КРИМИНАЛДЫК ХРОНИКА ЖАНА ОКУЯЛАР

Ымыркайды сатып ала турган адам полиция бөлүмүнүн оперативдүү кызматкери болуп чыккан. Ал наристенин ата-энесине акчаны берип, алардан тилкат жаздырып алган. Кийинчерээк Өзбекстандын эки жараны кармалган.

Тергөө комитетинин Воронеж облусу боюнча өкүлчүлүгү билдиргендей, ата-эне ымыркайдын наркын 30 миң рублга баалашкан. Сот алардын баш коргоо чарасын карайт. Жаңы төрөлгөн бала учурда ооруканада.

Тергөөнүн алдын ала маалыматы боюнча Өзбекстан жараны 8-сентябрь күнү ижарага алган батиринде кыз төрөгөн. Ал жарандык никеде болгондуктан, балага туулгандыгы тууралуу күбөлүк алган эмес. Наристени сатуу боюнча чечим кабыл алышкан соң, кардарларды тааныштары аркылуу издешкен. Сурак учурунда алар Орусияда каттоо мөөнөттөрү бүткөндүгүнө байланыштуу мекенине кайтууну чечишкенин, бирок баланын документи жок болгондуктан, аны сатып, акчасына билет алууну пландашканын айтып беришкен.

Бул факт боюнча кылмыш иши козголду.

Булак: “Борбор Азия жаңылыктар кызматы”

Буга чейин ФСБ кагылышуу учурунда каршылык көрсөтүп, Борбор Азия өлкөлөрүнүн биринин жарандары жок кылынганын билдирген.

Атайын кызматтын маалыматы боюнча алар эл аралык террордук уюмдар менен байланышта болушкан жана Орусияда теракт жасоого даярдык көрүшкөн. Ыкчым-иликтөө иштери жүргөн жерден жардыруучу заттар, АК-74 автоматы, ПМ пистолети, ок-дарылар табылган.

Ибодулло менен Шарифхондун энеси Суманби Бозоровага балдарынын өлгөнү тууралуу кабарды жарым жылдан кийин гана угузушкан. Ал Орусия эмдигиче уулдарынын күнөөлүү экенин тастыктаган далилдерди көрсөтө электигин айтууда.

ФСБ Санкт-Петербург метросундагы жардыруудан кийин эле Владимир облусунда атайын операция өткөргөн. 3-апрелде “Сенная площадь” менен “Технологический институт» станцияларынын ортосунда жардыруу болуп, 15 киши мерт болгон. Теракты Кыргызстандан барган Акбаржон Жалилов жасаганы айтылган.

Булак: “Борбор Азия жаңылыктар кызматы”

Маалыматка караганда, шаршембиде пакистан аскерлери 2012-жылы октябрда Хаккани террордук тобу тарабынан барымтага алынган америкалык аялды жана анын канадалык күйөөсүн бошотушту. Өкмөттүк күчтөр АКШнын учкучсуз учактары тарабынан чогултулган маалыматтарга таянуу менен Кейтлан Коулманды, Жошуа Бойлду жана алардын үч баласын алып бараткан унааны аткылашкан. Операция өлкөнүн түндүк-батышындагы Кохат шаарынын жанында болгон.

Жубайлар аймактагы өлкөлөргө саякат жасап жүргөн кезинде барымтага алынышкан. Ал кезде Коулман кош бойлуу болуп, балдары Ооганстанда төлөлгөн. Хаккани тобунун жоочулары Коулман менен Бойлду Ооганстанда кармалган командирлеринин бирине алмашууну көздөшкөн.

Кечээ АКШнын президенти Дональд Трамп бул окуяны Пакистан менен болгон мамиледеги жакшы учур деп атаган: «Бул биздин мамиледеги жакшы учур. Пакистан өкмөтүнүн бул аракети — өлкө бийлиги аймакты коопсуздук менен камсыздоодо өзүнө чоң роль алышы керектиги тууралуу биздин өтүнүчтөрүбүзгө олуттуу мамиле кылып жаткандыгын далилдөөдө», — деди Трамп.

Азырынча үй-бүлө Исламабадга жеткирилип, АКШнын элчилигинде кармалууда. Маалыматка караганда, Жошуа Бойл америкалыктар менен анын ооганстандык союздаштары туткундагы талиптерди кыйноого алып жаткандыгын айтып, АКШнын аскер учагы менен Ооганстандагы Баграм базасына баруудан баш тартууда. Жошуа Бойлдун биринчи аялы америкалыктарга туткунга түшүп, Гуантанамо абагында он жыл камакта болгон пакистандык террорчунун карындашы болгон.

Булак: “Борбор Азия жаңылыктар кызматы”

Окуу жайдын студенттеринин биринин айтымында, милиция кызматкерлери Саидкамрон Саидвохидов жашырынып отурган үйгө барышканда, өспүрүм өз венасын кесүүгө аракет кылган:

​– Бычак менен курсташтарына кол салгандан кийин Саидкамрон досунун үйүнө жашырынып калган. Ал «Лирика» аттуу маңзатынын таасири менен кол салууга барган. Милиция аны тапкан маалда ал соолугуп калган. Эсине келген өспүрүм кылган кылмышына таң калып, өз венасын кесип салууга барды. Бирок анын колу таңылып, андан соң камакка алынды, – деди ал.

Кол салуудан каза болгон студент Асадбек Парпибоевдин туугандары билдиришкендей, экспертиза анын канынан баңгизат тапкан эмес.

Бул факты боюнча «атайылап адам өлүмүнө алып келген жаракат келтирүү» беренеси боюнча кылмыш иши козголуп, тергөө жүрүүдө.

Булак: “Борбор Азия жаңылыктар кызматы”

Маалыматка караганда, облустун түндүгүндө жайгашкан айылдын 42 жаштагы имамынан тышкары мечитке келип жүргөн дагы төрт киши кармалды.

10-октябрда айыл башчысынын катчысы Наргис Бердиева алардын экөөсү пластик терезелер менен эшиктерди чыгарган фирмада, калганы курулушта иштеп жүрүшкөнүн билдирди.

Тергөө аяктаганга чейин кармалгандар тергөө абагында камакта болушат. Алардын экстремисттик ищмердүүлүккө ачык чакырык жасоо беренеси менен айыпалып жаткандыктары кабарланууда. Учурда бул ишти тергөө менен Гулистон шаардык прокуратурасы алектенүүдө.

Булак: “Борбор Азия жаңылыктар кызматы”