Menu

Руслан Казакбаев

Руслан Казакбаев «Анталия дипломатиялык форумунда» сөз сүйлөдү

Ушул жылдын 19-июнунда Кыргыз Республикасынын тышкы иштер министри Руслан Казакбаев «Анталия дипломатиялык форумунда» сөз сүйлөдү. Бул тууралу ТИМдин  басма сөз кызматы билдирет.

Министр Р.Казакбаев өз сөзүндө Анталия форуму инновациялык дипломатиялык ыкмаларды колдонуу менен коопсуздукту, тынчтыкты жана туруктуулукту сактоо максатында кызматташууну өнүктүрүү үчүн салттуу жана абройлуу глобалдык аянтчага айланат деп ишеним артты.

Ушул форумдун жыйынтыгында дүйнөлүк коомчулук саясий, экономикалык, экологиялык жана гуманитардык туруктуулукка, эл аралык күн тартибинин актуалдуу маселелери боюнча көз караштардын жана позициялардын биримдигине жетише алат деген ишенимин билдирди.

Министр Р.Казакбаев өз сөзүндө мамлекеттер аралык талаш-тартыштарды бир гана тынчтык жолу менен жана сүйлөшүүлөр аркылуу чечүү зарылдыгын белгиледи. Бул контекстте ал жакында кыргыз-тажик чек арасында орун алган жаңжалды эскерип, тараптар аны дипломатиялык ыкмалар менен чечүүгө умтулгандыгын белгиледи.

Учурда дүйнөдө түзүлүп жаткан геосаясий архитектурасын белгилеген Министр Р.Казакбаев Азия континентиндеги интеграциялык процесстердин маанилүүлүгүн баса белгиледи. Ал катышуучуларды регион менен жалпысынан континенттердин ортосундагы соода-экономикалык, транзиттик, транспорттук, энергетикалык жана маалыматтык технологиялык өз ара аракеттенүүнү активдештирүүгө чакырды.

Бул контекстте Кыргызстандын Тышкы иштер министрлигинин башчысы кылымдар бою сыналган “Жибек Жолунун” элдери орноткон регионалдык байланыштарды пайдаланууну сунуш кылды. Тактап айтканда, Министр Р.Казакбаев Баку – Тбилиси – Карс темир жол долбооруна кошулганда, Кытайга материк аркылуу Европа менен байланышууга мүмкүнчүлүк бере турган Кытай – Кыргызстан – Өзбекстан сыяктуу Азия байланыш магистралдарын өнүктүрүү зарылдыгын белгиледи. Ал туруктуулукту, коопсуздукту сактоо жана чыр-чатактарды болтурбоо үчүн мамлекеттердин жана элдердин тышкы саясатын активдештирүү үчүн ишеним чараларын иштеп чыгуу механизмдерин иштеп чыгууну сунуш кылды.

Заманбап дүйнө түзүлүшүндө Евразия континентинин жана түрк мамлекеттеринин мааниси өсүп жаткандыгын белгилеген Министр Р.Казакбаев келечектүү адамдык, интеллектуалдык, энергетикалык, транзиттик жана транспорттук ресурстарга ээ болгон Борбордук Азия өлкөлөрүнүн жана элдеринин өзгөчө ролун баса белгиледи.

Сөзүнүн аягында Министр Р.Казакбаев Түркия Өкмөтүнө жана Президент Р.Т.Эрдоганга эл аралык форумду мыкты уюштургандыгы, меймандостугу жана Кыргызстан менен чет өлкөлүк өнөктөштөрдүн ортосундагы кызматташтыкты өнүктүрүү маселелерин талкуулоо үчүн эки тараптуу жана көп тараптуу форматта жолугушууларга мүмкүнчүлүк бергендиги үчүн ыраазычылык билдирди.

