Menu

САЯСАТ

Табылды Акеров, саясат таанучу:​​​​​​​ “Юрист депутаттар гана Конституцияга өзгөртүүлөрдү киргизүү мыйзамын окуп, кол койбой коюшкан. Маселенин баары ушул жерде…”

Ушул норма өлкөнүн 80% түзгөн мусулмандарга каршы киргизилген. Бул норма мусулмандарды башка динге өтүүсүн бүгүнкүдөн да күчөтөт. Түндүк-түштүк маселесин курчутат. Бул норма боюнча ар кандай шылтоолор менен М.Мырзакматовду, С.Жапаровду, Н.Сулаймановду ж. б. бир топ саясатчыларды издөөгө берип, анан жарандыктан ажыратып койсо болот.

– Конституцияны 3 окууда депутаттар 86 добуш менен кабыл алды. Башта жалпы колдоого ээ болуп жатты эле. Демек, депутаттарда бийликтин басымынан эптеп кутулуу үчүн колдоп берип койду десек болобу? Эмнеге добуштар баштагыдан аз болуп калды?

– Депутат Чолпон Жакупова айтпадыбы, “Конституцияны демилгелеп алдыңар, бирок, аны бир окудуңарбы?”- деп. Азыркы ЖКнын курамынын тажрыйбасы жок, биринчи жолу депутат болуп келгендер көпчүлүктү түзөт. Булардын көбү мыйзам жаза албайт. Бул чакырылыш атайы ушундай негизде чогултулган. Буларды пайдаланып, Конституцияга өзгөртүү киргизүү каралган. Ошого президенттин аппараты буларды чакырып демилгечи болгуң  келсе, кол кой, тарыхта каласың  деп, алдап, коркутуп, баарын кол койдуруп алышкан. Юрист депутаттар гана окуп, кол койбой коюшкан. Кийин юрист депутаттар Конституцияга киргизилген өзгөрүүлөрдүн кемчиликтерин жана аны кабыл алуу мыйзамсыз жүрүп жатканын ачык айтып чыкканда, депутаттар ойлонуп, көпчүлүгү колдоодон баш тарта башташты. Бийлик коркутуп, зомбулукка алып, кайтарып отуруп, 3 окууда эптеп 85 добуш бергизип алды. Ошентип, Жогорку Кеңеш бийликтин кысымына чыдабай, “Кыргыз Республикасынын Конституциясына өзгөртүүлөрдү киргизүү жөнүндөгү” мыйзамдын долбоорун 3 ирет окуудан өткөрүп, президент Атамбаевге кол коюуга жөнөттү. Бирок, талаш уланууда.  Текебаев ЖКнын отурумунда 11 -декабрда референдум өткөрүүнүн өзү антиконституциялык болуп жатат деп билдирди. Себеби, мыйзам боюнча президент референдум жөнүндөгү мыйзамга кол койгондон кийин 1 айдан кийин гана Конституциянын долбоорун талкууга коет. “Президент кечээ эле кол койду, биз болсо, бир ай өтө электе эле 2 окуудан өткөрүп, 3 -окууну карап жатабыз”,- деп, каршылык билдирди. Депутат М.Абдылдаев да Конституцияга өзгөртүүлөр мыйзам бузуу менен өтүп жатканын эскертти. Бул маселеде парламенттин ролу чоң болушу керек экендигин, референдумду өткөрүү маселеси түздөн –түз парламенттин прерогативасы болоорун айтып чыкты. “Буга президенттин эч тиешеси жок”,- деп эскертти генерал депутат. “Өнүгүү” фракциясынын лидери Б.Төрөбаев: “биздин фракция толугу менен конституциялык өзгөрүүлөргө каршы добуш беребиз”- деп билдирди. Депутат А.Салянова “бийлик биринчиден Конституцияга өзгөртүүлөрдү күч менен киргизип жатат, экинчиден, Конституция насыя алган жарандар жөнүндө киргизип жаткан нормалар элдин кызыкчылыгында эмес, тескерисинче банкирлердин кызыкчылыгында болуп жактанын” белгиледи. “Эгерде бул норма кирип калса, анда банктан жарандар насыя алып, аны төлөй албай калса, камалышат, тамдарынан жана башка мүлктөрүнөн айрылышат. “Кумтөр” боюнча кирген нормада да негизги күнөөлүү деп табылган 10 адам жазага тартылбай калат экен. Ошол 10 адам баарына күнөлүү да. Бул туура эмес, Конституция элдин кызыкчылыгына тескери өзгөртүлүп жатат”- деди ал. Бирок, Конституциянын долбоорунда жарандарды жарандыктан ажыратуу нормасы да киргизилген. Бул норма боюнча жарандыктан ажыраган адам көпчүлүк укуктан айрылат. Кыргызстанда жашоого, шайлоо жана шайлануу укугунан айрылат. Ал жада калса өз укугун коргой албайт. Андай адамдардын үй-бүлө мүчөлөрү 1933-1937- жылдардагы “эл душманы” статусуна теңелип калат. Мектепте окуй албайт, басмырланат ж. б. у. с. Бул норма өлкөнун 80 пайызын түзгөн мусулмандарга каршы киргизилип жатат. Бул норма мусулмандарды башка динге өтүүсүн бүгүнкүдөн да күчөтөт. Бирок, дүйнө жүзү эл аралык терроризм менен күрөшүп жатат. Деги эле бир да өлкө өз Конституцияларына мусулмандардын укугун тебелеген конституциялык нормаларды киргизген жок. Ал эми Кыргызстанда бул норма саясий атаандаштарды жок кылуу үчүн да колдонулушу мүмкүн. Мисалы, Түндүк –Түштүк проблемасына байланыштуу Бакиевдин учурунда бир топ саясатчылар өлкөдөн чыгып кетүүгө аргасыз болгон. Бийлик мындай абалда аларды да өлкөгө кайра киргис кылып жарандыктан ажыратып коюшу мүмкүн. Сунушталган Конституция бул нормасы боюнча ар кандай шылтоолор менен М.Мырзакматовду, С.Жапаровду, Н.Сулаймановду ж. б. бир топ саясатчыларды издөөгө берип, анан жарандыктан ажыратып койсо болот. Мына ушуларды эске алганда сунушталып жаткан Конституция чындап эле бийликтеги бир ууч адамдардын, бийликтин, олигарх жана банкирлердин кызыкчылыгын коргогон негизги документ экенин түшүнүүгө болот.

