КРИМИНАЛДЫК ХРОНИКА ЖАНА ОКУЯЛАР

«Мак-2017» операциясынын алкагында Ак-Суу райондук милициясынын банги заттарды мыйзамсыз жүгүртүүгө каршы күрөшүү кызматынын бөлүмчөсүнүн ыкчам кызматкерлери тарабынан, алдын ала түшкөн ыкчам маалыматтын негизинде, Отрадное айылынын 31-жаштагы тургуну Ш. Анатолий текшерилген. Өздүк кароо жүргүзүү мезгилинде, кармалган адамдын колундагы 2 пластмасс идишинен, жапайы кендир жыттанган өсүмдүк табылып алынган. Бул туурасында Ысык-Көл ОИИБнын басма сөз кызматы билдирет.

Химиялык экспертиза көрсөткөндөй алынган өсүмдүк марихуана баңги затына таандык болуп чыкты. Контролдук салмагын өлчөдө, баңги заттын салмагы 1 кг. 350 гр. түздү.
Аталган факты боюнча Ак-Суу РИИБү тарабынан КР КЖКнын 246 (Башкага берүү максатын көздөбөстөн баңги каражаттарын же психотроптук заттарды мыйзамсыз даярдоо, сатып алуу, сактоо, ташуу же жөнөтүү) беренеси менен кылмыш иши козголду. Кармалган адамдын өздүгүн аныктоодо, ал мурда КР КЖКнын 367 (Аскердик мүлктү атайын жок кылуу же зыяндоо) беренеси менен соттолгондугу белгилүү болду.
Азыркы учурда тергөө иштери жүрүп жатат. Ал эми шектүү катары кармалган адам жашаган жеринен эч жакка кетпөө тил катында калтырылды.

Жалал-Абад областы боюнча Банги затка мыйзамсыз жүгүртүүгө каршы күрөшү кызмытынын ыкчам кызматкерлери тарабынан 19-октябрь күнү саат 23:00 чамасында алынган ыкчам-иликтөө иш-чараларынын негизинде кылмышка шектүү жаран кармалды. Бул туурасында Жалал-Абад ОИИБнын басма сөз кызматы билдирет.

Кара-Көл шаарынан Ош багытын көздөй келе жаткан “Тойота ” үлгүсүндөгү унаасын токтотуп текшерген учурда, айдоочусу Сузак районунун тургуну (мурда соттолгон) 30 жаштагы М.Анын курткасынын чөнтөгүнөн травматикалык ок атуучу курал, магазин жана 5 даана ок, пластикалык бөтөлкөгө салынган 800 гр. “гашиш” заты жана сол чөнтөгүнөн 20 даана кутучага салынган 700 гр “гашиш” банги заты табылган. Аталган факт боюнча алынган банги заттарга соттук химиялык экспертиза дайындалып ал эми ок атуучу куралга соттук баллистикалык экспертиза дайындалып анын жыйынтыгы менен кылмыш жаза кодексинин 247-беренси менен кылмыш иши козголгон. Кылмышка шектүү жаран Кара-Көл ШИИБнүн убактылуу кармоочу жайга киргизилген. Учурда бул боюнча иликтөө жана тергөө иштери уланууда.

МВД РФ тщательно проверяет границу с Казахстаном после ДТП с мигрантами во Владимирской области, где погибли 18 человек. Об этом на совещании в Совете Федерации сообщил первый заместитель министра внутренних дел Александр Горовой.

“Мы дали команду проверить границу с Казахстаном. Только за прошлую неделю было остановлено 30 автобусов, которые перевозили граждан Киргизии”, – сказал он, отметив, что автобусы были технически неисправными.

Россиянын Кемерово облусуна караштуу Новокузнецк шаарында үй-жайы жок адамды өлтүргөндүгү үчүн соттолгон адам өз башына мык кагып салган. Бул туурасында «Интерфакс» жергиликтүү прокуратурага шилтеме жасап билдирет.

Окуя октябрдын башында болгон. Кылмышка күнөөлү деп табылган 45 жаштагы жаранды 14 жылга эркинен ажыратуу тууралуу соттук өкүм чыккан соң, күнөөкөр өз башын отургучка койгулай баштаган да, андан соң мык алып чыгып чекесине кадап салган.

Ал кома абалында госпиталга жеткирилген. Прокуратуранын билдиришине караганда анын ден соолугуна азырынча эч кандай коркунуч жок.

Чүй ОИИББнин кызматкерлери Аламүдүн РИИБнин өздүк курамы менен Маевка айылында жарандардын мүлкүн атайылап өрттөгөн белгисиз адамдын өздүгүн тактоо жана кармоо максатында ыкчам-иликтөө иш-чараларын уюштурушкан. Натыйжасында, жогорудагы кылмышка шектүү жарандын өздүгү такталып, кармалган. БУл туурасында Чүй ОИИББнин Басма сөз кызматы билдирет.

17-октябрь күнү Аламүдүн райондук ички иштер бөлүмүнө атайылап үйлөрдү жана автоунааларды өрттөп жүргөн белгисиз жаранга карата чараларды көрүп берүүлөрү үчүн Маевка айылынын жашоочулары кайрылган. Милиция кызматкерлери окуя болгон жерге келишип, «Фиат» үлгүсүндөгү автоунаа толугу менен күйгөнүн, ал эми «Тойота Калдина» жана “Субару” үлгүсүндөгү автоунаалардын дөңгөлөктөрүн күйгүзүүгө аракет жасагандарын аныкташкан. Тергөө учурунда Маевка айылындагы үйлөрдүн бирин өрттөөгө аракет кылганы дагы маалым болгон. Жогорудагы кылмыш ишине тиешеси бар адамды жергиликтүү тургундар көргөнүн айтып беришкен. Аталган факты боюнча Кыргыз Республикасынын кылмыш-жаза кодексинин 174-беренесинин (Мүлктү атайылап жок кылуу же зыянга учуратуу) негизинде кылмыш иши козголгон.

Жогорудагы кылмыш ишинин бетин ачуу максатында Кыргыз Республикасынын ИИМдин, Чүй ОИИББнин жана Аламүдүн РИИБнин ыкчам жана сырткы кызматтары ыкчам-иликтөө иш-чараларын жүргүзүшүп, ар бир аймактар текшерилип, коңшу айыл тургундарын дагы сурап чыгышкан. Жүргүзүлгөн ыкчам-иликтөө иш-чараларынын натыйжасында, көп убакыт өтпөстөн жарандардын мүлкүн атайылап өрттөп жана жараксыз абалга келтирген Чүй облусунун 27 жаштагы Ш.Н. аттуу жашоочусу кармалып, убактылуу кармоочу жайга киргизилген.
Учурда иликтөө иштерин Чүй ОИИББи жүргүзүп жатат.