Menu

КРИМИНАЛДЫК ХРОНИКА ЖАНА ОКУЯЛАР

Кыргызстанга террор чабуул уюштурууга жөнөтүлгөн террорчу кармалды

2017-жылдын 12-октябрында Кыргыз Республикасынын МУКК тарабынан Эл аралык террористтик уюмдун (ЭТУ) мүчөсү, Жалал-Абад областынын тургуну, 1986-ж.т. А.Н. аттуу КР жараны кармалды, – бул туурасында МУУКтун пресс-борбору маалымдады.

А.Н. 2015-жылдан тарта Сириядагы ЭТУ бандиттик түзүмдөрүнүн мүчөсү болуп жүрүп, ал жактагы өкмөттүк аскерлерге каршы согуш аракеттерине катышкан.

А.Н. Кыргызстанга Эл аралык террористтик уюмдун (ЭТУ) башчыларынын тапшырмасы боюнча террор чабуулдарын уюштуруу жана ишке ашыруу максатында  келген.

А.Н. КР МУКК тергөө карак жайына киргизилди.

Учурда тиешелүү ыкчам-тергөө иш чаралары жүрүп жатат.

Жумгалда мал урдаган киши кармалды

Жумгал райондук ички иштер бөлүмүнө Көк-Ой айылынын жашоочусу С.Б. арыз менен кайрылган. Бул туралуу Нарын ОИИБнин Басма Сөз кызматы маалымдады.

Себеби, 2017-жылдын 17-октябрь күнү болжол менен саат 18:00 чамасында Көк-Ой айылынын Кыргызбай-Булуш аймагында бир баш букасын жоготуп алгандыгын билдирген.

Бул факты боюнча милиция кызматкерлери тарабынан ыкчам- иликтөө иштери жүргүзүлүп, натыйжасында жогорудагы кылмышка шектүү катары Жумгал районунун Көк-Ой айылынын 54 жаштагы Б.Б. аттуу тургуну кармалып, тергөө учурунда күнөөсүн толугу менен мойнуна алган.

Жогорудагы факты боюнча Кыргыз Республикасынын кылмыш-жаза кодексинин 165-беренеси менен (мал уурдоо) кылмыш иши козголуп, кылмышка шектүү Кыргыз Республикасынын жазык-процесстик кодексинин 94-беренесинин негизинде камакка алынган. Учурда тергөө иштери жүргүзүлүүдө.

 

 

 

Сириянын демократиялык күчтөрү Аль-Омар мунай кенин басып алды

АКШ колдоосунда Сириянын демократиялык күчтөрү Дейр-эз-Зордогу Аль-Омар мунай кенин өздөрүнө каратып алды.

Аталган мунай кенди буга чейин өзүн “Ислам мамлекети” деп атап алган террордук топ көзөмөлдөгөн.

Associated Press агенттигинин маалыматына караганда, ал Сирия аймагындагы эн чоң кендердин бири.Аль-Омар кени алынганын АКШ башында турган эл аралык коалициянын командачылыгы кабарлады.

Аль-Омардагы өндүрүштү согушкерлер 2014-жылы басып алган. Негизинен Дейр-эз-Зордогу кендер “Ислам мамлекети” террордук тобунун киреше тапкан башкы булагы болуп саналат.

Сириядагы адам укуктарына байкоо салган борбор өкмөттүк күчтөр чегингенин жана Аль-Омар районунан үч чакырымдай алыстыкта экенин билдирди.

Булак: “Борбор Азия жаңылыктар кызматы”

Бишкекте уурулукка шектүү жаран кармалды

Борбор каалабыздын тургуну милицияга арыз менен кайрылып, ушул жылдын 22-октябрь күнү арыздануучунун үйүнө кирип, 60 миң сом акчасы жана баалуу буюмдарын уурдап кеткен бейтааныш адамга тиешелүү чараларды көрүп берүүлөрүн суранган. Бул туралуу Бишкек ШИИББнин Басма сөз кызматы билдирди.
Милиция кызматкерлери тарабынан көрүлгөн ыкчам-иликтөө иш-чараларынын негизинде кылмыштын изин суутпай жогорудагы кылмыш ишине шектүү катары 37 жаштагы Ш.Г. аттуу жаран (аял киши) кармалган.
Аталган факты боюнча Кыргыз Республикасынын кылмыш-жаза кодексинин 164-беренесине (уурулук) ылайык кылмыш иши козголгон. Кармалган жаран убактылуу кармоочу жайга киргизилип, тергөө амалдары жүрүп жатат.

