САЯСАТ

14-февралда Куала-Лумпур аэропортунда Түрдүк Корея лидеринин агасы Ким Чен Нам ууландырылып өлтүрүлгөн. Анын бетине тез таасир этүүчү уу себилген чүпүрөк сүртүп кетишкен. Кол салууга Түндүк Кореянын бир нече жараны шектелүүдө. Малайзия полициясынын билдирүүсү боюнча, ал адамдар Түндүк Кореянын Куала-Лумпурдагы элчилигинде жашырынып жүрөт. Жалпысынан Ким Чен Намдын өлүмүнө байланышкан иштин алкагында төрт киши кармалган. Алардын экөөсүнө — Вьетнам менен Индонезиянын жарандарына айып тагылган. Эгер алар күнөөлү деп табылса өмүр бою эрктеринен ажыратылышы мүмкүн.

Аэропорттогу кол салуудан кийин Малайзия бийлиги коопсуздук максатында Түндүк Корея жарандары үчүн визасыз режимди жойгон.

Ким Чен Нам Түндүк Кореянын мурдагы лидери Ким Чен Ирдин улуу баласы болгон. Акыркы жылдары ал негизинен чет өлкөлөрдө жашап, Пхеньян бийлигин сынга алып келген.

Булак: Борбор Азия жаңылыктар кызматы

Польшанын адам укуктары боюнча Хельсинки тобунун юристти Даниэл Витко башкалка сурап жаткандардын көбүнүн визасы жок экенин, ошондуктан алар бир канча айлап чек ара аймагында калууга аргасыз болорун айтты. “Мен үч айдан бери үй-бүлөсү менен бирге украин-польша чек арасында кирүүгө уруксат күтүп турган Тажикстандын жаранын билем. Алардын паспортторунда штамп басууга бош жер калган жок, алар эми кайрадан Украинага да бара алышпайт”, – деди ал.

Витконун айтымында, Польша чек арасы аркылуу Европага кирүүгө аракет кылган тажиктердин так саны белгисиз. Бирок аталган өлкөнүн аймагына кирүүгө уруксат алган тажиктер беларус-польша чек арасында эле 100дөн 200гө чейинки сандагы тажикстандык качкын ары же бери өтө албай турганын билдиришүүдө.

Качкындардын тагдырына эл аралык Human Rights Watch (HRW) укук коргоо уюму да тынчсыздануусун билдирди. Уюмдун бир канча күн мурун жарыяланган баяндамасында Варшава адатта башкалка сурагандардын укуктарын бузуп жатканын четке кагып, аларды кайрадан Беларуска жөнөтө тургандыгы белгиленген.

Польша ТИМинин чет өлкөлүк жарандар менен иштөө кызматынын өткөн жылы жайында тараткан маалыматына караганда, Польшадан башкалка сурап Тажикстандын 1200гө чукул жараны кайрылса, алардын бирөөсү гана расмий качкын макамын алган.

Булак: Борбор Азия жаңылыктар кызматы

Допинг чырына байланыштуу уюм тарабынан Орусиянын Кызытмага каршы күрөшүү агенттигинин аккредитациясы убактылуу токтотулган. Андан сырткары орусиялык жеңил атлетчилер бардык эл аралык мелдештерден, анын ичинде Рио-де-Жанейродогу Олимп оюндарынан четтетилген. Ошондой эле Орусиянын командасы Паралимпиада оюндарына катышуу укугунан да ажыратылган.

Бир нече күн мурда Орусия президенти Владимир Путин орусиялык допингге каршы күрөшүү системасынын ийгиликсиз болгонун моюнуна алды. Мамлекет башчы өкмөт өкүлдөрүн Дүйнөлүк кызытмага каршы күрөшүү агенттигинин билдирүүсүнө кулак салууга чакырды. Бирок ошол эле маалда Путин мамлекеттик деңгээлде кызытманы колдоо системасынын болгондугу тууралуу божомолдорду четке какты.

Ал ортодо Орусиянын допингге каршы күрөшүү агенттигинин башкы директорунун милдетин аткаруучу Анна Анцелиовичдин отставкага кеткендиги белгилүү болду. Буга чейин ал New York Times басылмасына курган маегинде орус бийлиги бир канча жылдан бери орусиялык спортчулардын жапырт кызытма пайдалануу учурларын жашырып келгендигин моюнуна алган. Кийинчерээк Орусиянын допингге каршы күрөшүү кызматы басылманы Анцелиовичтин сөздөрүн бурмалоого айыптаган.

Булак: Борбор Азия жаңылыктар кызматы

Казак президенти өлкөдө диний бирикмелердин иштөөсү үчүн бардык шарттар түзүлгөнүн, дин тутуу эркиндиги сакталганын белгиледи. Бирок экстремизмдин алдын алуу үчүн мыйзамды кайра карап чыгуу керектигин айтты.

Казакстан мыйзамдарына ылайык, каттоодон өтпөгөн диний уюмдардын иштөөсүнө тыюу салынган. Учурда өлкөдө 3 600дөн ашуун диний бирикмелер бар, алардын басымдуу бөлүгү исламды карманат.

Укук коргоочулар Казакстанда сөз жана дин эркиндиги чектелип, адам укуктары бузулуп жаткандыгын белгилеп келишет.

Булак: Борбор Азия жаңылыктар кызматы