Menu

КРИМИНАЛДЫК ХРОНИКА ЖАНА ОКУЯЛАР

УКМК калкка ашыкча жогорулатылган баада дары-дармектерди сатууну көздөгөн өлкөгө импорттоочу компаниялардын тобу аныкталды

УКМК Саламаттыкты сактоо системасындагы коррупцияны жоюу боюнча жүргүзүлүп жаткан иштердин алкагында, калкка ашыкча жогорулатылган баада дары-дармектерди сатууну көздөгөн өлкөгө импорттоочу фармацевтикалык компаниялардын тобунун мыйзамсыз ишмердүүлүгү боюнча маалымат алынган.

Бул факты боюнча сотко чейинки өндүрүш башталып, анын алкагында аталган компаниялардын офисинде жана кампасында тинтүү иштери жүргүзүлдү жана кошумча экинчи бухгалтерия бар экендигин тастыктаган финансылык документтер алынды.

Ошол эле учурда, бул компаниялар тобу контролдоочу мамлекеттик органдардын айрым кызмат адамдарынын колдоосу менен, салык төлөмдөрүнөн качуу үчүн, импорттук дары-дармектердин чыныгы баасын жашырып, андан ары дарыларды калкка сатууда баасы боюнча спекуляция кылгандары аныкталды.

Бул дары-дармектерди жеткирүүчүлөрдүн жогоруда айтылган мыйзамсыз аракеттеринин натыйжасында өлкөнүн бюджетине салык түшпөгөндүгүнө, жана ошондой эле калкка сатылганда дары-дармектердин, анын ичинде өтө керектүү дары-дармектердин баасынын негизсиз жогорулатылышына алып келет.

Мындан сырткары, иликтөөнүн жүрүшүндө бул компаниялардын саламаттыкты сактоо системасы аркылуу акчалай сый акы үчүн импорттолгон кымбат баалуу дары-дармектердин аналогдорун таратуу менен мыйзамсыз соода ыкмаларын жана адилетсиз атаандаштыкты колдонууга катышкандыгы боюнча далилдер алынды. 

Иш жүзүндө алынган далилдерди эске алуу менен аталган ишканалардын жетекчилеринин бири “А.В.” аттуу жаран  кармалып, КР Кылмыш-жаза кодексинин 319-беренесинин 1-бөлүмү (Коррупция) боюнча кылмышка шектүү катары белгиленип, Бишкек шаарынын Биринчи Май райондук соту ага карата КР УКМК тергөө камак жайына камакка алуу түрүндөгү баш коргоо чарасын тандады.

Азыркы учурда тергөө бул компаниялардын мыйзамсыз иш-аракеттеринин натыйжасында мамлекетке келтирилген зыяндын так суммасын жана кылмышкерлердин чөйрөсүн аныктап жатат, алардын аракеттерине тергөөнүн жыйынтыгы боюнча мыйзамдуу баа берилет.

Асылбек Жээнбеков, Төрөбай Зулпукаров жана Жоомарт Оторбаевдин камактагы мөөнөтү 30-ноябрга чейин узарды

Жогорку Кеңештин депутаттары Асылбек Жээнбеков, Төрөбай Зулпукаров жана мурдагы өкмөт башчы Жоомарт Оторбаев 30-ноябрга чейин Улуттук коопсуздук мамлекеттик комитетинин (УКМК) тергөө абагында калды. Бишкектин Биринчи май райондук соту 24-сентябрда ушундай чечим чыгарды.

Сот отуруму болуп жатканда сыртта тарапташтары алардын бошотулушун талап кылып турушту.

Депутаттар Кумтөр кениндеги жемкорлукка байланыштуу 2021-жылдын май айында камалган. Кыргыз өкмөтүн 2014-2015-жылдары башкарган Жоомарт Оторбаевди УКМК 16-сентябрда кармаган.

“Кумтөр иши” боюнча буга чейин мурдагы президент Аскар Акаев баштаган он беш чакты мурдагы жана азыркы аткаминерлер, Жогорку Кеңештин депутаттары сурак беришкен. Айрымдары камалган. Кээ бирөөлөрү тергөө менен кызматташканы үчүн, айрымдары ден соолугуна байланыштуу үй камагына чыгарылган.

