БОРБОРДУК АЗИЯДА

Казакстан ТИМинин маалыматы боюнча 3-4-майга белгиленген сүйлөшүүлөр жабык форматта өтөт. 4-майда күндүн экинчи бөлүгүндө пленардык жыйын жана жыйынтыктоочу маалымат жыйыны өткөрүлөт.

Жолугушууларга АКШ делегациясынын башчысы катары мамлекеттик катчынын Жакынкы Чыгыш иштери боюнча жардамчысы Стюарт Жонс алгачкы жолу катышууда.

Жыл башынан бери Сириядагы ок атууну токтотуу боюнча Астанада үч жолу сүйлөшүүлөр өткөн. Акыркы жолугушууга Сириядагы оппозиция өкүлдөрү катышкан эмес.

Казак ТИМинин мааалыматына караганда, бул жолку сүйлөшүүлөргө Сириядагы элдешүүнү көзөмөлдөөгө кепил болуп жаткан өлкөлөрдүн делегациялары, ошондой эле БУУнун башкы катчысынын Сирия боюнча атайын чабарманы Стаффан Де Мистура келди. Сирия өкмөтүнүн делегациясын өлкөнүн БУУдагы туруктуу өкүлү Башар Жаафари жетектөөдө.

Булак: “Борбор Азия жаңылыктар кызматы”

Өлкөнүн Юстиция министрлигинин Жазаларды аткаруу башкармалыгынын башчысы Изатулло Шариповдун билдиришинче, 3-май күнү эртең менен Согдиде айгай салынып, пландалган машыгуунун алкагында башкармалыктын кызматкерлери шашылыш чогултулган. Айтымында, жергиликтүү тургундар муну камактагылардын качып кетишине байланыштуу деп ойлошкон.

Маалыматка караганда, машыгуулардын алкагында абактан качкан кылмышкерлерди кармоо боюнча «Колго түшүрүү» операциясы өткөрүлгөн. Ага укук коргоо органдарынын кызматкерлери жана аскер кызматын өтөп жаткан жоокерлер катышкан.

Булак: “Борбор Азия жаңылыктар кызматы”

«Жайкын тургундарга карата урулуп жаткан аба соккуларынан улам көтөрүлүшчүлөрдүн делегациясы жолугушууларды токтотот. Ал ок атуулар Сириянын бардык аймагында токтогонго чейин уланат», — деп билдирген агенттиктин булагы.

Казакстан ТИМинен Сирия оппозициясы Астанадагы сүйлөшүүлөрдүн экинчи күнүнө катыша тургандыгын билдиришти.

Маалыматка караганда, оппозиция өкүлдөрү БУУнун Сирия боюнча атайын чабарманы Стеффан де Мистура жана АКШ делегациясынын мүчөлөрү менен жолуккандан кийин жыйындар залынан чыгып кетишкен. Жалпысынан сүйлөшүүлөргө катышуу үчүн Астанага 19 кишиден турган ондон ашык оппозициялык топтун өкүлдөрү келишкен.

3-майда Астанадагы жолугушуулар жабык форматта өттү. 4-майда пленардык жыйын жана жыйынтыктоочу маалымат жыйыны өтөт деп күтүлүүдө.

Булак: “Борбор Азия жаңылыктар кызматы”

Нозимова алар өлкөдөн чыгып кетүүгө эмнелер себеп болгонун билүү максатында сыртта жүргөн кесиптештери менен сүйлөшүп көрүшкөнүн айтты:

— Түрдүү себептер айтылды – бийликтин кысымы, сөз эркиндигинин жоктугу, ММК ээлери тараптан журналисттерге колдоонун жоктугу, масс-медиа өкүлдөрүн коргоо боюнча бирдиктүү институттун жоктугу жана маянанын аздыгы.

Бирок өлкөдөгү айрым ММК өкүлдөрү бул айтылган себептер чындыкка дал келбейт деп эсептешет. Көз карандысыз «Миллат» гезитинин башкы редактору Адолат Мирзонун пикиринде, сөз болуп жаткан журналисттер жумушсуз калгандыктан улам башка өлкөлөргө кетишкен.

Булак: “Борбор Азия жаңылыктар кызматы”

Апрелде жергиликтүү бийлик өкүлдөрү ижарага алынган жерлерге күнкарама, пияз жана жүгөрү эгип койгон дыйкандарды жашылча-жемиштерди алып, ордуна пахта эгүүгө мажбурлашкан.

Бул көрүнүштү жергиликтүү аткаминерлер видеого тартып, аны жергиликтүү администрациянын чогулушунда көрсөтүшкөн. Өлкөнүн айыл чарба министри Зойир Мирзаев катышкан кеңешмеде мектептерге барып, тартылган тасмаларды ижарага алынган жерлерге башка өсүмдүктөрдү эккен дыйкандардын балдарына көрсөтүү зарылдыгы айтылган.

«Дыйкандардын балдарын уяткаруу боюнча иш-чаралар жакында эле, президент Шавкат Мирзиёев келип кеткенден кийин башталды. Учурда биз аларга даярданып жатабыз. Азырынча окуу жайларда кайсыл тасмалардын көрсөтүлө тургандыгы так белгисиз», – деп билдирди Жизак облакимчилигинин атминерлеринин бири.