– Жаңы коалицияны эмнеге 3 эле фракциянын негизинде түзүлүп калды, бул да көпкө жашабайт деген пикирлер айтылууда?

– Бул жумада жаңы коалиция куралды. Ага КСДП, “Кыргызстан”, “Бир Бол” фракциялары кирди. Бирок, коалиция түзүлөөрү менен аны туруктуу деп айтуу кыйын деген баа берилди. Себеби, булар баары биригип парламентте 68 добушка ээ. Ошол эле учурда, айрым депутаттар коалицияга кирбейбиз деп ачык билдиришип коюшту. Мисалы, бирболчу М.Абдылдаев, Ч.Жакуповалар. “Кыргызстанда” да К.Исаев өзүнүн эркин позициясы менен белгилүү болуп калды. Мына ошондуктан, айрымдар эмитеден эле коалиция туруктуу эмес, көпкө жашабайт дешсе, айрымдар жакында парламенттин өзү да тарайт деп жар сала башташты. Бирок, КСДПда башка тандоо жок эле. Себеби, мурдагы коалицияны алар «Ата Мекен», “Өнүгүүгө” таарынычтарын билдирип таратышкан. Ал эми, “Республика-Ата Журт”  бул жолу КСДП түзүп жаткан коалицияга кирбейбиз деп ачык билдирип коюшту. Ошого айла жок, коалиция 68 добуш менен 3 фракциянын негизинде түзүлүп калды. Демек, эгер эми коалиция ыдыраса, анда бийлик партиясы б. а. КСДП үчүн жаңы коалиция түзүү мындан бир топ кыйынга тураары анык. Түзүлгөн абал, референдумдан кийин парламент тарайт деген пикирдин жайылышына себепчи болуп жатат десек туура болчудай.

Булак: “Майдан” 

Табылды Акеров, саясат таанучу:​​​​​​​ “Юрист депутаттар гана Конституцияга өзгөртүүлөрдү киргизүү мыйзамын окуп, кол койбой коюшкан. Маселенин баары ушул жерде…”

Ушул норма өлкөнүн 80% түзгөн мусулмандарга каршы киргизилген. Бул норма мусулмандарды башка динге өтүүсүн бүгүнкүдөн да күчөтөт. Түндүк-түштүк маселесин курчутат. Бул норма боюнча ар кандай шылтоолор менен М.Мырзакматовду, С.Жапаровду, Н.Сулаймановду ж. б. бир топ саясатчыларды издөөгө берип, анан жарандыктан ажыратып койсо болот.

– Конституцияны 3 окууда депутаттар 86 добуш менен кабыл алды. Башта жалпы колдоого ээ болуп жатты эле. Демек, депутаттарда бийликтин басымынан эптеп кутулуу үчүн колдоп берип койду десек болобу? Эмнеге добуштар баштагыдан аз болуп калды?

– Депутат Чолпон Жакупова айтпадыбы, “Конституцияны демилгелеп алдыңар, бирок, аны бир окудуңарбы?”- деп. Азыркы ЖКнын курамынын тажрыйбасы жок, биринчи жолу депутат болуп келгендер көпчүлүктү түзөт. Булардын көбү мыйзам жаза албайт. Бул чакырылыш атайы ушундай негизде чогултулган. Буларды пайдаланып, Конституцияга өзгөртүү киргизүү каралган. Ошого президенттин аппараты буларды чакырып демилгечи болгуң  келсе, кол кой, тарыхта каласың  деп, алдап, коркутуп, баарын кол койдуруп алышкан. Юрист депутаттар гана окуп, кол койбой коюшкан. Кийин юрист депутаттар Конституцияга киргизилген өзгөрүүлөрдүн кемчиликтерин жана аны кабыл алуу мыйзамсыз жүрүп жатканын ачык айтып чыкканда, депутаттар ойлонуп, көпчүлүгү колдоодон баш тарта башташты. Бийлик коркутуп, зомбулукка алып, кайтарып отуруп, 3 окууда эптеп 85 добуш бергизип алды. Ошентип, Жогорку Кеңеш бийликтин кысымына чыдабай, “Кыргыз Республикасынын Конституциясына өзгөртүүлөрдү киргизүү жөнүндөгү” мыйзамдын долбоорун 3 ирет окуудан өткөрүп, президент Атамбаевге кол коюуга жөнөттү. Бирок, талаш уланууда.  Текебаев ЖКнын отурумунда 11 -декабрда референдум өткөрүүнүн өзү антиконституциялык болуп жатат деп билдирди. Себеби, мыйзам боюнча президент референдум жөнүндөгү мыйзамга кол койгондон кийин 1 айдан кийин гана Конституциянын долбоорун талкууга коет. “Президент кечээ эле кол койду, биз болсо, бир ай өтө электе эле 2 окуудан өткөрүп, 3 -окууну карап жатабыз”,- деп, каршылык билдирди. Депутат М.Абдылдаев да Конституцияга өзгөртүүлөр мыйзам бузуу менен өтүп жатканын эскертти. Бул маселеде парламенттин ролу чоң болушу керек экендигин, референдумду өткөрүү маселеси түздөн –түз парламенттин прерогативасы болоорун айтып чыкты. “Буга президенттин эч тиешеси жок”,- деп эскертти генерал депутат. “Өнүгүү” фракциясынын лидери Б.Төрөбаев: “биздин фракция толугу менен конституциялык өзгөрүүлөргө каршы добуш беребиз”- деп билдирди. Депутат А.Салянова “бийлик биринчиден Конституцияга өзгөртүүлөрдү күч менен киргизип жатат, экинчиден, Конституция насыя алган жарандар жөнүндө киргизип жаткан нормалар элдин кызыкчылыгында эмес, тескерисинче банкирлердин кызыкчылыгында болуп жактанын” белгиледи. “Эгерде бул норма кирип калса, анда банктан жарандар насыя алып, аны төлөй албай калса, камалышат, тамдарынан жана башка мүлктөрүнөн айрылышат. “Кумтөр” боюнча кирген нормада да негизги күнөөлүү деп табылган 10 адам жазага тартылбай калат экен. Ошол 10 адам баарына күнөлүү да. Бул туура эмес, Конституция элдин кызыкчылыгына тескери өзгөртүлүп жатат”- деди ал. Бирок, Конституциянын долбоорунда жарандарды жарандыктан ажыратуу нормасы да киргизилген. Бул норма боюнча жарандыктан ажыраган адам көпчүлүк укуктан айрылат. Кыргызстанда жашоого, шайлоо жана шайлануу укугунан айрылат. Ал жада калса өз укугун коргой албайт. Андай адамдардын үй-бүлө мүчөлөрү 1933-1937- жылдардагы “эл душманы” статусуна теңелип калат. Мектепте окуй албайт, басмырланат ж. б. у. с. Бул норма өлкөнун 80 пайызын түзгөн мусулмандарга каршы киргизилип жатат. Бул норма мусулмандарды башка динге өтүүсүн бүгүнкүдөн да күчөтөт. Бирок, дүйнө жүзү эл аралык терроризм менен күрөшүп жатат. Деги эле бир да өлкө өз Конституцияларына мусулмандардын укугун тебелеген конституциялык нормаларды киргизген жок. Ал эми Кыргызстанда бул норма саясий атаандаштарды жок кылуу үчүн да колдонулушу мүмкүн. Мисалы, Түндүк –Түштүк проблемасына байланыштуу Бакиевдин учурунда бир топ саясатчылар өлкөдөн чыгып кетүүгө аргасыз болгон. Бийлик мындай абалда аларды да өлкөгө кайра киргис кылып жарандыктан ажыратып коюшу мүмкүн. Сунушталган Конституция бул нормасы боюнча ар кандай шылтоолор менен М.Мырзакматовду, С.Жапаровду, Н.Сулаймановду ж. б. бир топ саясатчыларды издөөгө берип, анан жарандыктан ажыратып койсо болот. Мына ушуларды эске алганда сунушталып жаткан Конституция чындап эле бийликтеги бир ууч адамдардын, бийликтин, олигарх жана банкирлердин кызыкчылыгын коргогон негизги документ экенин түшүнүүгө болот.

