Menu

УКМКнын жаңы имараттары

Камчыбек Ташиев: "Өлкө боюнча УКМКнын 50дөй жаңы имараты курулду, 150дөй машина жана 100 атайын техника сатып алдык"

Кыргызстанда соңку учурда Улуттук коопсуздук боюнча мамлекеттик комитеттин 50дөй жаңы имараты курулду. Бул тууралуу атайын кызматтын башчысы Камчыбек Ташиев “Регион” телеканалына курган маегинде айтты.

Ал жер-жерлерде кызматкерлер кимдир бирөөнүн үйүндө жашап, башка мекемеде жана китепканаларда иштеп келатышканын белгилеген.

“УКМКнын бир дагы имараты курулган эмес. Өткөн жылдан бери биз муну колго алып, өлкө боюнча 50гө жакын имарат курулду. 150дөй машина жана 100 атайын техника, көптөгөн жаңы жабдуулар алынып, ишке берилди”.

Ташиев атайын кызматтын имараттарын курууга канча каражат кеткенин жана ал кайсы булактардан алынганын тактаган жок.

Өткөн жылдын сентябрынан тарта Кыргызстандын ар кайсы аймактарында УКМКнын бөлүмдөрүнүн жаңы имараттары курулган. Буга чейин мекеме 2021-жылдан бери 11 жаңы объект ачылганын билдирген. 3-мартта Бишкекте комитеттин академиясынын курулушу башталды.

УКМКнын кызматкерлери үчүн Бишкекте, Талас облусуна дагы үй салына баштады.

УКМК: Бишкек шаарында УКМКга жана ардагерлер кеңешинин мүчөлөрү үчүн жаңы имарат ачылды

Бүгүн, 18-августта Кыргыз Республикасынын Министрлер Кабинетинин Төрагасынын орун басары – Улуттук коопсуздук мамлекеттик комитетинин төрагасы генерал-лейтенант Кыдыршаевич Камчыбек Ташиевдин катышуусунда Бишкек шаарында, КР УКМКнын жана ардагерлер кеңешинин мүчөлөрү үчүн жаңы имараттын ачылышы болду. Ачылыш аземге КР УКМКнын жетекчилиги жана мекеменин өздүк курамы катышты.

Жаңы курулган имарат кызматкерлер үчүн иштөө шарттарына талапка жооп бере турган, керектүү заманбап жабдуулар менен толук камсыздалган.

КР УКМК төрагасы кызматкерлерге кызматтык тапшырмаларды так аткарууну эскертип,  ошондой эле коррупция менен күрөшүү, уюшкан кылмыштуулук менен күрөшүү жана чек ара коопсуздугун камсыздоо чараларына өзгөчө көңүл буруу зарылдыгын белгиледи.

Меню