгону үчүн…

Ток этери, Садыр Жапаров сасык саясатка берилбей, тек гана сыртта жүрө берсе болмок, же шоусуз эле чуу көтөрбөй Кыргызстанга тынч келсе, жеңилирээк тагдыр күтөт беле? Тобо келтирели. «Түрмөгө жылан жатпасын» деген сөз бекер жерден лакапка айланбаса керек…

Булак: “Азия ньюс”

Депутаттардын Жалал-Абад шаардык кеңеши таркады  

 

Жалал-Абад шаардык кеңешинин бүгүнкү сессиясына мандат алган 31 депутаттын 23чү катышып, таркап кетүү боюнча бир добуштан чечимге келишти. Бул тууралуу Жалал-Абад шаардык мэриясынын басма сөз кызматы маалымдады.

Эске сала кетсек, өткөн жылдын 11-декабрындагы шайлоонун жыйынтыгы менен шаардык кеңешке КСДП, “Кыргызстан”, “Республика – Ата-Журт”, “Ата-Журт”, “Өнүгүү-Прогресс” партиялары өтүп, беш фракция түзүлгөн. Адегенде “Республика – Ата-Журт”, “Ата-Журт”, “Өнүгүү-Прогресс” фракциялары биригип, көпчүлүк коалициясын түзүштү, бирок биринчи уюштуруу сессиясындагы маселелерди чечкенге добуштардын жетишсиздигинен (депутаттардын жалпы санынын үчтөн бири) кризиске тушуккан.

Кийин фракциялардын ортосундагы саясий тирешүүдөн майнап чыкпасын билген “Республика – Ата-Журт” фракциясы көпчүлүк коалициядан чыгып, кайрадан  КСДП, “Кыргызстан”, “Республика – Ата-Журт” фракциялары көпчүлүк коалициясын түзүштү, бирок биринчи уюштуруу сессиясындагы маселелерди чечкенге добуш жетишпей, кайра эде кризис келип чыкты. Тирешүүлөрдөн жана сүйлөшүүлөрдөн майнап чыкпай, акыр таркап кетүүгө туура келди.

Бул сессияга “Өнүгүү-Прогресс” фракциясынын депутаттары келишкен жок.

Эскерте кетсек, депутаттык фракциялардын ортосундагы тирешүүдөн улам шаардын бюджети өз учурунда кабыл алынбай, шаардагы 100 миллион сомдук курулуш иштери баштала элек. Андан сырткары, ишке кирүүчү 17 миллион долларлык инвестициялык долбоорлор бекитилбей, 15 миллион сомдук стимулдаштыруу грантын алуу маселеси чечилбей турат.

Бирөөнүн кайгысы бирөөгө бакыт болуп келсе...

Эгерде Өмүрбек Текебаев соттолуп кетсе, «Ата Мекен» фракциясынын курамынан чыгып, мандатынан ажырайт эмеспи. Тизме жылышкан соң, кезектеги Искендер Гаипкуловдун депутат болуп келе турганын билебиз. Азырынча каарманыбыз кыңылдай ырдап, кымылдап жатса керек. Бирөөнүн кайгысы бирөөгө бакыт болуп келери ушул белем? Сыягы, «интриганын ичегисин чубаган» Искендер акеңердин мандаты Текебаевдин соттолушу менен колго тийсе, аягы жакшылык ыроолойбу?

Булак: “Азия ньюс”

Боронов менен Султанов неге Сокенин ордуна чуркай башташты?

Ошентип кыштан да чыктык. Өкмөттүн алдында көйгөйлөр көп болгону менен Сооронбай Жээнбеков баш көтөрбөй иштеп атып, кем-карчыбызды билдирген жок. Эң башкысы, жарык өчпөдү, отун-суу жетиштүү болду. Башынан эле экономикалык-социалдык абалыбыз начар экени жашыруун эмес. Кыйынчылыктар арбын. Ошол оор шартыбызга карабай, өкмөт баардык тармактарды алдыга тартууга аракет кылды. Артка кеткен жокпуз. Эми айдап-себүү машакаты башталууда. Мына ушундай түйшүктүү иштер кычап турганда, жогорку жакта саясый интригаларга жол берилгенин эшиттик. Премьер-министрдин креслосуна Кубатбек Боронов менен Калыкбек Султановдун чуркап атканы кандай? Же Соке КСДПдан президенттик шайлоого аттана турганы тар чөйрөдөн чечилген үчүн өкмөт башчылык талашка түштүбү? Албетте, бүйүр кызыткан суроолор дечи. Ал эми так жообун ким тастыктайт?

Булак: “Азия ньюс”

Анкара Сирия түндүгүндөгү аскерий операциясы аяктаганын билдирди

Түркиянын премьер-министри Бинали Йылдырым Сириянын түндүгүндөгү «Евфрат калканы» аскердик операциясынын ийгиликтүү аяктаганын билдирди. Ошол эле маалда ал жакынкы убактарда Сирияда жаңы операциялардын башталуу ыктымалдыгын жокко чыгарган жок.

«Мындан ары ИМ же башка топтор тарабынан биздин коопсуздугубузга коркунуч туулса, анда жаңы операциялар башталат», — деп билдирди Йылдырым.

