Menu

Нурлан Айтмурзаев

Тышкы иштер министрлиги БУУнун Кыргызстандагы өкүлчүлүгү менен биргеликте Эл аралык тоо күнүнө арналган тегерек стол өткөрдү

Кечээ, 19-декабрда Кыргыз Республикасынын Тышкы иштер министрлиги БУУнун Кыргызстандагы өкүлчүлүгү менен биргеликте Эл аралык тоо күнүнө арналган тегерек стол уюштурду.
Иш-чарада Кыргыз Республикасынын Министрлер Кабинетинин Төрагасынын орун басары Эдил Байсалов, БУУнун Кыргыз Республикасындагы Туруктуу координатору Антье Граве жана ФАОнун Тоо өнөктөштүн катчылыгынын жетекчиси Розалаура Ромео сөзүн сүйлөштү. Иш-чарага ошондой эле дипломатиялык корпустун өкүлдөрү, атап айтканда, Франция Республикасынын, Япониянын элчилери, Кыргыз Республикасынын мамлекеттик органдарынын, ошондой эле Тоо өнөктөштүгүнө кирген бейөкмөт уюмдардын өкүлдөрү катышты.
Кыргыз Республикасынын Президентинин Атайын өкүлү Нурлан Айтмурзаев “Тоолуу аймактарды өнүктүрүү боюнча беш жылдык аракеттер” боюнча доклад жасады. Ал өз сөзүндө кыргыз дипломаттарынын аракети менен 14-декабрда БУУнун Башкы ассамблеясы 2023-2027-жылдарды «Тоолуу аймактарды өнүктүрүү боюнча беш жылдык аракеттер» жарыялаган резолюция кабыл алганын айтты. Бул демилге Кыргыз Республикасынын Президенти Садыр Жапаровго таандык жана БУУнун Башкы ассамблеясынын 76-сессиясынын жалпы дебатында билдирилген.
Атайын өкүл экономика жана соода, илим, билим жана маданият, курчап турган чөйрөнү коргоо, климаттын өзгөрүшү жана табигый кырсыктардын алдын алуу, ошондой эле бул аймактарда эл аралык кызматташуу жаатындагы тоолуу өлкөлөрдүн көйгөйлөрүн чечүүгө багытталган Кыргыз Республикасынын демилгелеринин комплексин жарыялады.
Мындан тышкары, беш жылдык иш-аракеттер планы боюнча өздөрүнүн идеяларын жана сунуштарын Кыргыз Республикасынын Президентинин Аппаратынын Саясий жана экономикалык изилдөөлөр башкармалыгынын мониторинг жана реформалар бөлүмүнүн башчысы Азамат Темиркулов, Кыргыз Республикасынын Жаратылыш ресурстары, экология жана техникалык көзөмөл министринин орун басары Бексултан Ибраимов, БУУнун Азык-түлүк жана айыл чарба уюмунун Кыргыз Республикасындагы өкүлүнүн орун басары Динара Рахманова, Бириккен Улуттар Уюмунун Өнүктүрүү программасынын Кыргыз Республикасындагы өкүлүнүн орун басары Моника Ризал, Органикалык айыл чарба Федерациянын жетекчиси Искендербек Айдаралиев, ошондой эле Кыргызстандан Тоо өнөктөштүгүнө мүчө өкмөттүк эмес уюмдардын өкүлдөрү айтып беришти.
Эркин талкуунун алкагында катышуучулар тоолуу аймактардын күн тартибиндеги актуалдуу маселелерди көтөрүштү, атап айтканда, тоолуу аймактардын тургундарынын көйгөйлүү маселелерин чечүүдө мамлекеттик органдардын жардамынын зарылдыгына токтолушту.
Иш-чаранын алкагында Тоо өнөктөштүгүнүн мүчөлөрүнүн продукцияларынын көргөзмөсү уюштурулду.
Тегерек стол Кыргыз Республикасынын Президенти Садыр Жапаров тарабынан жарыяланган Тоо экосистемаларын жана климаттык туруктуулукту коргоо жылынын, ошондой эле БУУнун Башкы Ассамблеясы тарабынан Кыргыз Республикасынын демилгеси менен жарыяланган тоолорду туруктуу өнүктүрүүнүн эл аралык жылынын жыйынтыктоочу этабы болду.

КР Атайын жана Ыйгарым укуктуу Элчиси Нурлан Айтмурзаев АКШнын Аспен шаарында өтүп жаткан 6-Глобалдык тоо шериктештигинин жолугушуусунда сөз сүйлөдү

Кыргыз Республикасынын делегациясы 2022-жылдын 27-28-сентябрында АКШнын Аспен шаарында өтүп жаткан 6-Глобалдык тоо шериктештигинин жолугушуусунда сөз сүйлөдү.

Өз сөзүндө Кыргыз Республикасынын Президентинин тоолорду өнүктүрүү боюнча атайын өкүлү, Кыргыз Республикасынын Атайын жана Ыйгарым укуктуу Элчиси Нурлан Айтмурзаев тоолуу өлкөлөрдүн жогорку өкүлдөрүнө, эл аралык уюмдарга, коммерциялык эмес экологиялык активисттерге жана башка катышуучуларга Кыргыз Республикасынын глобалдык тоо демилгелери тууралуу маалымат берди.

