Menu

Болот Темиров

Болот Темиров Бишкек-Москва учагы менен чыгарылганы белгилүү болду

Иликтөөчү журналист Болот Темиров Бишкек-Москва учак каттамы менен Орусияга жеткирилди. Бул тууралуу баратканын Фейсбуктагы Temirov LIVE баракчасы жазды.

23-ноябрдын кечинде иликтөөчү журналист Болот Темировду бир нече күч кызматкерлери “Манас” аэропортундагы жүргүнчүлөр уча турган залга алып барган. Аба майданында жүргөн журналисттердин Темировду кайда алып баратканы тууралуу суроосуна эч ким жооп берген эмес.

Анын алдында Бишкек шаардык соту Темировду өлкөдөн чыгаруу тууралуу чечим чыгарып, аны ошол жерден күч кызматкерлери мажбурлап алып кетишкен. Сот аны чыгаруу милдетин ИИМ менен Чек ара кызматына жүктөгөн.

Эл аралык коомчулук бул чечимди сындаган билдирүү таратууда.

Болот Темиров соттогу акыркы сөзүндө өкүмдү бийликтин өч алуу аракети катары баалап, ал Кыргызстандын жараны экенин, шаардык сот мыйзамсыз чечим чыгарганын айткан.

Кыргызстанда төрөлүп, Орусияда өскөн, кийин мекенине кайтып келген Болот Темиров Орусиянын жараны экени айтылып, “Кыргызстанда аскердик билетти жасалмалаган” деп айып коюлган. Темиров бул айыпты четке каккан.

Болот Темировду өлкөдөн чыгаруу чечими чыгып, аны сот залынан кармап кетишти

Бишкек шаардык сотунда бүгүн, 23-ноябрда иликтөөчү журналист Болот Темировду өлкөдөн чыгаруу чечими чыкты. Аны дароо сот залынан кармап, алып кетишти.

Бир нече айып тагылган журналисттин ишин алгач Бишкектин Свердлов райондук соту караган. Райондук соттун өкүмүнө нааразы болгон прокуратура шаардык сотко кайрылган.

28-сентябрда Свердлов райондук сотунда судья Акылбек Адимов Темировго маңзат боюнча коюлган айып негизсиз экенин айтып, аны актаган. Алган паспорту менен чек арадан өткөнү мыйзамдуу болгонун билдирип, ал боюнча да актоо чечимин чыгарган. Судья Темировго тергөөчүлөр койгон айыптарга далил көрө албаганын белгилеген. Ал эми документ жасалмалоо деген берене боюнча айыптуу деп таап, бирок жаза чарасы чегерилбей турганын билдирген.

Ага чейинки отурумда мамлекеттик айыптоо сотко Темировду беш жылга жалпы тартиптеги колонияга камоону сунуш кылган. Прокурор Мээрим Алиева аны өлкөдөн чыгаруу тууралуу да маселе көтөргөн.

Бүгүнкү отурумда да прокурор соттон Болот Темировду күнөөлүү деп таап, Кыргызстандан чыгарууну өтүндү.

Болот Темиров бүгүнкү отурумдагы акыркы сөзүндө күнөөсү жок экенин дагы бир жолу айтып, ага карата иш козгогон жана айып таккан күч органдарын акыйкат иштөөгө чакырган.

Темировду жана аны менен иштешкен төкмө акын Болот Назаровду милиция быйыл 23-январда кармап, чет жакка чыкпоо тууралуу тилкаттын негизинде кайра бошоткон.

Анын алдында Болот Темировдун Ютубдагы Temirov LIVE каналына жемкорлук тууралуу иликтөө жарыяланып, анда Ташиевдин аты аталган.

Ошол эле күнү Улуттук коопсуздук боюнча мамлекеттик комитеттин (УКМК) төрагасы Камчыбек Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Темировго жана Назаровго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон.

Журналистке “Мамлекеттик чек арадан мыйзамсыз өтүү” жана “Документтердин жасалмасын жасоо” деген эки берене да кошулган.

