КРИМИНАЛДЫК ХРОНИКА ЖАНА ОКУЯЛАР

Бишкек ШИИББдин жана ИИМдин Кылмыш иликтөө башкы башкармалыгынын, Башкы тергөө башкармалыгынын кызматкерлери Бишкек шаарынын аймагындагы уюмдардын, мекемелердин буюмдарын тоноп, уурулук менен алектенген уюушкан кылмыштуу топту ачыктап, куралсыздандырды. Бул уюшкан кылмыштуу топтун эсебинде коомчулукта ызы-чуу жараткан белгилүү кылмыштар, анын ичинен көп сандагы курал-жарактарга жана ири суммадагы акча каражатына ээ болуу максатында кол салуу аркылуу тоноочулук кирет. Ички иштер органынын тергөө болүмдөрүнүн кызматкерлеринин ишке кылдаттык менен мамиле кылуусу менен кылмыштуу топтун кылмыштары ачыкталды. Бул туурасында ИИМдин Басма сөз кызматы маалымдайт.

Маалыматка ылайык, ушул жылдын 6-февралында Бишкек шаарынын Ж. Абдырахманов көчөсундө жайгашкан “Цзи Сянь” кытай ресторанында болжол менен саат 21:55 чамасында белгисиз адамдар ок атуучу куралдар менен келип, эс алуучуларды, ресторандын кызматкерлерин коркутуп, кассадан 100 миң сом акчасын алып, изин жашырып белгисиз тарапка качып кетишкен.

Кол салуу менен тоноо фактылары боюнча кылмыш ишине иликтөө жүргүзүлүп, кол салууга тиешеси бар жарандарды кармоого ИИМдин тергөө бөлүмү тарабынан бир катар атайын иш-чаралар жүргүзүлгөн. Бишкек шаарынын Көк-Жар жаңы конушунда жашаган 1991-жылы туулган Э. уулу У аттуу шектүүнүн үйүн текшерүү учурунда мыйзамсыз сакталган газ тапанча, жаракаттандыруучу тапанчасы октору менен, 97 миң сом акча каражаты алынды.

Шектүү Э. уулу У ошол замат кармалып, мурда Бишкек шаарынын Октябрь райондук соту Кыргыз Республикасынын Кылмыш-жаза кодексинин 28-98-беренелеринин 2-бөлүмүнө (биргшелдешип адам өлтүрүү) ылайык 12 жылга эркинен ажыратканын ИИМдин башкы тергөө башкармалыгы тарабынан маалым болгон. Жазасын өткөрүү маалында шектүү камакта “общяк” макамын алуу менен кароочу статусуна ээ болуп, кылмыштуу топтун активдүү мүчөсү болгон.

Кийинки ыкчам-иликтөө иш-чарасынын жүрүшүндө шектүүнү башка кылмыш иштерине тиешеси бар экени аныкталган. Э. уулу У аттуу шектүү 2017-жылдын июнь айынын башында Биринчи май райондук сотунун чечими менен Кыргыз Республикасынын Кылмыш-жаза кодексинин 168-беренесинин 3-бөлүмү (тоноочулук) боюнча эркинен ажыратылып, Кыргыз Республикасынын УКМКнын убактылуу кармоочу жайына кармоо чечимин чыгарган.

ИИМдин ТББ менен КИББ кызматкерлеринин ыкчам-иликтөө иш-чарасынын негизинде шектүүлөр Э. уулу У жана Ж.Б., А.Ж. аттуу жарандар 2017-жылдын 27-апрелинде түнкү саат 03:00 чамасында “Альфа-Секьюрити” ОсООнун мекемесинин кирүүчү эшигин талкалап киришип, “Сайга-410” маркасындагы автоматынан -9 бирдик, “МР-471” үлгүсүндөгү тапанчадан-10 бирдик, “ИЖ-71” үлгүсүндөгү тапанчадан-3 бирдик ок атуучу куралдарды уурдап кетишкен. Жогорудагы фыктылар боюнча ИИМдин ТББгы Кыргыз Республикасынын Кылмыш-жаза кодексинин 164-беренесинин 3-бөлүмүнүн (башка бирөөнүн оокатын уурдоо) негизинде кылмыш ишин козгогон.
Кылмыштуу топ дагы бир кылмыштуу оюн ишке ашырышып, ремонттолуп жаткан мекемеге уурулукка киришкен. Ушул жылдын 5-майында таңкы саат 04:00 чамасында Бишкек шаарынын Л. Толстой көчөсундө жайгашкан ливт оңдоочу ишкананын мекемесинен 285 миң сом акча каражатын уурдап кетишкен. Көрсөтүлгөн кылмыш ишине Кыргыз Республикасынын Кылмыш-жаза кодексинин 164-беренесинин 3-бөлүмү ( бирөөнүн буюмун уурдоо) боюнча иш козголгон.