Атап айтканда, кыргыз делегациясы катышуучуларды Кыргыз Республикасынын Президенти С.Н. Жапаров тарабынан БУУнун Башкы Ассамблеясынын 76 жана 77-сессияларынын жалпы дебаттарында, Глазгодо өткөн климаттын өзгөрүүсү боюнча саммитте жана башка эл аралык форумдарда айтылган демилгелер менен тааныштырды.

Катышуучулар ошондой эле мамлекет башчысы тарабынан Эл аралык тоолорду туруктуу өнүктүрүү жылынын алкагында жарыяланган Тоо экосистемаларын жана климаттык туруктуулукту коргоо жылынын алкагында өткөрүлгөн «Жашыл Мурас» сыяктуу улуттук иш-чаралар менен таанышты.

Катышуучулардын өзгөчө көңүлү 2023-2027-жылдарга БУУнун тоолуу аймактарды өнүктүрүү боюнча беш жылдык иш-аракеттер планын кабыл алуу максатында Кыргызстан тарабынан демилгеленген БУУнун Башкы Ассамблеясынын жаңы резолюциясына да бурулду.

Делегациялардын башчылары жана ПРООН, ФАО, ЮНЕП, Дүйнөлүк банк сыяктуу эл аралык уюмдардын жогорку өкүлдөрү Кыргызстанга тоолуу өлкөлөрдүн жалпы кызыкчылыктарын дүйнөлүк аренада жылдырып жаткандыгы үчүн ыраазычылык билдиришти. Колорадо штатынын губернатору Жаред Полис Кыргыз Республикасынын 2022-жылды Туруктуу тоолорду өнүктүрүүнүн эл аралык жылы деп жарыялоосун кубаттады. Жыйындын катышуучулары ошондой эле БУУнун тоолуу аймактарды өнүктүрүү боюнча беш жылдык аракеттер планын кабыл алууну колдошту.

КРнын БУУдагы Туруктуу Өкүлчүлүгү БУУда «Тоолуу аймактарды өнүктүрүү боюнча иш-аракеттердин беш жылдыгы» концепциясынын презентациясын уюштурду

24-майда Бириккен Улуттар Уюмунун Штаб-квартирасында Нью-Йорк шаарындагы Кыргыз Республикасынын БУУдагы Туруктуу Өкүлчүлүгү БУУга мүчө мамлекеттердин Нью-Йорктогу туруктуу өкүлчүлүктөрү үчүн «Тоолуу аймактарды өнүктүрүү боюнча иш-аракеттердин беш жылдыгы» концепциясынын презентациясын уюштурду. Ага Бишкектен жогорку өкүл катары Кыргыз Республикасынын Президентинин «Тоолуу аймактарды өнүктүрүү боюнча иш-аракеттердин беш жылдыгын» ишке ашыруу боюнча атайын өкүлү Нурлан Айтмурзаев катышты.

Иш-чарада Бириккен Улуттар Уюмунун Азык-түлүк жана айыл чарба уюмунун башкы директору Цуй Дунъюй жана БУУнун Экономикалык жана социалдык маселелер боюнча департаментинин директорунун милдетин аткаруучу Александр Трепелков сөз сүйлөштү. Атайын өкүл Нурлан Айтмурзаев презентация жасады. Мындан тышкары, БУУнун Азык-түлүк жана айыл чарба уюмунун Тоо өнөктөштүгүнүн Катчылыгынын башчысы Розалаура Ромео “Тоолорду туруктуу өнүктүрүү эл аралык жылы – 2022” темасында презентация жасады. Жалпысынан 15 презентация болду.

Иш-чарада 2019-жылы Кыргызстандын демилгеси менен түзүлгөн Тоолуу өлкөлөрдүн достору тобуна мүчө мамлекеттердин туруктуу өкүлдөрү, ошондой эле БУУнун башка мүчө мамлекеттери жана негизги эл аралык уюмдардын өкүлдөрү катышты.

Атайын өкүл Нурлан Айтмурзаев тоолуу аймактар экосистеманын уникалдуу түрү экендигин жана климаттын өзгөрүшүнө байланыштуу алар дуушар болгон кыйынчылыктар өзгөчө экенин белгиледи. Ошондуктан, климаттын өзгөрүшүнө адаптациялануу жана аларды жумшартуу, ошондой эле бул өлкөлөрдө туруктуу өнүгүү алардын муктаждыктарына багытталган атайын иш-чаралар комплексин ишке ашырууну талап кылат.

