Menu

Жер саткычтар

Баткен шаарынын экс-мэри С.С. 2007-жылы 1,50 гектар "айыл чарба" категориясындагы жер тилкесин Б.А. аттуу жаранга мыйзамсыз берип салгандыгы үчүн кылмыш иши козголду

Тергөө бөлүмүнө мамлекеттик мекемелердин кызматкерлери тарабынан жер тилкесин мыйзамсыз берүү фактысы боюнча ыкчам материал келип түшкөн.

2007-жылдын 22-декабрында Баткен шаарынын жергиликтүү өз алдынча башкаруусунун мурдагы башчысы С.С. Кыргыз Республикасынын Б.А. аттуу жаранынын наамына Баткен шаарынын аэропортунун кварталынын Туура-Таш массивинин аймагынан 1,50 га жер тилкесин берүү жөнүндө токтом чыгарган.

Ошону менен бирге, 2019-жылдын 16-августунда жогоруда көрсөтүлгөн токтомдун негизинде Баткен районунун жергиликтүү каттоо органы тарабынан Б.А.нын наамына Ч сериясындагы айыл чарба багытындагы жер тилкенин мамлекеттик актысы түзүлүп берилген.

Баткен облустук мамлекеттик архивинин жообуна ылайык, жогоруда аталган токтом сактоого берилген эмес, Кыргыз Республикасынын Өкмөтүнө караштуу “Кыргызмамжердолбоорлоо” жер жайгаштыруу мамлекеттик долбоорлоо институту” мамлекеттик ишканасынын Баткен боюнча жер жайгаштыруу экспедициясынын жообуна ылайык бул жер 1992-жылдан бүгүнкү күнгө чейин жайыт жана башка категориялар катары саналып келет. 

Бул факты боюнча КР Кылмыш-жаза кодексинин 346-беренесинин 1-бөлүмүндө (Кызматтык жасалмачылык) боюнча каралган кылмыштын негизинде кылмыш иши козголду.

Азыркы учурда тергөө иш-чаралары жүрүүдө, анын жыйынтыгында юридикалык баа берилет.

УКМК: Сокулукта 13 млн сомдук жер аянты мамлекетке кайтарылды, жер саткан 4 кызмат адамы жоопко тартылып, 10 кызматкер жумушунан айдалды

Кыргыз Республикасынын УКМК тарабынан КР өкмөтүнүн алдындагы Мамлекеттик каттоо кызматкерлердин арасындагы коррупцияны жоюу боюнча иш-чаралардын жүрүшүндө, КР Кылмыш0жаза кодексинин 320-береенсинин 2-бөлүмү ( Кызмат абалынан кыянаттык менен пайдалануу) фактысы боюнча кылмыштардын жана жоруктардын бирдиктүү реестрине катталган сотко чейинки өндүрүштүн алкагында, 13 миллион сомдон ашык жер аянты мамлекеттин менчигине кайтарылды.

Такталган боюнча, 2012-жылдын август айындагы Сокулук райондук мамлекеттик архивинин буйругу боюнча, Сокулук районунун Новопавлов айыл аймагынын жалпы аянты 1,7 га, айыл чарба багытындагы жер аянты, социалдык объектини курууга колдонула турганы документтештирилген. Жыйынтыгында, “Кадастр” мамлекеттик мекемесинин Сокулук филиалынын кызматкерлери жер тилкесинин баштапкы документтерин атайылап жасалма жол менен түзүп, анын аянтын жасалма түрдө көбөйтүп, жеке адамдарга мыйзамсыз берилген жана жер бөлүп берген.

Жогорудагы адамдардын атайылап жасаган кылмыш иш-аракеттеринин натыйжасында, 4 кызмат адамы жоопко тартылып, «Кадастр» мамлекеттик мекемесинин Сокулук филиалынын 10 кызматкери ээлеген кызматынан бошотулган.

Аталган адамдардын атайылап жасаган кылмыш иш-аракеттеринин натыйжасында мамлекетке 13 миллион сомдон ашык суммада зыян келтирилген.

2021-жылдын 2-июнунда жүргүзүлгөн иштердин натыйжасында көрсөтүлгөн жер тилкеси мамлекеттин балансына кайтарылды.

Сотко чейинки өндүрүштүк материалдар сотко жөнөтүлдү.

Меню