БОРБОРДУК АЗИЯДА

Кант авиабазасынан алынып барылган учактар Дүйшөмбүдөн 30 чакырым ыластыкта жайгашкан Айни аэродромундагы авиациялык топтун курамына кире тургандыгы кабарланууда.

Орус-тажик биргелешкен аскердик машыгуулары 27-марттан 30-мартка чейин Тажикстан Коргоо министрлигинин үч жана 201-аскерий базасынын эки полигонунда өтөт.

ТАСС машыгууларга Борбордук аскердик округдун ыкчам топтору, 201-аскерий базанын бөлүктөрү жана Тажикстандын Коргоо министрлигинин мотоаткычтар жана десанттык бөлүктөрү катыша турганын жазды.

Маалыматка караганда, машыгуулар эл аралык терроризм коркунучу жаралган учурларда биргеликте аракет көрүү максатында өткөрүлөт.

Булак: “Борбор Азия жаңылыктар кызматы”

Облустук ички иштер департаментинин басма сөз кызматынын маалыматына караганда, «Автомобилисттерге жардамдашуу коомунун» мурдагы активисти Руслан Жанпеисов өткөн аптада кармалып, Абай райондук сотунун чечими менен эки айга камакка алынган.

Маалымдалгандай,полиция Шымкенттин тургуну «видеолорду интернетке жарыялайм деп коркутуу менен жабырлануучулардан акча талап кылып жаткандыгы» тууралуу ыкчам маалыматка ээ болгондон кийиин активистти кармаган.

Ички иштер департаменти активист «50 миң теңге алып жаткан жеринен» кармалып, учурда анын иши боюнча тергөө аракеттери башталганын билдирүүдө.

Булак: “Борбор Азия жаңылыктар кызматы”

Анда Мардон Мавлондун тажик жана өзбек тилдериндеги ырларды аткара тургандыгы күтүлүүдө. Ал Тажикстанга Нооруз майрамына карата Өзбекстандын искусство ишмерлери менен биргеликте барган.

Өзбек аткаруучусу 21-мартта Ооганстан жана башка бир катар өлкөлөрдөн келген ырчылар менен биргеликте Турсунзаде шаарындагы Нооруз майрамына карата уюштурулган салтанатта ырдаган. Ал Тажикстан менен Өзбекстандын маданий ишмерлеринин бул сыяктуу биргелешкен концерттер менен чыгармачыл кызматташуулары салтка айланып, коңшу өлкө элдери ынтымакта жана тынчтыкта жашайт деген үмүтүн билдирди.

Самарканддык ырчы Мардон Мавлон Тажикстанда популярдуу аткаруучулардын бири. Дүйшөмбү менен Ташкенттин мамилеси бузулганга чейин ал Тажикстанга байма-бай каттап, расмий иш-чараларда гана эмес, жергиликтүү жашоочулардын тойлорунда да ырдап келген. Акыркы жолу ырчы Тажикстанга концерти менен 2003-жылы барган.

Булак: Борбор Азия жанылыктар кызматы

«Өзбекстан менен болгон чек арага кошумча дагы эки өткөрмө бекетин ачуу, ошондой эле учурда иштеп жаткан үч автоунаа өткөрмө бекетин 24 сааттык режимге өткөрүү пландалууда», – деп билдирди Казакстандын инвестициялар жана өнүгүү министри Женис Касымбек.

Андан сырткары министр Астанадан Ташкентке эки аба каттамы ачылары тууралуу маалымат берди. Буга чейин Алматы-Ташкент жана Ташкент-Алматы багыты боюнча жүргүнчү ташыган жогорку ылдамдыктагы темир жол каттамы ачылган.

Булак: Борбор Азия жаңылыктар кызматы

«Акыркы беш айдын ичинде эле өлкөлөр ортосундагы товар алмашуу эки тараптан тең 30 пайызга өскөн. Төрт соода үйү ачылып, буудай 30 пайызга, өзбек жашылча-жемиштери 25 пайызга көбүрөөк келди, буга чейин мындай болгон эмес. Мунун баары Өзбекстандын жаңы башчысынын бардык соода мүмкүнчүлүктөрүн ачып, тосколдуктарды алгандыгынын аркасында мүмкүн болуп отурат», – деди Назарбаев.

Казак лидери ошондой эле бүгүнкү күндө Өзбекстан менен Казакстандын ортосунда чечилбеген көйгөй жок экенин белгиледи. Назарбаев эки тараптуу сүйлөшүүлөрдүн жүрүшүндө дээрлик миллиард долларлык 75 келишимге кол коюларын жана мындай көрүнүш алгачкы жолу болорун кошумчалады.

Өз кезегинде Өзбекстан президенти Шавкат Мирзиёев дагы эки өлкөнүн мамилесиндеги кызматташтыктын жаңы баскычы башталганын билдирди.