2017-жылдын 30-майында кылмыштуу топ Бишкек шаарынын К. Карасаев көчөсүндө жайгашкан өндүрүштүн ар багытында инжинердик-техникалык иштерди жасаган фирманын мекемесинен 396 миң суммасындагы акчасын уурдап кетишкен.

Иликтөөнүн натыйжасында майдын аягында жогорудагы кылмыш ишине тиешеси бар делип шектелгендердин бири мурда Кыргыз Республикасынын Кылмыш-жаза кодексинин 241-беренеси (ок атуучу куралдарды сактоо) менен 245-берененин (ок атуучу курал-жарактарды уурдоо) негизинде соттолгон Чүй облусунун Сокулук районуна караштуу Военно-Антоновка айылынын жашоочусу 1989-жылкы М.Э. аттуу жаран болуп чыккан.

ИИМдин кызматкерлери М.Э. аттуу жарандын үйүн текшерүү малында ок атуучу курал: кыскартылгын курал табылган. Кармалган жаранга Кыргыз Республикасынын Кылмыш-жаза кодексинин 168-беренесинин 3-бөлүмү боюнча күнөө тагылып, Бишкек шаарынын Биринчи май райондук соту тарабынан Кыргыз Республикасынын УКМКнын убактылуу кармоочу жайына камоо чечими чыгарылды.

2017-жылдын июль айынын башында Кыргыз Республикасынын ИИМдин Тергөө башкы башкармалыгынын тергөөчүлөрү тарабынан мурда Кыргыз Республикасынын Кылмыш-жаза кодексинин 97-беренесинин 1-бөлүмүнүн (адам өлтүрүү) негизинде соттолгон шектелүүчүлөрдүн бири Бишкек шаарынын жашоочусу 1989-жылы туулган С.Б. аттуу жарандын уйүн текшерүүнүн натыйжасында “ТТ” үлгүсүндөгү тапанча менен атууга арналган 7, 62 мм калибрдеги 40 ок табылып алынды. Кармалган адамга Кыргыз Республикасынын Кылмыш-жаза кодексинин 241-беренесинин (ок атуучу куралды, окторду сактоо) негизинде күнөө тагылган. Соттун токтому менен кармалган жаранды камакка алуу чарасы көрүлдү.

Иликтөө иш-аракеттерин жүргүзүү маалында кылмыштуу топтун башка мүчөлөрү жанан башчысынын өздүгү такталды:
Сүрөттө: издөөдө жүргөн Талас облусунун жашоочусу 20.03.1986-жылы туулган Бекмурзаев Жылдызбек Каныбекович.

Мурда бир нече жолу төмөнкү беренелер менен сот жобуна тартылган:168-берене (кол салуу аркылуу тоноо), 129-берене (зордуктоо), 167-берене (тоноочулук). Кармалганга чейин Бишкек шаарында жашап жүргөн.
2017-жылдын июнь айынын ортосунда Бекмурзаев Жылдызбекке Бишкек шаарынын Биринчи май ройондук соту тарабынан Кыргыз Республикасынын Кылмыш-жаза кодексинин 168-берене (кол салуу аркылуу тоноо) боюнча сыртынан күнөө тагылып, камакка алуу өкүмү чыгарылган. 9-июнь күнү Бекмурзаев Жылдызбекке эл аралык издөө жарыяланган.

Ыкчам-иликтөө иш-чарасынын жүрүшүндө такталгандай, Бекмурзаев Жылдызбек 2017-жылдын 15-майында Бишкек шаарынын Алма-Ата көчөсүнүн түндүк тарабына “Мерседес-Бенц S 63” үлгүсүндөгү автоунааны айдап бара жатып, №103 үйдүн жанынан Р. Жамангараевдин башкаруусундагы “Хонда-Степвагон” үлгүсүндөгү автоунаасы менен кагылышкан. Жыйынтыгында жол-транспорттук кырсыктан 1980-жылы туулган Р. Жамангараев аттуу айдоочу мерт кетип, “Мерседес-Бенц S 63” үлгүсүндөгү автоунаасындагы 1989-жылы туулган К.Г. аттуу жүргүнчү кыз Чүй облусттук ооруканага жеткирилген.

Мындан сырткары, ички иштер органынын кызматкерлери Бекмурзаев Жылдызбекке таандык башка “LEXUS GS 300” үлгүсүндөгү автоунаасы бар экенин тактаган. Автоунааны токтоткон учурда жаңы конуштардын биринин жашоочусу 1994-жылкы М.Н. аттуу жаран автоунааны айдап бараткан. Бул айым издөөдө жүргөн Бекмурзаев Жылдызбектин жакын таанышы болот.