Булак: “Борбор Азия жаңылыктар кызматы”

Мамлекеттик «Түркмөннебит» концерининин кызматкерлеринин бири жетекчиликтин талабы суу эсептегичтерин орнотуу менен гана чектелбей турганын, алар орнотулган жабдууларды сүрөткө тартып барып көрсөтүшү шарт экенин билдирди.

Балкан облусунда сууга эсептегичтерди орнотуу иштери өлкө президенти Гурбангулы Бердымухамедовдун тапшырмасы менен жүзөгө ашырылууда.

Буга чейин өлкөдө суу, газ жана электр энергиясы калк үчүн бекер берилип келген. 2016-жылы сентябрда бекер суу, газ жана электр энергиясын жоюу сунушу Аксакалдар кеңешинин жыйынында колдоо тапкан.

Булак: “Борбор Азия жаңылыктар кызматы”

БУУнун Сирия боюнча атайын чабарманы Стаффан де Мистура жана Орусиянын өкүлү Александр Лаврентьев оппозиция делегациясын бүгүнкү сүйлөшүүлөргө катышууга кайрадан үндөштү.

Лаврентьев куралдуу оппозиция гарант-өлкөлөрдүн колдоосу менен террордук уюмдарга каршы согушкудай төрт зона түзүү каралып жатканын билдирди.

Анын айтымында, зоналарды түзүү байыстуу оппозиция менен террордук уюмдарды бири-биринен ажыратууга шарт түзүп, куралдуу тирешүүлөрдүн деңгээлин төмөндөтөт. Сирия ТИМи 3-майда коопсуздук зоналарын түзүү боюнча планды жактай турганын ырастаган. Бирок SNC өкүлү Ахмад Рамадан 3-майда сунушталган демилге кайра иштелип чыкпаса кабыл албай турушуканын айткан.

Астанада Сирия боюнча сүйлөшүүлөрдүн экинчи күнү өтүп жатат. Кечээ куралдуу сирия оппозициясы сүйлөшүүлөргө катышпай койгон жана өкмөттүк күчтөрдүн чабуулун токтотууга үндөгөн.

Булак: “Борбор Азия жаңылыктар кызматы”

Өлкөнүн Улуттук полициясынын өкүлү Ярослав Тракалонун «Украинская правда» басылмасына билдиришинче, мындай маалымат эл аралык полициянын өзүнөн келип түшкөн. Ошондой эле мындан ары экс-президенттин уулу Александр Янукович дагы издөөдөгү адамдардын катарынан чыгарылды.

Интерполдун Украин улуттук бюросу баардык маалыматтарды өлкөнүн Башкы прокуратурасына жөнөттү.

4-майда Киевде Виктор Януковичке тагылган мамлекетке чыккынчылык кылуу иши боюнча алдын ала сот отуруму өтөт. Мурдагы мамлекет башчы 2014-жылы февралда Майдандагы элдик көтөрүлүш маалында 100дөн ашык кишинин өлүмүнө тиешеси бар деп айыпталууда.

Учурда Янукович Орусияда, ага убактылуу башпаанек берилген.

Булак: “Борбор Азия жаңылыктар кызматы”

Театрдын көркөм жетекчиси Набижон Мамажанов «Бабурдун жан дүйнөсүнүн дүрбөлөңү» атуу спекталь үчүн артисттерге түрдүү образдарга кийим-кече жана сахна жасалгалары жөнөтүлгөнүн жана алардын жалпы баасы эки миллион сомду (30 миң АКШ долларына жакын) түзөрүн билдирди.

«Бабурдун жан дүйнөсүнүн дүрбөлөңү» спектаклин коюуну расмий Ташкент өткөн жылы сунуштаган. 2016-жылдын соңунда Өзбекстандын өкмөт өкүлдөрү жана маданий ишмерлери Ошко достук сапары менен келишкен. Шаар башчылыгы менен жолуккандан соң вице-премьер-министр Адахам Икрамов Бабур театрына барып, 50 миң долларлык жардам берүүнү убада кылган.

2017-жылы июнда Ошко Анжиян облустук музыкалык-драмалык театрдын, сентябрда «Бабур» атындагы Ош Мамлекеттик музыкалык-драмалык өзбек театрынын Анжиянга барары күтүлүүдө. Анда театр артисттери «Бабурдун жан дүйнөсүнүн дүрбөлөңү» спектаклин коюшат.

Булак: “Борбор Азия жаңылыктар кызматы”

Прокуратура 2017-жылы 9-январда Пенжикентте кан көп кеткендиктен төрөт учурунда каза тапкан аялды мисал келтирди.

Маркум боюнда бар кезинде буту шишип, аз кандуулук менен жабыркаган. Бирок дарыгерлер түйүлдүк 22 жума болгондо гана кош бойлууну каттоого алышкан. Аны эрте көзөмөлгө алышканда, балким мындай кайгылуу учур болмок эмес деп эсептейт көзөмөл орган.

Бүткүл Дүйнөлүк саламаттыкты сактоо уюмунун маалыматы боюнча Тажикстанда ар бир 100 миң учурга 65 аялдын өлүмү туура келет. Балдар арасындагы өлүмдүн 43үн беш жашка чейинкилер түзөт.

Булак: “Борбор Азия жаңылыктар кызматы”