Тергөөнүн материалдарында Темировдун аскердик билети Орусиянын жаранына таандык экени жазылган.

УКМК жана Ички иштер министрлиги (ИИМ) журналистке бут тосуу болуп жатканы тууралуу айыптарды четке каккан.

Президенттин басма сөз кызматы бийлик иликтөөчү журналисттерге колдоо көрсөтөрүн билдирген.

Төкмө акын Болот Назаров Ютуб каналына жемкорлукту ашкерелеген чыгармаларын жарыялап келет.

Болот Темировдун иши боюнча Евробиримдиктин билдирүүсү

Европа Биримдиги белгилүү иликтөөчү журналист Болот Темировду айыптоолордун көпчүлүгү боюнча актаган соттун кечээки чечимин кубаттайт. Биз Кыргызстандын өкмөтүн адам укуктары жаатындагы улуттук мыйзамдарга жана эл аралык милдеттенмелерге ылайык, тиешелүү даттануу процессинде акыйкат соттук териштирүүнү камсыз кылууга чакырабыз.
Евробиримдик кесибин аркалаган бардык журналисттердин сөз эркиндигин жана жеке коопсуздук кепилдиктерин камсыз кылуунун маанилүүлүгүн баса белгилейт.

Болот Темиров элдин көзөмөлү менен сот адилет чечим чыгарганын айтты

Сотто акталган журналист Болот Темиров өкүм адилеттүү болгонун айтып, бул үчүн элдин көзөмөлү негизги роль ойногонун билдирди.

Сот отуруму аяктагандан кийин журналисттердин суроолоруна жооп берген Темиров мындай чечимди күтпөгөнүн белгилеп, аны акыйкаттыкка жасалган кадам катары сыпаттады.

28-сентябрда Бишкектин Свердлов райондук сотунун судьясы Акылбек Адимов Темировго маңзат боюнча коюлган айып негизсиз экенин айтып, аны актады. Алган паспорту менен чек арадан өткөнү мыйзамдуу болгонун билдирип, ал боюнча да актоо чечими чыкты. Судья Темировго тергөөчүлөр койгон айыптарга далил көрө албаганын белгиледи. Ал эми документ жасалмалоо деген берене менен айыптуу деп таап, бирок жаза чарасы чегерилбей турганын билдирди. Темиров буга аппеляциялык арыз жазыларын айтууда.

22-сентябрдагы соңку отурумда мамлекеттик айыптоо сотко Темировду беш жылга жалпы тартиптеги колонияга камоону сунуш кылган. Прокурор Мээрим Алиева Темировду өлкөдөн чыгаруу тууралуу маселе көтөргөн.

Журналистти жана аны менен иштешкен төкмө акын Болот Назаровду милиция быйыл 23-январда кармап, чет жакка чыкпоо тууралуу тилкаттын негизинде кайра бошоткон.

Анын алдында Болот Темировдун “Ютубдагы” Temirov LIVE каналына жемкорлук тууралуу иликтөө жарыяланып, анда Ташиевдин аты аталган.

Ошол эле күнү Улуттук коопсуздук боюнча мамлекеттик комитеттин (УКМК) төрагасы Камчыбек Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Темировго жана Назаровго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон.

Журналисттин ишине “Мамлекеттик чек арадан мыйзамсыз өтүү” жана “Документтердин жасалмасын жасоо” деген эки берене да кошулган.

Тергөөнүн материалдарында Темировдун аскердик билети Орусиянын жаранына таандык экени жазылган.

УКМК жана Ички иштер министрлиги (ИИМ) журналистке бут тосуу болуп жатканы тууралуу айыптарды четке каккан.

Президенттин басма сөз кызматы бийлик иликтөөчү журналисттерге колдоо көрсөтөрүн билдирген.

Төкмө акын Болот Назаров “Ютуб” каналына жемкорлукту ашкерелеген чыгармаларын жарыялап келет. Анын ишин кароо уланып жатат.

