Эгерде тендерсиз, түз сатуу аркылуу “Мегаком” компаниясы 10, 11 млрд сомго сатылат деп эсептеген күндө, бул акча “Мегакомдогу” Кыргызстандын 49% акциясынын гана акчасы. Учурунда “Ата-Мекендин” депутаттарынын аракети аркасында мамлекетке өткөн “Мегаком” мобилдик компаниясынын 51 % пайыз акциясы ит бекер кетүү алдында турат.
Булак: “Сентябрь”
Өзбекстандан Меккеге апийим менен чет өлкөлөрдүн валюталарын алып кетүүгө аракет кылган зыяратчы кармалды. Ажылык зыяратка жөнөп жаткан Самарканд шаарынын тургуну А. Шамши аларды Сауд Аравиянын аймагына алып өтүүгө аракет кылган деп маалымдайт Өзбекстан 24 телеканалы. Самарканд аэропортундагы бажы комитетинин кызматкерлери анын баштыгындагы нандын арасынан таап чыккан апийимдин жалпы салмагы 72 гр. жеткен. Ошондой эле андан 5 миң 722 доллар жана башка чет өлкөлөрдүн валюталары алынган.
Апийим—жан жыргатуучу таасир берүүчү баңгизат. Ал адамды тез арада психикалык көз карандылыкка жеткирет.
Булак: “Фабула”
«ВКонтакте» социалдык түйүнүндө нашиддерди уккан (диний ырлар) Алматы шаарынын жашоочусу “терроризмди пропагандалоо” жана “диний кастыкты козутууга” айыпталууда.
Беш айга созулган тергөө райондук сотко өттү. Адвокат ыр укканы үчүн айыпталган учурга биринчи жолу туш болуп жатканын айтты.
Алматынын 32 жаштагы тургуну Шухрат Кабиров атайын кызмат тарабынан 2017-жылы апрелде камалган. Ал социалдык, улуттук, расалык жана диний кастыкты козутууга жана жалпыга маалымдоо каражаттарын колдонуу менен терроризимди үгтүттөөгө айыпталууда.
2014-жылы «ВКонтакте» социалдык түйүнүндө Алим Ахмедовдун аккаунту аркылуу араб жана чечен тилдердинде нашиддер жарыяланган. Бул диний ырлар интернетте азыр дагы бар. Аккаунттун ээси өз барагына акыркы жолу 8-августта кирген. Тергөө айыпталуучу Шухрат Кабиров социалдык түйүндө Алим Ахметов ысымы менен катталган деп эсептейт.
Айыпталуучу жана анын адвокаты интернетте диний ырларды жайылткан Алим Ахмедов менен байланышы жок экенин билдиришүүдө.
Соттук дин таануу экспертизасы учурунда «Алим Ахметов» тарабынан жайылтылган ырларда диний кастыкты козутуу, терроризм жана экстремизмди пропагандалоо белгилери бар деп табылган.
Булак: “Борбор Азия жаңылыктар кызматы”
Бишкекте Сириядагы согушкерлер менен байланышы бар деген эки чет элдик жаран кармалды. Бул тууралуу бүгүн “Азаттык” радиосуна Улуттук коопсуздук комитетинин маалымат катчысы Рахат Сулайманов билдирди.
– Сириядагы куралдуу конфликтке катыштыруу үчүн рекруттарды жөнөтүү, үгүттө иштерин жүргүзүп, аларга каналдарды ачуу менен алектенгендерди аныктоо иш-чараларынын алкагында 17-августта КМШ өлкөлөрүнүн биринин атуулдары кармалды. Алар эл аралык террордук уюмдун мүчөлөрү болгон, Кыргызстандын аймагында диверсиялык, террордук актыларды уюштуруу пландарын алып жүрүшкөн.
Сулаймановдун айтымында, кармалгандардын экөө тең бир өлкөнүн жараны, мекенинде издөөдө жүргөн, алардын бири 51, экинчиси 46 жашта.
Кармалгандар 18-августта өз өлкөсүнүн күч органдарына өткөрүлүп берилди.
Кыргызстандын атайын кызматынын маалыматына караганда, бүгүнкү күндө Сирияга кеткен кыргыз жарандарынын саны 500дөн ашат.
Булак: “Борбор Азия жаңылыктар кызматы”
Тажикстанда Орусия жараны Татьяна Хужина өлкөдөн падышалык доордогу жез тыйынды мыйзамсыз чыгарып кетүүгө аракет кылган деп табылды. Дүйшөмбү шаардык сотунун өкүмүнө ылайык, Хужинага беш миң сомони (560 долларга жакын) өлчөмүндөгү айыппул салынып, ал төлөнгөндөн кийин Орусияга чыгып кетүүгө милдеттендирилди.
18-августтагы жарыш сөз маалында мамлекеттик айыптоо Хужинаны алты жылга эркинен ажыратууну сураган.
Июндун соңунда Тажикстандын Бажы кызматы өлкөдөн 1823-жылы жасалган жез тыйынды алып чыгууга аракет кылган 41 жаштагы Татьяна Хужина аттуу аялдын кармалганын билдирген. Анда ал Дүйшөмбүдөн Москвага учканы жаткан. Тажик бийлиги Хужина тыйынды аткезчилик жол менен өлкөдөн чыгарып кетүүгө аракет кылган деп эсептөөдө. 21-августта сот тыйын сактоо үчүн тажик музейине берилиши керек деген чечим чыгарган.
