КРИМИНАЛДЫК ХРОНИКА ЖАНА ОКУЯЛАР

Бул тууралуу 7-июнда Тажикстан парламентинин төмөнкү палатасынын укук тартиби, коргонуу жана коопсуздук комитетинин башчысы Журахон Мажидзода билдирди. Анын айтымында, өлкөдөгү 3 миллион интернет колдонуучунун 80 пайыздан ашыгы социалдык түйүндөрдө террордук мүнөздөгү маалыматтарга жана ал багыттагы үгүттөргө кабылышат.

Парламентарий өткөн жылдын декабрында Тажикстан Терроризмге жана экстремизмге каршы күрөшүүнүн улуттук стратегиясын кабыл алганын билдирди. Айтымында, анын кабыл алынышына террорчулардын өз максаттары үчүн заманбап технологияларды, анын ичинде интернетти жигердүү пайдаланып жаткандыгы түрткү болгон.

Тажикстандагы «Интернет саясатынын жарандык демилгеси» коомдун фондунун маалыматы боюнча, ИМ тобунун үгүттөөчүлөрү социалдык түйүндөрдө активдүү иш алып барышып, алар аркылуу тажикстандыктарды өз катарына үгүттөп келишет.

Булак: “Борбор Азия жаңылыктар кызматы”

Бул иштин алкагында иликтөө жүрүп, социалдык тармакта мындай багытта маалымат тараткан адамдардын тек-жайы аныкталган. УКМКнын басма сөз катчысы Рахат Сулаймановдун билдиришинче, алардын айрымдары улуттар аралык тирешүүгө ачык эле чакырык таштаганы аныкталды:

– Айрым Фейсбук колдонуучулар Жалал-Абад облусунун Ноокен районунда болгон жаштардын чатагы боюнча пост же пикир жазганда ачык эле улуттар аралык кастыкты козутууга чакырышкан. Муну Улуттук илимдер академиясынын филологиялык экспертизасы да тастыктады.

Сулаймановдун маалыматы боюнча, буларга кылмыш кодексинин 299-беренеси боюнча (расалык, улут, диний жана аймак аралыккастыкты козутуу) кылмыш иши козголду.

8-май күнү Ноокендин Масы айылында жергиликтүү жаштар чатакташып, бирөө башкаларын бычактап, качып кеткен. 19-май күнү бычак жеген жаштардын жакындары райондук милициянын алдына барып, бычактаган жигитти таап, жазалоосун талап кылышкан.

Булак: “Борбор Азия жаңылыктар кызматы”

Авиасокку абадан коргонуу куралы менен танкты талкалаган. Бомбалоонун алдында америкалык аскерлер бир нече жолу эскертүү беришкен.

АКШ кол башчылыгы тараткан билдирүүдө Сирия президенти Башар Асад режиминин тарапташтары Ат-Танфта деэскалация аймагына кирип барышкан. Ал жакта америкалык аскерлер куралдуу оппозицияны “Ислам мамлекети” экстремисттик тобуна каршы күрөшүүгө даярдайт.

Бул апта ичинде коалиция Башар Асад колдогон күчтөрдүн позициясына эки сапар сокку урду. Майдын соңунда сирия өкмөтүнүн тарапташтарынын кербени бомбалаган. Пентогондун маалыматына караганда, алар уруксат сурабай коопсуз зонага кирип барышкан.

Булак: “Борбор Азия жаңылыктар кызматы”

Мухтар Аблязов БТА Банктын каражаттарын уурдоо жана мыйзамсыз пайдалануу, кылмыштуу топту түзүү боюнча күнөөлүү деп табылды.

Башкармалыктын мурдагы төрагасы Садуакас Мамеш менен мурдагы орун басары Жаксылык Жаримбетов Аблязовдун шериктери катары арам акчанын адалдоого айыпталып, беш жылга эркинен ажыратылышты. Насыя берүү бөлүмүнүн мурдагы директору Кайрат Садыков өзгөчө режимдеги колонияга 15 жылга кесилди.