 

Жарандардан мыйзамсыз сакталган ок атуучу куралдар дагы эле алынууда

Ушул жылдын 21-октябрь күнү Кадамжай РИИБнин милиция кызматкерлери мыйзамсыз сакталган ок атуучу куралдарды, окторду аныктоо максатында иликтөө иш-чараларын жүргүзүү учурунда 36 жаштагы Б.З. аттуу жергиликтүү тургундун үйү текшерилген. Бул туралуу маалыматты ИИМдин Басма сөз кызматы берди.

Натыйжасында 5,6-калибрдеги “ТОЗ-8” үлгүсүндөгү ок атуучу курал 13 даана огу менен табылган.
Ошондой эле, Түп райондук милиция кызматкерлери тарабынан мыйзамсыз сакталган ок атуучу куралдарды аныктоого багытталган ыкчам-иликтөө иштеринин жүрүшүндө Кудургу айылынын 30 жаштагы Э.С. аттуу жашоочусунун үйүнүн түндүк тарабында жайгашкан сарайынан тиешелүү документтери жок 4.5-калибрдеги “Макаров” үлгүсүндөгү тапанча табылып алынган. Учурда алынган ок атуучу куралдар менен октор экспертизага жөнөтүлүп, иликтөө иштери жүрүп жатат.

ИИМ эскертет: Эгерде жаран ок атуучу куралдын ээси болбосо, сактаганга жана колдонгонго уруксат берилбейт. Тез арада куралды укук коргоо органдарына тапшыруу керек. Тапшырбоо учурунда жаран административдик же кылмыш жоопкерчилигине кириптер болот.
Ал эми катталбаган курал-жарактарды, окторду, жарылуучу заттарды өз ыктыяры менен тапшыргандар, кылмыш ишине тиешеси жок болсо, анда кылмыш жоопкерчилигинен бошотулат.

 

Атамбаевдин кеңешчиси Калык Султановдун "Авангард Стиль" фирмасы куруп жаткан имарат бүтпөй жатып кыйрап, 11 адам жабыркады

Бүгүн, 23-октябрь күнү Бишкек шаарынын Аалы Токомбаев көчөсүндө “Авангард-Стиль” курулуш фирмасы куруп жаткан “Француз кварталы” деп аталган көп кабаттуу элиттүү үйлөрдүн биринин 2-кабатынын монолит конструкциясы кулап түшүп, 11 адам жабыркаган. Бул туралуу КР ӨКМнин басма сөз кызматы билдирди.

Ооруканага 2 адам оор абалда жеткирилип, 9 адамдын абалы туруктуу (медициналык кароодон өтүштү).

Мамлекеттик экотехинспекциянын архитектуралык көзөмөл боюнча башкы инспектору Шараф Ачылдиев кыйроо болгон жерге келип, текшерип чыккандан кийин: “Курулуш иштерин жүргүзүүнүн эрежелери одоно бузулгандыктан кыйроого учураган” деп баа берди.

“Авангард стиль” курулуш компаниясы Алмаз Атамбаевдин кеңешчиси, өлкөдөгү эң бай бизнесмендердин бири Калык Султановго таандык. Буга чейин Калык Султановдун “Авангард стиль” курулуш фирмасы Бишкек шаарынын 12-кичирайонунда  курган көп кабаттуу элиттүү үйдүн конструкциясынан жарака кетип ызы-чуу чыккан. Калык Султановдун фирмасы курган үйлөр бүтпөй жатып урап жатса, кудай сакта, жер титиреп кетсе эмне болот?

Быйыл августта, президенттик шайлонун алдында Алмаз Атамбаев кеңешчиси Калык Султановду кеңешчилик милдеттерин аткаруудан бошотуп, КСДПнын Бишкектеги президенттик шайлоо штабын жетектөөгө жөнөткөн.

Булак: Кyrgyztoday.kg

Бир киши атылган октон жарат алса, бирөөнүн өздүгү такталбай жатат...

18-октябрь күнү эртең менен Бишкектеги “Баят” базарынын жанынан эркек кишинин сөөгү табылды. Болжол менен ал 45-50 жаштагы жаран экен. Учурда анын ким экени билинбей жатыптыр. Милициялар каза болгон жарандын өздүгүн тактоонун аракетин көрүшүүдө. 18-октябрь күнү Бишкекте дагы бир кылмыштуу окуя катталды.