2012-жылдан бери Орусияда жашаган Татьяна Хужина тыйынды мурда эле апасынан алганын жана Орусиядан Тажикстанга келе жатканда да капчыгында болгонун айтууда. Орусиянын Тажикстандагы элчилигинен тыйын өзгөчө деле баалуулукка ээ эмес экенин жана нумизматтар тарабынан ал төрт доллардан бир аз гана ашык суммага бааланышы мүмкүндүгүн билдиришүүдө
Булак: “Борбор Азия жаңылыктар кызматы”
Белгилүү ямайкалык жеңил атлет Усейн Болт спорттогу эң акыркы жарышында жеңилип калды. Ал 100 метр алыстыкка чуркаган. Лондондо өтүп жаткан дүйнө чемпионатында Болт үчүнчү болуп келген. Бул жарышта америкалык Жастин Гэтлин (9,92) 100 метрдин жаңы чемпиону аталды. Ал эми күмүш медалга Кристиан Колмэн (9,94) ээ болду. Жарыш алдында Болт бул дүйнө чемпионаты анын спорттук карьерасындагы эң акыркы жарышы болоорун айткан эле.
Булак: “Фабула”
Белгилүү ямайкалык жеңил атлет Усейн Болт спорттогу эң акыркы жарышында жеңилип калды. Ал 100 метр алыстыкка чуркаган. Лондондо өтүп жаткан дүйнө чемпионатында Болт үчүнчү болуп келген. Бул жарышта америкалык Жастин Гэтлин (9,92) 100 метрдин жаңы чемпиону аталды. Ал эми күмүш медалга Кристиан Колмэн (9,94) ээ болду. Жарыш алдында Болт бул дүйнө чемпионаты анын спорттук карьерасындагы эң акыркы жарышы болоорун айткан эле.
Булак: “Фабула”
Социалдык түйүндөрдө 19-августта Сургутта жети кишини жарадар кылган Артур Гаджиевдин «Ислам мамлекети» (ИМ) террордук тобуна ант берип жаткан учурунда жазылган тасма жарыяланды.
Бирок тасмадагы адамдын жүзү бет кап менен толук жабылган. Видеокайрылууну ИМ тобуна таандык Furat медиаборбору таркатканы кабарланууда.
19-августта 19 жаштагы Гаджиев бычак менен көчөдө жүргөн адамдарга кол салып, жети кишини жарадар кылган. Колго түшүрүү маалында аны полициячылар атып өлтүрүшкөн. Кол салуу үчүн жоопкерчиликти ИМ тобу дароо өзүнө алган.
Орусия бийлиги кол салууну теракт катары тааныган жок. Федералдык телеканалдарда Сургуттагы окуя дээрлик чагылдырылган жок.
Булак: “Борбор Азия жаңылыктар кызматы”
Свердлов райондук ИИБнин ыкчам кызматкерлери эки жашты тоноп, кызын зордуктап салган үч баладан турган кылмыштуу топту кармады. Бул туурасында Бишкек ИИББнын басма сөз кызматы билдирди.
Маалыматка ылайык, 18-августта саат 22:00дө азият улутундагы 25-30 жаштардагы үч белгисиз бала Кара-Жыгач сейил багында жүргөн кыз-жигитти байкап калышкан. Аларды тоноо максатында үч бала физикалык күч колдонуп жаштардан эки, iPhone-6 жана iPhone-7 үлгүсүндөгү телефондорду тартып алышкан.
“Кылмышкерлер өз ишин аны менен токтотуп калбай, 16-жаштагы кызды сүйрөп барышып, жигитинин көзүнчө зордуктап салышкан”, – деп айтылат милицянын билдирүүсүндө.
Буга байланыштуу факт катталды жана Кылмыш кодексинин 130 (зордуктоо) жана 167 (тоноо) беренелери боюнча кылмыш иши козголду.
Сотттук-медициналык экспертизанын жыйынтыгы, кыз өтө оор формадагы зордуктоого кабылды деп чыккан.
Ыкчам-иликтөө иштеринин натыйжасында Свердлов райондук ИИБнин кызматкерлери үч баланы кармашкан: М.А.уулу, 1997-жылы туулган Жалал-Абад облусунун Сузак районунун тургуну, Жалал-Абад шаарынын тургундары 1985-жылы туулган Ж.Ш., жана 1996-жылы туулган К.Д.
20-августта Свердлов райондук соту кылмышка шектүүлөрдү СИЗО-1ге 2 айга камакка алды. Учурда иликтөө иштери жүрүүдө.
Москвада полицейскийлер 21 жаштагы кызды зордуктоого аракет кылган кишини кармашты. Бул туурасында “Москва” шаардык жаңылыктар агенттиги билдирет.
“20-август күнү эртең менен полицияга 21 жаштагы кыз “кечээ түнү токойдон белгисиз адам зордуктоого аракет кылды” деп кайрылган. Кылмышкердин өзгөчө белгилерин сураштырган соң, полиция 23 жаштагы жумушсуз Кыргызстандын жаранын кармаган. Ал күнөөсүн өз мойнуна алган”, – деп айтылат билдирүүдө.
Окуя Зеленоградда болгон. Жабырлануучунун айтымында кылмышкер аны колкосунан кармап, бадалдарга сүйрөп барып жерге жаткырып зордуктамакчы болгон. Бирок ал жактан өтүп бараткан адамдар көрүп калып коркутушканда ал качканга аргасыз болгон.
