КРИМИНАЛДЫК ХРОНИКА ЖАНА ОКУЯЛАР

Маалыматка караганда, Абдусамад Розиков жана Шерхон Маджидов аттуу тергөөчүлөр 28-октябрда өздөрүнүн иш бөлмөсүндө 8 миң сомони (1 миң долларга жакын) өлчөмүндө пара алып жаткан жеринен Антикоррупциялык мекеменин кызматкерлери тарабынан кармалышкан.

Тергөөчүлөргө айып тагылгандан кийин райондук милиция бөлүмүнүн башчысы Хайриддин Жаффарзода ээлеген кызматынан бошотулду.

Өз булактар алгач тергөөчүлөр уурулукка шектелген адамдан 10 миң сомони талап кылып, бербесе кылмыш ишин козгой тургандыктарын айтып опузалашканын билдиришти. Бирок шектүү болгону 8 миң гана сомони таап келген.

Милиция кызматкерлерине карата пара алуу беренесинин негизинде кылмыш иши козголуп, Куляб шаарындагы тергөө абагына камалышты.

Булак: “Борбор Азия жаңылыктар кызматы”

«Түркмөнстан хроникасы» басылмасынан билдиришкендей, батирдин айнектери талкаланып, Халида Исбастинованын өзү жабыркаган эмес. Чакыруу менен барган милиция кызматкерлери балкондон бир топ таштарды табышкан.

Андан бир күн мурда, 28-октябрда Исбастиновнын телефонун өчүрүп салышкан жана азыркыга чейин аны менен байланыш жок. 40 жыл бою мектепте тарых сабагынан мугалим болуп иштеген Тухбатуллиндин апасы учурда 76 жашта.

«Түркмөнстан хроникасынын» редакциясы окуя Фарид Тухбатуллиндин укук коргоочулук жана журналисттик ишмердүүлүгү менен байланыштуу деп эсептөөдө. Быйыл укук коргоочу Наталия Шабунц менен «Азаттык» радиосунун түркмөн кызматынын журналисти Солтан Ачилова кол салууга кабылышкан.

Адам укуктары боюнча түркмөн демилгеси бул боюнча эл аралык укук коргоо уюмдарына кабарлап, окуянын дыкаттык менен иликтенишин талап кылды.

Булак: “Борбор Азия жаңылыктар кызматы”

Прокурорлор 1-ноябрдагы сотто маалымдашкандай, колго түшүрүү маалында жаракат алган Саипов ооруканадагы өзү жаткан бөлмөгө ИМ тобунун желегин илип коюуну өтүнүп, кылган ишине ыраазы экенин билдирген.

Саиповду сотко колу бутун таңып алып келишти. Анын жүрүшүндө соттолуучу орус тилдүү котормочунун жардамы менен көрсөтмө берди. Ага тагылган айыптар боюнча өлүм жазасы каралган.

Нью-Йоркттогу чабуул учурунда талкаланган автоунаа 1-ноябрь,2017-жыл.

Ал ортодо ФБР бул иш боюнча дагы бир өзбек тектүү жаранды, 32 жаштагы Музаммадзоир Кадыровду суракка алып жатканы кабарланууда. Сот тарабынан дайындалган Саиповдун адвокаты Дэвид Патон соттолуучу алган жарааты катуу оорутуп жатканын жана абакта дарылануусун улантууну өтүнгөнүн айтты.

Сайфулло Саипов 31-октябрь күнү Нью-Йорктун Манхэттен аймагында велосипедчендер жүрчү жолго жүк ташуучу унаасы менен кирип, адамдарды тебелетип кеткен. Натыйжада сегиз киши өлүп, 11 адам түрдүү жаракат алган.

Прокурорлор Саипов өзүнүн мыйзамдуу укуктарынан баш тартып, ооруканадагы сурак маалында күнөөсүн моюнуна алып көрсөтмө бергенин билдиришти.

Прокурорлор Саиповдун уюлдук телефонунан табылган жүзгө жакын видео жана 3 800дөй сүрөттөрдүн көбү ИМ пропагандасына байланышы бар экенин билдиришүүдө. Саипов көбүрөөк адамды өлтүрүү үчүн атайын Хэллоуин майрамы белгиленчү күндү тандап алган.

Нью-Йорктогу теракттан кийин АКШ президенти Дональд Трамп саясий сылыктыктын ордуна «тез жана катаал» сот адилеттиги келиши керектигин билдирди. Андан тышкары Трамп Саипов АКШга кирүү үчүн пайдаланган Green Card lottery программасынын аракеттерин токтотууга чакырды.

Булак: “Борбор Азия жаңылыктар кызматы”

Тизме шаар мэри Рустам Эмомалинин тапшырмасы менен түзүлдү. Себеби быйыл Душанбеде жашы жете элек балдардын катышуусундагы бир катар бычакташуу фактлары орун алган.

