КРИМИНАЛДЫК ХРОНИКА ЖАНА ОКУЯЛАР

«Көмүскө жай» операциясын өткөрүү мезгилинде Кыргыз Республикасынын ИИМдин Ысык-Көл жана Нарын облустары боюнча башкармалыктарынын кызматкерлери Каракол шаарынын 31-жаштагы С. Виктор аттуу тургундун үйүн текшерүү учурунда уктоочу бөлмөсүнөн пакетке салынган жапайы кендирдин жыты бар өсүмдүк табылып алынган. Бул туурасында Ысык-Көл ОИИБнин Басма сөз кызматы билдирет.

Алынган шектүү зат химиялык экспертизага жөнөтүлүп, 2 килограмм салмактагы марихуана баңгизаты болуп чыккан.

Каракол ШИИБнин тергөө кызматы тарабынан бул факты боюнча Кыргыз Республикасынын кылмыш-жаза кодексинин 246-беренесинин 3-бөлүмү (Башкага берүү максатын көздөбөстөн баңги каражаттарын же болбосо психотроптук заттарды мыйзамсыз даярдоо, сатып алуу, сактоо, ташуу же жөнөтүү, эгерде алардын предмети ири өлчөмдөрдөгү баңги каражаттары болсо) менен кылмыш иши козголгон.

Баңги зат менен кармалган шектүү адам шаардык милициянын убактылуу кармоочу жайына киргизилип, тергөө иштери уланууда.

2017-жылдын 27-ноябрь күнү саат 23:00 чамасында Сокулук РИИБнин убактылуу кармоочу жайынан качып кеткен качкындарды кармоо үчүн “Сирена” ыкчам планын жүргүзүшүп, натыйжасында шаардык милиция кызматкерлери тарабынан көрүлгөн комплекстүү иш-чаралардын негизинде Биринчи май районунун аймагынан эки жаран кармалган. Бул туурасында ИИМдин Басма сөз кызматы билдирет.

Кармалган адамдар:
– 16.07.1979-жылы туулган Базаркулов Рамил Муктарбекович, Чүй облусунун Сокулук районунун тургуну, Кыргыз Республикасынын Кылмыш-жаза кодексинин 97-беренесинин (адам өлтүрүү) негизинде камакка алынган.

Кийген кийимдери: жеңи жок сырткы кийим (безрукавка), кара түстөгү шым жана бут кийим.
– 04.03.1979-жылы туулган Дилдешов Бакыт Чыныбекович, Талас облусунун тургуну, Кыргыз Республикасынын кылмыш-жаза кодексинин 168-беренесинин (Каракчылык) негизинде камакка алынган.
Кийген кийимдери: кара түстөгү баш кийим жана куртка.

Ал эми башка 2 жаранды кармоо боюнча ыкчам-иликтөө иш-чаралары көрүлүп жатат.

27-ноябрь күнү болжол менен саат 06:00 чамасында Сокулук РИИБнин убактылуу кармоочу жайынан 4 жаран качып чыгып, белгисиз тарапка кеткендигин маалымдаганбыз, – деп билдирет ИИМдин Басма сөз кызматы.

2017-жылдын 27-ноябрь күнү саат 23:00 чамасында Сокулук РИИБнин убактылуу кармоочу жайынан качып кеткен жарандарды кармоо үчүн “Сирена” ыкчам планын жүргүзүшүп, натыйжасында шаардык милиция кызматкерлери тарабынан көрүлгөн комплекстүү иш-чаралардын негизинде Биринчи май районунун аймагынан эки жаран кармалган.

Кармалган адамдар:
– 16.07.1979-жылы туулган Базаркулов Рамил Муктарбекович, Чүй облусунун Сокулук районунун тургуну, Кыргыз Республикасынын кылмыш-жаза кодексинин 97-беренесинин (адам өлтүрүү) негизинде камакка алынган.

Кийген кийимдери: жеңи жок сырткы кийим (безрукавка), кара түстөгү шым жана бут кийим.
– 04.03.1979-жылы туулган Дилдешов Бакыт Чыныбекович, Талас облусунун тургуну, Кыргыз Республикасынын кылмыш-жаза кодексинин 168-беренесинин (Каракчылык) негизинде камакка алынган.
Кийген кийимдери: кара түстөгү баш кийим жана куртка.

Чүй облусу жана Бишкек шаары боюнча «Сирена» планы жарыяланып, башка эки жаранды кармоо үчүн ыкчам-издөө иш-чаралары жүрүп жатат. Чүй жана башка облустардын шаардык жана райондук ички иштер бөлүмдөрүнө, ошондой эле Бишкек ШИИББге багыттамалар жөнөтүлгөн. Стационардык посттордо милиция кызматкерлери күчөтүлгөн тартипте иштеп жатышат.

