Menu

Жер сатуу

Сокулук районунун мамлекеттик 3 жетекчи кызматкери турак-жай куруучуларга жер саткандыгы үчүн кармалды

КР УКМК тарабынан жеке турак-жай куруу үчүн жер тилкелерин бөлүштүрүүдө кызмат абалынан кыянаттык менен пайдалануу фактысы боюнча козголгон кылмыш ишинин алкагында Сокулук районунун Шопоков шаарынын мурдагы мэри У.С.К., Сокулук райондук шаар куруу жана архитектура башкармалыгынын башчысынын мурдагы орун басары А.Б.Т. жана “Кадастр” мамлекеттик мекемесинин Сокулук филиалынын жер бөлүмүнүн башчысы кармалып, УКМКнын тергөө камак жайынын убактылуу кармоочу жайына жайгаштырылды.

Бул адамдар алдын ала сүйлөшүп алып, жасалма документтердин негизинде жеке адамдарга белгилүү бир акчалай сыйлыкка муниципалдык менчиктеги жер тилкелерин өткөрүп беришкен.

Азыркы учурда бул кылмыш иши боюнча иликтөө иштери жүрүп жатат.

УКМК: Кадамжайдын Үч-Коргон айылында айыл чарба багытындагы жер тилкелерин жеке турак жай курууга мыйзамсыз берүү боюнча тергөө иштери башталды

КР УКМК Баткен облусунун Кадамжай районунун Үч-Коргон айыл аймагынан жеке турак жай куруу үчүн “айыл чарба” багытындагы жер тилкелерин мыйзамсыз берүү фактысы боюнча УКМК жана Баткен облусунун прокуратурасынын кызматкерлеринен турган мекемелер аралык тергөө тобу сотко чейинки өндүрүш иштерин баштаган.

Алынган маалыматтар боюнча, Кадамжай районунун Үч-Коргон а/а Боз жана Камбар-Абад айылдарынын тургундарынын жер тилкелери текшерилүүдө. Текшерүүнүн жыйынтыгы тууралуу дагы кошумча маалыматтар берилет.

КР УКМК жер тилкелерин мыйзамсыз берүүгө жол берилбестигин эскертет, бул үчүн КР колдонуудагы мыйзамдарында жоопкерчилик каралган.

УКМК: Айыл чарба багытындагы жерлерди турак жай куруу үчүн сатуу фактысы боюнча 2 депутат, 1 айыл башчысы камакка алынды

Кыргыз Республикасынын Улуттук коопсуздук мамлекеттик комитети тарабынан мамлекеттик бийлик органдарында жана жергиликтүү өз алдынча башкаруу органдарында коррупциялык көрүнүштөрдү аныктоо жана бөгөт коюу боюнча жүргүзүлгөн комплекстүү ыкчам-тергөө иш-чараларынын жүрүшүндө, КР Кылмыш-жаза кодексинин 337-беренесинин 2-бөлүгү (Кызматтык абалынан кыянаттык менен пайдалануу) боюнча Кылмыштардын бирдиктүү реестрине катталган кылмыш ишинин алкагында Ноокат районунун Он-Эки-Бел айылынын аймагынан жеке турак жай куруу үчүн 30 гектардан ашык айыл чарба жерлерин мыйзамсыз сатуу фактысы аныкталган.

Аталган кылмыш ишинин алкагында 2022-жылдын 4-июнунда Он-Эки-Бел айыл аймагынын мурдагы башчысы Т.К.Э., жер маселелери боюнча мурдагы адис К.И.Э., Он-Эки-Бел айылдык кеңешинин мурдагы спикери, учурдагы депутаты К.Д.Т., жана Он-Эки-Бел айылдык кеңешинин мурдагы депутаты М.К.А. КР УКМК тарабынан КР Кылмыш-жаза кодексинин 337-беренесинин 3-бөлүгү (Кызматтык абалынан кыянаттык менен пайдалануу) боюнча айып коюлуп, ошол эле күнү Ош шаардык соту тарабынан 2022-жылдын 30-июнуна чейин КР УКМК тергөө камак жайына камакка алуу түрүндөгү баш коргоо чарасы тандалган.

Азыркы учурда бул кылмыш ишинин алкагында жеке турак жай куруу үчүн айыл чарба багытындагы жерлерди мыйзамсыз сатуунун натыйжасында мамлекетке келтирилген зыянды аныктоо жана күнөөлүү адамдарды жоопкерчиликке тартуу кошумча ыкчам-тергөө иш-чаралары жүргүзүлүүдө.

Баткен шаарынын экс-мэри С.С. 2007-жылы 1,50 гектар "айыл чарба" категориясындагы жер тилкесин Б.А. аттуу жаранга мыйзамсыз берип салгандыгы үчүн кылмыш иши козголду

Тергөө бөлүмүнө мамлекеттик мекемелердин кызматкерлери тарабынан жер тилкесин мыйзамсыз берүү фактысы боюнча ыкчам материал келип түшкөн.