УКМКнын Кумтөр боюнча айыптоолорунда кен иштетүүдө коррупцияга жол берилип, Кыргызстандын кызыкчылыгы тебеленип, пайданын көбү чыгым катары көрсөтүлүп, көз жумду мамиленин айынан экологияга олуттуу зыян келтирилгени белгиленген. Айыпталып жаткандар жана алардын адвокаттары коюлган күнөөнү четке кагып келатышат.

ЖАМК Жантөрө Сатыбалдиевдин кайрадан операция болгону тууралуу маалыматты четке какты

Жаза аткаруу мамлекеттик кызматы (ЖАМК) мурдагы премьер-министр Жантөрө Сатыбалдиевдин кайрадан операция болгону тууралуу маалыматты четке какты.

Сатыбалдиев Бишкектеги Травматология жана ортопедия илим изилдөө борборунда дарыланып, бир апта мурун №47 абакка кайтканын ЖАМКнын басма сөз катчысы Элеонора Сабатарова 20-сентябрда билдирди.

Экс-премьер-министр аталган ооруканага сентябрдын башында жаткан. Айрым маалымат каражаттары ал омурткасынан операция болгонун жазышкан.

Жантөрө Сатыбалдиев 2020-жылдын ноябрында жүрөгүнөн операция болуп, стенд койдурган. Ал Бишкек Жылуулук электр борборундагы коррупцияга айыпталып, жети жарым жылга камалган.

Фото - Чүй облусунун экс-губернатору Туйгуналы Абдраимовдун мыйзамсыз баюу фактылары боюнча 16 квартирасы, 5 жер тамы, 18 жер тилкеси, 16 автомашинасы, 3 дыйкан чарбасы, 2 автоунаа токтоочу жайы аныкталып, кылмыш иши козголду

КР УКМК тарабынан мамлекеттик кызматкерлер арасындагы коррупцияны аныктоо жана ага бөгөт коюу боюнча көрүлгөн иш-чаралардын алкагында Өкмөттүн Чүй облусундагы мурунку ыйгарым укуктуу өкүлү “А.Т.Д.” мыйзамсыз баюу фактыларын аныктады.

Тергөө учурунда, аталган «А.Т.Д.» жогорку мамлекеттик кызматтарда иштеп жаткан учурунда, кызматтык абалын кыянаттык менен пайдаланып мыйзамсыз баюу жана материалдык пайдалар менен артыкчылыктарга ээ болуу үчүн, мыйзамсыз түрдө активдерин көбөйткөндүгү,  легалдаштыруу максатында Бишкек шаарынын жана Чүй облусунун аймагында өзүнүн расмий кирешесинен бир нече эсе жогору турган кыймылдуу жана кыймылсыз мүлктүн кымбат объектилерин сатып алгандыгы, жана ошондой эле Кыргыз Республикасынын бир катар коммерциялык банктарына финансылык инвестицияларды салгандыгы аныкталды. Ошол эле учурда кылмыш жоопкерчилигинен качуу үчүн бул активдерди башка адамдардын атына катталган.

Белгиленген мыйзамсыз аракеттердин натыйжасында, “А.Т.Д.” жакын туугандарына жана аффилирленген адамдарга 16 батир, 18 жер тилкеси, 2 уна токтотуучу жай, 5 турак жай, 3 дыйкан чарба, 16 авто унаа, жана ошондой эле ошондой эле «Ысык-Ата» курортунун территориясында бүтпөгөн курулуш объектилерди каттаган.

Белгилей кетсек, “А.Т.Д.” жана анын жакын туугандары активдери, киреше жок болгон учурда да кескин көбөйүп, 250 миллион сомдон ашык бааланган.

КР УКМК чогулткан материалдардын негизинде Кыргыз Республикасынын Кылмыш-жаза кодексинин 323-беренесинин 2-бөлүгүнүн 1-пунктту (мыйзамсыз баюу) фактысы боюнча сотко чейинки өндүрүшкө катталып, бул иштин алкагында бул кылмышты жасоого тиешеси бар адамдарды жана алар мыйзамсыз алган мүлктү аныктоого багытталган ыкчам-тергөө иш-чаралардын комплекси жүргүзүлүүдө.

