Menu

Памела Рибон

100гө жакын жаш сценаристтер, кинорежиссерлор, продюсерлер америкалык сценарист Памела Рибон менен жолугушту

Бишкек, 2022 жылдын 17 ноябрь –  2022 жылдын 14-16-ноябрында 100гө жакын жаш, чыгармачыл жолун баштап жаткан сценаристтер, кинорежиссерлор, продюсерлер жана креативдүү индустриянын башка өкүлдөрү америкалык сценарист Памела Рибондон сторителлинг ыкмаларын жана сценарий жазуу чеберчилигин үйрөнүштү.

Бул иш чара АКШнын Кыргыз Республикасындагы элчилигинин колдоосу менен ”Sun People” Фонду тарабынан ишке ашырылып жаткан АКШнын Мамлекеттик департаментинин “American Film Showcase” долборрунун алкагында болуп өттү.

”American Film Showcase” программасында адамдардын өз ара түшүнүүсүн жана кызматташуусун бекемдөөдө, диалог менен дебат жүргүзүүдө кинонун мааниси чоң экени баса белгиленет. Рибон айым Кыргыз Республикасына болгон иш сапарынын алкагында Novotel мейманканасында башталгыч сценаристердин потенциалын жогорулатууга багытталган “Өз жолуңду башта!” аттуу семинар өттү.

Ошондой эле, ал кесипкөй креативдүү адистер үчүн мастер-класс өткөрдү жана Согуш менен тынчтыкты чагылдырган институт (IWPR) тарабынан уюштурулган #GoNight панелдик талкууга катышты. Жогорудагы иш-чаралардын катышуучулары аңгеме жана тасмалар аркылуу маанилүү социалдык маселелерди чагылдырууга жана изилдөөгө үйрөнүштү.

Памела Рибон – сценарист (белгилүү чыгармалары – “Моана”, “Ральф интернетке каршы”, “Аюлар”); аткаруучу, “МУ BOYFRIEND IS A BEAR, SLAM!” комикстеринин автору, бестселлер-романист жана кинематографист. Ошондой эле, Памела өзүнүн комедиялык мемуарынын анимациялык адаптациясын жазган жана жараткан, South by Southwest (SXSW) и Annecy сыйлыктарга ээ болгон.

Меню