– Жаңы коалицияны эмнеге 3 эле фракциянын негизинде түзүлүп калды, бул да көпкө жашабайт деген пикирлер айтылууда?

– Бул жумада жаңы коалиция куралды. Ага КСДП, “Кыргызстан”, “Бир Бол” фракциялары кирди. Бирок, коалиция түзүлөөрү менен аны туруктуу деп айтуу кыйын деген баа берилди. Себеби, булар баары биригип парламентте 68 добушка ээ. Ошол эле учурда, айрым депутаттар коалицияга кирбейбиз деп ачык билдиришип коюшту. Мисалы, бирболчу М.Абдылдаев, Ч.Жакуповалар. “Кыргызстанда” да К.Исаев өзүнүн эркин позициясы менен белгилүү болуп калды. Мына ошондуктан, айрымдар эмитеден эле коалиция туруктуу эмес, көпкө жашабайт дешсе, айрымдар жакында парламенттин өзү да тарайт деп жар сала башташты. Бирок, КСДПда башка тандоо жок эле. Себеби, мурдагы коалицияны алар «Ата Мекен», “Өнүгүүгө” таарынычтарын билдирип таратышкан. Ал эми, “Республика-Ата Журт”  бул жолу КСДП түзүп жаткан коалицияга кирбейбиз деп ачык билдирип коюшту. Ошого айла жок, коалиция 68 добуш менен 3 фракциянын негизинде түзүлүп калды. Демек, эгер эми коалиция ыдыраса, анда бийлик партиясы б. а. КСДП үчүн жаңы коалиция түзүү мындан бир топ кыйынга тураары анык. Түзүлгөн абал, референдумдан кийин парламент тарайт деген пикирдин жайылышына себепчи болуп жатат десек туура болчудай.

Булак: “Майдан” 

Сереп: Бабановдун жолу

Саясый жактан атаандашуу лидерлер үчүн күндө күтүлгөн күрөш. Ортодо коомчулук сынчы, тараза. Публикадагы ар бир саясатчынын кылган иши, сүйлөгөн сөзү, кыймыл-аракетинен бери эл астында бааланат. Ошого жараша упай топтолот, рейтинг аныкталат.

Учурда бийликти өзгөчө кооптондурган бир гана күч бар. Ал – Өмүрбек Бабанов. Негиздерин кандай өңүттө ачсак да, анын утушка бараткан багытын көрөбүз. Маселен, Кыргызстан боюнча жергиликтүү кеңешке шайлоолор 22 аймакта өтүп атса, РАЖ 21 жерден атсалышууга чыкты (КСДПдан башка партиялар РАЖга тең келе албай калганын бу жолку таймаштан баамдасак болот). Мунун өзү Бабановдун кулачы Кыргызстандын баардык аймагына кенен жеткенин түшүндүрөт.

Өткөн аптада КСДП фракциясы түзүп аткан коалициядан РАЖ баш тартып, өз алдынча саясый жолун аныктап алды. Албетте, бул – Өмүрбек Токтогуловичтин саясаттагы көз карашы. Ошого катар ал Конституциянын жаңы долбоорун аягына чейин колдой турганын, бийлик менен биротоло кол үзбөй “ымдашып” кете берерин билдирди. Эгер Өмүрбек Текебаев, Канатбек Исаев, Бакыт Төрөбаев сыяктуу ал дагы Конституциянын өзгөрүшүнө каршы чыкса, президент Алмазбек Атамбаев менен мамилесин бузуп алмак, мындай кыйчалыш кырдаалдын кереги жок экенин жакшы билет. Аныгында, парламенттеги береги үч саясатчы карама-каршы жээктеги оппозициялык күч катары таанылганы менен бийлик машинесине туруштук бериши кыйын. А каарманыбыз болсо, коалициядан сыртта калган оппозициялык фракция катары конструктивдүү жолду тандап, “чабал өрдөк мурда учат” болгон жок. Айтмакчы, илбирс аңчылыкка чыкканда жемин алыш үчүн үч күн, үч түн болсо дагы былк этпей ордунда жата берген сыңары, келечек ыңгайын күткөн Ө.Токтогулович сабырдуулугу менен жеңишке жетүүгө баратат. “Ортодогу алтын сызыктуу жолду” тандаганы да бекеринен эмес го…

Өмүрбек Бабанов саясатта биттин ичегисине кан куйгандай эле такшалуу баскычтарынан өттү. Акаев доорунан эле коомдук иштерге аралашып, ошого катар бизнесин кыйла өркүндөтүп, депутаттык мандат үчүн да багын сынаган. Кийин Бакиев режиминин тушунда, 2006-жылы “Реформа үчүн” кыймылына кошулуп, саясаттагы тушоосун кескендей болгон. Аянттагы толкуган элдин астында сары футболкачан жаш жигиттин жалындуу сөздөрү күнү бүгүнкүдөй элдин эсинде. Ошондо чоң күрөшкө чыйрак, күчтүү лидердин келатканына күбө болгонбуз. Көп өтпөй 2007-жылы Ө.Токтогулович КСДПнын №1 тизмеси аркылуу парламентке аттанат. Ага чейин бийликтин кысымына бир топ туш болуп, бизнесине да басымдар жасалып келген. Тилекке каршы, тагдырдын сыноосу кайрадан аны жерге чабат. “Казак жараны” деген айып менен ал талапкерлигинен кол жууйт. Ошентип, кагылып-согулуп жүрүп, акыры Максим Бакиевдин тилин табууга аргасыздык жараткан шарт түрткөн, убактылуу болсо да 1-вице-премьер-министрлик кызматка көтөрүлөт. Бирок, алдыдагы саясаттын капсалаңын сезе билген жаны 2010-жылдагы 7-апрелге чейин эле кызматын Акылбек Жапаровго өткөрүп берип, бизнесине шылтоолоп четке чыга берген.

