Menu

Паракорлор

ИИМ: Президенттик ак сарайды куруп жаткан чет элдик инвесторду коркутуп, $200.000 доллар талап кылган Төлөн Нурбаев кармалды

Үстүбуздөгү жылдын 24-сентябрь күнү КР ИИМдин тергөө кызматына Х.С. аттуу башка мамлекеттин жараны арыз менен кайрылган. Анда, 2023-жылдын 22-августунан 16-сентябрына чейинки убакытта Н.Т. аттуу арыздануучунун таанышы «Ислам» жана «Фазиль» аттуу уулдары менен кылмыштуу сүйлөшүп, белгисиз маркадагы ок атуучу курал менен анын үй-бүлөсүнө зыян келтиребиз деп коркутуп, башка өлкөнүн үч жаранына арыздануучуга карата арыз жазууга мажбурлашкан. Анда, Президенттик администрациянын жаңы имаратын куруп жаткан жумушчулардан ар биринен 150 миң сом акча каражатын алган деп билдирген.
2023-жылдын 16-сентябрь күнү саат 21:00 чамасында Т.Н. Бишкек шаарындагы үйлөрдүн биринде болуп, Х.С.ны каматам деп жана жогорку кызматтагы адамдар менен коркутуп, республиканын укук коргоо органдары ага карата материалдарды жана арыздарды чогултуп жаткандыгы тууралуу терс маалыматтарды берип, дагы бир жолу жакшылап ойлонорун айтып кеткен.
2023-жылдын 17-сентябрь күнү саат 20:30 чамасында Т.Н. борбор калаада жайгашкан кафелердин биринде Х.С.ны шантаж кылууну улантып, жумушчулардын арызы менен коркутуп, 200 миң АКШ долларын талап кыла башташкан.
Ошол эле күнү бул кылмыш ишинин алкагында 1978-жылы туулган Н.Т.нын жашаган жерине тинтүү жүргүзүлүп, анын “BMW X7” үлгүсүндөгү унаасынан өзгөчө жыты бар кочкул жашыл түстөгү баңги заты, темир кастети жана 11 даана патрондор табылып, алынган.
Аталган кылмыш ишинин алкагында 2023-жылдын 24-сентябрында Кыргыз Республикасынын Кылмыш-процессуалдык кодексинин 96, 97-беренелерине ылайык, 2001-жылы туулган Н.И., 1997-жылы туулган М.Ф., башка өлкөнүн жараны кармалып, Бишкек ШИИББнын убактылуу кармоочу жайына киргизилген.
Ал эми, 2023-жылдын 25-сентябрында Кыргыз Республикасынын Жазык-процессуалдык кодексинин 96, 97-беренелерине ылайык 1978-жылы туулган Н.Т. кармалып, Бишкек ШИИББдин убактылуу кармоочу жайына киргизилген.
Учурда тергөө амалдары жүрүп жатат.

УКМК: Улуттук университет менен Бишкек мамлекеттик университетинин жетекчилери Кытай берген гранттык орундарга студенттерди кабыл алууда ар биринен $900 пара алып кармалышты

Республиканын мамлекеттик университеттериндеги коррупцияны аныктоо боюнча иш-чаралардын алкагында, Ж.Баласагын атындагы Кыргыз улуттук университетинин жана К.Карасаев атындагы Бишкек мамлекеттик университетинин факультеттеринин жетекчилери тарабынан уюштурулган, Кытай Эл Республикасындагы гранттык орундарга окууга кабыл алуу үчүн, студенттерден 900 АКШ доллары өлчөмүндө акча каражатын алуу боюнча коррупциялык схема аныкталган. 

Козголгон кылмыш ишинин алкагында жүргүзүлгөн ыкчам-издөө иш-чараларынын натыйжасында пара талап кылгандыгы үчүн «И.Б.М.» жана «А.С.Х.» аттуу жарандар кармалып, өз кезегинде «Б.Р.С.» аттуу жаран КР УКМКнын тергөө камак жайына киргизилди.

УКМК: Ала-Бука райондук “Жайыт комитетинин” төрагасы $1000 пара алып жаткан учурунда кармалды

УКМК тарабынан Ала-Бука районунун Көк-Таш а/а “Жайыт комитетинин” төрагасы К.у.К. акча талап кылуу фактысы боюнча кармалды.

