Бизнес-акселератор Accelerate Prosperity

11-март, ишембиде Ош мамлекеттин университетинде бизнес акселератор Accelerate Prosperity компаниясы Youth CUP пре-инкубация программасынын расмий эмес ачылышын өткөрдү. Иш-чаранын ачылышында Accelerate Prosperity, Кыргызпатенттин өкүлдөрү жана тажрыйбалуу ишкерлер Сабина Темиралиева (Макаронная) жана Бактияр Замирбеков (BeGreen) татыктуу идеялары бар жаш стартаптар жана өсүүгө умтулган ишкерлер менен сүйлөштү.

Youth CUP идеясы бар жаштар командалары менен иштешүү аркылуу алардын идеяларын толук кандуу стартапка чейин өсүп жетүүсүнө жардам берүүнү максаттайт.

Программа минималдуу жашоого жарамдуу өнүмгө ээ болгон жаңы бизнестерге, ошондой эле өнүгүү үчүн келечектүү идеясы бар ишкерлерге колдоо көрсөтүп,  насаатчылык кылат. Мыкты долбоорлор өз идеяларын өнүктүрүү үчүн 10 000 доллардай инвестиция ала  алышат.

Accelerate Prosperityнин бизнес-аналитиги Дастан Асылбеков, жаңы баштаган бизнестер үчүн инвестициялык мүмкүнчүлүктөр тууралуу айтып жатып буларга токтолду: “Бүгүнкү күндө Accelerate Prosperity 1 миллион 500 миң доллар инвестиция салды, 500гө жакын бүтүрүүчүлөрдү окутту жана анын портфелинде 48 компания бар. Тагыраагы, ар бир онунчу студент бизден инвестиция ала алады”.

ОшМУ бизнес-инкубаторунун координатору Эрлан Камалов бул иш-чаранын көптөгөн жаш ишкерлерге жакшы башталгыч болуп берерип айтат. “Youth CUP алдына-ала инкубациялоо программасы Ош, Баткен жана Жалал-Абад облустарындагы жаштар үчүн мүмкүнчүлүктөрдү түзүү аркылуу студенттерди, академия чөйрөсүндөгүлөродү жана бизнес лидерлерди бир платформада бириктирүүнү каалайбыз”.

13 март,, 2023-жылы Жалал-Абад, Кыргызстан – Бүгүн Европа Бирлиги жана Ага Хан фонду биргелешип каржылаган Accelerate Prosperity долбоорунун алкагында, Жалал-Абад облусунан тандалып алынган ишкерлер үчүн акселерациялык программаны аяктады.

Буга чейин интервьюнун негизинде 129 ишкерлер ичинен минималдуу жашоого жөндөмдүү 30 компания конкурстук негизде тандалып алынган. Акселерациянын алкагындагы интенсивдүү иш бизнес-трекерлер менен 170 сааттан ашык убакытты камтыды жана бизнес-планга олуттуу таасирин тийгизди. Акселерация мезгилинде 8 ишкана түзүлдү, 11 ишкана 75 жаңы жумуш ордун түзүштү, 4 ишкана уруксат кагаздарын алды, 12 ишкана бизнес процесстерин оптималдаштырды, 3 компания ребрендингди өткөрдү.

Программанын бүтүрүү иш-чарасы демонстрация күнү болду, анда окуу курсун ийгиликтүү аяктаган катышуучулар, 16 ишкерлер, өз компанияларын инвестициялык консультативдик комитетке тааныштырышты жана инвестицияларды масштабдоо үчүн иштелип чыккан стратегияларды сунушташты.

Питчингдин жыйынтыгы боюнча “Аccelerate Prosperity ASIA” долбоордун алкагында 50 000 АКШ долларына чейинки долбоорлорду өнүктүрүүгө инвестиция алуу максатында андан ары комплекстүү баалоо (DD – due diligence) үчүн төмөнкү долбоорлор тандалып алынды: ЖИ “Окенов К.А.”, ЖИ “Тилек Осмонов” и ЖЧК “Нур-Береке Арал”.

Due diligence-тен өткөндөн кийин, компаниялар инвестиция алышат. Ошондой эле, акселерациянын катышуучулары бүтүрүүчүлөрдүн клубуна жана уюмдун андан аркы иш-чараларына мүмкүнчүлүк алышат.

Маалымат үчүн:

Бизнес-акселератор Accelerate Prosperity ASIA долбоорунун алкагында ишке ашырылып Европа Биримдиги жана Ага Хан Фонду тарабынан каржыланат. Долбоор ишкерликти өнүктүрүүгө жана Кыргыз Республикасынын айыл жергесиндеги калктын экономикалык жыргалчылыктын жогорулатууга багытталган.

Ага Хан уюмунун Борбордук жана Түштүк Азиядагы өнүгүү боюнча жаңы глобалдык демилгеси, Accelerate Prosperity-нин миссиясы – өнүгүп келе жаткан экономикалардагы өсүп келе жаткан ишкерлерди жаңы тармактарды өнүктүрүүгө, туруктуу жумуш орундарын түзүүгө жана жамааттарды чыңдоого шыктандыруу болуп саналат. Accelerate Prosperity  техникалык колдоо, чыгармачыл каржылык чечимдер аркылуу туруктуу чакан жана өсүп келе жаткан бизнести өнүктүрүүгө көмөктөшөт.