Кийинки жеңиштери элдин эсинен кете элек. 2010-жылдагы парламенттик шайлоого карай өлкөдөгү капчыктуу, тың жаштарды чогултуп, “Республиканын” туусунун астында аламанга аттанат. Үзүрү жакшы болду, марага үчүнчү болуп келди. Кайрадан 1-вице-премьер, андан соң премьер-министрлик кызматтарды аркалады. Бул убактарда дагы эчендеген саясый оюндарга кабылып, убактылуу түрдө интригалардын курмандыгы болгону менен эч бир моюн бербестен, жыгылса да бутуна туруп, саясаттан убактылуу чегинип турууну туура көрдү. Эң башкысы, ал тажрыйба топтоду, жаңылган кадамдары сабак болду. Өсүү жолунан тайган жок. “Өкчөсөң эле айкүр турат” дегендей, 2015-жылкы парламенттик шайлоого “Республика – Ата Журт” партиясы менен аттанды. Камчыбек Ташиев менен тандем болгону, андан сырткары, электораты бар, акчалуу жаштарды өзүнө тарта алды. Башка партияларга салыштырмалуу аламан жарышта стратегия, тактикалары күчтүү экени, амалдуулугу айрыкча байкалды.

Натыйжада, бүгүн Бабанов эч кимге көз карандысыз саясатчы. Атамбаев менен теңата эсептешип, жеке позициясынын бекем экенин тастыктоодо. Эл астында упай алганды жакшы билет. Керек болсо, резинка өтүк кийип, дыйкан талааларын аралап кетмей жайы бар. Анын сырткы келбети, харизмасы, тынымы жок эмгекчилдиги – жогорку артыкчылык экенин билебиз. Жаш туруп саясый ийгиликтердин дээрлик баардыгын багындырды. Эми бир гана президент болуу, мамлекетти башкарууну толук кандуу колго алуу үчүн жан үрөп иштеп атат. Мындай шартта тигил же бул күчтөргө кошулуу — түпкүлүгүндө аброй апкелбесин билет. Буга чейин бийлик да, оппозиция да Бабановду өзүнө тартып көрүү үчүн кыйла амалдарды жасады. Жыйынтыгында, баарынан сылык түрдө баш тартып, өзүнүн келечекке карай потенциалын анализдеп, күчтүү лидер катары багытынан жанбай келатат. БӨТтүн күчтүүлүгү эмнеде? Биринчиден, адамдарга жугумдуу, өзүнө керектүү фигураларды тарта билет, кооз сүйлөйт, кандай гана кырдаал болбосун элди ынандыра алат. Экинчиден, Кыргызстандагы баардык саясатчылардан бай, кандай шарт болсо дагы акчанын күчү менен максатына жете алат. Үчүнчүдөн, жетекчи катары бышты, ички маданияты бийик, интеллектуалдык деңгээли жогору. Санай берсек артыкчылыктары арбын эле…

Кийинки жылдагы президенттик шайлоодо Өмүрбек Бабанов президент Алмазбек Атамбаев менен ачык эле сүйлөшүшү мүмкүн. “Мен дагы бактымды сынап көрөйүн, мыйзам чегинде, саясый маданияттын үлгүсүндө күрөшөлү, утулсам жер көтөрөт, утсам кыргыз элин башкарам” деген кыязда. Албетте, мындай шартта бут тосуулар болбой койбойт. Эгер бийлик Бабановго кылмыш ишин козгоп, камоо үчүн багыт алса, анда Кыргызстанда саясый туруктуулук бузулат. Атамбаевге каршы күчтөрдүн баары түп көтөрүлүп кетиши мүмкүн. Себеби, өч алуу үчүн ыңгайын күтүп жаткан “көзкамандар” арбын. Кала берсе, оппозиция талаасында күчтүү лидердин чыкпай атканы, ошон үчүн бытыранды болгон топтор улам эле камакка алынып, аларды эл ээрчибей келгенин моюнга алалы. Саясатты сымап сымал бир орунда турбаган кубулуш сыңарындай элестетсек, кокус эртең Бабановго куугунтук башталса дагы эл колдойт. Президенттик шайлоого аттанса да көпчүлүк катмар добушун салып берет. Себеби, БӨТ буга чейин коомчулук астында өзүнүн саясый брендин жасап койгон. Ал эми бийлик кадрларынын ичинен мураскер катары “жарк” эткен саясый жүздү көрбөй атпайбызбы. Ким туруштук бере алат? Балким, административдик ресурска ишенген айдатма талапкер чыкса, баягылардын бири катары элдин астында күлкү болушу ажеп эмес. Буга чейин күбө болуп келдик го, Акүйдүн таптаган жаш кадрлары мамлекеттик жогорку кызматтарга даяр эмес экени, иштей албаганы менен ачыкталып калбадыбы!

Ток этери, Бабановду миң жаман көрсөк дагы, канчалык кылдан кыйкым издебейли, анын саясаттагы таасирине туруштук берүү кыйын. Кааласак-каалабасак да ушундай, жөргөмүштүн желеси тартылып калгандай образды элестете бергиле. Акыры амалкөй жана күчтүү лидердин астында түндүк-түштүк тыңчыкмалары кызматташуу үчүн моюн сунушат го…

Эске салсак, буга чейин Атамбаев электораты бар белдүү, капчыктуу саясатчыларды катар-катар “сындырып”, түрмөгө камачусун камап, жолду тазалап салган. “Кул жеймин дейт куйрукту, Кудай билет буйрукту” дегендей, Бабановдун босогосуна Жараткандын буйругу келип канган жокпу?..