 

Экс-депутат Кубанычбек Нурматов $500.000 акчаны алдамчылык кылуу фактысы боюнча кармалды

КР УКМК тарабынан “Кыргызстан” саясий партиясынан КР ЖК мурдагы депутаты «Н.К.» тарабынан жасалган ири өлчөмдөгү алдамчылык фактылары боюнча сотко чейинки өндүрүш иштери жүргүзүлүүдө. Бул тууралу УКМКнын басма сөз кызматы билдирет.

Тергөө учурунда экс-депутаттын алдамчылык иштерге тиешеси бар экендиги боюнча далилдер табылды.

2013-жылы “Н.К.” Кыргыз Республикасынын Эсеп палатасынын аудитору болуп турган учурда 500 миң АКШ долларынан ашык суммадагы кыймылсыз мүлктү алдамчылык менен алып алган.

2021-жылдын 20-сентябрында Кыргыз Республикасынын Жазык-процессуалдык кодексинин 98-беренеси боюнча алдамчылыкка шектелип “Н.К.” кармалып, КР УКМК тергөө камак жайынын убактылуу кармоочу жайына киргизилди.

Сокулук районунда жаш өспүрүмдү тоноп кетишкен 3 каракчы кармалды

18-сентябрь күнү  Сокулук районунун ички иштер бөлүмүнө арыз менен 1999-жылы туулган жаран О.С. кайрылган. Себеби 17-сентябрь күнү жашы болжол менен 25-30 чамасындагы белгисиз үч адам анын 2004-жылы туулган жашы жете элек инисин карактап тоноп кетишкендигин билдирген. Бул тууралу Чүй облустук милициясынын басма сөз кызматы билдирет.

Аталган факт кылмыштардын жана жоруктардын бирдиктүү реестрине Кыргыз Республикасынын Жазык кодексинин 202-беренеси (Каракчылык) боюнча катталган.
Сотко чейинки  өндүрүштө милиция кызматкерлери тарабынан төмөнкүлөр белгилүү болгон. Белгисиз үч жаран жашы жете элек баланы өздөрүнүн автоунасына үйүнө чейин жеткирип коебуз дешип, жолдон Военно-Антоновка
айыл жактагы айланма жолунан токтоп белгисиз тапанча менен коркутуп уюлдук телефонун жана акчасын алып, жаш өспүрүм баланы ошол жакка тыштап, белгисиз тарапка качып кетишкени белгилүү болгон.
Милиция кызматкерлери тарабынан жүргүзүлгөн ыкчам издөө иш-чараларынын натыйжасында жогорудагы кылмышка шектелишип, 1996-жылы туулган Л.Э., А.Н., 1987-жылы туулган З.Э. жана 2001-жылы туулган М.И. аттуулар кармалышып, убактылуу кармоочу жайга камакка алынышкан.
Учурда тиешелүү экспертизалар дайындалды.
Сотко чейинки өндүрүш иштери улантылууда.

Нарын милициясы телефондук алдамчылардын көбөйгөндүгүн эскертет жана сак болууга чакырат

Заманбап технологияларынын өнүгүшү менен пайда болгон көптөгөн позитивдүү көрүнүштөргө жанаша   заманбап технологиялар мейкиндигинде жана аларды колдонуу менен жазалган кылмыштуу аракеттер  өнүгүүдө.

Заманбап технологиядарды колдонуу менен ишке ашырылган кылмыштуу курамдардын бири бул- коомчулукта “телефондук алдамчылык”  аталышта белгилүү болгон, алдамчылык кылмышы жана жоругу.

Телефондук алдамчылык- алдамчылык кылмышынын жана жоругунун  заманбап түрү деп атаса болот, өз учурунда  мобилдик алдамчылык телекоммуникация чөйрөсүндөгү эң  кенири жайылган кылмыш.

Адатта  телефондук алдамчылар өзүнүн кылмыштуу  аракеттерин  ишке ашыруу үчүн интернет мейкинидигин жана   уюлдук байланышты колдонуу аркылуу, атайын тандалган же туш келген жарандын ишеничине кирип аны алдоо аркылуу өз максатына жетет.