«Биз дайыма Казакстанды эң жакын жана ишенимдүү коңшу катары эсептеп келебиз. Менин алгачкы сапарларымдын бирин Астанага жасаганым эле көп нерсени айтып турат. Биздин делегациялардын курамында алгачкы жолу парламенттин жана Коргоо министрликтеринин жетекчилери бар. Буга чейин мындай тыгыз кызматташтык болгон эмес», – деди Мирзиёев.

Булак: Борбор Азия жаңылыктар кызматы

Кылмыш иши «адам өлтүрүү» беренеси боюнча каралууда. Маалыматка караганда, мушташтын айрым катышуучулары укук коргоо органдары видеокөзөмөл камераларындагы жазууларды иликтеп чыккандан кийин табылып кармалышкан.

Тергөө органдарынан кармалгандардын бардыгы тең адвокаттар менен камсыздалганын билдиришти. Жактоочу Абдукаюм Юсуфинин айтымында, алгач ал жактоого алган өспүрүмдөрдүн бири мушташ болуп жаткан маалда жөн гана көчөдө өтүп баратканын жана окуяга эч тиешеси жок экенин билдирген. Анын бул айткандарын ата-энеси да ырастаган. Бирок тергөөчүлөр ага видеокөзөмөл камерасындагы жазууну көрсөткөндөн кийин мушташка катышканын моюнуна алууга туура келген.

Ал өспүрүмдүн күнөөсү жок экенин далилдей албай калуу ыктымалдыгы жогору экенин айтып, мушташка катышкандардын бардыгына тең расмий айып тагыларын билдирди.

Өспүрүмдөр арасындагы мушташ 2-январга оогон түнү Дүйшөмбү шаарында болгон. Анын катышуучулары бычактар жана темир союлдар менен куралданышкан. Мушташтын жыйынтыгында эки өспүрүм каза болгон.

Булак: Борбор Азия жаңылыктар кызматы

Басылманын маалыматына караганда, Улуттук коопсуздук министрлигине жакында эле Түркия менен Украинага барып келген жарандар «аңгемелешүүгө» чакырылып, аталган өлкөлөргө кандай максаттар менен баргандыктары тууралуу маалыматтар талап кылынууда.

Андай «аңгемелешүүгө» барып келген жергиликтүү тургундардын биринин айтымында, жарандарга Сирия, Ооганстан, Ирак, Египет, Украина жана Түркия «кооптуу өлкөлөр» экенин айтышып, алардан аталган өлкөлөргө барбоого аракет кыла тургандыктары жөнүндө тил кат талап кылып жатышат.

Андан сырткары акыркы кездери чет өлкөлөрдө окуп жүргөн студенттердин ата-энелери, ошондой эле өлкө сыртында иштеген жарандардын туугандары коопсуздук кызматтарына чакырылып, жакындары тууралуу маалыматтарды жана документтерин берүү талаптары коюлуп жатканы кабарланууда.

Булак: Борбор Азия жаңылыктар кызматы

Сапардын алкагындагы негизги иш-чаралар 23-мартка белгиленген. Эки өлкө лидеринин жолугушуусу маалында жана жогорку деңгээлдеги сүйлөшүүлөрдүн жүрүшүндө Өзбекстан менен Казакстандын ортосундагы саясий, соода-экономикалык, инвестициялык, транспорттук-коммуникациялык жана башка тармактар боюнча өз ара мамилелердин абалы менен өнүгүү келечеги, ошондой эле аймактык жана эл аралык саясаттын актуалдуу маселелери талкууланат.

Шавкат Мирзиёевдин Астанага болгон сапарынын алкагында Өзбекстандын Улуттук өнөр жай көргөзмөсү жана эки өлкөнүн ишкерлери катышкан бизнес-форум өтөт.

Сапардын жыйынтыгында мамлекеттер, өкмөттөр жана мекемелер аралык документтер топтомуна, ошондой эле ири коммерциялык келишимдерге кол коюлат деп күтүлүүдө.

Булак: Борбор Азия жаңылыктар кызматы

29 вагондон турган поезд Алматыдан ар дүйшөмбү жана ишемби, Ташкенттен – ар шейшемби жана жекшемби күндөрү жолго чыгып турат. Каттамдын узактыгы – 16 саат 30 мүнөттү түзүп, жолдон поезд Отар, Шу, Тараз, Шымкент жана Сарыагаш деген беш гана станцияга токтойт.

Каттамды ачуу салтанатында «Казакстан темир жолу» улуттук компаниясынын вице-президенти Эрик Имашев эки өлкө борборлорунун ортосундагы темир жол каттамы «мамлекет башчылардын акылдуу саясатынын жыйынтыгында» ачылып жатканын билдирди.

Казакстанга Өзбекстан президенти Шавкат Мирзиёев 22-мартта расмий сапары менен барган.

Булак: Борбор Азия жаңылыктар кызматы