КРИМИНАЛДЫК ХРОНИКА ЖАНА ОКУЯЛАР

Ленин райондук милициясына 2017-жылдын 13-ноябрь күнү болжол менен саат 23:00 чамасында белгисиз адамдар арыздануучунун үйүнө кирип, компьютер жана эки уюлдук телефонун уурдап кеткендиги тууралуу арыз келип түшкөн. Бул туурасында Бишкек ШИИББнин Басма сөз кызматы билдирет.

Кылмыштын изин суутпай милиция кызматкерлери жогорудагы кылмыш ишине шектүү катары Баткен облусунун 19 жаштагы Б.М. аттуу жашоочусун кармашкан.

Аталган факты боюнча Кыргыз Республикасынын кылмыш-жаза кодексинин 164-беренесинин (уурдоо) негизинде кылмыш иши козголгон.

Учурда бул кылмыш иши иликтенип жатат.

Ошондой эле, Ленин РИИБне 24-сентябрь күнү болжол менен саат 09:00дон 23:00 аралыгында белгисиз адам арыздануучунун үйүнө терезеден кирип, ноутбук, күмүш жасалгаларын жана акча каражаттарын уурдап кетишкендиги тууралуу арыз менен жергиликтүү тургун кайрылган. Жабырлануучуга келтирген чыгымдын жалпы суммасы 60 000 сомду түзгөн.

Жогорудагы факты боюнча Кыргыз Республикасынын кылмыш-жаза кодексинин 164-беренесинин (уурдоо) негизинде кылмыш иши козголгон.

Кармалган адам Бишкек шаарындагы №1тергөө абагына киргизилип, иликтөө иштери уланууда.

2017-жылдын 13-ноябрында милицияга арыз менен борбор шаарыбыздын тургуну кайрылып, Кулиев көчөсүнөн болжол менен саат 10:30 чамасында белгисиз адам арыздануучунун мас абалынан колдонуп, анын күмүш шакегин жана жеке буюмдарын алып, окуя болгон жерден изин жашырып качып кеткен. Бул туурасында Бишкек ШИИББдин Басма сөз кызматы билдирет.

Кылмыштын изин суутпай Ленин райондук милиция кызматкерлери жогорудагы кылмыш ишине шектүү катары 41 жаштагы У.М. аттуу Бишкек шаарынын жашоочусун кармашкан.

Кармалган адам Ленин РИИБнин тергөө бөлүмүнө өткөрүлүп, иликтөө иштери башталды.

Милицияга Бишкек шаарынын жашоочусу кайрылган. Арызында 2017-жылдын 3-ноябрь күнү болжол менен саат 13:00 чамасында Медеров көчөсүндө жайгашкан үйүнүн жанынан 17-20 жаштардагы белгисиз жаран күч колдонуу менен арыздануучунун баласынын баасы 15 000 сомдук “Самсунг-Гелекси” үлгүсүндөгү уюлдук телефонун алып койгондугун билдирген. Бул туурасында Бишкек ШИИББнин Басма сөз кызматы билдирет.

Биринчи май РИИБнин кызматкерлери тарабынан жүргүзүлгөн рейддик иш-чаранын негизинде Чүй облусунун М.А. аттуу 17 жаштагы жашоочусу кармалган.

Жогорудагы факты боюнча Кыргыз Республикасынын кылмыш-жаза кодексинин 167-беренесинин (тоноо) негизинде кылмыш иши козголгон.

Кармалган жаран ата-энесинин колуна өткөрүлүп берилген.

Ошондой эле, Ленин РИИБне 2017-жылдын 6-ноябрь күнү болжол менен саат 15:00 чамасында Кулиев-Медеров көчөлөрүнүн кесилишинен 30-35 жаштардагы белгисиз адам күч колдонуу менен жабырлануучунун колунан «Самсунг-Гелекси» үлгүсүндөгү уюлдук телефонун тартып алып, белгисиз тарапка качып кеткендиги тууралуу арыз келип түшкөн.

Милиция кызматкерлери тарабынан көрүлгөн иш-аракеттердин натыйжасында аталган кылмыш ишине шектүү катары Чүй облусунун 32 жаштагы Р.Н. аттуу жашоочусу кармалган.

Жогорудагы факты боюнча Кыргыз Республикасынын кылмыш-жаза кодексинин 167-беренесинин (тоноо) негизинде кылмыш иши козголгон.