Телефондук алдамчылыкты ишке ашыруунун көп кездешкен түрлөрү:

–        жарандарга  ар кандай утутштарга ээ болгондугу боюнча кабарлап, утушту алуу үчүн кандайдыр бир суммадагы акча каражаттарын которууга же алардын банктык карталарынын маалымат берүүгө түртүү;

–        жарандардын туугандарынын, досторунун атын жамынып, телефон аркылуу жашоодогу оор абалга кабылгандыгын, тез арада акча каражаты керек болуп жаткандыгын айтып кандайдыр бир суммадагы акча каражатын которууга мажбурлоо.

Бүгүнкү күндө телекоммуникация каражаттарын колдонуу аркылуу жазалган алдмачылык фактылары боюнча Нарын ОИИБна жарандардан  жалпы 3 (үч)  арыз-даттануулар түшүп,  алар боюнча 3 (үч) сотко чейинки өңдүрүш иштери башталган.

Ошол себептүү, Нарын ОИИБы,  Нарын облусунун тургундарынан жана конокторунан алдамчылык менен күрөшүү максатында укук коргоо органдары менен тыгыз байланышууга жана телефондук алдамчылардан сак болуп,  интернет-мейкиндигинде тараган  шектүү шилтемелерди ( ссылка) жайылтпоого жана   телефондук алдамчылардын аракеттерине кабылган учурда алар тарабынан айтылган маалыматтарды текшерүү аракетин көрүүгө (мисалы тууганынын атын жамынын, оор абалга түшкөндүгү жөнүндө билдирсе, дароо ал тууганына таандык номер менен байланышуу же анын жанында болушу мүмкүн болгон адамга чалып маалымат алуу) чакырат.

Эгерде  шек жараткан чоочун абоненттик номерлер аркылуу жүргүзүлгөн  СМС-билирүүлөр, чалуулар түшсө дароо 102 ге билдирип,   далилдерди  сактап  калып өткөрүп  берүүңүздөрдү сурайбыз.

Ысык-Көл облусунда милиция тургундарды каржы пирамидасынын жана алдамчылыктын курмандыгы болбоого чакырат

Каржы пирамидасынын жана алдамчылыктын мыйзамсыз ишмердүүлүгүн алдын алуу максатында, Ысык-Көл облусунун шаардык. раондук милициянын кызматкерлери, шаардын жаштарынын активдүү катмары менен бирдикте профилактикалык иш-чараларды турмушка ашырууда. Аталган иш чаранын жүрүшүндө, шаардыктарга турмушта орун алган финансалык жана алдамчылык схемалары боюнча кеӊири маалыматтарды беришип, жарандардын акча каражаттарын  алуу үчүн  кандай алдоо жолдору бар экендигин түшүндүрүп кетишти.

Шаарды кыдыруу учурунда, иш-чаранын катышуучулары шаардыктарга, өзгөчө улгайган адамдарга каржы пирамиданын жана алдамчылыктын кандай түрлөрү өзгөчө көп кездешерин айтышып, шектүү каржы уюмдарына акчаларын аманат иретинде салбоону түшүндүрүштү. Милиция кызматкерлери белгилегендей, жаңы катышуучуларды тартуу мүмкүнчүлүктөрү (пайщиктер, аманатчылар) сарпталганда, каржы пирамидасы сөзсүз түрдө жабылат. Ошол эле учурда, мындай схеманы уюштургандар акча каражаттын олуттуу бөлүгүн өздөрү ээлеп калышат. Ал эми, өз акчаларын салышкан аманатчылар, каражаттарын жоготууга дуушар болушат.

Милиция кызматкерлери эскертишкендей, жөнөкөй коопсуздуктун чараларын сактоо менен, жарандар каржы пирамидасынын мыйзамсыз иш-аракеттеринин таасирине алданбай, өздөрүнүн акча каражаттарын сактыкта алып калышат. Иш чаранын катышуучулары шаардыктарга алдамчылыктын курмандыгы болбоо үчүн атайын даярдалган эскертмелерди таратышты.

