КРИМИНАЛДЫК ХРОНИКА ЖАНА ОКУЯЛАР

Журналисттин адвокаты Алексей Федоров билдиргендей, Назрулло Охунжанов Өзбекстанга экстрадиция болушу ыктымал. 27-сентябрда Киев шаардык соту өзбекстандык журналистти 40 күнгө камоо чечимин чыгарды.

Назрулло Охунжанов Интерпол издөөгө алган кишилердин тизмесинде болгондуктан, 20-сентябрда Киев аэропортунда кармалган. Өзбекстан Назрулло Охунжановду алдамчылыкка айыптап, эл аралык издөө жарыялаган.

Журналист айыптоолорду четке кагып, Өзбекстандан саясий себептерден улам чыгып кеткенин айтууда. Ал мамлекеттик төңкөрүш аракетинен кийин адам укуктары жаатында абал кыйындагандан соң, Түркиядан кетүүгө аргасыз болгонун билдирүүдө.

Булак: “Борбор Азия жаңылыктар кызматы”

Тажикстанда аткаминер биринчи жолу үйлөнүү үлпөт тартиптерин сактабагандыгы үчүн жазага тартылды.

Райондук соттун чечими менен Сайфиддин Назарзоданын кудасы Тоджиддин Хабибуллоевге 5 миң сомони же 560 доллар айып пул салынды.

Коррупция менен күрөшүү жана каржы көзөмөлү агенттиги Сайфиддин Назарзода меймандардын саны 150дөн ашпашы керек деген чектөөгө карабастан, уулунун үйлөнүү тоюна 300дөн ашык кишини чакырган деп эсептейт.

Сайфиддин Назарзода 21-сентябрдагы сот отуруму учурунда той келининин ата-энеси тарабынан уюштурулганын билдирген. Анын айтымында, үлпөткө күйөө бала тараптан 50 киши, кыз тараптан 70 киши чакырылган. Бул салтанаттан кийин Назарзода жумуштан алынган.

Булак: “Борбор Азия жаңылыктар кызматы”

Ахмедьяровго бийлик өкүлүнө акарат келтирүү боюнча айып тагылган.

Иликтөө иштери жергиликтүү полиция кызматкери жазган арызга байланыштуу 29-июлда башталган. Тартип сакчы редактор чакырган учурда келбей, аны телефондо сөккөнүн билдирген.

Оролдук журналист Лукпан Ахмедьяров “Орол жумалыгында” иштеп турганда бир нече жолу кол салууга дуушар болгон.

Булак: “Борбор Азия жаңылыктар кызматы”

Полиция кабарлагандай, жанкечти Марух районундагы өкмөттүн жана полициянын башкы кеңселеринин алдында жардыргыч зат толтурулган «Хамви» автоунаасын жардырган. Кол салуу үчүн жоопкерчиликти “Талибан” кыймылы өзүнө алды.

“Талибан” жоочулар Маруф районунун борбордук бөлүгүн басып алганын билдирүүдө. Бирок ооган бийлиги бул маалыматтарды четке кагууда.

“Хамви” үлгүсүндөгү миңдей автоунаа АКШ аскерлери тарабынан Ооганстан армиясына берилген. Соңку жылдары “Талибан” кыймылы мындай кымбат баалуу ондогон унааларды тартып алган.

АКШнын коргоо министри Жим Мэттис жана НАТОнун башкы катчысы Йенс Столтенбердин 27-сентябрдагы Кабулдагы сапары учурунда козголоңчулар эл аралык аэропорт жайгашкан районго бир нече ракета кое беришкен. Чабуулдар үчүн жоопкерчиликти “Талибан” менен “Ислам мамлекети” экстремисттик тобу өзүнө алган.

Булак: “Борбор Азия жаңылыктар кызматы”

Турчинов өрттүн кесепетинен ок-дарыялардын көпчүлүк бөлүгү жараксыз болуп калганын баса белгиледи. Ал бул окуя Украина өзүнүн аскер арсеналын коргоого жөндөмдүү эмес экенин далилдегенин айтты.

Украинанын ири кампаларынын биринде 27-сентябрга караган түнү өрт чыккан. Снаряддар азыркыга чейин жарылууда. Украин бийлиги 800 миллион доллар чыгым болгонун билдирүүдө.

Укаинанын аскер прокуратурасы бул ишти диверсия катары иликтөөдө. Тергөө окуяга Орусиянын тиешеси бар деген версияны четке каккан жок. Бирок тышкы диверсиялык топтордун издери табыла элек.

Булак: “Борбор Азия жаңылыктар кызматы”

Сот мындан тышкары Шарифджони Зокир ИМ экстремисттик тобунун идеаларынын жайылткан жана гомосексуалистти өлтүргөн деп тапты.

Тажикстандын Жогорку соту 9-класстын окуучусу Раджабджони Зокирди 5 жыл түрмөгө кести. Бул кылмыш иши боюнча айыпталып жаткан дагы үч киши 13 жылдан 15 жылга чейин эркинен ажыратылды.

Курган-Төбө шаарында 12-март күнү кечинде облустук сот имаратынын алдында жардыруу болгон. Жыйынтыгында 67 жаштагы Хасанбой Рахмонов аттуу этникалык өзбек жараны мерт кеткен. Маркум жергиликтүү мектептердин биринде кароолчу болуп иштеген.

Тергөөчүлөр Хасанбой Рахмонов кокусунан окуянын курмандыгы болуп калганын билдиришкен. Алардын айтымында, жардырууда орусиялык аскерлер бутага алынган. Кылмыш ишин жасоого шектелип беш киши кармалган.

Булак: “Борбор Азия жаңылыктар кызматы”

Анын айтымында, Мартөбөнүн 58 жаштагы тургуну мектепте математика мугалими болуп иштеген. «Тергөө иштери факты боюнча башталып, соттук-медициналык экспертиза дайындалды», — деди Каракөзөва.

Полиция тергөө сырын сактоо зарыл экенин айтып, мугалим эмне себептен өз жанын кыйганын ачыктаган жок.

Булак: “Борбор Азия жаңылыктар кызматы”