Арстан Алгырбеков   

Булак: “Азия ньюс”

 

Сереп: Бабановдун жолу

Саясый жактан атаандашуу лидерлер үчүн күндө күтүлгөн күрөш. Ортодо коомчулук сынчы, тараза. Публикадагы ар бир саясатчынын кылган иши, сүйлөгөн сөзү, кыймыл-аракетинен бери эл астында бааланат. Ошого жараша упай топтолот, рейтинг аныкталат.

Учурда бийликти өзгөчө кооптондурган бир гана күч бар. Ал – Өмүрбек Бабанов. Негиздерин кандай өңүттө ачсак да, анын утушка бараткан багытын көрөбүз. Маселен, Кыргызстан боюнча жергиликтүү кеңешке шайлоолор 22 аймакта өтүп атса, РАЖ 21 жерден атсалышууга чыкты (КСДПдан башка партиялар РАЖга тең келе албай калганын бу жолку таймаштан баамдасак болот). Мунун өзү Бабановдун кулачы Кыргызстандын баардык аймагына кенен жеткенин түшүндүрөт.

Өткөн аптада КСДП фракциясы түзүп аткан коалициядан РАЖ баш тартып, өз алдынча саясый жолун аныктап алды. Албетте, бул – Өмүрбек Токтогуловичтин саясаттагы көз карашы. Ошого катар ал Конституциянын жаңы долбоорун аягына чейин колдой турганын, бийлик менен биротоло кол үзбөй “ымдашып” кете берерин билдирди. Эгер Өмүрбек Текебаев, Канатбек Исаев, Бакыт Төрөбаев сыяктуу ал дагы Конституциянын өзгөрүшүнө каршы чыкса, президент Алмазбек Атамбаев менен мамилесин бузуп алмак, мындай кыйчалыш кырдаалдын кереги жок экенин жакшы билет. Аныгында, парламенттеги береги үч саясатчы карама-каршы жээктеги оппозициялык күч катары таанылганы менен бийлик машинесине туруштук бериши кыйын. А каарманыбыз болсо, коалициядан сыртта калган оппозициялык фракция катары конструктивдүү жолду тандап, “чабал өрдөк мурда учат” болгон жок. Айтмакчы, илбирс аңчылыкка чыкканда жемин алыш үчүн үч күн, үч түн болсо дагы былк этпей ордунда жата берген сыңары, келечек ыңгайын күткөн Ө.Токтогулович сабырдуулугу менен жеңишке жетүүгө баратат. “Ортодогу алтын сызыктуу жолду” тандаганы да бекеринен эмес го…

Өмүрбек Бабанов саясатта биттин ичегисине кан куйгандай эле такшалуу баскычтарынан өттү. Акаев доорунан эле коомдук иштерге аралашып, ошого катар бизнесин кыйла өркүндөтүп, депутаттык мандат үчүн да багын сынаган. Кийин Бакиев режиминин тушунда, 2006-жылы “Реформа үчүн” кыймылына кошулуп, саясаттагы тушоосун кескендей болгон. Аянттагы толкуган элдин астында сары футболкачан жаш жигиттин жалындуу сөздөрү күнү бүгүнкүдөй элдин эсинде. Ошондо чоң күрөшкө чыйрак, күчтүү лидердин келатканына күбө болгонбуз. Көп өтпөй 2007-жылы Ө.Токтогулович КСДПнын №1 тизмеси аркылуу парламентке аттанат. Ага чейин бийликтин кысымына бир топ туш болуп, бизнесине да басымдар жасалып келген. Тилекке каршы, тагдырдын сыноосу кайрадан аны жерге чабат. “Казак жараны” деген айып менен ал талапкерлигинен кол жууйт. Ошентип, кагылып-согулуп жүрүп, акыры Максим Бакиевдин тилин табууга аргасыздык жараткан шарт түрткөн, убактылуу болсо да 1-вице-премьер-министрлик кызматка көтөрүлөт. Бирок, алдыдагы саясаттын капсалаңын сезе билген жаны 2010-жылдагы 7-апрелге чейин эле кызматын Акылбек Жапаровго өткөрүп берип, бизнесине шылтоолоп четке чыга берген.

Кийинки жеңиштери элдин эсинен кете элек. 2010-жылдагы парламенттик шайлоого карай өлкөдөгү капчыктуу, тың жаштарды чогултуп, “Республиканын” туусунун астында аламанга аттанат. Үзүрү жакшы болду, марага үчүнчү болуп келди. Кайрадан 1-вице-премьер, андан соң премьер-министрлик кызматтарды аркалады. Бул убактарда дагы эчендеген саясый оюндарга кабылып, убактылуу түрдө интригалардын курмандыгы болгону менен эч бир моюн бербестен, жыгылса да бутуна туруп, саясаттан убактылуу чегинип турууну туура көрдү. Эң башкысы, ал тажрыйба топтоду, жаңылган кадамдары сабак болду. Өсүү жолунан тайган жок. “Өкчөсөң эле айкүр турат” дегендей, 2015-жылкы парламенттик шайлоого “Республика – Ата Журт” партиясы менен аттанды. Камчыбек Ташиев менен тандем болгону, андан сырткары, электораты бар, акчалуу жаштарды өзүнө тарта алды. Башка партияларга салыштырмалуу аламан жарышта стратегия, тактикалары күчтүү экени, амалдуулугу айрыкча байкалды.

Натыйжада, бүгүн Бабанов эч кимге көз карандысыз саясатчы. Атамбаев менен теңата эсептешип, жеке позициясынын бекем экенин тастыктоодо. Эл астында упай алганды жакшы билет. Керек болсо, резинка өтүк кийип, дыйкан талааларын аралап кетмей жайы бар. Анын сырткы келбети, харизмасы, тынымы жок эмгекчилдиги – жогорку артыкчылык экенин билебиз. Жаш туруп саясый ийгиликтердин дээрлик баардыгын багындырды. Эми бир гана президент болуу, мамлекетти башкарууну толук кандуу колго алуу үчүн жан үрөп иштеп атат. Мындай шартта тигил же бул күчтөргө кошулуу — түпкүлүгүндө аброй апкелбесин билет. Буга чейин бийлик да, оппозиция да Бабановду өзүнө тартып көрүү үчүн кыйла амалдарды жасады. Жыйынтыгында, баарынан сылык түрдө баш тартып, өзүнүн келечекке карай потенциалын анализдеп, күчтүү лидер катары багытынан жанбай келатат. БӨТтүн күчтүүлүгү эмнеде? Биринчиден, адамдарга жугумдуу, өзүнө керектүү фигураларды тарта билет, кооз сүйлөйт, кандай гана кырдаал болбосун элди ынандыра алат. Экинчиден, Кыргызстандагы баардык саясатчылардан бай, кандай шарт болсо дагы акчанын күчү менен максатына жете алат. Үчүнчүдөн, жетекчи катары бышты, ички маданияты бийик, интеллектуалдык деңгээли жогору. Санай берсек артыкчылыктары арбын эле…