Ысык-Көл ОИИБгы бардыгыңыздарды сак болууга жана алдамчылардын чагымчыл аракеттерине берилбөөгө чакырат. Алдамчылардын торуна түшүп калбаш үчүн жана аманаттарыңызды жоготпош үчүн финансылык пирамиданын негизги белгилерин эсиңиздерден чыгарбаңыздар:

№ 1 белги. Кепилденген  жогорку кирешени убада кылуу

Алдамчылдар кирешени жылдык 50, 100 жана керек болсо 200 пайыз менен оңой эле кепилдик беришет. Инвестициялоонун ишенимдүү куралы боюнча оптималдуу киреше депозиттер боюнча  чендердин жана банктын кредиттеринин орточо пайыздарынын ортосунда болушу керек. Эгерде сизге сунуштаган киреше банк кредиттеринин чендеринен жогору болсо  (Кыргызстандын рыногунда улуттук валютада 22-25%) мындай уюм финансылык пирамида болушу мүмкүн.

№ 2 белги. Продуктунун жоктугу

Эгерде сизди чакырып жаткан уюмда эч кандай продукт болбосо, бул финансылык пирамида. Жашырынган финансылык пирамидалар да болушу мүмкүн. Продуктусу бар, бирок, аларды эч ким колдонбойт: бул туристтик кызматтар (элиталык эс алуу), компьютердик сабаттуулук, чет тилдери ж.б.у.с. боюнча программалар. Бул продуктуларды сунуштаган компания улам келген адамдардын акчаларынан киреше алат.

№ 3 белги. Башка адамдарды тартуунун эсебинен киреше алуу

Эгерде сиздин негизги тапшырмаңыз башка адамдарды тартуу болсо жана сиздин кирешеңиз ошол адамдар алып келген акчалардан түзүлсө, бул керемет уюмду финансылык пирамида деп айтууга болот.

№ 4 белги. Топ менеджмент жана финансылык отчеттулук жөнүндө маалыматтарга кирүүгө болбой тургандыгы

Эгерде жетекчилик тууралуу маалыматтар жашыруун болсо, сизге финансылык отчеттуулукту бербесе, ага акчаңызды салаардан мурда терең ойлонууңуз керек. Ишенимдүү компанияларда бардыгы ачык-айкын жана жеткиликтүү болот.

№ 5 белги. Финансылык көз карандысыздыкка ишенимдүү  убада берүү

Көбүнчө финансылык пирамидалардын уюштуруучулары жаңы катышуучуларды зомбирлөөнү колдонушат. Финансылык көз карандысыздык жана эркиндик жөнүндө сүйлөшүп, ишенимдүү убадаларды беришет. Оратор катары башка адамдардын эмоцияларын башкара алган адамдар сүйлөшөт.

№ 6 белги. Жыйналыш, байгелерди ойнотуу

Жамааттык иш-чараларга, бардык байгелерди, жолдомолорду  ойнотууларга чакырууларды кабыл албагыла. Финансылык пирамидалар муну ийгиликтүү жана кирешелүү компаниянын образын түзүү үчүн жасашат.

Эң негизги кеңеш: Финансылык пирамиданын курмандыгы болбош үчүн эң эле жөңөкөй нерсе – этият болуу керек: кепилденген жогорку кирешени убада кылууларга ишенбегиле, каражаттарыңарды күмөндүү компанияларга жана адамдарга ишенип бербегиле.  Финансы рыногунун кесипкөй адамдары менен кеңешкиле.  Эмоциялардын жана убадалардын Сиздерге ээлик кылуусуна  жол бербеңиздер, өзүңүздөрдү башкара билиңиздер!

Акчаларыңарды берээрден мурун сөзсүз бардык уюштуруу жана уруксат берилген документтерин текшергиле (лицензия, күбөлүк ж.б.у.с.). Финансылык отчеттулугун жана жетекчилик тууралуу маалыматтарды сурагыла.  Компаниянын кирешеси эмненин эсебинен түзүлөөрүн, ошондой эле сиздин аманатыңыздын кайтарылуу мүмкүндүгүн билгиле  (сиздин акчаларыңыз кайда кетет).

Белгилеп кетсек, 2020-2021 жылдардын аралыгында Балыкчы шаарында жана Каракол шаарында уюшулган 8 каржы пирамидасынын мыйзамсыз ишмердүүлүгүнөн улам, көптөгөн аманатчылар жабыр тартышкан. Үстүбүздөгү жылдын башынан соттун кароосуна 50 миллион сомдон ашык зыян келтирилген 870ке жакын кылмыштар жана жоруктар боюнча иштер жиберилген.