Руслан Казакбаев Хорватиянын, Черногориянын жана Румыниянын тышкы иштер министрлери менен жолугушту

Ушул жылдын 18-июнунда «Анталия дипломатиялык форумунун» алкагында Кыргыз Республикасынын Тышкы иштер министри Руслан Казакбаев Хорватиянын Тышкы жана Европа иштери боюнча министри Гордан Радман, Черногориянын Тышкы иштер министри Джордже Радулович жана Румыниянын Тышкы иштер министри Богдан Ауреску менен бир катар жолугушууларды өткөрдү.
Министр Р.Казакбаев европалык кесиптештерине өлкөдөгү ички саясий реформалар жөнүндө кыскача маалымат берди. Атап айтканда, Президенттик шайлоо жана референдум өткөрүлүп, анын жыйынтыгында Кыргыз Республикасынын жаңы Конституциясы кабыл алынгандыгы тууралуу маалымдады. Кыргызстандын мамлекеттик ишинин бардык чөйрөлөрүндө пландаштырылып жаткан масштабдуу реформаларга токтолду.
Жолугушуулардын жүрүшүндө эки тараптуу саясий, экономикалык жана маданий-гуманитардык кызматташтыкты чыңдоо маселелери талкууланды. Европа өлкөлөрү менен жакынкы, орто жана узак мөөнөттүү перспективада ушул тармактарда мындан ары өз ара аракеттенүү үчүн “жол картасын” иштеп чыгуу максатында тараптардын ар бири менен тышкы иштер министрлеринин орун басарларынын деңгээлинде министрликтер аралык консультацияларды өткөрүү жөнүндө макулдашууларга жетишилди.
Министр Р.Казакбаев европалык кесиптештерин ушул жылдын ноябрь айында Кыргыз Республикасында өтө турган ЕБ-БA Биринчи экономикалык форумуна катышууга чакырды.
Мындан тышкары, жогоруда аталган мамлекеттердин тышкы саясат ведомстволорунун жетекчилери менен эки тараптуу кызматташуунун укуктук-келишимдик базасын кеңейтүү маселелери талкууланды. Жолугушуулардын жыйынтыгында айыл чарба, маданият, спорт жана жаштар саясаты, ошондой эле билим берүү жана илим жаатында өкмөттөр аралык макулдашуулардын долбоорлору тапшырылды.
Европалык өнөктөштөр Кыргыз Республикасынын жаңы шайланган бийлигин жана өлкөдө жүрүп жаткан саясий реформаларды саясий жактан колдой тургандыктарын ырасташты.
Мындан тышкары, хорватия тарап коронавирус инфекциясына каршы вакциналарды берүүгө даяр экендигин билдирди.
Кыргыз Республикасынын, Черногориянын, Хорватиянын жана Румыниянын тышкы иштер министрлери тараптардын БУУнун Коопсуздук Кеңешинин туруктуу эмес мүчөлүгүнө, ошондой эле БУУнун Адам укуктары боюнча кеңешине жана БУУнун шайлануучу башка органдарына талапкерлигине өз ара колдоо көрсөтүү жөнүндө макулдашышты.
Румыния тарап менен дипломатиялык мамилелердин түзүлгөндүгүнүн 30 жылдыгына арналган бир катар иш-чараларды өткөрүү жөнүндө макулдашууга жетишилди.

КР тышкы иштер министри Руслан Казакбаевдин төрагалыгынын астында Европа Биримдиги менен кызматташуу боюнча Координациялык кеңештин 12 - жыйыны болуп өттү

Бүгүн, 16-июнда Кыргыз Республикасынын тышкы иштер министри Руслан Казакбаевдин төрагалыгынын астында Европа Биримдиги менен кызматташуу боюнча Координациялык кеңештин 12 – жыйыны болуп өттү. Бул тууралу ТИМдин  басма сөз кызматы билдирет.

Иш-чарага Европа Биримдигинин Кыргыз Республикасындагы Өкүлчүлүгүнүн делегациясы, Кеңештин мүчөлөрү жана министрликтер менен ведомстволордун өкүлдөрү катышты.

Жолугушуунун күн тартибине Европа Биримдигинин Кыргыз Республикасы үчүн Көп жылдык индикативдик программасынын жана 2021-2027-жылдарга Борбордук Азия үчүн Аймактык индикативдик программасынын алкагындагы эки тараптуу жана регионалдык кызматташтык маселелери, ошондой эле кызматташтыктын артыкчылыктуу багыттары боюнча долбоорлорду ишке ашыруу: билим берүү, социалдык коргоо, мыйзамдуулук, шайлоо тутуму, санариптештирүү, курчап турган чөйрөнү коргоо жана жашыл экономика, анын ичинде COVID-19 антикризистик чаралар пакети киргизилди жана талкууланды.