Кийинки жылдагы президенттик шайлоодо Өмүрбек Бабанов президент Алмазбек Атамбаев менен ачык эле сүйлөшүшү мүмкүн. “Мен дагы бактымды сынап көрөйүн, мыйзам чегинде, саясый маданияттын үлгүсүндө күрөшөлү, утулсам жер көтөрөт, утсам кыргыз элин башкарам” деген кыязда. Албетте, мындай шартта бут тосуулар болбой койбойт. Эгер бийлик Бабановго кылмыш ишин козгоп, камоо үчүн багыт алса, анда Кыргызстанда саясый туруктуулук бузулат. Атамбаевге каршы күчтөрдүн баары түп көтөрүлүп кетиши мүмкүн. Себеби, өч алуу үчүн ыңгайын күтүп жаткан “көзкамандар” арбын. Кала берсе, оппозиция талаасында күчтүү лидердин чыкпай атканы, ошон үчүн бытыранды болгон топтор улам эле камакка алынып, аларды эл ээрчибей келгенин моюнга алалы. Саясатты сымап сымал бир орунда турбаган кубулуш сыңарындай элестетсек, кокус эртең Бабановго куугунтук башталса дагы эл колдойт. Президенттик шайлоого аттанса да көпчүлүк катмар добушун салып берет. Себеби, БӨТ буга чейин коомчулук астында өзүнүн саясый брендин жасап койгон. Ал эми бийлик кадрларынын ичинен мураскер катары “жарк” эткен саясый жүздү көрбөй атпайбызбы. Ким туруштук бере алат? Балким, административдик ресурска ишенген айдатма талапкер чыкса, баягылардын бири катары элдин астында күлкү болушу ажеп эмес. Буга чейин күбө болуп келдик го, Акүйдүн таптаган жаш кадрлары мамлекеттик жогорку кызматтарга даяр эмес экени, иштей албаганы менен ачыкталып калбадыбы!

Ток этери, Бабановду миң жаман көрсөк дагы, канчалык кылдан кыйкым издебейли, анын саясаттагы таасирине туруштук берүү кыйын. Кааласак-каалабасак да ушундай, жөргөмүштүн желеси тартылып калгандай образды элестете бергиле. Акыры амалкөй жана күчтүү лидердин астында түндүк-түштүк тыңчыкмалары кызматташуу үчүн моюн сунушат го…

Эске салсак, буга чейин Атамбаев электораты бар белдүү, капчыктуу саясатчыларды катар-катар “сындырып”, түрмөгө камачусун камап, жолду тазалап салган. “Кул жеймин дейт куйрукту, Кудай билет буйрукту” дегендей, Бабановдун босогосуна Жараткандын буйругу келип канган жокпу?..

Арстан Алгырбеков   

Булак: “Азия ньюс”

 

Депутаттардын сынагына сынбайсыңбы? - Экзаменден эки алган Исраилов

ИИМге жаңыдан министр болуп бекиген Улан Исраиловду тердетип-кургатып эл өкүлдөрү сынактан өткөрүштү. Берилген суроолорго түзүктөп жооп айта албаган министрликке талапкер сөзгө чоркок экенин көрсөттү. Чу дегенде эле Чиркешович суроолорун үстөккө-босток берди.

— Улан Жумабекович, Кыргызстанда административдик ведомство деген түшүнүк бар, бизде канча түрү бар ошонун? — деп сурады.

Улан унчукпады.

Текебаевдин кийинки суроосу:

— Өкмөттүн канча мүчөсү бар?

— Талапкер тараптан үн чыкпады.

— Өкмөттө канча министрлик бар?

— Улан унчукпай кутулайын деди окшойт, ооз ачпады.

Сынак алыш үчүн кийинки өнүгүүчү мугалим Зиядин Жамалдинов:

— Кыргызстанда канча РОВД жана ГОВД бар? — деп сурады.

Улан унчукпайт го деп атты эле, бул суроого жооп узатты. Бишкек шаарында канча РОВД бар экенин билет экен.

— Шаарда 4 РОВД бар деп үн катты.

Экзамен алган мугалим алдында олтурганды бурчка такайт да. Жамалдинов да тим болбостон:

— Кыргызстанда канча РОВД жана ГОВД бар деп сурап жатам? — деп туруп албадыбы.

Мент деген шар жооп бергенден алыс немелер болот да. Жаңы министр да:

— Мен тактап, анан айтайынчы деди.

“Балашка” каймана атка конгон мугалим Жанар да тим олтурбады. Эскилерге эзгилегенден көрө жаңысына жармашып көрөйүн деди окшойт. Ал дагы Улан Исраиловго суроо узатты.

— Сиз кандай кылып реформаны баштайын деп жатасыз? — деди. Реформа деген сөз депутаттардын төл сөзүнө айлангандай эле болду. Баары реформа дегенди айткысы келет.

Кызыл шапкечендер адабий сөздөн көрө өздөрүнө түшүнүктүү болгон жанагы жаргон аралашкан тилде сүйлөшөт эмеспи. Исраилов дагы “Балашканын” суроосуна

— Ой-максат милициянын аброюн көтөрүү, элдин ишенимин жогорулатуу, жанагы айтылган реформаны азыркы күндөгү заманга жараша кылыш керек деп ойлойм да, негизичи – деп жооп бергенге жарады.

Ушундай суроолорду узаткан эл өкүлдөрүнүн деңгээлине түкүргүң келсе, үн катууга жарай албаган министрди көрүп олтуруп “Жыргаган” экенбиз дегенден башка арга жок. Түштүктө “амалды кор кылба” деген жакшы сөз бар. Кор болуп жаткан кайран амал.

Темирлан Токтоболотов

Булак: “Жаңы ордо”

Депутаттардын сынагына сынбайсыңбы? - Экзаменден эки алган Исраилов

ИИМге жаңыдан министр болуп бекиген Улан Исраиловду тердетип-кургатып эл өкүлдөрү сынактан өткөрүштү. Берилген суроолорго түзүктөп жооп айта албаган министрликке талапкер сөзгө чоркок экенин көрсөттү. Чу дегенде эле Чиркешович суроолорун үстөккө-босток берди.

