Menu

Жанар Акаев

ИИМ: Бийликти күч менен басып алуу кылмышына шектелип, бир нече жарандын үстүнөн тергөө амалдары жүрүүдө

Кыргыз Республикасынын Ички иштер министрлигинин Тергөө кызматынын өндүрүшүндө  КЖБРге катталган Кыргыз Республикасынын Жазык кодексинин 309-беренесинде (Бийликти күч менен басып алуу) көрсөтүлгөн  кылмыштын курамы боюнча  материал  иликтенип жатат.
2021-жылдын 14-сентябрында Кыргыз Республикасынын Жазык –процесстик кодексинин 98-беренесине ылайык бул кылмышты жасоого шектүү катары К.А. кармалып, Бишкек шаарынын ички иштер башкы башкармалыгынын убактылуу кармоочу жайына  киргизилген.
2021-жылдын 15-сентябрында Кыргыз Республикасынын Жазык-процесстик кодексинин 98-беренесине ылайык жогорудагы кылмышты жасоого шектүү катары А.С. дагы кармалып, Бишкек шаарынын ички иштер башкы
башкармалыгынын убактылуу кармоочу жайына киргизилген.
Андан сырткары, сотко чейинки өндүрүштү тергөө учурунда   күбө катары бир нече Кыргыз Республикасынын Жогорку Кеңешинин  мурдагы жана азыркы депутаттары, мурда иштеп кеткен мамлекеттик кызматчылар суракка алынган.
Бүгүнкү күндө бул сотко чейинки өндүрүш боюнча дагы бир катар тергөө аракеттери жүргүзүлүүдө.

Депутаттар Абдывахап Нурбаев менен Жанар Акаев шайлоо алдында 10 жылдан кем эмес иштеген мугалимдерге 1 млн сомдон сыйакы төлөп берүүнү сунуштап чыгышты

Депутаттар Абдывахап Нурбаев менен Жанарбек Акаев “Мугалимдин макамы тууралуу” мыйзамга өзгөртүүлөрдү сунушташты. Документ Жогорку Кеңештин сайтына коомдук талкууга чыгарылды.

Мыйзам долбооруна ылайык, республикалык же эл аралык олимпиадаларда жеңишке жеткен окуучуну даярдаган мугалимдерге үч айлык маянасы өлчөмүндө сыйакы берилет.

Мындан тышкары жалпы билим берүү мектептеринде 10 жылдан кем эмес иштеген мугалимге 1 миллион сом (10 миң эсептик көрсөткүч же 12 миң доллар) өлчөмүндө бир жолку сыйакы төлөп берүү сунушталууда.

Документте сыйакыларды берүүнүн тартиби министрлер кабинетинин чечими менен аныктала турган белгиленген.

Демилгечилер сунушталып жаткан мыйзам долбоорунун кабыл алынышы мектептердин ишинин натыйжалуулугун жогорулатууга, мугалимдерге турак-жай маселесин чечип алууга жардам берет деп эсептешүүдө.

Буга чейин Кыргызстандагы мектептерде жалпысынан 2 миң мугалим жетишпей турганы кабарланган.

Меню