Menu

Италия

Италиянын Неаполь шаарынын «Пьяцца-дель-Плебишито» башкы аянтында Кыргыз Республикасынын Көз карандысыздык күнү майрамдалды

Үстүбүздөгү жылдын 28-августунда Неаполь шаарынын «Пьяцца-дель-Плебишито» («Piazza del Plebiscito») башкы аянтында Кыргыз Республикасынын Эгемендүүлүк күнүнө арналган майрамдык иш-чара болуп өттү, ага Кыргыз Республикасынын Италиядагы Элчиси Таалай Базарбаев, Неаполь шаарынын Вице-мэри Лаура Лието, Касерта шаарынын Мэринин башкы кеңешчиси Винченцо Баттарра, Неаполь, Рим, Болонья, Касерта, Салерно, Римини жана Кальяри (Сардиния аралы) шаарларынан келген кыргыз диаспораларынын өкүлдөрү жана Элчиликтин кызматкерлери катышышты.

Иш-чараны ачып жатып, Кыргызстандын Италиядагы Элчиси Т.Базарбаев жалпы чогулгандарды майрам менен куттуктап, кыргыз элинин каада-салтын, маданиятын, үрп-адатын, тилин сактоонун маанилүүлүгүн эске салды.

Өз кезегинде Неаполь шаарынын Вице-мэри Л.Лието жана Касерта шаарынын Мэринин башкы кеңешчиси В.Баттарра Кыргызстан менен Италиянын маданияттар аралык байланыштарын орнотууга Кампания аймагында жашаган кыргыз диаспорасынын кошкон салымы зор экендигин белгилешти.

Майрамдын программасында “Манас” элдик эпосу, кыргыз фольклорунун чыгармалары, комуз чертүү, кыргыздын улуттук бийлери, ошондой эле кыргыз элинин салттуу жашоосу, маданияты жана каада-салттары тууралуу баяндар көрсөтүлдү.

Ошондой эле Кампания аймагындагы кыргыз диаспорасы салтанаттуу кабыл алуу уюштуруп, анда белгилүү кыргыз сүрөтчүсү А.Шаршекеевдин сүрөттөрүнүн көргөзмөсү болуп, анын жүрүшүндө Элчи Т.Базарбаев Кыргыз Республикасынын Маданият, маалымат, спорт жана жаштар саясаты Министри А.Жаманкуловдун атынан кыргыз диаспорасынын өкүлдөрүнө Үстүбүздөгү жылдын апрель айында «Венеция Биеннале – 2022» эл аралык сүрөт көргөзмөсүндө Кыргызстандын Улуттук павильонунун салтанаттуу аземинин ачылышын даярдоого, ошондой эле иш-чаранын маданий программасын уюштурууга жана өткөрүүгө кошкон салымы үчүн ыраазычылык каттарын тапшырды.

Меню