КРИМИНАЛДЫК ХРОНИКА ЖАНА ОКУЯЛАР

22-июнда Самара-Шымкент жолунда эки кабаттуу автобус аңтарылып кеткен. Салондогу 50 киши өзбекстандык, экөө казакстандык болгон. Жүргүнчүлөр Волгограддан Шымкентке келе жатышкан.

Казакстандын өзгөчө кырдаалдар министрлигинин маалыматы боюнча, өзбекстандык 9 киши мерт кеткен, 18 киши жаракат алган, дагы 25ине жеринде медициналык жардам көрсөтүлгөн. Автобустун айдоочусу Казакстан атуулу экени маалымдалууда, аварияда анын күнөөсү бар-жогу аныктала элек.

https://youtu.be/OjMeqIAnp2A

Буга чейин борборазиялыктардын катышуусунда ири авария 2017-жылы январда Нижний Новгород – Саратов жолунда катталган. Мерт кеткен жети кишинин бешөө кыргызстандык болгон.

Трагедия Нурек менен Дангара шаарларынын ортосундагы трассада орун алган. Камол Нуралиевдин сөөгү 23-июнда Дангарада жерге берилет.

Мамлекет башчынын кудасы 70 жашта болчу. Сегиз жыл мурун Камол Нуралиев Тажикстан суу чарба министринин орун басарлыгынан бошотулган.

Камол Нуралиевдин баласы Жамолиддин Нуралиев Тажикстан Улуттук банкынын төрага орун басары, ал президенттин экинчи кызы Озода Рахмонго үйлөнгөн. Жамолиддин Нуралиев 2015-жылга чейин алгач каржы министринин орун басары, андан соң биринчи орун басары болуп иштеген.

Булак: “Борбор Азия жаңылыктар кызматы”

Департаменттин басма сөз катчысы Зарипа Турлыбекова кырсык болгон жерге атайын поезд жөнөтүлүп, 200гө жакын киши тартылганын айтты. Ал учурда өрт өчүрүлө электигин кошумчалады.

«Окуя болгон жерде алган жарааттарынан улам ишкананын 46 жаштагы кызматкери каза болду. Өрт мунай резервуарынан чыккан. Анда АИ-92 үлгүсүндөгү бензиндин запасы болгон», — деди Зарипа Турлыбекова.

Департаменттин маалыматына караганда, учурда жалындын коңшу резервуарларга жайылып кетүү коркунучу бар. Өрттүн келип чыгуу себептери такталууда.

Булак: “Борбор Азия жаңылыктар кызматы”

Маалыматка караганда, учурда анда өкмөттүк күчтөр менен жоочулардын ортосунда салгылаш уланууда. Согуштук аракеттердин жыйынтыгында миңдеген үй-бүлөлөр үйлөрүн таштап кетүүгө аргасыз болушкан.

Ошол эле маалда аймактык полициядан азырынча ИМ тобу Дерзан районун толук басып ала электигин билдиришти.

“Район толугу менен алардын карамагына өтө элек. Ооган күчтөрү жоочуларга каршылык көрсөтүп жатат. Согуштук объектилер ооган күчтөрүнүн көзөмөлүндө. Дерзапка кошумча аскерлерди жөнөтүп жатабыз”, – деди аймактык полициянын башчысы.

Түндүк Ооганстандын аймактык кеңеш өкүлдөрүнүн айтымдарында, жегиликтүү армия ИМ тобуна каршылык көрсөтүүгө аракет кылганы менен борбордук өкмөттөн жардамдын жоктугунан исламчылар көптүк кылууда. “Эгер борбордук өкмөт өз убагында жардам жөнөтпөсө, анда провинциянын борбору Шибирганга дагы чабуул болушу мүмкүн”, – деди алардын бири.

Жергиликтүү аткаминерлер аймактагы Фарьяп, Жовузжан жана Серпул провинцияларында «Өзбекстан ислам кыймылынын» да согушкерлери бар экенин билдиришүүдө.

Булак: “Борбор Азия жаңылыктар кызматы”

Соттун материалдарына ылайык, 25-33 жаш курактагы соттолуучулар жаш балдары менен араб тилинде «Аллахтан башка Кудай жок» деген жазуусу бар кара кездеменин фонунда сүрөткө түшүп, жергиликтүү РИИБге кол салууга даярдык көрүшкөн.

