Menu

Ууру

Аламүдүн районунда бирөөнүн үйүнөн $3800 жана алтын буюмдарын уурдап кеткен шектүү кармалды

Үстүбүздөгү жылдын 2-февралында Аламүдүн РИИБүнө 1985-жылы туулган Б.А. арыз менен кайрылып, 2-февраль күнү саат 13:00дөн 19:00гө чейинки убакыт аралыгында анын үйүнүн тересин сындырып бирөөлөр киришип, 3800 долларын жана зер буюмдарын уурдап кетишкенин билдирген.
Бул факты кылмыштардын бирдиктүү реестрине Кыргыз Республикасынын Кылмыш-жаза кодексинин 205-беренеси (Уурдоо) боюнча катталган.
Чүй облусунун ИИББнын жана Аламүдүн РИИБдүн кылмыш иликтөө кызматкерлери тарабынан жүргүзүлгөн ыкчам издөө иш-чараларынын негизинде жогорудагы кылмышка шектелип 1992-жылы туулган А.С. аттуу жаран кармалып, тергөө абагына камакка алынган.
Сотко чейинки өндүрүш иштери улантылууда.

Меню