Menu

Акинай Бекмурзаева

"Ихсан" кооперативинин жетекчиси 8-сентябрга чейин камалды

“Ихсан” турак жай кооперативинин жетекчиси Акинай Бекмурзаева Биринчи май райондук сотунун чечими менен 8-сентябрга чейин Бишкектеги №1 тергөө абагына киргизилди. Бул тууралуу райондук соттун кеңсе кызматы кабарлады.

Ички иштер министрлиги Бекмурзаева Кылмыш кодексинин 209-беренеси (алдамчылык) жана 210-беренеси (ишенип берилген мүлктү ээлеп алуу же коротуу”) менен козголгон кылмыш иштерин тергөөнүн алкагында, 11-июлда кармалганын билдирди. Ага ылайык, “Ихсанга” байланыштуу март айынан бери арыз-даттануулар көп түшкөн. Алдын ала зыяндын өлчөмү 121 млн. 313 миң 950 сом деп эсептелген жана аталган кооператив бул убакытка чейин зыяндын ордун толтурган эмес.

Азырынча аталган кооперативдин өкүлдөрү милициянын маалыматына комментарий бере элек.

ИИМдин маалымдашынча, жыл башынан бери турак жай кооперативдеринин ишмердүүлүгү боюнча 73 кылмыш иши козголуп, 37 материал сотко жөнөтүлгөн.

Расмий маалыматка караганда, мамлекеттик ипотекалык компанияга жана турак жай кооперативдерине 50 миңден ашык үй-бүлө кайрылган.

Кыргызстанда иштеп жаткан турак жай кооперативдеринин так саны белгисиз, мамлекет бул жаатта башкаруу саясатын жүргүзбөйт. Бейрасмий маалыматтар боюнча алардын саны 70тин тегерегинде. Буга чейин Улуттук банк адамдардан каржылык салым чогултуп, анын үстүнө акча кошуп үй алып берүүнү убада кылган ишмердик каржылык пирамиданын элементтерине окшош экенин эскерткен.

ИИМ: "Ихсан" турак жай кооперативинин жетекчиси камалды

“Ихсан” турак жай кооперативинин жетекчиси 46 жаштагы Б. А. Кылмыш кодексинин 209-беренеси (“Алдамчылык”) жана 210-беренеси (“Ишенип берилген мүлктү ээлеп алуу же коротуу”) менен козголгон кылмыш иштерин тергөө алкагында, 11-июлда кармалды.

Ички иштер министрлигинин (ИИМ) басма сөз кызматы кабарлагандай шектүү Бишкек шаардык ички иштер башкармалыгынын убактылуу камоочу жайына киргизилди.

Маалыматка ылайык, ИИМдин тергөө кызматына быйыл март айынан бери өлкөнүн ар кайсы аймагынан “Ихсан групп ЛТД” кооперативине кирген жарандардан көптөгөн даттануулар түшкөн.

“Арыз ээлери кооперативге кирерде түзүлгөн келишим боюнча 4-7% өлчөмүндө кирүү акысын жана автоунаа же турак жай сатып алуу үчүн алынган мүлктүн наркынан 25-35-50% өлчөмүндө баштапкы төлөмдөрүн төлөшкөн. Жарандар ушул убакка чейин салынган акчасына турак жай жана автоунаа алыша элек, ал эми акчасын кайтарып алууну каалаган жарандарга кооперативдин жетекчилиги кайтарып берген эмес”, – деп жазылган маалыматта.

ИИМдин эсебинде жарандардан келип түшкөн арыз-даттануу боюнча жалпы келтирилген зыяндын өлчөмү 121 313 950 сомду түзгөн. “Ихсан Групп ЛТД” кооперативинин жетекчилиги бул убакытка чейин зыяндын ордун толтурган эмес.

Милиция жарандарды мындан ары аталган кооперативге мүчө болбоого чакырып, анын ишмердүүлүгүндө каржы пирамидасынын белгилери бардыгын, жарандар ага салган акчасын кайра ала албай калышы мүмкүндүгүн эскертти.

Бул кылмыш иш боюнча тергөө амалдары жүрүп жатат.

ИИМдин маалымдашынча, жыл башынан бери турак жай кооперативдеринин ишмердүүлүгү боюнча 73 кылмыш иши козголуп, 37 материал сотко жөнөтүлгөн.

Бишкекте “Белый дом КейДжи” кооперативинин ишмердүүлүгү боюнча 37 иш козголуп, 11 млн. сом чыгым аныкталган. Кооперативдин жетекчиси камалган. “Биринчи турак жай” кооперативинин ишмердүүлүгү боюнча кылмыш иши иликтенүүдө. Келтирилген чыгымдын жалпы суммасы 16 миллион сомдон ашык. Арыз менен 30 жаран кайрылган. S-Line кооперативинин ишмердүүлүгү боюнча 19 кылмыш иши иликтенүүдө. Келтирилген чыгым 35 миллион 400 миң сом. Милицияга арыз менен 54 жаран кайрылган.

Расмий маалыматка караганда, мамлекеттик ипотекалык компанияга жана турак жай кооперативдерине турак жайга муктаж 50 миңден ашык үй-бүлө кайрылган.

Кыргызстанда иштеп жаткан турак жай кооперативдеринин так саны белгисиз, мамлекет бул жаатта башкаруу саясатын жүргүзбөйт. Бейрасмий маалыматтар боюнча алардын саны 70тин тегерегинде. Буга чейин Улуттук банк адамдардан каржылык салым чогултуп, анын үстүнө акча кошуп үй алып берүүнү убада кылган ишмердик каржылык пирамиданын элементтерине окшош экенин эскерткен.

Меню