Медиа коомчулук өкүлдөрү Болот Темировдун иши боюнча тынчсыздануусун билдиришти

Медиа коомчулук өкүлдөрү иликтөөчү журналист Болот Темиров Кыргызстандан чыгарыла турган болсо, аскердик мобилизация жүрүп жаткан Орусияда анын өмүрүнө коркунуч жаралышы ыктымал деген кооптонуусун билдиришти.

“Медиа полиси институту” уюму баштаган медиа өкүлдөрүнүн ачык кайрылуусу бүгүн, 26-сентябрда жарыяланды.

Анда эгер Темировдү өлкөдөн чыгарса мамлекет анын коопсуздугун чоң тобокелге салган болору белгиленди.

“Кыргызстандын Конституциясынын 56-беренесинде адамды жасаган кылмышы үчүн гана чектесе болору жазылган. Ал эми Болот Темиров жана анын жактоочулары 22-сентябрдагы сот отурумунда коюлуп жаткан айыптарды толугу бойдон четке кагып, кылмыш ишинин материалдары айыптарды негиздей да, далилдей да албаганын белгилешти” , – деп айтылат кайрылууда.

Темировду жана аны менен иштешкен төкмө акын Болот Назаровду милиция быйыл 23-январда кармап, чет жакка чыкпоо тууралуу тилкаттын негизинде кайра бошоткон.

Ошол эле күнү Улуттук коопсуздук боюнча мамлекеттик комитеттин (УКМК) төрагасы Камчыбек Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Анын алдында Болот Темировдун “Ютубдагы” Temirov LIVE каналына жемкорлук тууралуу иликтөө жарыяланып, анда Ташиевдин аты аталган.

Темировго жана Назаровго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон.

Журналистке “Мамлекеттик чек арадан мыйзамсыз өтүү” жана “Документтердин жасалмасын жасоо” деген эки берене да кошулган.

Тергөөнүн материалдарында Темировдун аскердик билети Орусиянын жаранына таандык экени жазылган.

УКМК жана Ички иштер министрлиги (ИИМ) журналистке бут тосуу болуп жатканы тууралуу айыптарды четке каккан.

Президенттин басма сөз кызматы бийлик иликтөөчү журналисттерге колдоо көрсөтөрүн билдирген.

Төкмө акын Болот Назаров “Ютуб” каналына жемкорлукту ашкерелеген чыгармаларын жарыялап келет.

Темировдун иши Бишкектин Свердлов райондук сотунда каралууда.

22-сентябрдагы соңку отурумда мамлекеттик айыптоо сотко аны беш жылга жалпы тартиптеги колонияга камоону сунуш кылды. Прокурор Мээрим Алиева Темировду өлкөдөн чыгаруу тууралуу маселе көтөрдү.

Кийинки отурум 28-сентябрда өтөт.

Болот Темировдун милицияга иш козгоо тууралуу арызы сотто колдоо тапкан жок

Иликтөөчү журналист Болот Темировдун милиция кызматкерлерине иш козгоп, аларды жоопко тартуу тууралуу арызы канааттандырылган жок. Бүгүн 7-июлда Бишкек шаардык соту Биринчи Май райондук сотунун Темировдун арызын четке каккан чечимин күчүндө калтырды.

Темиров аны кармап кетишкен күнү наркологиялык текшерүү учурунда милиция кызматкери тарткан видео жана Temirov LIVE каналынын тергөөчүлөр алып кеткен компьютериндеги видеолор кийин социалдык түйүндөргө фейк аккаунттар аркылуу тараганын жүйө келтирип, мындайга жол берген ички иштер кызматкерлерин жоопко тартуу тууралуу арыз менен прокуратурага кайрылган. Прокуратура ал арызды колдоодон баш тарткан:

“Кылмыш ишине тиркелген нерселер биздин компьютерлердин ичинен жана өзүлөрү тарткан видеолор бизди жамандап чыгарган фейк аккаунттар менен милиция кызматкерлеринин байланышы бар деп прокуратурага арыз бергенбиз. Иш козгобой койду. Анан биз прокуратуранын мындай чечимин сотко бердик”.