2016-жылы Тажикстанда өспүрүмдөрдүн жана жаштардын катышуусунда 5 миңден ашуун кылмыш катталган. Өлкө президенти Эмомали Рахмон борбор калаанын аткаминерлери менен жолугушуу учурунда жаштар арасындагы кандуу мушташтарды болтурбоо боюнча тиешелүү чараларды кабыл алууну тапшырган.

Маалыматтарга караганда, учурда “чоң муштум” балдар жана алардын ата-энелеринин арасында түшүндүрүү иштери жүргүзүлүүдө.Алар окуудан тышкаркы учурда устачылык курстарына катышышууда.

Өлкө ИИМинин эсеби боюнча быйыл тогуз ай аралыгында 3 миңдей мектеп окуучунун коомдук тартипти бузганы аныкталган.

Булак: “Борбор Азия жаңылыктар кызматы”

Саратов полициясы маалымдагандай, 30-октябрда Саратов – Нижний Новгород трассасында “КамАЗ” менен кичиавтобус кагылышкан. Кичиавтобуста негизинен Тажикстандын жарандары болгон. Алдын ала тергөөнүн жыйынтыктары боюнча “КамАЗ” жол эрежесин бузган. Ошол эле маалда кичиавтобус саатына 150 чакырым ылдамдыкта бара жатканы айтылууда.

Жол кырсыгынан беш киши өлүп, алтоо ооруканага жеткирилди.

Тажикстандын Орусиядагы элчилиги маалымдагандай, Volkswagen Caravelle маркасындагы кичиавтобуста Тажикстандын 11 жараны болгон. 21 жаштагы айдоочу Суннатулло Жураев дагы өмүр менен кош айтышкан. Алдын ала маалыматтар боюнча тажикстандык жарандар мамлекеттик чек арадан өтүп, кайра Орусияга кирүү үчүн Казакстанга бара жатышкан.

Булак: “Борбор Азия жаңылыктар кызматы”

Буга чейин анын Харьковдогу үйүндө тинтүү жүргөнү маалымдалган. Министр “Украинская правда” сайтына маалыматты бышыктап, баласынын үйүнө тартип коргоочулар барганын айтты.

Антикоррупциялык мекеме жасаган билдирүүдө көз боёмочулук иши боюнча үч киши, анын ичинде ички иштер министринин мурдагы орун басары жана бизнесмен кармалганы айтылат.

Маалыматка караганда, ички мекеме үчүн 2014-2015-жылдары рюкзактарды сатып алууга бөлүнгөн 14 миллион гривна (520 миң доллар) максатсыз пайдаланылган. Бирок Антикоррупциялык бюро кармалган адамдардын ысымдарын атаган жок. Ал эми Ички иштер министрлиги кармоонун артында “мыйзамды сактоо эмес, саясат турат” деп билдирди.

Булак: “Борбор Азия жаңылыктар кызматы”

Кол салууга шектүү жаран 29 жаштагы Сайфулло Саипов экени аныкталды. Ал бир нече жыл мурун Өзбекстандан АКШга келгени кабарланууда. Буга чейин Флорида жана Нью-Жерси штаттарында жашаган.

Окуя Хеллоун майрамынын урматына оюн-зоок болот деп жаткан жайга чукул жерде болду. Окуянын күбөлөрү атылган октордун доошун жана «Алла – баарынан улук» (“Алла акбар!”) деп арапча кыйкырган үндү угушкан. Ал жерде мектеп окуучуларын ташыган автобус да турган.

АКШ президенти Доналд Трамп өзүнүн “Твиттердеги” баракчасында Нью-Йорктогу террордук чабуулду терең айыптады: “Нью-Йорк шаарында бир оорулуу жана акылынан азган киши дагы бир чабуул жасаган сыяктанат. Мыйзамдуулукту камсыздоо күчтөрү бул окуяны кылдат иликтөөдө. (Мындайга) АКШда жол жок!”

АКШнын Федералдык тергөө мекемеси иликтөө баштады.

Газни провинциясынын губернаторунун басма сөз катчысы Ариф Нуринин билдиришинче, жети саатка созулган 30-октябрдагы атышуунун жыйынтыгында жети согушкер өлтүрүлгөн.

Кол салуу үчүн жоопкерчиликти «Талибан» кыймылы өзүнө алды. Провинция кеңешинин мүчөсү Нисар Ахмад Факири кол салуу маалында Кухьяни районундагы өткөрмө-көзөмөл бекети талкаланганын айтты.

30-октябрда Ооганстандын түндүгүндөгү Баглан провинциясынын бийлиги өкмөттүк күчтөр талиптердин чабуулунун мизин кайтарганын кабарлаган. Бурка райондук полиция бөлүмүнүн башчысы Мухаммад Али согушкерлер полиция имаратына дүйшөмбү эртең менен кол салганын билдирди. Анын айтымында, бир нече саатка созулган атышуунун жүрүшүндө 20 жоочу жаркат алып, бир тобу мерт болгон. Андан тышкары бир ооган аскер кызматкери жеңил жараат алган.

Булак: “Борбор Азия жаңылыктар кызматы”