15-июнь күнү кылмыштын активдүү катышуучусу Чүй областынын Аламүдүн районунун жашоочусу 1984-жылы туулган А. Дж аттуу жаранга Кыргыз Республикасынын Кылмыш-жаза кодексинин 168-берененин 3-бөлүмүнө (тоноочулук) ылайык күнөө тагылган. Бишкек шаарынын Биринчи май ройондук сотуну шектелүүчүнү камакка алуу чечимин чыгарган. Ошол күнү күнөөкөргө эл аралык издөө жарыяланган. Жакынкы күнү издөөдө жүргөн А.Дж аттуу жаран Россия Федерациясынын Москва шаарында кармалды.

Ыкчам-иликтөө ишинин натыйжасында 2017-жылдын 19-майында “Альфа Секьюрити” ЖЧКдан уурдалган курал-жарактар Чүй областынын Аламүдүн районуна караштуу “Бектоо” жайкы эс алуу аймагында табылды. Ыкчам-иликтөө тобу тарабынан “Сайга 410” үлгүсүндөгү автоматынан 9 бирдик, “МР-471” үлгүсүндөгү жаракаттандыруучу тапанчадан 8 бирдик алынды.

Ызыркы убакта ИИМдин ыкчам-иликтөө бөлүмүдөрү тарабынан Бекмурзаев Жылдызбектин кайда жүргөндүгүн тактоо боюнча иликтөө иш-аракеттери жүрүп жатат. ИИМдин Тергөө башкы башкармалыгынын кызматкерлери тергөө амалдарын улантууда.

Ленин райондук ички иштер башкармалыгына Бишкек шаарынын тургундары арыз менен кайрылышып, 2016-жылдын октябрь жана декабрь айларында, “Баткен” базарында Кыял аттуу айым, алдоо жолу менен арыз ээлеринин ишеничтерине кирип, 147 000 жана 97 800 сомдук товарларын алып, ушу күнгө чейин акчасын бербей качып жүргөн. Бул туурасында Бишкек ШИИББнин Басма сөз кызматы билдирет.

Бул окуя боюнча Бишкек шаарынын Ленин районунун ички иштер башкармалыгынын ыкчам кызматкерлери тарабынан Кыргыз Республикасынын кылмыш жаза кодексинин 166-беренесине ылайык (алдамчылык) кылмыш иши козголгон.

Бишкек шаарынын милиция кызматкерлеринин ыкчам иш-аракетинин натыйжасында Бишкек шаарынын 36 жаштагы М.Б., аттуу тургуну кармалып, тергөө учурунда ушуга окшош даагы бир канча кылмыш фактысына тиешеси бар экени аныкталган. Бишкек ШИИББнын убактылуу кармоочу жайына жеткизилип, тергөө амалдары жүргүзүлүүдө.

Кыргыз Республикасынын ИИМдин Чүй облусу боюнча Баңгизаттарды мыйзамсыз жүгүртүүгө каршы күрөшүү бөлүмүнүн кызматкерлери Сокулук районунун Жаңы-Жер айылынан баңги каражатын сактап жүргөн Чүй облусунун 45 жаштагы жашоочусун кармады. Бул туурасында ИИМдин Басма сөз кызматы билдирет.

Кармалган адамдын үйүн текшерүү маалында эки мүшөккө салынган баңги каражаты табылып, жалпы салмагы 40 кг. түздү. Экспертизанын жыйынтыгы менен алынган баңгизаты марихуана болуп чыкты.

Жогорудагы факты боюнча Сокулук районунун Ички иштер органынын тергөө бөлүмү Кыргыз Республикасынын Кылмыш-жаза кодексинин 246-беренесинин 4-бөлүмүнө (ири өлчөмдөгү баңги каражаттарын, эске таасир этүүчү заттарды мыйзамсыз даярдоо, сатып алуу, сактоо, өткөрүү, пайдалануу, ташуу же жөнөтүү) ылайык кылмыш ишин козголгон. Шектелген адам Кыргыз Республикасынын Кылмыш-жаза-процессуалдык кодексинин 94-беренесинин негизинде кармалды. Учурда тергөө амалдары жүрүп жатат.

Москва районунун ички иштер бөлүмүнө Ысык-Ата районунун Ново-Покровка айылынын 53 жаштагы жашоочусу Ш.В. арыз менен кайрылып, 9-июль күнү Александровка айылындагы соода түйүндөрүнүн биринен 20-25 жаш курактагы азиат улутундагы бала арыз ээсинин колундагы сумкасын жулуп качып кеткенин билдирген. Бул туурасында Чүй ОИИББнын Басма сөз кызматы маалымдайт.

