ЭКОНОМИКА

Кыргызстандын Экономика министрлиги билдиргендей, жыйында тараптар Орусиядагы санкцияларга байланыштуу үчүнчү өлкөлөрдөн Беларус аркылуу Казакстан жана Кыргызстанга келчү айрым товарларга салынган тыюуларды талкуулашты. Мындан тышкары Орусия чек арасындагы ветеринардык-санитардык жана фитосанитардык көзөмөл жана Казакстан темир жолу аркылуу товарларды алып өтүүдөгү көйгөйлөр жөнүндө сөз болду.

Казак тарап транзитке тоскоол болбой турганын убада кылып, маселе жаралган учурда дароо билдирүү зарылдыгын белгилешти. Буга байланыштуу бул тоскоолдуктар тизмесинен алынып ташталды.

Жыл башында Казакстан ветеринардык көзөмөлдөн өтчү товарларды бир гана темир жол менен ташуу керектигин эскерткен.

Кийинчерээк кыргыз өкмөтү жүктөрдү Казакстан аркылуу транспорттун бардык түрлөрү менен алып өтөрүн кабарлаган. Бирок Жогорку Кеңештин айрым депутаттары кыргыз товарларынын экспортуна чектөө коюп жаткан казак тарапка тиешелүү жооп кайтаруу зарылдыгын билдиришкен.

Булак: “Борбор Азия жаңылыктар кызматы”

Бул тууралуу 19-апрелде парламент жыйынында “Жалпыга маалымдоо каражаттары жөнүндө” мыйзам долбоору үчүнчү окууда каралып жатканда айтты.

Эл өкүлү нускасы миңге жетпеген гезиттердин редакторлору кымбат машине минип, заңгыраган үйлөрдө жашап жатканы алардын ишинде көмүскө бизнес бар экенинен кабар берерин кошумчалады:

– Жалпыга маалымдоо каражаты менен алектенип, ошону менен бизнес кылып, ошол жол менен атак-даңкын чыгарам деген адам киреше-чыгашасын ачык жарыяласын. Ар бир журналист, басылманын ээси бир тыйынына чейин элге отчет бериши керек. Буларды ооздуктабаса, ушак-айыңды жазып, коомду былгытып, акчага байып, жыргап, мыскылдап коюп жүрүшөт.

Акылбек Жапаров айрым журналисттер аткаминерлерден акча алып жүргөнүн, бербегендерди жамандап макала жазарын сындады. Журналисттердин жоопкерчилигин көтөрүү үчүн Кылмыш кодексине да, Административдик кодекске да өзгөртүү киргизүүнү сунуштады.

Кыргызстанда журналисттердин этикалык кодекси 2007-жылды кабыл алынып, 2009-жылы толукталган. Ал 23 беренеден турат. Кодекске ылайык, журналист бирөөдөн акча алып, буйрутма макала жазууга акысы жок. Акчага даярдалган макала коммерциялык мүнөздө экени көрсөтүлүүгө тийиш.

Булак: “Борбор Азия жаңылыктар кызматы”

Түркмөн башы Бердымухамедов билеттердин баасы көтөрүлгөнү менен жыл сайын айлык маяна, пенсия жана жөлөк пулдар дагы көбөйө турганын баса белгиледи.

Ошол эле маалда ашхабаддыктар билеттер кымбаттаса, товар жана кызмат көрсөтүүнүн наркы дагы өсүп, кыйын кырдаал жараларын айтышууда.

“Азаттыктын” түркмөн кызматы маалымдагандай, түрк авиалинияларында дагы билеттердин баасы кымбаттады. Учурда Ашхабад-Стамбул каттамы – 475 долларды түзүүдө, буга чейин 350 доллар болчу. Ички каттамдар үчүн билет наркы орто эсеп менен 5 манатка жогорулады.

Темир жол билеттеринин баасы 2 манатка өстү.

Булак: “Борбор Азия жаңылыктар кызматы”

Маалыматка караганда, 6 пайыздык кошумча маянадан тышкары, айран-сүт берүү дагы токтотулган. Ишкана мунун себептерин түшүндүргөн эмес.

“Кадр бөлүмүнүн башчысы концерндин чечимине ылайык, 6% кошумча маяна 2% кыскарганын билдирди. Бизге жазуу түрүндөгү көрсөтмөнү көрсөтүүдөн баш тартты. Андан соң 2% кошума ачка дагы төлөнбөй жатканын айтсак, унчугушкан жок”,- деди “Азаттыктын” түркмөн кызматына ишкананын атын атагысы келбеген жумушчусу.

«Түркмөннефть» ишканасынын өкүлү эсеп-кысап иштери жүрүп жатканын, алар бүткөнгө чейин төлөмдөрдүн баары токтотулганын бышыктады.

Ишкана буга жыйын өткөрүп, жумуш орундары жана ставкалар дагы кыскартыларын эскерткен.

«Түркмөннефть» концернинин 100 пайыз акциясы түркмөн өкмөтүнө таандык. Ал мунай жана газ кендерин чалгындоо, казуу жана кайра иштетүү менен алектенет.

Булак: “Борбор Азия жаңылыктар кызматы”

Ташкентке туристтик индустриянын 20дан ашуун өкүлдөрү барган. Расмий жолугушууларда өзбек тарапты Өзбекстандын туризмди өнтүрүү комитетинин төрагасы Анвар Шарапов жетектеди.

Сүйлөшүүлөр учурунда тараптар туризм тармагындагы кызматташуу, анын ичинде Улуу Жибек жолунда жайгашкан туристтик кооз жерлерди таанытуу боюнча биргеликте атайын турпакет түзүү маселелерин талкуулашты.

Көргөзмөнүн жыйынтыгында кыргыз тарап өзбек делегациясын эл аралык “Issyk-Kul ITF 2017” туристтик көргөзмө-жарманкесине чакырды. Иш-чара “Салам, Ысык-Көл – 2017” фестивалынын алкагында өтөт.

Кыргызстан ТИМинин маалыматы боюнча көргөзмөнүн жүрүшүндө тараптар 2 миллион долларлык 200дөй келишимге кол коюшту.

Булак: “Борбор Азия жаңылыктар кызматы”