Өзгөчө көңүл Евро Биримдигинин Кыргыз Республикасында негизги программаларын ишке ашыруунун алкагында өз ара аракеттенүүнү өркүндөтүү маселесине, биринчи кезекте бюджеттик колдоого, аймактарды өнүктүрүүгө жана санариптештирүүнү илгерилетүүгө, ошондой эле суу ресурстарын башкарууга багытталган чараларга бурулду.

Кыргыз Республикасы менен Европа Биримдигинин ортосундагы кеңейтилген өнөктөштүк жана кызматташтык жөнүндө Макулдашуунун долбооруна кол коюу үчүн даярдык иштерин аяктоо зарылдыгы белгиленди.

Жолугушуунун катышуучулары эки тараптуу жана регионалдык программаларды, ошондой эле программалык жана долбоордук иш-чаралар боюнча Евро Биримдик  менен кызматташтыкты чыңдоо боюнча демилгелерди илгерилетүүнүн маанилүүлүгүн белгилешти.

Консультативдик кеңештин жыйынынын жыйынтыгы боюнча протокол кабыл алынды, анда жетишилген макулдашуулар жана эки тараптуу кызматташууну мындан ары өнүктүрүүгө жана Европа Биримдигинин Кыргыз Республикасындагы программаларынын жана долбоорлорунун натыйжалуулугун жогорулатууга багытталган иш-чаралар комплекси чагылдырылды.

Сауд Аравия Падышачылыгынын Кыргызстандагы элчиси Ибрагим Аль-Ради КР тышкы иштер министри Руслан Казакбаевге ишеним грамоталарынын көчүрмөлөрүн тапшырды

Бүгүн, 14-июнда Сауд Аравия Падышачылыгынын Кыргыз Республикасындагы Атайын жана Ыйгарым укуктуу Элчиси Ибрагим Аль-Ради мырза Кыргыз Республикасынын тышкы иштер министри Руслан Казакбаевге ишеним грамоталарынын көчүрмөлөрүн тапшырды.

Жолугушуунун жүрүшүндө Министр Р.Казакбаев дипломатиялык миссиянын башчысын кызматка дайындалышы менен куттуктап, ар бир тарапты кызыктырган ар кандай чөйрөлөрдөгү эки тараптуу кызматташуу маселелерин талкуулады. Тараптар кыргыз-сауд мамилелерине эки тараптуу жана көп тараптуу форматта дагы кошумча динамика берүү жана өз ара аракеттенүүнү кеңейтүү зарылдыгына токтолушту.
Ошол эле учурда, Элчи И.Аль-Ради, Сауд Арабия бийлигинин чечимине ылайык коронавирус инфекциясынын жайылышына жол бербөө үчүн кошумча чараларды көрүү максатында, быйыл Меккеге (Ажылык) зыярат кылуу Covid-19 илдетине каршы вакцина алган Сауд Аравия жарандарына жана САП жашаган чет мамлекеттик жарандарга гана уруксат берүү менен өтө тургандыгын айтты.
Өз кезегинде, Министр Р.Казакбаев кыргыз тарап эпидемиологиялык кырдаалды эртерээк турукташтырууга үмүттөнүп, бул чечимге түшүнүү менен мамиле кыларын белгилеп, жогоруда айтылган маалыматтар тиешелүү мамлекеттик органдарга жана Кыргызстан мусулмандарынын дин башкармалыгына жеткирилет деп ишендирди.
Ошондой эле Элчи И.Ал-Ради Сауд Аравия Падышалыгынын Тышкы иштер министри Фейсал бин Фархан Аль Сауддун Кыргыз Республикасына ушул жылдын июль айынын ортосунда келүү ниети жөнүндө маалымдады.
Бул иш-чаранын маанилүүлүгүн эске алып, Министр Р.Казакбаев кыргыз тараптын Сауд Аравия Падышалыгынын Тышкы иштер министрлигинин башчысын кабыл алууга даяр экендигин билдирди.
Меню