2007-жылдын 22-декабрында Баткен шаарынын жергиликтүү өз алдынча башкаруусунун мурдагы башчысы С.С. Кыргыз Республикасынын Б.А. аттуу жаранынын наамына Баткен шаарынын аэропортунун кварталынын Туура-Таш массивинин аймагынан 1,50 га жер тилкесин берүү жөнүндө токтом чыгарган.

Ошону менен бирге, 2019-жылдын 16-августунда жогоруда көрсөтүлгөн токтомдун негизинде Баткен районунун жергиликтүү каттоо органы тарабынан Б.А.нын наамына Ч сериясындагы айыл чарба багытындагы жер тилкенин мамлекеттик актысы түзүлүп берилген.

Баткен облустук мамлекеттик архивинин жообуна ылайык, жогоруда аталган токтом сактоого берилген эмес, Кыргыз Республикасынын Өкмөтүнө караштуу “Кыргызмамжердолбоорлоо” жер жайгаштыруу мамлекеттик долбоорлоо институту” мамлекеттик ишканасынын Баткен боюнча жер жайгаштыруу экспедициясынын жообуна ылайык бул жер 1992-жылдан бүгүнкү күнгө чейин жайыт жана башка категориялар катары саналып келет. 

Бул факты боюнча КР Кылмыш-жаза кодексинин 346-беренесинин 1-бөлүмүндө (Кызматтык жасалмачылык) боюнча каралган кылмыштын негизинде кылмыш иши козголду.

Азыркы учурда тергөө иш-чаралары жүрүүдө, анын жыйынтыгында юридикалык баа берилет.

УКМК: Айыл чарба багытындагы жерлерди мыйзамсыз сатуу фактысы боюнча КР жараны “И.Г.” абакка киргизилди

КР УКМК Кара-Суу районунун Нариман айыл аймагындагы жеке турак жай куруу үчүн айыл чарба багытындагы жерлерди мыйзамсыз сатуу фактысы боюнча Кылмыштардын жана жоруктардын бирдиктүү реестрине катталган сотко чейинки өндүрүштүн алкагында, 2021-жылдын 10-декабрында Кыргыз Республикасынын “И.Г.” аттуу жараны УКМК тергөө камак жайынын убактылуу кармоочу жайына киргизилди.

Мындан тышкары, бул ишке тиешеси бар башка адамдын жашаган жери жана иштеген жери боюнча тинтүү жүргүзүлүп, анын натыйжасында 1000ден ашык жер тилкесине (үлүшкө) жеке менчик жөнүндө күбөлүктөрдүн жаңы бланкалары, паспорттордун көчүрмөлөрү, ар бир мыйзамсыз өзгөртүлгөн айыл чарба жерлеринин расмий жана азыркы ээлеринин тизмелери табылган.

Мурда бул факт боюнча Нариман айыл өкмөтүнүн башчысы “Н.Х.”, анын шериги “М.С.”, ошондой эле Кара-Суу районунун “Кадастр” мамлекеттик ишканасынын мурдагы жетекчилери “Б.Б.” жана “Ш.С.” кармалган болчу.

Чүйдө жер тилкесин алып берем деп 8 адамды ири суммаларга алдап, качып жргөн 57-жаштагы жаран кармалды

2021-жылдын 8 май күнү Сокулук РИИБна арыз менен Бишкек шаарынын тургуну 60-жаштагы Т.Г. атту жаран кайрылган, себеби 2014-жылдын август айында Сокулук районуна караштуу Ново-Павловка айылында жайгашкан 10 сотых жер тилкесин О.Ч. аттуу жарандан 300 000 сомго сатып алып, бирок ал жер тилкени көрсөтүп бербестен изин суутуп качып кеткен.
Аталган факт Сокулук РИИБнун КЖБРне катталып, Кыргыз Республикасынын ЖКнин 204-беренеси (алдамчылык) фактысы  менен катталып сотко чейинки өндүрүш иши башталган.
Чүй ОИИББнын Криминалдык милиция кызматкелери жана Сокулук РИИБнүн кызматкерлери менен биргеликте жүргүзүлгөн ыкчам иш-чаралардын жүрүшүндө аталган кылмышка шектүү катары мурда сот жообуна тартылган 57-жаштагы О.Ч. кармалган. Кыргыз Республикасынын ЖПКнин 95-беренесине ылайык Сокулук РИИБнун убактылуу кармоочу жайга  киргизилген.
Азыркы учурда О.Ч. карата жогоруда көрсөтүлгөн фактыдан башка 8 фактысы Сокулук РИИБнүн тергөө кызматында тергелип жатат.

Меню