Журналисттин айткандары боюнча шаардык милиция азырынча комментарий бере элек.

Темировдун жана аны менен иштешкен төкмө акын Болот Назаровдун ишин Свердлов райондук соту карап жатат. Аларды милиция быйыл 23-январда кармап, чет жакка чыкпоо тууралуу тилкаттын негизинде кайра бошоткон. Ошол эле күнү Улуттук коопсуздук боюнча мамлекеттик комитеттин (УКМК) төрагасы Камчыбек Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Анын алдында Болот Темировдун “Ютубдагы” Temirov LIVE каналына жемкорлук тууралуу иликтөө жарыяланып, анда Ташиевдин аты аталган.

Темировго жана Назаровго карата иш Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү, маңзатты мыйзамсыз даярдоо” беренеси менен козголгон. Темировго жалпы төрт иш ачылып, баары бириктирилип каралууда.

Журналист бул иштерди куунутук деп мүнөздөп келет.

УКМК жана Ички иштер министрлиги (ИИМ) журналистке бут тозуу болуп жатканын четке каккан. Президенттин басма сөз кызматы бийлик иликтөөчү журналисттерге колдоо көрсөтөрүн билдирген.

Төкмө акын Болот Назаров “Ютуб” каналына жемкорлукту ашкерелеген чыгармаларын жарыялап келет.

Болот Темиров: паспортум соттун чечимисиз эле жараксыз деп табылды

Иликтөөчү журналист Болот Темиров 17-майда ага тиешелүү паспорту жараксыз деп мамлекеттик каттоо кызматын базасына киргизилгенин билдирди. Анын айтымында, мындай чечим милициянын тергөөчүсүнүн чечими менен кабыл алынган.

“Менин ишим сотто экенине карабастан, тергөөчү ыйгарым укуктарын ашыкча пайдаланып, менин паспортумду жараксыз деп чечим чыгарып коюптур. Жободо андай деп каралган эмес. Тергөөчүнүн өз алдынча андай чечим кабыл алууга укугу жок. Азырынча бул боюнча түшүндүрмө берише элек. Биз прокуратурага кайрылдык”,- деди Болот Темиров.

Бишкек шаардык ички иштер башкармалыгы бул боюнча толук такталгандан кийин маалымат берерин кабарлады.

20-апрелде Болот Темировго карата Жазык кодексинин 379-беренеси (“Документ жасалмалоо”), 378-беренеси (“Мамлекеттик чек арадан мыйзамсыз өтүү”) боюнча эки кылмыш иши козголгону белгилүү болгон. Журналист муну ишмердигине тоскоолдук катары мүнөздөгөн.

Анын алдында Ютубдагы Temirov Live каналы Улуттук коопсуздук комитеттин (УКМК) төрагасы Камчыбек Ташиевдин уулу Таймурастын компаниясы Жалал-Абадда бир нече тендерди утуп алганы тууралуу иликтөөсүн жарыялаган.

Жыл башында Бишкек милициясы Темировго карата Жазык кодексинин 283-беренеси (“Баңгизаттарын, психотроптук каражаттарды жана алардын аналогдорун мыйзамсыз даярдоо”) менен иш козгогон.

Анын алдында Темиров жемкорлук тууралуу иликтөө жарыялап, анда да Ташиевдин аты аталган. Ошол эле күнү УКМК төрагасы Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан.

Бир катар жергиликтүү жана эл аралык уюмдар жемкорлуктун бетин ачкан журналистке куугунтук жүрүп жатканын айтышкан. Эл аралык уюмдар кыргыз бийлигин Темировго коюлган айыптарды алып салууга жана анын мыйзамдуу журналисттик ишмердигин коркутуу жана куугунтуксуз жүргүзүүгө чакырышкан.