“Сирена” планы куралданган же өзгөчө оор кылмышкерлерди издөөгө жана кармоого багытталган ички иштер органдарынын өздүк курамы тарабынан көрүлгөн комплекстүү иш-чара.

Издөө жарыялайбыз!!!

– 22.01.1985-жылы туулган Ачылдурдиев Багтият Турдукулович, Түркмөнстандын жараны, Кыргыз Республикасынын кылмыш-жаза кодексинин 168 берене (ккаракчылык), 348-берене (документтерди, штамптарды, мөөрлөрдү уурдоо, жок кылуу, зыянга учуратуу же жашыруу) жана 174-беренесинин (мүлктү атайылап жок кылуу же зыянга учуратуу) негизинде камакка алынган.
Кийген кийимдери: ак түстөгү баш кийим, көк түстөгү жинсы куртка.
-23.09.1989-жылы туулган Жанботоев Кайрат Байызбекович, Чүй облусунун тургуну, Кыргыз Республикасынын кылмыш-жаза кодексинин 97-беренесинин (адам өлтүрүү) негизинде камакка алынган.
Кийген кийимдери:кара түстөгү жеңи жок сырткы кийим.
Эгерде жарандар кандайдыр-бир маалымат билген болсо төмөнкү номурлар аркылуу ички иштер органдарына токтоосуз билдирүүнү суранат: Чүй ОИИБи-0 312 43-88-91, 43-88-85 жана ИИМдин нөөмөт бөлүмү-66-23-31.

Милицияга Бишкек шаарынын жашоочусу арыз менен кайрылып, 2017-жылдын 23-ноябрь күнү болжол менен саат 19:00 чамасында Токтогул жана Бейшеналиева көчөлөрүнүн кесилишинен “Айбек” атуу жаран жабырлануучунун чөнтөгүнөн 9600 сомдук уюлдук телефонун уурдап кеткендигин билдирген. Бул туурасында Бишкек ШИИББнин Басма сөз кызматы билдирет.

Жогорудагы факты боюнча Кыргыз Республикасынын кылмыш-жаза кодексининин 164-беренси (уурдоо) менен кылмыш иши козголгон. Кармалган жаран Бишкек ШИИББнин убактылуу кармоочу жайына киргизилип, тергөө амалдары уланууда.

Октябрь райондук ички иштер башкармалыгына М.К. аттуу жарандан арыз келип түшкөн. Анткени, 2017-жылдын 12-ноябрь күнү Шабдан Баатыр жана Литовский көчөлөрүнүн кесилишинен “Жоодарбек” аттуу жаран күч колдонуу менен арыздануучунун “Самсунг” үлгүсүндөгү уюлдук телефону, акча каражаты, жеке документтери салынган сумкасын тартып алып, белгисиз тарапка изин жашырып качып кеткен. Бул туурасында Бишкек ШИИББнин Басма сөз кызматы билдирет.

Милиция кызматкерлери тарабынан ыкчам-иликтөө иш-чаралары жүргүзүлүп, натыйжасында Чүй облусунун 26 жаштагы тургуну кармалган.

Кармалган жаран тергөө бөлүмүнө өткөрүлүп, иликтөө иштери жүрүүдө.

Милиция кызматкерлерине Бишкек шаарынын жашоочусу арыз менен кайрылган. Себеби, 2017-жылдын 19-ноябрь күнү Рахатбек аттуу жаран алдоо жолу менен арыздануучунун ишенимине кирип, батиримди сатып акчасын берем деп, жабырлануучудан 256 000 сом акча каражатын алып ушул күнгө чейин бербей, жашырынып жүргөн. Бул туурасында Бишек ШИИББнин Басма сөз кызматы билдирет.

Биринчи май райондук милиция кызматкерлери тарабынан көрүлгөн ыкчам-иликтөө иш-чараларынын негизинде жогорудагы кылмыш ишине шектүү катары Бишкек шаарынын 44 жаштагы Т.Р. аттуу жараны кармалган.

Бул факты боюнча Кыргыз Республикасынын кылмыш-жаза кодексинин 166-беренесине (алдамчылык) ылайык кылмыш иши козголгон. Кармалган жаран убактылуу кармоочу жайга камалган.

Андан сырткары, тергөө учурунда шектүү башка кылмыш иштерине дагы тиешеси бардыгы аныкталган.
Учурда иликтөө иштери жүрүп жатат.