КР УКМКга Өзбекстан Республикасынын жараны, Өзбекстан Республикасынын жарандарына таандык 9 баш бодо малды мыйзамсыз кармап, ээлерине кайтарып берүү үчүн 2000 (эки миң) АКШ доллары өлчөмүндө акча талап кылып жаткан Ала-Бука районунун Көк-Таш а/а “Жайыт комитетинин” төрагасы К.у.К. карата чара көрүү боюнча кайрылган. 

Бул фактынын негизинде УКМК тарабынан КР Кылмыш-жаза кодексинин 208-беренесинин 2-бөлүгүнүн 4-пункттунда (Опузалап талап кылуу) каралган кылмыштын белгилери боюнча кылмыш иши козголгон.

Ыкчам-иликтөө иш-чараларынын жүрүшүндө жаран К.у.К. талап кылынган акча каражатынын бир бөлүгү 1000 АКШ доллары өлчөмүндөгү сумманы алып жаткан жеринен кармалып, КР Кылмыш-жаза процессуалдык кодексинин 96-беренесине ылайык КР УКМКнын Жалал-Абад облусу боюнча башкы башкармалыгынын тергөө-абагынын убактылуу кармоочу жайына 2 айлык мөөнөткө киргизилди.

Учурда тергөө иштери уланууда

Президент Садыр Жапаровдун жардамчысын коркутуп, $300.000 пара алып жаткан экс-чиновник кармалды

Улуттук коопсуздук боюнча мамлекеттик комитет (УКМК) Инвестицияны илгерилетүү жана коргоо агенттигинин мурдагы жетекчиси Данияр Акматов кармалганын билдирди. Ал президенттин жардамчысынан 300 миң доллар талап кылууга шек саналууда.

Атайын кызматтын маалыматына караганда, “ал колундагы чагымчыл материалдарды маалымат каражаттарына берүү менен коркутуп, акча талап кылган”.

Бул факты боюнча Кылмыш-жаза кодексинин 208-беренесинин негизинде кылмыш иши козголуп, 6-сентбярда сураган акчасынын бир бөлүгүн алып жаткан учурда колго түшкөн. Ал УКМКнын убактылуу кармоочу жайына киргизилген.

Атайын кызмат шектүүнүн акча которууга байланыштуу телефондон сүйлөшкөн аудиосун таратты. Анда ал акча биткоин түрүндө жөнөтүлүшү керектигин айткан.

Данияр Акматов социалдык тармактын активдүү колдонуучуларынын бири. Соңку учурда өкмөттүн ККМге байланыштуу чечимин сындап, электр энергиясын үнөмдөөдөн мурда майнинг компанияларды тыюу керек экенин жазган.

Акматов Инвестицияны илгерилетүү жана коргоо боюнча агенттиктин директору болуп 2020-жылы октябрда дайындалган. 2021-жылдын башында кызматтан кеткен.

УКМК: Бишкектин Октябрь райондук милициясынын тергөөчүсү кылмыштардын далилдерин бурмалагандыгы үчүн камакка алынды

КР УКМК тарабынан укук коргоо органдарындагы коррупцияга каршы жүргүзүлүп жаткан күрөштүн алкагында, Кыргыз Республикасынын Кылмыш-жаза кодексинин 361-беренесинин 2-бөлүгү жана 337-беренеси (далилдерди бурмалоо жана кызматтык абалынан кыянаттык менен пайдалануу) боюнча кылмыш ишинин материалдарынын негизинде, 2023-жылдын 4-сентябрында Токмок шаарынын ИИБнын тергөө кызматынын мурдагы улук тергөөчүсү (азыр Бишкек шаарынын Октябрь РИИБнын  тергөөчүсү) С.Ж.А. кармалды.

Токмок шаарынын ИИБнын тергөө кызматынын тергөөчүсү С.Ж.А. анын өндүрүшүндө кылмыш иши Кыргыз Республикасынын Жазык-процесстик кодексинин талаптарын одоно бузуп, эки жүргүнчүнүн өлүмүнө алып келген, жол-транспорт кырсыгын тергөөгө, ошондой эле далилдерди чогултууда шалаакылык менен мамиле кылган. Ошондой эле, жабырлануучу тарабынан келтирилген материалдык далилдер эске алынбай, процессуалдык нормалар бузулуп, кылмыш иши бир жактуу тергелүүгө алып келген.

Мындан тышкары, эксперт А.Ө. менен алдын ала сүйлөшүп алып, тергөө амалдарын бурмалоо менен, алар каза болгон адамга мүнөздүү болбогон кырсык учурундагы дене жаракаттарын көрсөтүшкөн.

