СПОРТ

Комитеттин өкүлү Сухроб Акбаршонун айтымында, кодекс тазалыкты жана гигиенаны сактоо, ошондой эле узун чач жана сакал аркылуу түрдүү оорулардын жугушун алдын алуу максатында кабыл алынды.

Кодекстин долбоору адистердин сунуштарын эске алуу менен кайра дагы толукталат.

Спортчулардын этикалык кодексин иштеп чыгуу маселеси марттын аягында өткөн күрөш боюнча мелдештеги окуядан кийин көтөрүлгөн. Анда балбандардын бири адепсиз жүрүш-турушу үчүн улуттук күрөш боюнча өлкө ичиндеги мелдештерге катышуу укугунан эки жылга ажыратылган.

Андан сырткары бир нече жыл мурда «Хайра» клубунун футболчусу Парвиз Турсунов узун сакалы үчүн өлкө чемпионатынын алкагындагы оюндарга катыштырылган эмес. Бул тажик коомчулугунда кызуу талкууларды жараткан болчу.

Булак: “Борбор Азия жаңылыктар кызматы”

FIBA конгрессинин чечими 1-октябрда күчүнө кирет.

Спортчу айымдар жүзүн жаппаган жана оюн учурда жолтоо кылбаган баш кийимдерди кийүүсү керек.

Жаңы тартип боюнча командадагы бардык оюнчулар бирдей түстөгү хиджабдарды кийүүлөрү шарт.

2014-жылы сентябрда Катардын баскетбол боюнча курама командасы хиджабсыз ойноо талабы коюлгандыктан, Азия оюндарына катышуудан баш тарткан. Хиджабга тыюу салуу – коопсуздук талаптарына негизделген болчу.

Булак: “Борбор Азия жаңылыктар кызматы”

«Монакого» конокко барган «Ювентус» 2:0 эсеби менен жеңишке жетти. Эки голду тең аргентиналык чабуулчу Гонсало Игуаин киргизди.

Эми жооптук беттеш 9-майда өтөт.

Шаршембиде ошондой эле Европа лигасынын алгачкы жарым финалдык оюну дагы болду.

Анда Амстердамдын “Аякс” командасы өз талаасында франциялык “Лионду” 4:1 эсебинде утту.

Бул жуптун ортосундагы жооптук беттеш 11-майда өтөт.

Европа лигасынын жарым финалынын алкагында бүгүн испаниялык “Сельта” жана англиялык “Манчестер Юнайтед” командалары беттешет.

Булак: “Борбор Азия жаңылыктар кызматы”

“Реал” өз талаасында “Атлетикону” 3:0 эсебинде утту. Үч топту тең атаандаштардын дарбазасына Криштиану Роналду киргизди.

Эки тайпа ортосундагы кийинки оюн 10-майда өтөт. Бүгүн, 3-майда “Монако” – “Ювентус” экинчи жарым финалда кездешмекчи.

Булак: “Борбор Азия жаңылыктар кызматы”

Ат чабышка түркмөн лидеринен башка өлкөнүн беш дубаны жана борбор калаа Ашхабаддан келген алты тажрыбайлуу чабандес катышты. Президент Мирас деген күлүгү менен биринчи келип, жолтандабас автоунаага ээ болгонун мамлекеттик телеканалдар байма-бай көрсөтүштү. Бул күлүктү ат чабышка Бердымухамедовдун небереси Керимгулы таптаган.

Байгеге алган жолтандабастын ачкычын Гурбангулы Бердымухаммедов айыл чарба боюнча вице-премьерге берип, аны өлкөдөгү жылкы баккандардын керегине жаратууну тапшырды.

Түркмөнстанда апрел айынын акыркы жекшембиси ахалтекин аргымагынын күнү катары белгиленет. Бул майрам жыл сайын өтө шаң менен майрамдалат.

Бердымухамедов Түркмөнстандын президенти болуп 2007-жылы шайланган. Ага чейин ал Түркмөнбашы Сапармурат Ниязовдун “жеке дарыгери” деген атка ээ болгон. Президент Бердымухаммедов аргымактар тууралуу бир нече китеп жазып, өзү да ат чабыштарга катышып жүрөт. Өлкөсүндө спортчу, ырчы катары дагы белгилүү.

Булак: “Борбор Азия жаңылыктар кызматы”

Ал 26-апрелде Штутгартта италиялык теннисчи Роберта Винчи менен беттешип, аны бир саат жана 45 мүнөттүн ичинде 7-5, 6-4 эсеби менен утту.

Бир жылдан ашык тыныгуудан кийин теннис рейтингиндеги бардык упайларынан ажыраган 30 жаштагы орусиялык спортчу Штутгартта керектүү упай топтой алса, Франциядагы Roland Garros Ачык чемпионатына өтөт. Ал уюштуруучулар уруксат берсе гана “Чоң шлем” турниринин негизги оюнуна катыша алат. Чечим 15-майда чыгат.

“Чоң шлемди” беш жолу жеңип, кезинде дүйнөнүн биринчи теннисчиси болгон Шарапова былтыр Австралия ачык чемпионатынан кийин допинг текшерүүсүнөн өтпөй калган. Канынан тыюу салынган “мельдоний” заты табылган. Спорттук арбитраж соту Шарапованы эки жылга теннистен четтетип, кийин аны 15 айга кыскарткан. Чектөө 25-апрелдин түнүндө аяктады.

Допинг чырынан улам ал Рио-де-Жанейродогу Олимпиада оюндарына катышкан эмес.

Булак: “Борбор Азия жаңылыктар кызматы”