Соттун билдирүүсүндө жазылгандай, «соттолгондордун бирине өткөн жылкы Актөбөдөгү куралдуу кол салуулар катуу таасир калтырып, ал теракт пландап, ал тууралуу топтун калган мүчөлөрүнө билдирген. Тергөөнүн материалдарына караганда, топтун мүчөлөрү желекти ары-бери шилтеп, «Аллах Акбар!» деп кыйкырып, унаа менен айылды айланып жүрүшкөн. «Муну менен алар «Ислам мамлекети» террордук уюмунун идеяларын жана алардын куралдуу жихаддарын колдой тургандыктарын көрсөтүшкөн», – деп айтылат соттун өкүмүндө.

Соттолуучулар айыптоолорду четке кагышууда. Адвокаттар менен туугандары өкүм боюнча жогорку инстанцияга даттанууга ниеттенип жатышат.

Булак: “Борбор Азия жаңылыктар кызматы”

Комитет жыйынында орусиялык хакерлер компьютерлерди бузуп кирип, шайлоонун алдында коомдук пикирди манипуляция кылгандыгы боюнча АКШнын чалгындоо кызматынын корутундусу каралды. Анын жүрүшүндө Манфра хакердик чабуулдар болгону менен добуш берүүнүн жыйынтыктары бурмаланбаганын белгиледи.

Орусиянын АКШ шайлоо системасына канчалык деңгээлде киргендиги тууралуу маселе айрым штаттарда жергиликтүү жана федералдык аткаминерлердин терең чочулоосун жараткан.

Буга байланыштуу январда АКШнын Ички коопсуздук департаменти добуш берүү системасын «опурталдуу инфраструктура» деп атап, федералдык бийликтин штаттардагы шайлоо системаларга кийлигишүүсүнө көбүрөөк ыйгарым укуктарды берген.

Булак: “Борбор Азия жаңылыктар кызматы”

Бул мечит 1172-жылы курулган. Дал ушул мечитте 2014-жылы “Ислам мамлекети” тобунун лидери өзүн “халиф” деп жарыялаган. Анын кара желеги мечитте үч жыл бою желбиреп келгенин, эми анын талкаланышы топтун жеңилгенин көрсөтөрүн Ирактын өкмөт башчысы Хайдар ал-Абади билдирди.

Жардырууга чейин Ирактын күчтөрү Мосулдун Эски шаарын курчоого алганы кабарланды. Ирак армиясы АКШ баштаган эл аралык коалициясынын жардамы менен октябрь айынан бери шаарды согушкерлерден бошотуу аракетин көрүп келет.

Булак: “Борбор Азия жаңылыктар кызматы”

Тажикстан менен Кытай өкмөттөрү соттолгондорду экстрадициялоо боюнча келишимге кол койгондон кийин Гүломалиевдердин үй-бүлөсү Кытай абагында жатышкан ата-энесин көрөбүз деп үмүттөнүшүүдө.

Абдурахим Гүломалиев абактан 2018-жылы чыгат. Анын аялы Хайринисо Гүломалиева өмүр бою эркинен ажыратылган жана беш жылдан бери Үрүмчүнүн аялдар түрмөсүндө жазасын өтөөдө. Ал күйөөсү соттолгондон кийин 2012-жылы Кытайга барып, маңзаты менен кармалып калган.

Гүлмолиевдерди кошкондо Кытайда 15 тажик жараны абакта отурат. Алардын ичинен төртөө – үч аял жана бир эркекке өлүм жазасы берилген, алардын бирөөнө карата өкүм аткарылып, былтыр сөөгү мекенине жөнөтүлгөн. Бешөө өмүр бою эркинен ажыратылган.

Соттолгондорду экстрадициялоо боюнча келишим 2015-жылы парламент тарабынан ратификацияланган. Ал 2017-жылдын 19-июлунан тарта күчүнө кириши керек.

https://www.youtube.com/watch?v=hZs-5frRv98&feature=youtu.be

Булак: “Борбор Азия жаңылыктар кызматы”