Түркия куралдуу күчтөрүнүн өткөн жылдын августунда башталган «Евфрат калканы» операциясынын жүрүшүндө түрк аскерлери, танктары жана аба күчтөрү Сириянын Түркия менен чектешкен аймагындагы көтөрүлүшчүлөр тобун калкалап келген. «Сириянын эркин армиясы» аталган көтөрүлүшчүлөр тобу «Ислам мамлекетине» жана Анкара «террористтик уюм» деп эсептеген күрт көтөрүлүшчүлөрүнүн өкүлдөрүнө каршы күрөшүүдө.

30-мартта «Ислам мамлекети» экстремисттик тобуна каршы күрөшүү боюнча сүйлөшүүлөрдү жүргүзүү үчүн Түркияга АКШнын мамлекеттик катчысы Рекс Тиллерсон барган.

Булак: “Борбор Азия жаңылыктар кызматы”

АКШнын биринчи айымы аялдардын укуктарын кеңейтүү керектигин билдирди

АКШнын биринчи айымы Мелания Трамп «аялдардын укуктары менен мүмкүндүктөрүн кеңейтүүнү» колдой турганын айтты. Мындай билдирүүсүн ал дүйнө жүзү боюнча адам укуктарын коргоо менен алектенген активисттерди сыйлоо салтанатында жасады.

«Аялдар эрдиги» (“Women of Courage”) аталышындагы конференцияга атайын конок катары чакырылган Мелания Трамп салтанатта сыйланган 13 аялдын ишине жогорку баасын берип, дүйнөдөгү көп түрдүүлүктү кабыл алууга чакырды.

“Биз эски коркунучтарды жеңип, бардык жактагы адилетсиздикка каршы туруп, адилеттүүлүк үчүн күрөш жүргүзүшүбүз керек. Дүйнө коомчулугунун лидери катары биз аялдардын укуктарын, ошондой эле бардык катмардагы жана этникалык топтордогу адамдарга болгон сый-урматты кеңейтүү багытында ишти улантышыбыз зарыл. Биз акыры баарыбыз бир расадан, адамзат тукумунан экенибизди дайыма эстеп жүрүшүбүз керек», — деди АКШнын биринчи айымы.

Франс Пресс агенттиги белгилегендей, Мелания Трамптын «көп түрдүүлүктү» колдошу бир канча жолу «Биринчи кезекте Америка» деп жар салып, калгандарын коркунуч катары баалаган президент Дональд Трамптын администрациясынын көз карашы менен дал келбейт. Шаршембидеги салтанатта сыйланган аялдардын үчөөсү Трамптын администрациясы жарандарынын АКШга кирүүсүнө чектөө койгон Ирак, Сирия жана Йемен өлкөлөрүнөн болду.

Булак: “Борбор Азия жаңылыктар кызматы”

Иманкулов менен Абилдаевге ачууланган Айдар Акаев

Жакында 2005-жылдагы 24-март революциясынын 12 жылдыгына Москвадагы Акаевдер да жеке тарыхтарын эстешип, ичтеринен бир сыйра кан өтүп, күңгүрөнүп алышыптыр. Айрыкча Айдар Акаев ошол кеэдеги атайын кызматтын башчысы Калык Иманкулов менен каржы министри Болот Абилдаевге жаалы кайнап, дал ушул эки эрен үй-бүлөнү алгачкылардан сатып, ушул күндөргө дейре саламга жарабай жүргөндөрүн, кезеги келгенде жүздөрүн ачууга бел байлаарын эшиттик. Айдар чындап ачууланса, экөөнүн жүзүн ачканга ашыкса, бул жактагы күч органдары артын челип көрүшсө, эки эргулдуку болушунча «жылжып» кетет го? Бир кездери көпкөндүктөрүнүн акыры чыгабы?

Булак: “Азия ньюс”

Мамлекеттик тил боюнча улуттук комиссия КР Өзгөчө кырдаалдар министрлигиндеги мамлекеттик тилдин абалы менен таанышууда

“Кыргыз Республикасынын Мамлекеттик тили жөнүндө” мыйзамынын, Кыргыз Республикасынын Президентинин “Кыргыз Республикасында мамлекеттик тилди өнүктүрүү жана тил саясатын өркүндөтүү боюнча чаралар жөнүндө” №155 Жарлыгынын, Кыргыз Республикасынын Президентинин 2014-жылдын 2-июнундагы №119 Жарлыгы менен бекитилген “Кыргыз Республикасында 2014-2020-жылдары мамлекеттик тилди өнүктүрүү жана тил саясатын өркүндөтүүнүн улуттук программасынын” ишке ашырылышын жана Кыргыз Республикасынын Өкмөтүнүн 2004-жылдын 28-декабрындагы №958 жана 2013-жылдын 5-мартындагы №114 токтомдорунун аткарылышынын абалы менен жеринде таанышуу максатында Мамлекеттик тил боюнча улуттук комиссиянын буйругу менен түзүлгөн 2 топ 2017-жылдын февраль айынан бери мамлекеттик мекеме-уюмдардын иш-кагаздары менен жеринен таанышуу ишин жүргүзүп келе жатат.

Жогоруда белгиленген максат менен бүгүн 30-мартта КР Өзгөчө кырдаалдар министрлигинин Бишкек шаарында жайгашкан түзүмдүк бөлүмдөрүнүн иш кагаздары менен таанышуу башталды. Жыйынтыгы боюнча кенен маалымат текшерүүнүн соңунда берилмек

Меню