Адам укуктары боюнча эл аралык өнөктөштүк (IPHR), Норвегиялык Хельсинки комитети (NHC), Адам укуктары боюнча Хельсинки Фонду (HFHR) жана Жарандык укук коргоочулар (CRD) кыргызстандык журналистке козголгон кылмыш иштеринин саясий жүйөсү бар экенин белгилеп, кайрылуу жолдошту. Ал 3-майда Адам укуктары боюнча эл аралык өнөктөштүк уюмунун сайтына жарыяланды. Анда Темировго козголгон кылмыш иштери Кыргызстандагы сөз эркиндигине олуттуу доо кетиргени айтылат.

Болот Темиров Бакиевдин тушунда документтери толук текшерилгенин айтты

Temirov LIVE каналынын негиздөөчүсү, иликтөөчү журналист Болот Темиров анын паспортуна байланыштуу козголгон кылмыш ишине байланыштуу билдирүү жасады.

Ал мындан 16 жыл мурун иш жолун Коомдук биринчи каналда баштаганын, бирок журналист катары кесипкөйлүгү жетишчиз экенин билип кайра Москвага барып телевидениянын редактору деген диплом менен кайра кайтып келгенин билдирди. Ал Курманбек Бакиев президент болуп турганда аны Ак үйгө чакырышканын, президенттин катчылыгындагы маалымат бөлүмүнүн эксперти катары иштегенин белгиледи. Ошол маалда документтеринин баары толук текшерилгенине токтолду.

“Мен анда документтеримдин баарын тапшыргам, тиешелүү органдар аны тыкыр иликтеп чыгышкан. Ошол 2008-жылы мен жаш адис катары иштеп жүргөндө Садыр Жапаров, Камчыбек Ташиев жана Акылбек Жапаров жогорку кызматтарда отурушкан”,- деди Темиров.

Ал кандай кыйынчылык, тоскоолдук болсо дагы азыркы багытынан кайтпай турганын белгиледи.

Президент Садыр Жапаров 25-апрелде “Кабар” маалымат агенттигине курган маегинде журналисти жасалма документтердин негизинде паспорт алган деп айыптаган.

“Бирөөнүн аскердик билетин уурдап алып, өзүнүн сүрөтүн чаптап, фамилиясын алмаштырып, ошол аскердик билеттин негизинде Өзгөндөн кыргыз паспортун алган экен. Өзү Орусиянын жараны болгон. Ал аскердик билеттин ээси дагы табылды. Болот Темиров кыргыз армиясында эч качан кызмат кылбаганын Коргоо министрлиги дагы тастыктады”,-деген Жапаров.

20-апрелде Темировго карата Жазык кодексинин 379-беренеси (“Документ жасалмалоо”), 378-беренеси (“Мамлекеттик чек арадан мыйзамсыз өтүү”) боюнча эки кылмыш иши козголгону белгилүү болгон. Темиров муну ишмердигине тоскоолдук катары мүнөздөгөн.

Анын алдында журналист Улуттук коопсуздук комитеттин (УКМК) төрагасы Камчыбек Ташиевдин уулу Таймурастын компаниясы Жалал-Абадда бир нече тендерди утуп алганы тууралуу иликтөөсүн жарыялаган.

Быйыл жыл башында шаардык милиция Темировго карата Жазык кодексинин 283-беренеси (Баңгизаттарын, психотроптук каражаттарды жана алардын аналогдорун мыйзамсыз даярдоо) менен иш козгогон. Анын алдында Темиров жемкорлук тууралуу иликтөө жарыялап, анда да Ташиевдин аты аталган. Ошол эле күнү УКМК төрагасы Ташиев журналисттерге брифинг уюштуруп, мамлекетке зыян келтирбегенин жана коррупцияга аралашпаганын айткан. Бул иш боюнча тергөө уланууда.

Бир катар жергиликтүү жана эл аралык уюмдар жемкорлуктун бетин ачкан журналистке куугунтук жүрүп жатканын белгилешкен.

