КРИМИНАЛДЫК ХРОНИКА ЖАНА ОКУЯЛАР

Хайробод районунун прокурору Азизмурод Сабыров авария “Нива” автоунаасынын техникалык мүчүлүштүктөрүнөн улам болгонун билдирди.

“Мадруштак айлындагы аскер бөлүгүнүн чек арачылары Хайробод айлын көздөй баратышкан. Ашуудан “Нива” унаасынын мотору күтүүсүз өчүп калып, артка кеткен. Айдоочу жана төрт чек арачы машинадан секирүүгө үлгүргөн. Жүргүнчүлөрдүн бири чыга албай калып, чөгүп кеткен”, -деп билдирди район прокурору.

Өзгөчө кырдаалдар боюнча аймактык штабдын кызматкерлери “Ниваны” дарыядан алып чыгышкан, бирок жүргүнчүнүн сөөгү менен жети автомат табылган жок. Издөө иштери уланууда.

Булак: “Борбор Азия жаңылыктар кызматы”

Болжолдуу версия боюнча, учактын кыймылдаткычтарынын бири иштебей калган. Жергиликтүү бийлик өкүлдөрү жүргүнчүлөрдүн эч кимиси жабыркабаганын жана көп өтпөй алар МИ-8 тик учагы менен борборго жеткирилгенин кабарлашты.

«Тажик Эйр» компаниясынын АН-28 үлгүсүндөгү жалгыз учагын оңдоо үчүн Хорог шаарына Душанбеден адистер барышты. Учак күнүнө эки жолудан Душанбе-Хорог-Душанбе каттамын аткарып келген.

2015-жылы Skytrax консалтинг уюму «Тажик Эйрди» дүйнөдөгү эң начар 23 авиакомпаниянын тизмесине киргизген.

Булак: “Борбор Азия жаңылыктар кызматы”

Reuters агенттиги швециялык прокурор Гуннар Стетлерге (Gunnar Stetler) шилтеме кылып билдиргендей, 22-сентябрда Швециянын прокуратурасы Ларс Ньюберг менен катар компаниянын дагы эки мурдагы менеджерине карата доо арыз берди.

Өзбекстанда Ucell бернди менен иштеген Telia компаниясы 21-сентябрда Өзбекстандагы коррупциялык иштери боюнча дооматтарды бир жаңсыл кылуу үчүн АКШ менен Нидерланды өкмөттөрүнө 965 миллион доллар өлчөмүндө айыппул төлөөгө даяр экенин билдирген.

Андан тышкары, Telia жана АКШнын Юстиция министрлигинин ортосунда келишилген макулдашууга ылайык, алдыңкы үч жылда швециялык компания бул иш боюнча тергөө менен кызматташат жана белгилүү бир адамдарды кылмыш жоопкерчилигине тартууга жардам берет. Анткен менен Ларс Ньюбергдин өзү дарегине айтылган айыптоолордун бардыгын тең четке кагууда.

«Менимче, бул иш Ньюбергдин акталышы менен аяктайт. Анткени бул айыптоолор эч кандай негиздөөлөргө ээ эмес», – деп билдирди адвокат Стефани Плейела.

2013-жылы Ларс Ньюберг жана Telia компаниясынын төрт топ-менеджери отставкага кеткен. Европадагы тергөө иштеринин жүрүшүндө Ларс Ньюбергдин Өзбекстандын маркум президентинин улуу кызы Гүлнара Каримовага бир канча миллион доллар пара бергендиги белгилүү болгон.

Булак: “Борбор Азия жаңылыктар кызматы”

Маалыматка караганда, кылмыш ишинде айыпталуучу катары «Жамол-2012», «Имкон-2015» жана «Абдулкарим» компанияларынын жетекчилери өтүүдө. Алар 2016-жылы жана 2017-жылдын биринчи жарымында Сауд Арабияга бир нече тажикстандыкты, анын ичинде эки аялды эмгек миграциясына жөнөтүшкөн. Бирок кол коюлган келишимдерге карабастан алар жергиликтүү тургундардын үйлөрүндө бекер иштешкени кабарланууда.

Учурда үч компаниянын жетекчилигине карата козголгон кылмыш иши Кылмыш кодексинин «адам сатуу» беренеси боюнча тергелүүдө.

Быйыл июнда Тажикстандын Шамсия Асаналишова аттуу 46 жаштагы жараны тажик ТИМинин көмөгү менен Сауд Арабиясындагы эмгек кулчулугунан куткарылып, мекенине кайтарылган. Ал чет өлкөлүк жумуш берүүчүлөрдүн үйүндө кыйноолорго кабылганын айткан.

Булак: “Борбор Азия жаңылыктар кызматы”

«Эйр Астана» авиакомпаниясы билдиргендей, Казакстан авиакеросинди негизинен орусиялык «Газпромнефть», «Роснефть», «Лукойл» жана «Татнефть» компанияларынан сатып алат. Бул компаниялардан импорттолгон авиакеросиндин көлөмү 2016-жылы айына орто эсеп менен алганда 44 миң тонна болсо, 2017-жылы айына 15 миң тоннага чейин азайган.

Бул компаниялар Орусия базарларында суроо-талаптын жогору болушуна байланыштуу алдыдагы айларда керосин сатарын али ырастай элек. «Эйр Астана» маалымдагандай, «Газпромнефть» 2018-жылдын май айынан эрте экспорт калыбына келтирилбей турганын эскерткен. 2017-жылы жарандык авиация 800 миң тонна авиакеросин сураса, анын 241 миң тоннасын гана Шымкент мунай кайра өндүрүү заводу камсыздаган.

Казакстанда жарандык ациациянын 70% Орусия күйүүчү майынан көз каранды.

Булак: “Борбор Азия жаңылыктар кызматы”

Коргоо министрлигинин азык-түлүк башкармалыгынын техникалык камсыздандыруу бөлүмүнүн 46 жаштагы башчысы коргоо мекемеси үчүн атайын техникаларды сатып алуу боюнча келишим түзүүгө жардам берүү үчүн пара алган деп шектелүүдө. Тергөөнүн версиясы боюнча полковник андан тышкары бизнесмендерди «калкалоо» үчүн дагы пара алган.

Вакулиндин иши менен өзгөчө маанилүү иштер боюнча улук тергөөчү Виталий Данилов алектенүүдө. Буга чейин ал “Оборонсервис” компаниясына байланышкан ишти тергеген.

2012-жылы октябрда «Оборонсервис» компаниясындагы алдамчылык фактылары боюнча бир нече кылмыш иши козголгон. Анда Коргоо министрлигинин Мүлктүк мамилелер департаментинин башчысы Евгения Васильева ири алдамчылыкка, акчанын изин жашырууга жана кызмат абалын кыянат пайдаланууга күнөөлүү деп табылып, беш жылга эркинен ажыратылган. Бирок ал бир айдан кийин эле мөөнөтүнөн мурда эркиндикке чыккан.

Булак: “Борбор Азия жаңылыктар кызматы”