«Дастан» корпорациясы/Бишкек Мэриясы жана «Моглиевлифтмаштын» ортосунда кызматташууну жолго салуу үчүн Кыргызстандын Белорус Республикасындагы Элчиси Э.Ибраимов менен ТНК «Дастан» ишканасынын коммерциялык директору Могилев шаарына иш сапар менен барышты. Бул тууралу Кыргызстандын Белоруссиядагы элчилиги билдирет.
Сапар учурунда кыргыз делегациясы ОАО «Могилевлифтмаш» өндүрүшү жана чыгарган продукциялары менен таанышып, аталган ишкананын өкүлдөрү менен эки тараптуу сүйлөшүүлөрдү жүргүзүштү.
Эки тараптуу сүйлөшүүлөр учурунда «Дастан» ишканасынын базасында лифтерди куроо боюнча ишкана ачуу мүмкүнчүлүгү, ошондой эле Белорусиянын экспортту колдоо каржылык механизмин колдонуу менен Бишкек шаарына лифтерди алып келүү маселелери талкууланды.
Элчи Э. Ибраимов Бишкек шаарынын лифтик чарбачылыгын жаӊыртуу боюнча эки өлкөнүн ортосундагы аткарылып жаткан иштерди кубаттап, ушул багытта кызматташуну улантууну сунуштады.
Өз кезегинде, белорус тарап Бишкек шаарындагы эскирген жана иштен чыгып калган лифтерди алмашытруу программасына катышууга кызыкдар экенин белгилеп, бул багыт боюнча кыргыз тараптын бардык сунуштарын карап чыгып, колдоого даяр экендигин айтты.