Үстүбүздөгү жылдын 24-январь күнү Бишкек шаарынын Октябрь РИИБна А.А. атуу жаран арыз менен кайрылган. Анда, үстүбүздөгү жылдын 22нен 23чү январь түнү белгисиз бирөөлөр, 5 кичи районунда жайгашкан үйлөрдүн короолорунун биринде токтоп турган «Honda Fit» үлгүсүндөгү автоунаны айдап качып, белгисиз тарапка ишин жашырып кетишкен.
Аталган факт Бишкек шаарынын Октябрь РИИБнын кылмыштардын бирдиктүү реестрына катталып, КРнын Кылмыш жаза кодексинин 211 (Автомототранспорт каражаттарын айдап качуу ) фактысы менен кылмыш иши козголгон.
Ыкчам издөө иш-чараларынын негизинде, Бишкек шаарынын Октябрь РИИБнын үчүнчү шаардык милиция бөлүмүнүн кылмыш иликтөө кызматкерлери тарабынан кылмышка шектүү делип, 1999-жылы туулган Д.У. атуу жарандын өздүгү тартылып, Тергөө кызматынын жеткирилген. Кыргыз Республикасынын Кыргыз Республикасынын Жазык-процесстик кодексинин 96 беренесине ылайык, Бишкек шаардык ИИББнын убактылуу кармоочу жайына камакка алынган. Бишкек шаарынын Октябрь райондук соту тарабынан, Бишкек шаарынын 1-ТКЖда эки айлык мөөнөткө кармоо менен камакка алуу түрүндө бөгөт коюу чарасы колдонулган.
Аталган жазык ишинин алкагында, милиция кызматкерлери тарабынан жол кырсыгын жазап качкан аталган автоунаа табылган. Мындан тышкары, дагы эки кылмыш фактысын жасоого анын мүмкүн катышуусу бар экендиги аныкталган.
Кара-Көл ШИИБне 27 жаштагы шаар тургуну арыз менен кайрылган. Ал өз арызында 2021-жылдын 10-август күнү саат 23:30 чамасында кичи футбол аянтчасында токтоп турган ВАЗ 2103 үлгүсүндөгү автоунаасын ачкычы ичинде турган учурда белгисиз адам уурдап айдап кетип калгандыгын билдирген.
Аталган факты боюнча топтолгон материал Кара-Көл ШИИБдин КЖБРне Кыргыз Республикасынын Жазык кодексинин 206-беренеси (Автотранспорт каражаттарын айдай качуу) менен катталып, сотко чейинки өндүрүш иши ачылган.
Кара-Көл ШИИБдин кызматкерлери тарабынан жүргүзүлгөн ыкчам-иликтөө иштеринин натыйжасында жогорудагы окуяга шектүү катары ИИМде уюшкан кылмыштуу топтун мүчөсү катары каттоодо турган Кара-Көл шаарынын тургуну 1994-ж.т. Т.Н. кармалган. Ал Кыргыз Республикасынын ЖПКнин 98-беренесинин негизинде убактылуу кармоочу жайга киргизилген.
Тергөө амалдары уланууда.