Соттолуучулар БТА Банктын пайдасына 10 миллиард доллар төлөп берүүгө милдеттендирилди.

Чет өлкөдө бозгунда жүргөн Мухтар Аблязов мурда айыптоолорду четке каккан. Ал казак сотунун чечимин тааныбай турганын билдирген. Аблязов Казакстан бийлиги андан ошол кезде эң көп активдерге ээ БТА Банкты тартып алды деп эсептейт.

БТА Банктын иши боюнча сот отурумунан видео:

Булак: “Борбор Азия жаңылыктар кызматы”

“Түркиянын коопсуздук кызматынын бир нече кызматкери куралсыз демонстранттарды сабашып, буттары менен тепкилешкен”, -деп айтылат резолюцияда. Өкүлчүлүк палатасы тынч өтүп жаткан каршылык акцияларына мыйзамсыз жол менен жолтоо болгон түрк коопсуздук кызматынын аракети үчүн жооптуу адамдар Кошмо Штаттардын мыйзамдарына ылайык жоопкерчиликке тартылышы керек деп эсептейт.

Кабыл алынган резолюция кандайдыр бир камоолорго алып барары белгисиз. Кол салууга айыпталган Эрдогандын жан сакчылары Түркияга кайтып келишкен.

Вашингтон полициясы жана АКШнын башка расмий өкүлдөрү Эрдогандын коопсуздук кызматкерлерин түрк лидеринин сапары учурунда күрд демонстранттарына каршы кол салууга айыпташкан.

Булак: “Борбор Азия жаңылыктар кызматы”

Боровский атындагы Ташкент медициналык колледжинин 2-курсунун студенти ушул жылдын 3-майында катуу сабалып, беш жолу операция жасалгандан кийин бир айдан соң каза тапкан.

Социалдык түйүндөрдө Жасурбектин апасынын каты жарыяланып, анда ал уулун өлтүргөн деп болжолдонуп жаткандардын аты-жөнү баарына белгилүү экенин, бирок эч ким жоопкерчиликке тартылбаганын жазган. Айтымында, Жасурбек билим алган медициналык колледждин жетекчилиги менен жумушчулары уулун сабаган балдардын ата-энелери менен сүйлөшүп алып, алардын кылмышын жашырып жатышат.

Бул иш боюнча тергөө 31-майда, Жасурбектин каза болоруна бир күн калганда башталган. 4-июнда Ташкенттин жашоочулары бийликтен күнөөлүүлөрдү жазалоо талабы менен көчөгө чыгышкан. 5-июнда кылмышка шектелген окуу жайдын беш студенти суракка алынды. Алардын аты жөнү Жасурдун апасы жазган каттагы балдардын аты-жөнү менен туура келет.

Ташкент ШИИБсинин тергөө бөлүмү тарабынан медициналык колледждин студенти Исломбек Тулагановго каршы «адам денесине олуттуу зыян келтирип өлүмгө жетирүү» беренеси менен кылмыш иши козголуп, камакка алында. Андан сырткары укук коргоо органдары петицияга кол койгон жарандар талап кылгандай, окуу жайдын мугалимдери жана медициналык кызматкерлеринин аракетине да укуктук баа бериле тургандыгын билдиришти.

Булак: “Борбор Азия жаңылыктар кызматы”

Маалыматка караганда, алардын бири 27 жаштагы Хурам Батт аттуу жаран. Ал үй-бүлөсү менен Лондондун чыгышындагы Баркинг районунда бир нече жыл жашаган. Полиция Батт буга чейин эле укук коргоо органдары менен МИ-5 кызматына белгилүү болгонун билдирүүдө. Ал Пакистанда туулган британ жараны болгон.