— Улан Жумабекович, Кыргызстанда административдик ведомство деген түшүнүк бар, бизде канча түрү бар ошонун? — деп сурады.

Улан унчукпады.

Текебаевдин кийинки суроосу:

— Өкмөттүн канча мүчөсү бар?

— Талапкер тараптан үн чыкпады.

— Өкмөттө канча министрлик бар?

— Улан унчукпай кутулайын деди окшойт, ооз ачпады.

Сынак алыш үчүн кийинки өнүгүүчү мугалим Зиядин Жамалдинов:

— Кыргызстанда канча РОВД жана ГОВД бар? — деп сурады.

Улан унчукпайт го деп атты эле, бул суроого жооп узатты. Бишкек шаарында канча РОВД бар экенин билет экен.

— Шаарда 4 РОВД бар деп үн катты.

Экзамен алган мугалим алдында олтурганды бурчка такайт да. Жамалдинов да тим болбостон:

— Кыргызстанда канча РОВД жана ГОВД бар деп сурап жатам? — деп туруп албадыбы.

Мент деген шар жооп бергенден алыс немелер болот да. Жаңы министр да:

— Мен тактап, анан айтайынчы деди.

“Балашка” каймана атка конгон мугалим Жанар да тим олтурбады. Эскилерге эзгилегенден көрө жаңысына жармашып көрөйүн деди окшойт. Ал дагы Улан Исраиловго суроо узатты.

— Сиз кандай кылып реформаны баштайын деп жатасыз? — деди. Реформа деген сөз депутаттардын төл сөзүнө айлангандай эле болду. Баары реформа дегенди айткысы келет.

Кызыл шапкечендер адабий сөздөн көрө өздөрүнө түшүнүктүү болгон жанагы жаргон аралашкан тилде сүйлөшөт эмеспи. Исраилов дагы “Балашканын” суроосуна

— Ой-максат милициянын аброюн көтөрүү, элдин ишенимин жогорулатуу, жанагы айтылган реформаны азыркы күндөгү заманга жараша кылыш керек деп ойлойм да, негизичи – деп жооп бергенге жарады.

Ушундай суроолорду узаткан эл өкүлдөрүнүн деңгээлине түкүргүң келсе, үн катууга жарай албаган министрди көрүп олтуруп “Жыргаган” экенбиз дегенден башка арга жок. Түштүктө “амалды кор кылба” деген жакшы сөз бар. Кор болуп жаткан кайран амал.

Темирлан Токтоболотов

Булак: “Жаңы ордо”

АКШда Дональд Трамптын каршылаштары демонстрацияга чыгышты

АКШ президенти болуп  Дональд Трамп шайлангандан кийин шаршемби күнү кечинде өлкөнүн бир нече шаарларында ага каршы демонстрациялар болуп өттү.

Нью-Йорк, Чикаго, Лос-Анжелес, Филадельфия шаарында миңдеген адам нааразылык акциясына чыгышты. Алар Дональд Трамптын аялдарга карата орой мамилесине жана мыйзамсыз жүргөн мигранттарга каршы чабуулуна каршы экендиктерин билдиришти.

Нью-Йоркто каршылык маршы Дональд Трамптын шайлоо штабы жайгашкан Trump Tower имаратынын алдында болду. Чогулгандар кызыл желектерди көтөрүп жүрүштү. Акция “Трамп, жогол” сыяктуу орой кыйкыруулар менен коштолду. Вашингтондо демонстрация катышуучулары Акүйдүн жанында топтолушуп, андан соң бир нече күн мурун ачылган Трамптын жаңы имаратына барышты. Акция катышуучуларынын көбү жаңы президент Акүйгө келери менен токтоосуз мыйзамсыз жүргөн мигранттарды депортациялап баштайт деп кооптонушууда.

The Washington Post гезити белгилегендей, акциялар негизинен демократ талапкер Хиллари Клинтон көп добуш топтогон шаарларда өттү. Бул өлкөдөгү демографиялык ажырымды көрөтүп турат.

Бул демонстрациялар Демокартиялык партиянын талапкери Хиллари Клинтон менен АКШ президенти Барак Обама Трамптын жеңишин тааныганына карабай өттү.

Булак:  “Борбор Азия жаңылыктар кызматы”

Бакыт Сакыбаев, эркин журналист: “Баягы эле эски көздөр”

Кечээ Өкмөттүн жаңы курамы  парламенттеги тармактык комитеттин жана башкаруучу коалициянын колдоосуна ээ болду.

Кыргыз өкмөтүндө  төрт вице-премьерлик кызматтын бирөөсүндө жана 12 министрликтин алтоосунда жетекчилик алмашты. Министрлер кабинетинин башчысы Сооронбай Жээнбеков өз кызматында калды.

Талапкерлер боюнча талкуу бир калыпта өтүп, жыйынтыгында комитеттин мүчөлөрү баарына тең “макул” деген добушун беришти.

Бирок маселе  юстиция министри Жылдыз Мамбеталиеванын ордуна келчү Уран Ахметовдо жаралды. Себеби, Уран Ахметов буга чейин президенттик жана өкмөттүк аппараттардын укук бөлүмдөрүндө иштегени, Жапонияга барып окуп келгенинен башка жарытылуу деле маалымат жок болуп чыкты. Айтайын дегеним, “Бир бол” фракциясынын оппозициялык көз караштагы  депутаты Чолпон Жакупова “жаш адистерди алып келебиз деп жакшы иштеп жаткан кадрларды  сүрүп чыгаруу  туура эмес. Министрликке чейин кадрлар өсүш керек. Тиешелүү тепкичтерди басып өтпөсө, жакында көчөдөн келгендерди деле министр кылып отургуза баштайт окшойбуз” деген санаркоосун билдирди. Экинчи кайчы пикир Ички иштер министрлигине сунушталып жаткан Улан Исраиловдун талапкерлиги боюнча болду. Президенттин мурдагы жансакчысы делген Улан Исраилов жазында УКМКнын Коррупцияга каршы кызматынын башчысы болуп дайындалган. Улан Исраилов Ички иштер министри болуп кандай иштээрин ким билсин. Бирок анын бул жооптуу кызматка келгени боюнча коомчулукта түрдүү пикирлер жаралып, президент кетээрине жакын күч структураларына жалаң өзүнө жакын адамдарды алып келип жатат деп айткандар да болду.

