Кыргызпатент

Бүгүн, 28-июлда Кыргыз Республикасынын Министрлер Кабинетине караштуу Интеллектуалдык менчик жана инновациялар мамлекеттик агенттиги (Кыргызпатент) жана «Курак» Айымдар Форуму» коомдук бирикмеси кызматташтык жөнүндө Меморандумга кол коюшту.

Аталган документке Кыргызпатенттин директору Динара Молдошева жана «Курак» Айымдар Форуму» коомдук бирикмесинин башкармалыгынын төрайымы Айнура Сагынбаева кол койду.

Жолугушууга Интеллектуалдык менчик мамлекеттик фондунун аткаруучу директору Жоодарбек Жумабаев, Мамлекеттик патенттик-техникалык китепкананын директорунун орун басары Касиет Качаганова жана «Курак» Айымдар Форуму» коомдук бирикмесинин аткаруучу директору Нуржан Азимовалар катышты.

Жолугушуунун жүрүшүндө тараптар Кыргыз Республикасындагы аялдардын ишкердигин, ишканалардын интеллектуалдык менчик жана инновациялык активдүүлүгүн өнүктүрүү жаатында эки тараптуу кызматташуунун актуалдуу темаларын талкуулашты.

Динара Молдошева Кыргызпатенттин интеллектуалдык менчик жана инновациялар чөйрөсүндө жүргүзүлүп жаткан иш-аракеттери, долбоорлору: “StartUp Kyrgyzstan” республикалык сынагы, өлкөнүн ЖОЖдорунда бизнес-инкубаторлорду түзүү,  STEAM билим берүүнү өнүктүрүү, Кыргыз Республикасында креативдүү индустрияны өнүктүрүү боюнча иш аракеттер тууралуу айтып берди.

Ошону менен бирге Кыргызпатенттин директору новаторлор жана стартапчылар үчүн идеяларды бизнеске айландыруу боюнча ар түрдүү кызмат көрсөтүүлөрдү сунуштаган жана “Бирдиктүү терезе” принцибинде иштей турган Кыргызпатенттин инновациялык борборун ачуу боюнча долбоордун үстүндө иштеп жаткандыгын белгиледи. Инновациялык борбор заманбап жабдуулар менен камсыздалып, чоң коференц-зал,   коворкинг үчүн заманбап аянтча, мындан сырткары көп функцияналдуу иннвациялык лаборатория менен жабдылат.

Өз кезегинде Айнура Сагынбаева «Курак» Айымдар Форуму» коомдук бирикмеси тарабынан ишке ашып жаткан долбоорлор менен тааныштырды.

Аталаган эки тараптуу келишимдин негизинде тараптар аялдар арасында  инновациялык ишкердикти жайылтуу жана таратуу, инновациялык ишкердикти  өнүктүрүү үчүн шарттарды түзүү, шыктандыруу жана “StartUp Kyrgyzstan” республикалык сынагын өткөрүү жана уюштуруу боюнча иш алып барат.

Кечээ, 9-июнунда Кыргыз Республикасынын Министрлер кабинетине караштуу Интеллектуалдык менчик жана инновациялар мамлекеттик кызматы Бириккен улуттар уюмунун Европа экономикалык комиссиясы (БУУ ЕЭК) жана Азия, Тынч океан өлкөлөрү үчүн социалдык жана экономикалык комиссиясы менен бирге, туруктуу өнүгүү үчүн БАЭАП өлкөлөрүндө инновациялык саясатты колдоо: 2025-жылга чейин Кыргыз Республикасында инновацияларды колдоо инфраструктураларын өнүктүрүү боюнча жол картасын боюнча максатту топтун алгачкы отурумун онлайн форматта өткөрдү.

Аталган отурумдун максаты – БУУ ЕЭКтин эксперттеринин Кыргызпатент менен бирге тыгыз кызматташтыкта иштеп чыккан 2025-жылга чейин Кыргыз Республикасында инновацияларды колдоо инфраструктураларын өнүктүрүү боюнча потенциалдуу  негизги чараларды жана жол картасын өнүктүрүүгө сунушталган келечектүү багыттарды талкулоо, мамлекеттик органдар, бизнес өкүлдөрү жана жарандык коом ортосунда инновацияларды колдоо инфраструктурасын өнүктүрүү чөйрөсүндө инновациялык саясат багытынын негизги багыттары боюнча Жол картасын иштеп чыгунун ар кайсы деңгээлде эффективдүү диалогун камсыздоо.

Катышуучуларга саламдашуу иретинде БУУ ЕЭКнын инновациялык саясат боюнча эксперти Кристофер Этей сөз сүйлөдү. Ал өз сөзүндө Кыргызпатент менен көп жылдан бери ийгиликтүү кызматташып келе жатышканын белгилеп, ЖОЖдордун базасында ачылган бизнес-инкубаторлорду ачуу Кыргыз Республикасынын инновациялар экосистемасын өнүктүрүүгө олуттуу салым кошо тургандыгына тилектештигин билдирди.

Иш-чаранын алкагында Кыргызпатентке караштуу Интеллектуалдык менчик мамлекеттик фондунун аткаруучу директору Жоодарбек Жумабаев Кыргыз Республикасындагы инновацияларды өнүктүрүүнүн келечектүү багыттары менен тааныштырды.

БУУ ЕЭК консультанты жана FutureLab Georgia негиздөчүсү Иракли Кашибадзе башка өлкөлөрдүн тажырыйбасынын негизинде, улуттук келечектүү өнүгүүнү эске алуу менен Кыргызстанда инновациялык саясатты ишке ашыруунун негизги механизмдерин презентациялады.

Инновацияларды колдоо инфраструктураларын өнүктүрүү боюнча төмөнкүлөр конструктивдүү  сын-пикирлерди жана сунуштарды айтышты:

• Румен Добрински – Европа инновациялар альянсынын эксперти (Бельгия);
• Чынгыз Айдарбеков – КРнын экс-тышкы иштер министри, “Инновация” коомдук кыймылынын негиздөөчүсү;
• Женни Жениш кызы – БУУнун өнүктүрүү программасынан, Accelerator Lab жетекчиси;
• Данияр Аманалиев, «Ololo» компаниялар тобунун бизнес-дирижеру;
• Александр Окунев –“Сколково” фондунун КМШ менен регионалдык өнүктүрүү жана өз ара аракеттенүү боюнча вице-президентинин орун басары;
• Елена Чигибаева – “Текайым” коомдук фондунун башкармасынын төрайымы;
• Искендер Шаршеев – директор Центр развития PEAK Bishkek бизнес-инновацияларды өнүктүрүү борборунун директору жана башка өнөктөштөр.

Евразия изилдөө борборунун директору Елена Калюжнова (Рединг университети, Улуу Британия) жана “Бизнес-инкубатор” жаңы ишкердикти баштоо борунун директору (МЭМИ, Россия Федерациясы) Ольга Хотяшева БАЭАП регионунда инкубаторлор аркылуу инновацияларды алгылатуу боюнча БУУ ЕЭКнын жетекчилик Обзору менен тааныштырды. Аталган Обзор эл аралык жана коңшулаш өлкөлөрдүн тажрыйбасына таянып университеттердин базасында бизнес-инкубаторлорду колдоо чараларын жана анын эффективдүү саясатынын негизги принциптерин чагылдырат.