КРИМИНАЛДЫК ХРОНИКА ЖАНА ОКУЯЛАР

Этностор аралык кастыкты козуткан деп айыпталып жаткан журналист Улукбек Бабакулов Кыргызстандан чыгып кеткени тууралуу маалыматты Улуттук коопсуздук мамлекеттик комитети да бышыктады. Атайын кызматтын басма сөз катчысы Рахат Сулайманов “Азаттык” радиосуна буларды билдирди:

– Улугбек Бабакуловдун өлкөдөн чыгып кеткени анык. УКМК анын кайда экенин тактоо боюнча ыкчам иш-чараларды жүргүзүп жатат. Тергөө иштери уланууда.

Бабакуловго өткөн аптада УКМК кылмыш ишин козгогон. Ал Фергана.ру сайтына жазган макаласында улуттар аралык кастыкты козуткан деп шектелүүдө. Андан мурдараак агенттик жетекчилиги Бишкектин Октябрь райондук сотунун чечими менен Фергана.ру сайты Кыргызстандын аймагында тосмолонгонун кабарлаган. Учурда аталган сайттын мобилдик түрү иштеп жатат.

Фергана.ру жетекчиси Даниил Кислов 11-июнда билдирүү таратып, Кыргызстандагы кабарчысы Улугбек Бабакулов менен иштешүүнү убактылуу токтотконун жарыялаган. Бул чечим тергөөнүн бейтарап жүргүзүлүүсүн камсыздоо максатында кабыл алынганы айтылган. Улугбек Бабакулов бул тууралуу Фейсбукка жазып, мындай сунушту жетекчиликке өзү демилгелегенин билдирди.

Агенттик жетекчилиги сайттын жабылышын жана журналистке кылмыш ишинин козголушун алардын ишмердигине бут тосуу жана каралоо деп сыпаттап жатат.

Булак: “Борбор Азия жаңылыктар кызматы”

Окуя 11-майда болгон. Бирок каракчылык акимдин небересинин жардамы менен ишке ашканы эми гана ачыкка чыгууда.

“Бул бир ай мурун болгон. Биз анын жөн гана талоончулук деп ойлогонбуз. Бирок азыр аны маркум акимдин небереси уюштуруптур деп айтып жатышат”,-деди каракчылык болгон мааленин жашоочуларынын бири.

Самарканд облустук ички иштер башкармалыгы “Каракчылык” беренеси менен кылмыш ишин козгогон. Башкармалыктагы өз булак кол салууга маркум акимдин небереси шектелип жатканын ырастады.

– Маркум акимдин небереси эч жерде иштебеген эки жигитти – Надир менен Бахтиярды жалдап, чоң энесинин үйүнө жөнөткөн. Кара беткап кийген жигиттер Жамиловдордун үйүнө кирип барышкан. Ал күнү үйдө карыган кожойке жана анын небереси гана болгон. Каракчылар аялдын небересин барымтага алышып, эгер акча бербесең өлтүрөбүз деп коркутушкан. Коркуп кеткен үй кожойкеси катуу кыйкырып жибергендиктен, уурулар качып кетишкен. Алар үйдөн эчтеке алышкан эмес, – деди өз булак.

Ыкчам иликтөө иштеринин натыйжасында уурулар кармалган. Тергөөдө алар маркум акимдин небересинин көрсөтмөсү менен каракчылык кылышканын билдиришкен.

Акбар Жамилов Самарканд облусундагы Нарпай районун он жыл бою башкарган. Маалыматтарга караганда, ал ошол кездеги премьер-министр Шавкат Мирзиёев менен жакшы мамиледе болгон. Акбар Жамилов 2004-жылы кызматынан алынган.

“Азаттыктын” өзбек кызматынын маалыматы боюнча, бир нече жыл мурун аны акыркы сапарга узатуу зыйнатына Шавкат Мирзиёев дагы катышкан.