УКМК: Журналист Болот Темиров, акын Болот Назаровдун кармалышы жана жеке видеотасмалардын таралышына УКМКнын эч кандай тиешеси жок экенин белгилейбиз

Кыргыз Республикасынын Улуттук коопсуздук мамлекеттик комитети айрым адамдардын «интернет тармагында жеке жашоо материалдардын пайда болушуна ведомствонун тиешеси бар экендиги жөнүндө» билдирүүсү боюнча төмөнкүлөрдү маалымдайт:

КР УКМК улуттук коопсуздукту камсыз кылуу боюнча комплекстүү иш-чараларды Конституциянын жана өзүнүн ыйгарым укуктарынын чегинде жүзөгө ашырат.

Атайын кызматтын кызматкерлери коомубуздун туруктуулугун жана бүтүндүгүн сактоого, ошондой эле жарандардын укуктарын, эркиндиктерин камсыз кылууга бардык күч-аракетин жумшоодо. 

Журналист Б.Темиров, акын Б.Назаровдун кармалышы жана коомчулукта кызуу талкууланып жаткан жеке видеотасмалардын таралышына КР УКМКнын эч кандай тиешеси жок экенин белгилейбиз.

Кээ бир кызыктар жактар атайын кызматтын дарегине далилсиз, аргумент келтирбестен аны күнөөлөп, «катуу сөздөрдү, эпитеттерди» айтып, ошону менен коомчулукту күч органдарына каршы иш-аракеттерди кылып жатканы таң калтырат.

КР УКМК коомчулукту эмоцияга, ар кандай провокациялык аракеттерге алдырбоого, кандайдыр бир суроолор жаралса, билдирүүлөрү жана жалган жалаалары менен Кыргызстандын коомчулугун адаштырбай, белгиленген тартипте ведомствого кайрылууларына чакырат.

Кыргыз Республикасынын Улуттук коопсуздук боюнча мамлекеттик комитети республиканын коомчулгу, өздөрүн бурмалоого жол бербейт деп ишенип кетет.

Болот Темиров менен Болот Назаров үй камагына чыгарылды

Төкмө акын Болот Назаров 23-январдын түнү соттун чечими менен шаардык милициянын убактылуу кармоочу жайынан үй камагына чыгарылды.

Буга чейин аны Бишкек шаардык милициясынын имаратынан ички иштер министринин орун басары Нурбек Абдиевдин коштоосунда сотко алып кетишкен.

Абдиев журналисттерге сотто анын кармалышынын мыйзамдуулугу каралып, андан кийин үй камагына чыгарыла турганын билдирген.

Иликтөөчү журналист Болот Темировду жана аны менен иштешкен төкмө акын Болот Назаровду милиция 23-январга караган түнү кармап кеткен. ИИМдин маалыматына караганда, аларга каршы кылмыш иши козголуп, экөө тең шектүү катары өтүүдө.

Болот Темиров 23-январь күнү күндүз эч жакка кетпөө тууралуу тилкаттын негизинде бошотулган.

Жакында Темиров жемкорлук тууралуу, Улуттук коопсуздук боюнча мамлекеттик комитеттин төрагасы Камчыбек Ташиевдин аты аталган иликтөөсүн жарыялаган.

Ташиев 23-январда маалымат жыйын уюштуруп, мамлекетке зыян келтирбегенин жана коррупцияга аралашпаганын айтты.

Адвокат Нурбек Токтакунов кылмыш иши Жазык кодексинин 287-беренеси (Баңгизат каражаттарын жана психотроптук заттарды колдонууга көндүрүү) менен козголгонун, Темировго да, Назаровго да маңзатты атайылап салып коюшканын айтууда.

Айыптар жана беренелер боюнча мындан башка расмий маалымат азырынча жок.

Төкмө акын Болот Назаров “Ютуб” каналына бир нече ай мурда “Эки дос”, “Камчыке, кара калкыңды” деген чыгармаларын жарыялаган. Аларда өлкө жетекчилеринин сүрөт, видеолору көрсөтүлгөн.

Меню