Бажы

ЕАЭБдин бажы чек арасы аркылуу товарларды жана транспорт каражаттарды мыйзамсыз өткөрүү фактыларын аныктоого жана бөгөт коюуга багытталган иш-чаралардын жүрүшүндө, Түштүк-Батыш бажысынын кызматкерлери тарабынан жалпы салмагы 19 тонна 238 кг  жол сумкалары, байпак буюмдары, бекиткичтер жана сыдырмалар – анык эмес декларацияланган товарлар аныкталган. 9 284 294 сом наркындагы товарлар “Д.Г.Ю.” ЖЧКнын дарегине келген. 

Жүргүзүлгөн иш-чаралардын жүрүшүндө тийиштүү төлөмдөрдүн алдын ала суммасы 1 957 658 сомду түзгөн. 

Бул факт Кылмыштардын жана жоруктардын бирдиктүү реестри Эсепке алуу журналына катталган. 

ЕАЭБтин бажы аймагына товарларды жана транспорт каражаттарын мыйзамсыз ташып кирүү/чыгуу фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, “Ыкчам” бажысынын кызматкерлери Ош областынын Ноокат районуна караштуу Онэки-Бел айылында тыюу салынган жүктөрдү ташууга шектелген “С.А.И.,” аттуу жарандын башкаруусундагы “Мерседес-Бенс Спринтер” үлгүсүндөгү автотранспорт каражатын токтотуп текшеришкен. Бул тууралу Мамлекеттик бажынын басма сөз кызматы билдирет.

Жогоруда көрсөтүлгөн транспорт каражатынын жүк бөлүгүнө бажылык текшерүү жүргүзгөн учурда Кыргыз Республикасына чектеш мамлекеттен мыйзамсыз ташылып келе жаткан 40 коробкага салынган 240000 шт., жалпы наркы 1600000 сом болгон акциздик маркасы жок, Бирикен Араб Эмиринде өндүрүлгөн “Milano” соода маркасындагы тамеки продукциясы табылган.

Бул факт Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.