Белгилүү болгондой, Аламүдүн районуна караштуу Маевка айылында 1981-жылы туулган жаранды атып кетишкен. Бактыга жараша жаран аман калган. Бирок октон жабыркаган жаран мас экени белгилүү болгон. Ага чейин Маевкада белгисиз бирөө көчөдө, короо ичинде токтоп турган машинелерге өрт коюп, эки-үч машине өрттөн күйүп жок болгону белгилүү болгон эле. Машинелерди өрттөгөн киши психикалык жактан оорулуу болушу мүмкүн экендигин милициялар билдиришкен. Учурда бул окуялардын үстүнөн иликтөө иштери жүрүүдө…

Булак: “Фабула”

Свердлов райондук ИИБнин кызматкерлери уурулукка шектүү жаранды кармашты

Шаардын кичи райондордун биринде жашаган жаран милиция кызматкерлерине арыз менен кайрылып, ушул жылдын 17-октябрь күнү белгисиз жарандар үйүнө кирип, 68 000 сом акча каражатын уурдап кеткендигшин билдирген. Бул туурасында Бишкек ШИИББнин Басма сөз кызматы билдирет.

Милиция кызматкерлеринин ыкчам издөө иш-чараларынын натыйжасында кылмышка шектүү катары 18 жаштагы Б.Б. аттуу жаран кармалган.

Жогорудагы факты боюнча Свердлов райондук ички иштер башкармалыгынын тергөө бөлүмү тарабынан Кыргыз Республикасынын кылмыш-жаза кодексинин 164-беренесинин (уурдоо) негизинде кылмыш иши козголгон. Кармалган жаран убактылуу кармоочу жайына киргизилип, тергөө амалдары уланууда.

«Рекетке жана зомбулука каршы» аталыштагы ыкчам-алдын алуу иш- чаралар өткөрүлдү

Ата-энесинин же аларды алмаштыргандардын көзөмөлү жок түнкүсүн көчөдө жүргөн жаш өспүрүмдөргө карата укук бузууларды жана кылмыштарды болтурбоо, алдын алуу үчүн, жаш өспүрүмдөргө же алардын ата-энелерине карата алдын алуу багытындагы иш-чаралар жүргүзүлдү. Себеби, аталган жайларда түнкүсүн жалгыз жүргөн жаш өспүрүмдөр, ар түрдүү кылмыштын курмандыгына айланышы мүмкүн.

Бишкек шаарында 2017-жылдын 19- октябрында өткөрүлгөн иш- чаралардын жыйынтыгында 58 жаш өспүрүм аныкталса, алардан 16 өспүрүм Кыргыз Республикасынын ИИМдин Жаш өспүрүмдөр арасындагы укук бузуулардын алдын алуу борборуна жеткирилди, калгандарына карата алдын алуу иш- чаралары жүргүзүлгөндөн кийин ата-энелерине же аларды алмаштырган адамдарга тапшырылды.

Октябрь РИИБнин кызматкерлери уурулукка шектүү жаранды кармашты

Милиция кызматкерлерине Бишкек шаарынын жашоочусу арыз менен кайрылып, 14-октябрдан 15-октябрга караган түнү көп кабаттуу үйлөрдүн биринин подьездинде турган баасы 10 000 миң сомдук велосипедин уурдап кетишкен белгисиз жарандарга карата тиешелүү чараларды көрүп берүүлөрүн суранган. Бул туурасында ИИМдинбасма сөз кызматы билдирет.

Октябрь райондук ички иштер башкармалыгынын кызматкерлери тарабынан көрүлгөн ыкчам-иликтөө иш-чараларынын жүрүшүндө жогорудагы кылмыш ишине шектүү катары 27 жаштагы Т.А. аттуу жаран кармалган.
Аталган факты боюнча Октябрь РИИБнин тергөө бөлүмү тарабынан Кыргыз Республикасынын кылмыш-жаза кодексинин 164-беренесинин (уурулук) негизинде кылмыш иши козголгон.

Учурда кармалган жаран убактылуу кармоочу жайга киргизилип, ушуга окшош башка кылмыш иштерине тиешеси бардыгы иликтенип жатат.

Меню