Бүгүн, 15-июнда Кыргыз Республикасынын Улуттук тарых музейенде кыргыз тайганы тууралуу тарыхый, археологиялык, этнографиялык материалдарды жана артефакттарды чагылдырган тематикалык көргөзмө ачылды.
Көргөзмө Кыргыз Республикасынын Маданият, маалымат, спорт жана жаштар саясаты министри Азамат Жаманкуловдун катышуусунда ачылып, ага ардагер тайганчылар, манасчылар, төкмө акындар чыгармачыл топтор катышып, архивдик, заманбап фото-видеоматериалдарды көрсөтүү менен коштолду.
Министр сөзүндө алмустактан бери кыргыз элинин жаныбаралрга болгон астейдил мамилесин, аны сактап, таптап келген тайганчылык менен алектенгендерге жана изилдөөчүлөрдүн ролун белгилеп, Министрликтин ыраазычылык катын тапшырды.
Ошондой эле, Азамат Жаманкулов ачылышта Кыргыз Республикасынын Өкмөтүнүн 2021-жылдын 16-апрелиндеги № 149 токтому менен Кыргыз Республикасынын материалдык эмес маданий мурастарынын элементтеринин улуттук тизмегине “Тайган таптоо билимдери жана билгичтиктери” аттуу жаңы номинация кошулганын айтып, тайгандын макамы маданий мурас катары расмий түрдө таанылып, аны сактоого жана сүрөөгө алууга тиешелүү шарттардын түзүлүшү талап кылына турганын белгилеп, кийинки кадам катары бул номинацияны ЮНЕСКОнун Репрезентативдүү тизмесине киргизүү боюнча иштер жүруп жатканын кошумчалады.
Көргөзмө Кыргыз Республикасынын Маданият, маалымат, спорт жана жаштар саясаты министрлигинин координациясы менен Кыргыз Ресубликасынын Улуттук тарых музейи, “Жаштарды узантуу ресурстары” коомдук фонду жана “Кыргыз тайганы клубу” коомдук бирикмеси тарабынана уюштурулуп, ал Көргөзмө 2022- жылдын июнуна чейин уланат.
Ал эми, 2022-жылдын 25-27- июнь күндөрү Кыргыз Республикасынын Маданият, маалымат спорт жана жаштар саясаты министрлигине караштуу Туризм департаментинин календардык планына ылайык, Жалал- Абад облусунун Токтогул районунда “Каракуштун мекени” атуу Эл аралык этнофестиваль өтөт.
Тайган
0 комментариялар