Сумканын ичинде 432 миң сомдук алдын буюмдар болгон. Бул окуя боюнча Москва РИИБнүн тергөө бөлүмү тарабынан Кыргыз Республикасынын кылмыш-жаза кодексинин 167-беренеси (Тоноо) боюнча кылмыш иши козголгон. Москва районунун ИИБнүн кызматкерлери тарабынан жүргүзүлгөн ыкчам издөө иш-аракеттеринин натыйжасында кылмыш изи сууй электе жогорудагы тоноочулукка шектүү делип Панфилов районунун 21 жаштагы жашоочусу А.А. аттуу кармалып, Москва районунун ИИБнүн убактылуу кармоочу жайына камакка алынган. Учурда тергөө иштери жүргүзүлүүдө.

Милицияга Бишкек шаарынын жашоочусу арызданып 10 миң сомдук велосипедин үйүнүн подьездинде турган жеринен белгисиз адамдар тарабынан уурдалганын билдирген. Бул туурасына Бишкек ШИИББнин Басма сөз кызматы билдирет.

Ошондой эле  милиция кызматына подьезддердин жанынан 12 миң жана 18 миң сомдук велосипедтер уурдалганы жөнүндө да арыздар келип түшкөн.

Бишкек шаардык милиция тарабынан ыкчам-иликтөө иш-чарасынын жүрүшүндө жогорудагы кылмыштарга шектүү делип 2001-жылы туулган Л.А. менен 2000-жылы туулган Р.Р. аттуу жарандар кармалды. Жогорудагы фактылар боюнча Кыргыз Республикасынын Кылмыш-жаза кодексинин 164-беренесине (уурулук) ылайык кылмыш иши козголуп, кармалган адамдар ата-энесинин кепилдиги менен үй камагына алынды. Тергөө амалдары жүрүп жатат.

Полковник Толкунбек Шоноевдин өлүмүнө жогорку кызматтагы кишилердин катышы бардыгын атасы Курманбек Шоноев айтып чыкты. Полковниктин атасы президент, премьер-министр жана Жогорку Кеңештин депутаттарына кайрылып, баласынын өлүмүнүн бетин ачып берүүнү өтүндү. Ал бул туурасында: «Менин уулумду ал иликтеп жаткан кылмыштын бетин жабуу үчүн өлтүргөн. Ага криминал, укук коргоо органдары жана мансаптуу жетекчиликтин дагы катышы бар. Ошондон улам, бул кылмыштын бети төрт жылдан бери ачылбайт» – деп билдирди.

Эскерте кетсек, ИИМдин буйрутма адам өлтүрүүлөр жана кылмыштуу топторго каршы күрөшүү бөлүмүнүн жетекчиси Толкунбек Шоноевди Кара-Суу районундагы үйүнүн алдында 2013-жылдын 11-январында атып кетишкен. Кийин бул кылмыш боюнча Кадырбек Досонов кармалган. ИИМдин маалыматында, Кадырбек Досонов уюшулган топтун мүчөсү. Ага адам өлтүрүү фактысынан сырткары курал-жаракты мыйзамсыз сатып алуу, сактоо жана кылмыштуу топту түзүү айыбы дагы тагылган. Бирок ал Кара-Суу райондук соту тарабынан акталды.

Булак: “Фабула”

Ысык-Көл РИИБнүн нөөмөт кызматына Бостери айылында жайгашкан акча алмаштыруу жайынын кызматкери кайрылып, 8-июль күнү болжол менен саат 13.00 чамаларында болжолуу 50-55 жаштагы белгисиз европа улутундагы адам 500 номиналындагы 4 данаа, жалпысынан болсо 2000 евро акча каражатын алмаштыргандыгын билдирген. Акчаны алмаштырып жаткан учурда, акча каражаттары жасалма экендигин байкап калган кызматкер, ошол замат райондук милициясына билдирген. Бул туурасында ИИМдин басма сөз кызматы маалымдайт.

Аталган билдирүү боюнча, Бостери айылдык милиция бөлүмчөсүнө жайкы туристик мезгилде коомдук коопсуздукту сактоого тартылган мобилдик топтун кызматкерлери тарабынан көрүлгөн тез чара иш аракеттердин натыйжасында жасалма акчаларды өткөрүүгө аракет кылган шектүү адам кармалды. Ал 54-жаштагы КМШнын жарааны Л. Валерий болуп чыкты. Милиция кызматкерлери тарабынан шектүү катары кармалган адамдын өздүгүн изилдөө учурунда, Чүй облустук милициясы тарабынан алдамчылык кылмышы менен издөөдө жүргөндүгү дагы аныкталган.

Жасалма акчаны өткөрүүгө аракет көргөндүгү фактысы боюнча материалдар территориалдык экономикалык кылмыштарга каршы күрөшүү мамлекеттик кызматына юридикалык баа берүү үчүн өткөрүлүп берилди.