2023-жылдын 4-сентябрында Кыргыз Республикасынын УКМК тарабынан Токмок шаарынын ИИБнын тергөө кызматынын мурдагы улук тергөөчүсү (азыр Бишкек шаарынын Октябрь РИИБнын  тергөөчүсү) С.Ж.А. кырсыктын күнөөкөрүнүн кызыкчылыгы үчүн далилдерди бурмалоо жана кызмат абалынан кыянаттык менен пайдалануу жолу боюнча мыйзамсыз аракеттер аныкталган.

Кармалган С.Ж.А. Кыргыз Республикасынын Жазык-процесстик кодексинин 96-беренесине ылайык КР УКМКнын тергөө камак жайынын убактылуу кармоочу жайына киргизилип, учурда тиешелүү тергөө амалдары жүргүзүлүүдө.

Милиционерди коркутуп 60 миң сом пара алып жаткан блогер Алина Жумагулова кармалды - видео

КР УКМК тарабынан жүргүзүлүп жаткан ыкчам-издөө иш-чаралардын алкагында, Чүй облусунун Сокулук айылындагы мейманканалардын биринин аймагында кызматтык унаанын жүргөндүгү боюнча видеороликти таркатам деп коркутуп, Чүй облусунун ИИББ Жол кыймылынын коопсуздугун камсыздоо башкы башкармалыгынын кызматкеринен  60 миң сом өлчөмүндө акча каражатын интернет-блогер А.Джумагулова талап кылгандыгы аныкталган.

Бул факты боюнча Кыргыз Республикасынын Кылмыш-жаза кодексинин 208-беренеси (Опузалап пара талап кылуу) менен кылмыш иши козголуп, 2023-жылдын 30-августунда ыкчам-тергөө иш-чараларынын жүрүшүндө блогер А.Джумагулова 60000 миң сом өлчөмүндөгү акча каражатын алып кармалып, КР УКМКнын тергөө камак жайынын убактылуу кармоочу жайына киргизилди.

Учурда тиешелүү ыкчам-иликтөө иш-чаралары жүргүзүлүүдө.

 

 

Ысык-Көл райондук салык кызматынын башкы инспектору 50.000 сом пара алып жаткан жеринен кармалды

Кыргыз Республикасынын Президентинин “Чакан жана орто бизнести колдоо жөнүндө” Жарлыгын ишке ашыруу максатында, Кыргыз Республикасынын УКМКсы тарабынан пара талап кылуу фактысы боюнча козголгон кылмыш ишинин алкагында жүргүзүлгөн ыкчам-издөө иш-чаралардын жүрүшүндө, 2023-жылдын 30-августунда Салык кызматынын Ысык-Көл облусунун Ысык-Көл району боюнча атайын текшерүүлөр бөлүмүнүн башкы инспектору А.И.К. жеке ишкерден 50 миң сом өлчөмүндө пара алып жаткан жеринен кармалды. Салык кызматкери көрсөтүлгөн акча каражаттарын контролдук-кассалык машинаны (ККМ) орнотуу боюнча оң чечим чыгарып берүү үчүн опузалоо жолу менен талап кылган.

Белгилей кетсек, салык кызматкери эгер көрсөтүлгөн сумманы берүүдөн баш тартса, айып пул жана кошумча салыктык төлөмдөрүн төлөтөөрүн айтып, коркуткан.

Учурда тиешелүү ыкчам-иликтөө иш-чаралары жүргүзүлүүдө.

УКМК: Бишкекте бир жуманын ичинде 4 мектеп директору пара менен кармалды

КР УКМК жаңы окуу жылынын башталышынын алдында Бишкек шаарынын билим берүү системасында окуучуларды 1-класска кабыл алуу жана  бир мектептен экинчисине которууда мыйзамсыз түрдө акча талап кылуу, коррупциялык көрүнүштөрдү жоюу боюнча максаттуу иш-чаралардын комплексин жүргүздү. 

2023-жылдын 1-сентябрында окуучуну башка мектепке которуу маселеси оң  жагына чечилиши үчүн 5000 сом өлчөмүндө акча каражатын алган  борбор калаадагы мектептердин биринин дагы бир директору А.Г.Б.  кармалып, УКМКнын тергөө абагынын убактылуу кармоочу жайына киргизилген. 