Булак: “Борбор Азия жаңылыктар кызматы”

Соттун чечими менен Саёхат Созибназарова, Махмудджон Носиров жана Билолиддин Мудинов көз боёмочулук беренеси боюнча күнөөлүү деп табылып, 9 жылдан 10 жылга чейин кесилишти. Айыпталуучулар соттун өкүмүнө макул эместиктерин жана жогорку инстанцияга кайрылышарын билдиришти.

Алар майып жарандардын ар бирине “жардам” иретинде алгач 3 литр май жана 50 сомониден беришкен. Андан соң алардан 200 миңден ашык сомони алышып, батир, майыптар үчүн унаа жана санаторийлерге жолдомо берүүнү убадалашкан.

ИИМ кабарлагандай, Нурабад районунда эле алдамчылардын тузагына илинип, өз колдору менен 50 миң сомни берген 13 киши бар. Кармалгандар өзүлөрүн “Майыптарга жардам” кайрымдуулук уюмунун кызматкерлери катары тааныштырышкан. Алардын жасалма мөөрлөрү болгон.

Булак: “Борбор Азия жаңылыктар кызматы”

Ал өндүрүш токтобогону менен кеңседе иш жүрбөй калганын, күч түзүм кызматкерлери компьютерлерди, документтерди алып кетишкенин билдирди. Шепелева башкы директор Муратхан Токтамадинин кайда экенин билбей турганын дагы кошумчалады.

51 жаштагы Муратхан Токмади 2003-жылы ачылган айнек заводдун ээси. Ал “Союз”Атамекен” улуттук экономикалык палатанын мүчөсү. Жергиликтүү ММКлардын кабарлашынча, ишкер таасирдүү кылмыштуу топту жетектөөгө жана рэкетчиликке шектелүүдө.

Ачык булактардагы маалыматтар боюнча, Муратхан Токмадинин бизнеси акыркы жылдары ийгиликтүү өнүгүп, заводу эң алдыңкы долбоорлордун катарына кирген. Анын компаниясы Республика Сарайын реконструкциялоого жана Алматыдагы лыжа трамплиндер комплексин курууга катышкан. Бир нече ири соода борборлору менен турак-жайларды айнек менен камсыздаган. 2008-жылы “Казстройстекло” Казакстан президентинин сыйлыгына татып, “Эң мыкты өндүрүш ишканасы” деген наам алган.

Улуттук коопсуздук комитети менен ИИМ бул боюнча маалымат тарата элек.

Булак: “Борбор Азия жаңылыктар кызматы”

Акыркы маалыматтарга караганда, полиция Москвада 731, Санкт-Петербургдан 500дөй, Орусиянын башка шаарларында 140тай адамды кармады. Натыйжада кармалгандардын саны 1400дөн ашты.

Ал эми антикоррупциялык жүрүштүн уюштуруучусу, 2018-жылкы президенттик шайлоого катышарын жарыялаган Алексей Навальныйды полиция Москвадагы демонстрация башталганга чейин эле үйүнүн сыртынан кармап кетти. Навальный коомдук демонстрациялардын эрежесин бузган, милицияга каршылык көргөзгөн деп айыпталууда. Эгер сот аны күнөөлүү деп тапса, 30 суткага чейин кесилиши мүмкүн.

Москвада коррупцияга каршы митинг бийлик менен мурда макулдашылгандай Сахаров проспектисинде эмес, Кремлге жакын Тверь көчөсүндө өткөн.

Полициянын калкан жана желим таяктар куралданган атайын күчтөрү демонстранттарды бул аймактан күч менен сүрүп чыгарышты. Демонстранттар Москвада да “Путин ууру!”, “Навальныйга боштондук” деп кыйкырып жатышты.

Буга чейин 26-марттагы антикоррупциялык жүрүшкө Орусия боюнча он миңдеген адам катышып, Москвада полиция 1000дей адамды кармап, анын ичинде Навальныйдын өзү 15 суткага кесилген болчу.

Булак: “Борбор Азия жаңылыктар кызматы”