Экинчи шектүү 30 жаштагы Ричард Рэдуэйн Рашид Эльхдар деген дагы ысымды алып жүргөн жана мурда полицияга белгисиз болгон. Ал Ливия менен Марокко өлкөлөрүнүн жаранды болгон.

Лондон полициясынын өкүлдөрү учурда үчүнчү шектүүнүн тек-жайын аныктоо иштери уланып жатканын билдиришти.

Үч шектүү тең Лондондогу көпүрөдөгү жана андан кийинки Бороу Маркет базарындагы кол салуулардан бир нече мүнөттөн кийин полиция тарабынан атылып өлтүрүлгөн.

3-июндагы терактта 7 адам каза болуп, ондогон киши жаракат алган. Алардын көбү учурда ооруканада.

Булак: “Борбор Азия жаңылыктар кызматы”

Чүй облустук ИИБсинин маалыматына караганда, шектүү ушул жылдын апрелинде 10 жаштагы кызды зордуктоо аракети маалында кармалган – зордуктоого шектелип кармалган кишини жергиликтүү тургундар өзүлөрү кармап, милиция чакырышкан.

Окуя быйыл 3-апрелде күндүз Чүй облусунун Сокулук районуна караган Ак-Ордо-3 жаңы конушунда болгон. Туура эки ай мурда тартылган бир нече адам эки колу байланып отурган кишини ылайга оонатып сабап жаткан видео 4-июнда интернетте тарап, катуу талкууга түшкөндөн кийин ачыкка чыкты.

Жергиликтүү тургун Урмат Мамытбеков милиция келгенге чейин тегеректеги эл топтолуп, кармалган адамга ачуу менен кол көтөргөндөр болгонун айтты. «Дагы жакшы кыздын атасы милиция келгенден кийин келип калды. Болбосо сабап, өлтүрүп салмак. Милиция деле жарым саатка жетпей келип, кармалган адамды алып кетти», – деди ал.

Чүй облусунун Сокулук райондук ИИБси Кылмыш кодексинин 28-129-беренеси боюнча (Зордуктоо аракети) кылмыш ишин козгоду. Облустук ички иштер башкармалыгынын басма сөз катчысы Нурбек Токтосунов иш 2-июнда сотко өткөрүлгөнүн билдирди. Тергөө маалында 33 жаштагы Жалал-Абад облусунун тургуну мас абалда секелекти зордуктоону көздөгөнү аныкталган.

https://www.youtube.com/watch?v=kJpgkMg3ZuI&feature=youtu.be

Булак: “Борбор Азия жаңылыктар кызматы”

Кармалгандардын бардыгы тең чабуул жасады деп шектелген. Алардын баары тең Баркинг районунун тургундары.

Лондон полициясынын маалыматы боюнча 3-июндагы кандуу чабуулду 27 жаштагы Курам Батт менен 30 жаштагы Ричард Редуэйн жасаган. Үчүнчү кишинин аты-жөнү азарынча айтыла элек. Батт Пакистанда туулган, британ жарандыгын алып жүргөн, мурда британдардын атайын кызматына белгилүү болгон. Редуэйн (Рашид Эльдар ысым менен да жүргөн) Ливиянын жана Марокконун жарандыктарына ээ болгон.

Sky News телеканалы өз булактарына таянып, чабуул жасагандар айдап барган кичи автобустун багажынан 10 бөтөлкөдөй колго жасалган жардыруучу заттар табылганын кабарлады. Учурда алар экспертизадан өтүүдө.

3-июндун кечинде Лондон көпүрөсүндө кичи автобус жөө кишилерди сүзгөн, андан кийин ичинен чыккан үч киши чыгып ресторанда отурган кишилерди бычакташкан. Жети адамдын өмүрү кыйылып, ондогон адам жаракат алган, көбү ооруканада.

“Ислам мамлекети” экстремисттик тобу кол салуу үчүн жоопкерчилик алган.

Булак: “Борбор Азия жаңылыктар кызматы”