КР УКМК КР Президентинин 2023-жылдын 26-майындагы №136 “Балдардын акысыз билим алууга укуктарын ишке ашыруунун мамлекеттик кепилдиктерин камсыз кылуу боюнча чаралар жөнүндө” Жарлыгына ылайык, мектептерде, мамлекеттик билим берүү уюмдарында мыйзамсыз акча чогултууга жана  ар кандай коомдук фонддорду түзүүгө тыюу салынат жана бардыгы  Кыргыз Республикасынын мамлекеттик бюджетинен камсыздалат деп жазылган.

Буга байланыштуу КР УКМК билим берүү мекемелеринин жетекчилерин мыйзамсыз, анын ичинде мектептерде ар кандай коомдук фонддорду түзүү жолу менен акча  чогултуу практикасынан баш тартууга  жана мындай фактылар үчүн кылмыш жоопкерчилигине тартыларын эскертет.

УКМК: $8000 опузалап, $4000 пара алып жаткан жеринен КР Башкы прокуратурасынын тергөөчүсү кармалды

Кыргыз Республикасынын УКМК опузалап акча каражатын талап кылуу жана пара алуу фактысы боюнча Башкы прокуратуранын өзгөчө маанилүү иштер боюнча улук тергөөчүсү, юстициянын майору З.У.К. жана анын шериги «М.У.А. кармалды.

Такталгандай, кармалган прокуратура кызматкери тергелип жаткан кылмыш иши боюнча маселени оң тарапка чечип берүү үчүн чет элдик компаниянын өкүлдөрүнөн бир нече жолу опузалап талап кылып, пара алганы аныкталды. Ошол эле учурда кылмыш ишин башка органга өткөрүп бергенине карабай, прокуратуранын тергөөчүсү инвесторлорду кылмыш жоопкерчилигине тартуу менен коркутуп, 8 миң АКШ доллары өлчөмүндө акча каражатын алган.

Бул фактылар боюнча КР Кылмыш-жаза кодексинин 343-беренесинин 2-бөлүм (Опузалап пара талап кылуу) боюнча кылмыштын негизинде облустун башкы башкармалыгы кылмыш ишин козгогон.

4000 АКШ доллары өлчөмүндөгү сумманын бир бөлүгү Ош шаарында М.У.А. аттуу ортомчусу аркылуу прокуратуранын тергөөчүсү тарабынан алынган. 

Учурда прокуратуранын тергөөчүсү жана анын шериги Жалал-Абад шаардык сотунун санкциясы менен КР УКМКнын Жалал-Абад областынын башкы башкармалыгынын тергөө камак жайына 2 айга камакка алынды.

Тергөө иштери уланууда.

Айыл чарба министрлигинин жер-суу көзөмөл кызматынын жооптуу кызматкерлери $4000 пара алып жаткан жеринен кармалышты

Үстүбүздөгү жылдын 10-август күнү Кыргыз Республикасынын ИИМдин Тергөө кызматына О.С. атуу жаран “Айыл чарба министрлигине караштуу жер жана суу көзөмөлү боюнча кызматынын” жетекчилигине, ошондой эле жерге-суу көзөмөл кызматынын Чүй-Бишкек региондор аралык башкармалыгынын башчысы М.Ш. лар көп өлчөмдөгү айып салам деп коркутуп-үркүтүү жолу жана опузалоо менен, маселени оң жагына чечүү үчүн акча талап кылып жатат, ошол себептен чара көрүп берүүнү суранып кайрылган.
Бул факт боюнча ИИМдин Тергөө кызматы тарабынан кылмыш иши козголуп, кылмыштырдын бирдиктүү рэестирине катталып, Кыргыз Республикасынын Кылмыш-жаза кодексинин 343 беренесинин 4-бөлүгүнүн 4-пунктунда каралган кылмыштын белгилери опузалап пара алуу боюнча кылмыш иши козголгон.
2023-жылдын 11-август Кыргыз Республикасынын ИИМдин кылмыш иликтөө башкы башкармалыгынын үчүнчү башкармалыгынын кызматкерлери тарабынан ыкчам-тергөө иш-чараларынын жүрүшүндө Разаков-Киев көчөлөрүнүн кесилишинен 4000 АКШ доллары өлчөмүндө акча каражаты алынып жаткан жеринен, Чүй-Бишкек региондор аралык жер суукөзөмөл кызматынын башкармалыгынын башчысы Д.Р, Ошол эле минитрликтин жер- суу көзөмөл кызматынын Чүй-Бишкек региондор аралык башкармалыгынын бөлүм башчысы М.Ш. кармалышкан.
Учурда тегөө уланууда жана бул кылмышка тиешеси бар башка адамдар боюнча ыкчам-тергөө иш-чаралары жүргүзүлүүдө.

Меню