«Беш жылдыктын» презентациясында тоолуу өлкөлөрдүн экономика жана соода, илим, билим жана маданият, айлана-чөйрөнү коргоо, климаттын өзгөрүшү жана табигый кырсыктарды алдын алуу жаатындагы, ошондой эле бул багыттар боюнча эл аралык кызматташтык көйгөйлөрүн чечүүгө багытталган Кыргыз Республикасынын тоо демилгелеринин комплекси жарыяланды. Биринчи кезекте, кыргыз тарап БУУнун түрдүү түзүмдөрүнүн алкагында өз кызыкчылыктарын натыйжалуу коргоо үчүн тоолуу өлкөлөрдүн чоң коалициясын түзүүнү колдоду. Тоолуу өлкөлөрдүн ушул жана башка демилгелерин «Тоолуу аймактарды өнүктүрүү боюнча иш-аракеттердин беш жылдыгы» деп аталган бирдиктүү иш-чаралардын комплексине бириктирүү сунушталып, кийинки беш жылда – 2023-2027-жылдары ишке ашыруу сунушталды. Бул аракеттерди формалдаштыруу үчүн БУУнун Башкы ассамблеясынын 77-сессиясынын жүрүшүндө 2023-2027-жылдарды «Тоолуу аймактарды өнүктүрүү боюнча иш-аракеттердин беш жылдыгы» деп жарыялоо тууралуу резолюцияны кабыл алуу сунушталды. Кыргыз тарап бул резолюцияны колдоо жана биргелешип демилгелөөнү көрсөтүү өтүнүчү менен БУУга мүчө мамлекеттерге кайрылды. Ошону менен бирге, тийиштүү компетенцияга ээ болгон эл аралык уюмдарга беш жылдык планга аткаруучу уюм катары кошулуу тууралуу кайрылды. Резолюцияны жана жалпысынан беш жылдык планга саясий колдоону камсыз кылуу максатында кыргыз тарап БУУнун Башкы Ассамблеясынын 77-сессиясынын Жогорку деңгээлдеги жумалыгынын алкагында Кыргыз Республикасынын Президенти С.Н.Жапаровдун жана тоолуу өлкөлөрдүн бийик даражалуу өкүлдөрүнүн катышуусунда тоолорду туруктуу өнүктүрүү боюнча Жогорку деңгээлдеги жолугушууларды өткөрүү планын билдирди.

Маалымдама: 2021-жылдын сентябрь айында Кыргыз Республикасынын Президенти С.Н.Жапаров БУУнун Башкы Ассамблеясынын 76-сессиясында «Тоолуу аймактарды өнүктүрүү боюнча иш-аракеттердин беш жылдыгын» жарыялоо демилгесин билдирген. Бул демилгени практикалык ишке ашыруу үчүн анын концепциясы иштелип чыкты, анда тоолуу өлкөлөрдүн кызматташтыгын чыңдоого, алардын элдеринин бакубаттуулугун жогорулатууга жана тоо экосистемаларын коргоого багытталган чаралардын кеңири комплекси камтылган. Кыргыз Республикасы бардык тоолуу мамлекеттерди аларды ишке ашырууга катышууга чакырат. Биз беш жылдык планга тиешелүү мандаты бар бардык эл аралык уюмдардын, биринчи кезекте Тоо шериктештигинин Катчылыгынын, , БУУнун Азык-түлүк жана айыл чарба уюмунун, БУУӨПтун, ЭКОСОКтун, ЮНЕСКОнун, ЮНИДОнун, ЮНЕПтин, ЮНКТАДдын, ГЭФтин аймактык комиссияларынын, эл аралык каржы институттарынын ишке ашыруу аркылуу катышуусун маанилүү деп эсептейбиз. сооданы өнүктүрүү, транспорттук-логистикалык инфраструктураны жакшыртуу, инвестицияларды тартуу, технологияларды жана инновацияларды трансферттөө, айлана-чөйрөнү коргоо, климаттын өзгөрүшүнө каршы күрөшүү, анын ичинде “жашыл” экономиканы өнүктүрүү, “жашыл «технологиялар, «жашыл» энергетика, кырсыктардын алдын алуу, тоолуу өлкөлөрдүн маданиятын, тарыхын, жаратылышын жайылтуу жана туризмди өнүктүрүү, ошондой эле тоолуу аймактарды туруктуу өнүктүрүү жаатындагы долбоорлорго инвестициялоо аркылуу.

ТИМдин Өзгөчө тапшырмалар боюнча элчиси Нурлан Айтмурзаевге “Тоолуу региондорду өнүктүрүү боюнча иш-аракеттердин беш жылдыгы” демилгесин ишке ашыруу боюнча Атайын Кичи Элчисинин милдеттери жүктөлдү

Бүгүн, 30-апрелде Кыргыз Республикасынын Президенти Садыр Жапаров кол койгон тескемеге ылайык, Кыргыз Республикасынын Тышкы иштер министрлигинин Өзгөчө тапшырмалар боюнча элчиси Айтмурзаев Нурлан Ташмурзаевичке Кыргыз Республикасынын Президентинин коомдук башталышта “Тоолуу региондорду өнүктүрүү боюнча иш-аракеттердин беш жылдыгы” демилгесин ишке ашыруу боюнча Атайын Кичи Элчисинин милдеттери жүктөлдү.

Меню