Кармалган жарандар Бишкек ШИИББнин убактылуу кармоочу жайына киргизилип, тергөө амалдары жүрүүдө.

Казакстанда чек арачылар тийиштүү документтери жок  өтө көп тамеки буюмдарын Россияга алып бараткан Кыргызстандын жаранын кармашты. Бул туурасында Интерфакс билдирет.

“Карасу авто” көзөмөл-өткөрмө пунктунан 34 жаштагы Кыргызстандын жараны кармалды. Ал Кыргызстандан Россияга Mercedes-Benz автоунаасы менен өтө көп тамеки буюмдарын алып бара жаткан”, – деп билдиришкен Казакстандын чек ара кызматындагылар.

Унаанын ичинде 76 мөшөк чийки насвай жана филтрленген тамекинин 45 кутучасы бар экени, насвайдын жалпы салмагы 2200 килограммдан ашык экени дагы айтылууда.

Биринчи май райондук ички иштер башкармалыгына борбор шаарыбыздын тургуну арыз менен кайрылган. Бул туурасында Бишкек ШИИББнин Басма сөз кызматы билдирет.

Арызында, 2017-жылдын август айында газ куючу жайда иштеген “Жакып” аттуу бейтаанышы алдоо жолу менен жабырлануучунун ишенимине кирип, автоунаасына газ түтүгүн орнотуп берем деп 400 АКШ долларын (27 000) алып, азыркы күнгө чейин изин жашырып качып жүргөн.

Бишкек ШИИББнин кызматкерлери тарабынан ыкчам-иликтөө иш-чаралары жүргүзүлүп, жогорудагы кылмыш ишине шектүү катары Чүй облусунун 22 жаштагы Н.Ж. аттуу тургуну кармалган.

Кармалган адам Бишкек ШИИББнин тергөө бөлүмүнө өткөрүлүп, иликтөө иштери жүрүп жатат.

Милицияга арыз менен Бишкек шаарынын жашоочусу кайрылып, 2017-жылдын 21-октябрь күнү болжол менен саат 08:00 чамасында арыздануучунун үйүнө терезеден кирип, ноутбук жана уюлдук телефонун уурдап кеткен белгисиз адамга карата тиешелүү чараларды көрүп берүүлөрүн суранган. Бул туурасында Бишкек ШИИББнин Басма сөз кызматы билдирет.

Ленин райондук милиция кызматкерлери тарабынан көрүлгөн иш-чаралардын негизинде аталган кылмыш ишине шектүү делип 19 жаштагы Н.Э. аттуу жергиликтүү тургун кармалган.

Жогорудагы факты боюнча Кыргыз Республикасынын кылмыш-жаза кодексинин 164-беренеси (уурдоо) менен кылмыш иши козголгон.

Кармалган жаран убактылуу кармоочу жайга киргизилип, учурда иликтөө иштери жүрүүдө.

Ушул жылдын 11-ноябрь күнү Октябрь айылынын 50 жаштагы И.Х. аттуу тургуну Аламүдүн райондук милициясына кайрылып, август айынын аягында сарайынан беш баш кою уурдалганын билдирген. Бул туурасында ИИМдин Басма Сөз кызматы маалымдайт.

Милиция кызматкерлери тарабынан ыкчам-иликтөө иш-чаралары жүргүзүлүп, натыйжасында Ленинский айылынын 38 жаштагы Р.В. аттуу жашоочусу кармалган.

Ал эми, Жумгал райондук ички иштер бөлүмүнө Чаек айылынын 71 жаштагы Н.Н. аттуу жашоочусу арыз менен кайрылган. Себеби, 10-ноябрь күнү болжол менен саат 17:00 чамасында Чаек айылынын тааласында аркандалып турган бир баш ири мүйүздүү малын уурдап кеткенин билдирген.

Жумгал РИИБнин кызматкерлери тарабынан жүргүзүлгөн ыкчам- иликтөө иштеринин негизинде жогорудагы кылмышка шектүү делип, Жумгал районунун Чаек айылынын 28 жаштагы Н.Б. аттуу тургуну кармалып, күнөөсүн толугу менен мойнуна алган.

Жогорудагы фактылар боюнча Кыргыз Республикасынын кылмыш- жаза кодексинин 165-беренеси (мал уурдоо) менен кылмыш иштери козголуп, учурда тергөө амалдары жүрүүдө.