ИИМ: Жер тилкелеринин трансформациялоо маселесин чечип берем деп, 5 жаранды $21500 акчага алдап кеткен шектүү кармалды

Кыргыз Республикасынын ИИМдин Экстремизмге жана мыйзамсыз миграцияга каршы аракеттенүү боюнча кызматынын жана Чүй облусунун Аламүдүн районунун ИИБнин кызматкерлери тарабынан Бишкек шаарынын айланасындагы жаңы конуштардагы жер тилкелерин трансформациялоо жана документтерин мыйзамдаштыруу учурдагы көйгөйлүү маселелердин бири экендигин билип, андан өзүнө материалдык пайда табуу максатында алдамчылык жол менен жарандардын акча каражаттарына ээ болгон Бишкек шаарынын тургуну 1989-жылы туулган Ж.К.  кармалды.

Жүргүзүлгөн ыкчам иликтөө иш-чараларынын натыйжасында, жаран Ж.К. Чүй облусунун Аламүдүн районунун тургундарына өзүн Кыргыз Республикасынын Башкы прокуратурасынын, ички иштер органдарынын кызматкери, жактоочу жана юрист катары жалган тааныштырып, 5 адамдан жер тилкелеринин трансформациялоо маселесин чечип берем деп, акча каражаттарын алдоо жолу менен алгандыгы, жарандарга жалпы суммасы 21 500 АКШ долларында чыгым келтирилгендиги аныкталды.

Аталган фактылар боюнча Чүй облусунун Аламүдүн районун ИИБнин Тергөө кызматы тарабынан Кыргыз Республикасынын Жазык кодексинин 204-беренесинин (Алдамчылык) 2-бөлүгүнүн 1-пункту боюнча сотко чейинки өндүрүш иши ачылып, жаран Ж.К. Бишкек шаарынын ИИББнин убактылуу кармоочу жайына киргизилди.

Азыркы учурда Ж.К. башка кылмыштарга тиешеси бар экендигин тактоо боюнча ыкчам-иликтөө иш-чаралары жүргүзүлүп жатат.

Кармалган жаран Ж.К.дан жабыркаган жарандар болсо же ал боюнча кандайдыр-бир маалыматтарды билишсе, 0702-20-40-70,  0705-00-88-08 телефон номурларына  кабарлашса болот.

Кыргыз Республикасынын Ички иштер министрлиги Кыргызстандын жарандарынан сак болууну суранат жана жер тилкелерин сатып алууда  бардык документтерди дыкат текшерүү керектигин, ошондой эле текшерүү үчүн жергиликтүү өзүн-өзү башкаруу органдарына кайрылууну эскертет.

Сот КР ЖКнын "Кыргызстан" фракциясынын экс-депутаты Руслан Чойбековду тергөө иши бүткүчө камакка алды

КР ЖК мурдагы депутаты “Кыргызстан” саясий партиясынын мүчөсү “Ч.Р.” тарабынан алдамчылык фактысы боюнча козголгон кылмыш ишинин алкагында, Бишкек шаарынын Биринчи Май соту тергөө иши бүткүчө камакка алуу түрүндөгү баш коргоо чарасын тандады. Бул тууралу УКМКнын басма сөз кызматы билдирет.

Мурда маалымдалгандай, УКМК тарабынан 2020-жылы өткөн парламенттик шайлоодо ири суммадагы акчаны алдоо жана мыйзамсыз алуу фактысы кайрадан аныкталды. “Кыргызстан” саясий партиясынын мүчөсү жана өлкөнүн парламентинин экс-депутаты Ч.Р. тарабынан, депутаттык мандат үчүн 300 000 АКШ доллары өлчөмүндөгү акча каражат алынып, арыз ээсине өзгөчө ири өлчөмдө зыян келтирилген.

2021-жылдын 16-сентябрында жүргүзүлгөн тергөө аракеттеринин жыйынтыгы жана алынган далилдердин натыйжасында, “Ч.Р.” аттуу жаран Кыргыз Республикасынын Кылмыш-жаза кодексинин 204-беренесинин 3-бөлүгү (Өзгөчө ири өлчөмдө жасалган алдамчылык) боюнча кылмышка шектүү катары кармалган.

Меню