Айыл чарба, тамак-аш өнөр жай жана мелиорация министрлигине мурда “Республика” партиясынан депутат болгон, азыркы “Бир бол” партиясынан талапкер  Нурбек Мурашев келди. Эмгек жана социалдык өнүгүү министрлик кызматына коомчулукка гендердик теңчилик маселелери боюнча адис катары таанымал  “Кыргызстан” партиясынан таанымал Таалайкүл Исакунова дайындалды. Ал эми Билим берүү жана илим министрлигине буга чейин өкмөттө социалдык маселелер боюнча вице-премьерлик кызматты аркалаган Гүлмира Кудайбердиева болду. Анын ордуна вице-премьер болуп “Кыргызстан” фракциясынан депутаты Чолпон Султанбекова келатат. Жалпысынан бул жолу өкмөттө алмашкан жети жетекчинин экөөсү “Кыргызстан” фракциясынан, бирөө “Бир болго” тийсе, калгандары  КСДПдан же президенттик аппараттын тегерегиндегилерден болду. Өкмөт башчы  Сооронбай  Жээнбеков коалицияга кирген партиялар арасында кызмат талаш болбогонун маалымдады. Өкмөттүн жаңы курамы купулуңузга толдубу деген суроо менен айрым инсандарыбызга суроо узаттык.

– Курамын карап чыктым, эч деле өзгөрүү жок го. Жалгыз Чолпон Султанбекованы вице- премьер кылып алып барып курам өзгөрттүк дешет. Калганы эски курам, баягы эле эски көздөр. Ал эми мурдакы антикоррупцияны жетектеген Улан мырзаны ички иштер министри кылып алып барды. Менимче, ал деле көп турбайт болуш керек. Анын бул тармакка келиши президентке залакасын тийгизди. Анткени, бири шопуру, бири жансакчысы деп. Бийчи минстрди президент өзү кеткиче кое турса болмок.

Асылкан кызы Перизат

Булак: Асман плюс 

Жамал Сейдакматова, Кыргыз Республикасынын Эл артисти: “Биз шайлаган башчы жана биз тандаган мыйзамга баш ийип жашашыбыз керек”

Негизинен мамлекеттин баш мыйзамы бул “мамлекет” деген чоң машинанын колдонуу ыкмасы. Башкача айтканда бул инструкцияны башкысы, адамга, жаранга баа берген укуктарын жогору баалаган мыйзамдар деп эсептейм.

Мамлекеттин башкаруу механизми кандай болбосун, парламенттикпи, парламенттик – президенттикпи, биз шайлаган башчы жана биз тандаган мыйзамга баш ийип жашашыбыз керек.

Учурдан пайдаланып, өлкөбүздүн баш мыйзамы (конституция) жаңы долбоорунда киргизилип жаткан өзгөрүүлөрдөгү жаңы редакциясында, мамлекет башчыны президентти шайлоодо баш мыйзамда көрсөтүлгөндөй “35 жаштан төмөн эмес” деген беренени алып салуу сунушун киргизет элем. Анткени адам жашоосунда чектөөлөр коюлбаш керек экендигине ишенген инсан катары президентти дагы тандоодо чектөө болбошу керек деп ойлойм. Президент- бул мамлекеттин кепилдиги жана бийик жоопкерчилик ээлеген кызмат. Андыктан 35 жашка болгон чектөөнү алып салганда элибиздин жаштарга болгон ишеними, ошондой эле жаш муундун, жаш демилгечи катмардын саясий аренага болгон умтулуусу да көбөймөк.

Азыр заман башкача, жаштарыбыз заманбап ой жүгүртүү менен жашашат. Заманбап технология, глобалдуу дүйнө, убакытты туура пайдалануу сымал жаңылануулар мына жаш муундун көз карашына туура келет. Эл башчысы кандай болсо эл дагы ошондой болот демекчи жаштарга жол ачуу боюнча 35 жаш делген чектөөнү бул бир тоскоолдук катары эсептейм.

Булак: Жаңы Ордо 

 

Сооронбай Жээнбеков: Өкмөт Конституцияга өзгөртүүлөрдү киргизүүнүн сунушталган долбоорун толук колдойт

«Өкмөт Конституцияга өзгөртүүлөрдү киргизүүнүн сунушталган долбоорун толук колдойт жана референдумду уюштуруу жана өткөрүү боюнча бардык керектүү чараларды көрөт», – деди бүгүн, 9-ноябрда, Кыргыз Республикасынын Премьер-министринин милдетин аткаруучу Сооронбай Жээнбеков, Кыргыз Республикасынын Жогорку Кеңешинин жыйынында Конституцияга өзгөртүүлөрдү киргизүү тууралуу суроого жооп берип жаткан учурда.

«Конституцияга өзгөртүүлөрдү киргизүү боюнча алдыдагы референдум Өкмөттүн ыйгарым укуктарын күчөтөт, бирок ошол эле учурда жетишкен натыйжалары үчүн жоопкерчиликти моюнга алуу милдетин жогорулатат», – деп баса белгиледи Сооронбай Жээнбеков.

Сооронбай Жээнбеков сунушталып жаткан жаңыртылган Программа Коалициялык көпчүлүктүн макулдашуусуна ылайык келерин жана Өкмөт коюлган милдеттерди ийгиликтүү аткаруу үчүн бардыгын жасай турганын белгиледи.

«Өкмөт өз ишинде мамлекеттүүлүктү жана демократиялык институттарды мындан ары да бекемдөөгө, калктын биримдигин жана өлкөдөгү туруктуулукту камсыздоого, экономиканы жана социалдык чөйрөнү, маданиятты жана искусствону өнүктүрүүгө бардык күч-аракеттерин жумшайт», – деди Сооронбай Жээнбеков.

Ал Өкмөттүн Программасын ийгиликтүү ишке ашыруу аткаруу бийлигинин бардык органдарынан Жогорку Кеңеш менен тыгыз кызматташуунун негизинде ырааттуу иштөөнү талап кыларына көңүл бурду. Натыйжада, Өкмөттүн коалициялык көпчүлүк менен натыйжалуу иштеши түзүлүүчү Координациялык кеңешке көмөк берет.

«Өкмөт ачык, конкреттүү бир жыйынтык үчүн иштейт, так, таза чечимдерди кабыл алат жана коом алдында, жарандардын астында жоопкерчиликти алат», –  деп жыйынтыктады Премьер-министрдин милдетин аткаруучу Сооронбай Жээнбеков.

 

Меню